қазақстандықтар

Сәуір айында қазақстандықтар қандай мейрамдарды атап өтеді

1373
(Жаңартылды 10:54 02.04.2020)
Сәуір айында мұсылмандар үшін қасиетті Рамазан айы басталады. Сонымен қатар, елімізде бұл айда бірнеше кәсіби мереке күндері бар

НҰР-СҰЛТАН, 2 сәуір – Sputnik. Сәуір айында кәсіби мереке көп. Адам жанын ізгілікке үндейтін діни мейрам да, лиро-эпостық жырлардан негізін алатын ғашықтар күні де осы айда. Sputnik Қазақстан оқырмандар назарына атаулы күндер жайлы деректерді ұсынады.

Көші-қон полициясы күні

5 сәуір – Қазақстанның көші-қон полициясы күні. Бұл күн кездейсоқ таңдалмаған: 1993 жылы дәл осы күні елде паспорттық-визалық қызмет қайта құрылып, кейінірек ол көші-қон полициясы деп өзгертілді.

Геологтар күні

Қазақстандағы Геологтар күні сәуірдің бірінші жексенбісінде аталып өтеді. 2020 жылы бұл кәсіби мереке 5 сәуірге тура келеді. Осы күні сала қызметкерлері көрнекті ғалым Қаныш Сәтбаев пен оның ізбасарларының геологияға қосқан үлесі мен рөлін айрықша атап өтеді.

Ғарышкерлер күні

12 сәуір – Дүниежүзілік авиация және ғарыш күні. Бұл республика үшін ерекше оқиға, өйткені алғаш ғарышқа ұшу Қазақстан жерінде болды. 1961 жылы 12 сәуірде ракета-тасымалдағыш "Восток" ғарыш кемесін орбитаға шығарды. Оның бортында Юрий Гагарин болды.

Алғашқы қазақ ғарышкері - Тоқтар Әубәкіров, егемен Қазақстанның тұңғыш ғарышкері - Талғат Мұсабаев, ал 2015 жылы Айдын Айымбетов ғарышқа ұшты.

Ғылым қызметкерлері күні

Ғылыми қоғамдастық өкілдері өздерінің кәсіби мерекесін 12 сәуірде атап өтеді. 1899 жылы осы күні Қазақ КСР Ғылым академиясының бірінші президенті Қаныш Сәтбаев дүниеге келді. Қазақтардың көпғасырлық тарихында алғашқы геолог болған Қаныш Сәтбаев Жезқазған мен Қарсақпай аймағының басқа да пайдалы қазбалар кен орындарын мұқият зерттеді. Ол бүкіл өмірін өз Отанындағы ғылымның дамуына арнады.

Тағы оқыңыз: Әйгілі ғалым Қаныш Сәтбаев туралы не білеміз?

Ғашықтар күні

15 сәуірде Қазақстан ғашықтар күнін атап өтеді. Мереке қазақ лиро-эпостық жырының кейіпкері Қозы Көрпеш пен Баян Сұлудың құрметіне арналған.

Бұл күн 2011 жылдан бері халықаралық Валентин күніне балама ретінде тойланады.

Мемлекеттік күзет қызметі күні

Мемлекеттік күзет қызметкерлері өздерінің кәсіби мерекесін 21 сәуірде атап өтеді. Бұл құрылым ұлттық қауіпсіздікке жауапты құрылым болып табылады.

Қасиетті Рамазан айы

2020 жылдың діни күнтізбесі бойынша, мұсылмандар үшін қасиетті Рамазан айы 25 сәуірде басталады. Ниет етіп ауыз бекіткендер оразаны 30 күн бойы ұстау керек.

Рамазан айында ораза ұстау тек ауыз бекітумен шектелмейді: мұсылмандардың ниеті кедейлерге көмектесіп, садақа беріп, отбасылық байланысты нығайтуға негізделеді.

1373
Кілт сөздер:
рамазан айы, сәуір, мереке
Тақырып бойынша
Қазақстанда жаңа мейрам пайда болды
Мереке күндері кімдер жұмыс істейді - президент тапсырмасы түсіндірілді
Назарбаевтың ұсынысы: наурызда тағы бір мереке пайда болуы мүмкін
Алматылықтар 1 наурызда қай мереке тойланатынын білмейтін болып шықты – видео
2020 жылғы атаулы күндер мен мерейтойлар
Күн, архивтегі фото

Күн сәулесі коронавирусты өлтіре ме Бекшин жауап берді

422
Алматының бас санитар дәрігері қазір климаты ыстық елдерде ауру жұқтырып жатқандар саны өсіп жатқанын мысалға келтірді  

АЛМАТЫ, 3 маусым – Sputnik. Алматының бас санитар дәрігері Жандарбек Бекшин күн сәулесі коронавирусты өлтіре ме деген сұраққа жауап берді, деп хабарлайды Sputnik Қазақстан тілшісі.

