Ақша, теңге

Министр 42 500 теңге туралы: табыстан айырылғанын дәлелдеудің қажеті жоқ

2696
(Жаңартылды 18:37 01.04.2020)
Жеке адвокаттар, нотариустар, сот орындаушылары, медиаторлар, азаматтық-құқықтық сипаттағы келісімшартпен жұмыс істейтіндер, яғни фрилансерлер де жәрдемақы алады 

НҰР-СҰЛТАН, 1 сәуір – Sputnik. Еңбек және халықты әлеуметтік қорғау министрі Біржан Нұрымбетов төтенше жағдайда табыстан айырылуына байланысты 42 500 теңгенің кімге берілетінін айтты, деп хабарлайды Sputnik Қазақстан тілшісі.

"Біріншіден, жалдамалы қызметкерлер, сосын орта және шағын кәсіпорындарда ақысыз демалысқа жіберілген жұмысшылар. Карантин жарияланған қалалардағы ірі кәсіпорындар да жатады. Екіншіден, жеке тұлғалар және "самозанятый" дейміз, ішінде жеке кәсіпкерлер де бар", - деді Нұрымбетов бүгінгі онлайн брифингте. 

Министрдің айтуынша, жеке адвокаттар, нотариустар, сот орындаушылары, медиаторлар, азаматтық-құқықтық сипаттағы келісімшартпен жұмыс істейтіндер, яғни фрилансерлер де жәрдемақы алады. 

"Бірыңғай жиынтық төлемін жасаған азаматтар да кіреді. Бізде соңғы он екі айда 316 мың адам бір рет болса да, бірыңғай жиынтық төлем аударған. Енді, ешқандай құжат тапсырудың қажеті жоқ. Тек қана өтініш беріледі. Өтінішті жұмыс беруші ұсынса, оған жұмысшылардың тізімін де қосады. Бұл жерде төтенше жағдайға байланысты табыстан айырылғанды дәлелдеудің қажеті жоқ. Өтініште көрсетілген мәліметтер қабылданады", - деп атап көрсетті Нұрымбетов.

Министр бұл төлемдердің бір кассадан беріліп жатқан ақша емес екеніне аса назар аударды.

"Ол мемлекеттік сақтандыру қорынан, жүйеден төленіп жатыр. Сондықтан осы жүйенің жұмыс істеуі үшін сіздердің сол жерде бір рет тіркелуіңіз қажет болып отыр. Бірақ ондай төлемдерді ешқашан төлемеген азаматтар да бар. Олар – бейресми жұмыс істеп жүргендер. Еңбек шарттары жоқ, салық төленбеген. Бірақ олар да табысынан айырылды. Ондай адамдар бірыңғай жиынтық төлемді бір рет төлесе жеткілікті", - деді Нұрымбетов.

Тағы оқыңыз: Төтенше жағдайға байланысты 42 500 теңгені алу үшін не істеу керек

Айта кетейік, бірыңғай жиынтық төлемінің көлемі қалада 2 651 теңге, ал ауылда 1  325 теңгені құрайды. Бейресми жұмыс істеп жүргендер осы соманы төлесе, 42 500 теңгені ай сайын алатын болады.

2696
Кілт сөздер:
табыс, төтенше жағдай, теңге, министр
Тақырып:
Төтенше жағдай және карантин (400)
Тақырып бойынша
42 500 теңгені алу үшін арнайы сайт ашылады
Біз барлығына дайын болуымыз керек - Абаев 
"Қоштасуға 30 минут беріледі": бас санитар індеттен көз жұмғандарды жерлеу туралы айтты
Коронавирус елдің ішінде тарай бастады – бас санитар дәрігер
Министрлік коронавирусқа қатысты соңғы ақпаратты бөлісті
Аурухана қызметкері

Қазақстанда тағы 476 адам коронавирус жұқтырды

807
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

807
Кілт сөздер:
коронавирус
Тақырып:
Коронавирус эпидемиясы
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды
Аурухана палатасындағы медициналық аппаратура

Қазақстанда коронавирустан тағы бір адам қайтыс болды

127
Жұма, 29 мамырда Шымкент қаласында індетке шалдыққан 1945 жылғы науқас қайтыс болды, республикада вирустан көз жұмғандар саны 38 адамға жетті

НҰР-СҰЛТАН, 30 мамыр – Sputnik. Шымкентте коронавирустан бір адам көз жұмды, деп хабарлайды жедел штаб.

Науқас 29 мамырда қайтыс болған. Ол 1945 жылы туған әйел.

"Коронавирус жұқтырған науқастардың өлімін зерттеу жөніндегі комиссия пациенттің өліміне коронавирус инфекциясы себеп болды деген шешімге келді", - делінген хабарламада.

Қазақстанда осымен COVID-19-дан қайтыс болғандар саны 38 адамға жетті.

Республикада барлығы 10382 адамда коронавирус диагнозы расталды, 5057 адам жазылып шықты.

127
Кілт сөздер:
Шымкент, коронавирус
Тақырып:
Коронавирус эпидемиясы
Маска киген супермаркет қызметкері

Нұр-Сұлтанда бірқатар сауда орталығы қайта жабылды

199
Екі күн ішінде алпыстан астам нысан тексерілді, жиырма екі нысанда санитарлық нормалар бұзылғаны анықталды

НҰР-СҰЛТАН, 31 мамыр – Sputnik. Елордада санитарлық нормаларды бұзған 14 сауда нысаны қайта жабылды, деп хабарлайды қала әкімдігінің ресми сайты.

28-29 мамыр аралығында арнайы комиссия 60-тан аса нысанды тексерген.

Бұған дейін "Еуразия"сауда орталығына бірнеше рет ескерту жасалған. Алайда соңғы рейд кезінде заңбұзушылықтар жойылмағаны анықталды. Санитарлық дәрігердің рұқсаты болмаса да, сауда орталығында маникюр кабинеті мен басқа да қызметтер іске қосылған.

Рейдтік топ, сонымен қатар, "Аспан" базарында да болды.

"Рейд барысында 60-тан астам нысан тексерілді. Тексеріс қорытындысы бойынша 22 нысанда санитарлық нормалар бұзылғаны анықталды, 14 нысан санитарлық-эпидемиологиялық нормалардың қатаң сақталуын қамтамасыз етпейінше жабық болады", - деп мәлімдеді әкімдіктен.  

Тағы оқыңыз: Жұмысқа кірісетін балабақшаларға қандай талап қойылды

Негізгі заңбұзушылықтар: қызметкерлердің маска режимін сақтамауы; тепловизорлардың жоқтығы; қызметкерлерді дене қызуын өлшеп тіркеу журналы; ауаны зарарсыздандыру үшін бактерицидті шамдар мен диохлор құралдарының болмауы, қоғамдық тамақтану орындарында үстелдер арасында ара қашықтықтың сақталмауы.

Бұған дейін санитарлық талаптарды бұзған 34 нысан жабылған еді. Оның ішінде құрылыс комапниялары, дүкендер, дәмханалар мен мейрамханалар бар. 150 кәсіпорын ескерту алды.

199
Кілт сөздер:
сауда орталығы, Нұр-Сұлтан
Тақырып:
Төтенше жағдай және карантин (400)
Тақырып бойынша
Алматыда 30 мамырда діни ғимараттар ашылады
1 маусымнан бастап курорттар мен шипажайлар ашылады
Алматыда балабақшалар қашан ашылады – қала әкімі жауап берді