Оның айтуынша, күн сәулесі вирусты өлтіретіні дәлелденбеген. Алайда ЖРВИ, тұмау секілді аурулар сәуірдің соңы мен мамырдың басында күннің ыстық болуына байланысты өршуін тоқтатады.

"Коронавирусқа келетін болсақ, қазір климаты ыстық елдерде ауру жұқтырып жатқандар саны өсіп жатыр. Мысал ретінде Бразилия, Перу, Үндістан, Пәкістанды айтуға болады. Осыдан-ақ вирустың күн сәулесіне қарсы тұра алатынын байқауға болады. Мысал ретінде қаламызда 30 градус ыстық болып тұр, алайда инфекция жұқтырғандар әлі де тіркеліп жатыр", - деді Бекшин.

Сонымен қатар қаланың бас санитар дәрігері жабық нысандардың қауіпті екенін тағы бір рет еске салды.

"Вирус адам ағзасында өмір сүреді, көбейіп, сыртқа шығады. Сондықтан нашар желдетілетін жабық нысандар өте қауіпті болып саналады", - деді ол.

Оқи отырыңыз: Бекшин Алматыда енгізілген шектеу шараларын түсіндірді 

Айта кетейік, Алматыда 2 715 адамның коронавирус жұқтырғаны анықталды, 1 627 адам жазылып шықты, 10 адам қайтыс болды.

422
Кілт сөздер:
коронавирус, Жандарбек Бекшин, күн
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Ер адамдар коронавирусты жиі жұқтырады – ғалымдар себебін анықтады
Ғалымдар коронавирусты кімдер жұқтырмайтынын айтты
Ғалымдар күн сәулесі коронавирусты қанша уақытта өлтіретінін анықтады
Ғалымдар коронавирус пандемиясы қашан аяқталатынын айтты
Архивтегі фото

Елбасы медалі ерекше ережемен табысталады

30
Жобаға 14-29 жас аралығындағы кез келген адам қатыса алады. Басты мақсат – жастарға өзін жетілдіруге серпін беру

НҰР-СҰЛТАН, 3 маусым – Sputnik. Қазақстанда "Елбасы медалі" ұлттық жобасы басталды,  деп хабарлайды Sputnik Қазақстан тілшісі.

"Елбасы Академиясы" корпоративті қоры басшысының орынбасары Әнуар Жанғозиннің айтуынша, жаңа жоба аясында нақты жеті бағыт айқындалған:

  • Спорт және дене шынықтыру.
  • Кітап оқу.
  • Дарын мен дағды.
  • Ұлттық мұра.
  • Еріктілік.
  • Туристік саяхаттар.
  • Еңбек тәжірибесі.

"Жобаның басты мақсаты – 14-29 жас аралығындағы қазақстандықтарға өзін жетілдіруге серпін беру. Бұл дегеніміз, осы жасқа сәйкес келетін кез келген адам қатыса алады. Әсіресе, карантиннен шаршап жүрген жастар үшін жақсы мотивацияға айналады деп сенеміз. Олар өздерінің физикалық жағдайын жетілдіріп, дағдыларын дамытады. Сонымен қатар, айналасындағы адамдарға да көмегін тигізуі керек. Жаңағы жеті бағыт аясында кез келген саланы таңдап, өзін жетілдіру жұмысын бастай беруге болады. Жоба челендж форматында өтеді. Бағдарламаға қатысу тегін", - деді Жанғозин бүгінгі онлайн брифингте.

Қазақстанда "Елбасы медалі" бекітілді: кімдер марапатталады 

Бағдарламадан сәтті өткен жастар Елбасы медалімен марапатталады. Оның үш дәрежесі бар. Олар – қола, күміс пен алтын. Әр деңгейдің өзіндік талаптары белгіленген.

"Қола деңгейге жету үшін 6 ай, күміске 12 ай және алтын деңгейге жету үшін 18 ай қажет. Бағдарламаға қатысу үшін me.fpp.kz сайтында алдағы екі аптаның ішінде тіркелу керек. Бүгінгі таңда алдын ала тіркеуден өткен қатысушылардың саны 6 мың адамнан асып отыр. Қатысушылар бір-бірімен бәсекеге түспейді. Олар өз дағдыларын дамытып, нақты нәтиже көрсетуі керек", - деп түсіндірді Жанғозин.

30
Кілт сөздер:
жастар, медаль, Елбасы
Тақырып бойынша
Қазақстанда "Халық алғысы" медалі пайда болуы мүмкін
Президент әскерилер мен полицейлерді марапаттады
Депутат үш дәрежелі Даңқ ордені иегерінің өмір жолы туралы әңгімелеп берді
Федералды телеарнаның продюсері Елена Воронцова

Ақпараттық продюсерлік ету тәжірибесі SputnikPro мамандық құпиясын ашады

0
Sputnik халықаралық ақпарат агенттігі және радиосы ақпаратқа продюсерлік ету жөнінде вебинар өткізеді. Оған қазақстандық журналистер, блогерлер, продюсерлер және медиа сарапшылар шақырылып отыр

НҰР-СҰЛТАН, 3 маусым – Sputnik. 5 маусымда сағат 16.00-де (Нұр-Сұлтан уақыты) "Ақпараттық продюсерлік ету тәжірибесі: кейіпкерлерді іздеу, жабық аумаққа ену және мамандықтың басқа да құпиялары" деген тақырыпта SputnikPro білім беру жобасының онлайн-сессиясы өтеді.   

Сюжеттің тақырыбын қалай таңдау керек? Журналистік материалдың кейіпкерін тауып, онымен сөйлесу үшін не қажет? Түсірілімге қайда рұқсат береді және егер бас тартса не істеу керек? Федералды телеарнаның продюсері Елена Воронцова қатысушылардың осы және басқа да сұрақтарына жауап береді.

Елена Воронцова – 15 жылдан астам тәжірибесі бар медиа сарапшы (ток-шоу, деректі фильмдер, федералды телеарнаның жаңалықтар қызметі). Ол "Пусть говорят" (Бірінші арна), "Главный герой" (НТВ), "Степаныч" деректі фильмі (НТВ), "Ты супер!" халықаралық балалар вокал конкурсы (НТВ), "Вести" (Россия 1 арнасы) және тағы басқа бағдарламаларға продюсерлік етуге қатысқан.

Модульге қатысу үшін қазақстандық журналистер, блогерлер, продюсерлер мен медиа сарапшылар мына сілтеме арқылы тіркеле алады.

SputnikPro "онлайн-маусымы" наурыз айының ортасында ашылды. Қатысушылар бір-біріне чатқа хабарлама жіберіп, нақты уақыт режимінде пікірін ортаға сала алады.

SputnikPro ағарту жобасы туралы

SputnikPro – халықаралық Sputnik ақпарат агенттігі мен радиосының журналист, студент, баспасөз қызметі мен медиа саласында жұмыс істеп жүрген  маман иелеріне арналған жоба. Оның мақсаты – тәжірибе алмасу әрі медиа саласында кәсіби байланысты нығайту.

2018 жылдың наурызынан бері оған 80 елдің өкілі қатысқан. SputnikPro шеберлік сағаттары мен семинарлары Әзербайжан, Армениядан Үндістанға, Грекиядан Қытайға дейін 22 елде ұйымдастырылды.

Sputnik халықаралық ақпарат агенттігі мен радиосы туралы

Sputnik – ірі халықаралық бұқаралық ақпарат құралдарының бірі, ол 33 тілдегі мультимедиялық интернет-сайттарды, әлемнің 90-нан астам қаласында және интернетте орыс, ағылшын, француз және басқа тілдердегі баламалы және цифрлық радиохабарды біріктіреді. Sputnik-тің жаңалықтар таспасы тәулік бойы әлемдегі жетекші басылымдарға ағылшын, араб, испан, қытай және парсы тілінде ақпарат жеткізеді.

0
Тақырып бойынша
SputnikPro вебинары: видеоны оңай әрі дұрыс түсіру арқылы қалай аудитория жинауға болады
Жалған ақпарат тарату үшін көбінесе "аналар" чаттары қолданылады – SputnikPro сарапшысы
Адамдар ақпараттық фастфудтан мезі болды – SputnikPro сарапшысы
SputnikPro: басқа адамның суретін авторлық құқықты бұзбай қалай пайдалануға болады
SputnikPro сарапшылары сайтты ыңғайлы етуге қатысты кеңес берді