Біржан Нұрымбетов

Министр 85 мың теңге көтерме ақы қандай жағдайда берілетінін айтты 

3323
(Жаңартылды 11:17 02.04.2020)
Министр әкімдіктерге жұмыссыздарды қабылдау үшін жергілікті жұмыспен қамту орталықтарының электронды жүйесін толығымен пайдалануға кеңес берді

НҰР-СҰЛТАН, 2 сәуір – Sputnik. "Жұмыспен қамту жол картасы" аясында жұмысқа тартылған жастарға біржолғы 85 мың теңге көтерме ақы төленеді. Бұл туралы еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Sputnik Қазақстан тілшісі.

"Ірі қалаларға өңірлерден келіп жұмыс істеген, бүгінде жұмыссыз қалған жастар өз өңіріне қайтып, "Жұмыспен қамту жол картасына" қатысуға ниет білдірсе, жұмысқа кірген күні бір мезеттік 85 мың теңге көтерме ақы алады", - деді Нұрымбетов үкімет отырысында. 

Ол үшін жергілікті атқарушы органдар мобильдік бекеттер құрып, жастарды жұмысқа шақыруы керек. 

Министр әкімдіктерге жұмыссыздарды қабылдау үшін жергілікті жұмыспен қамту орталықтарының электронды жүйесін толығымен пайдалануға кеңес берді. 

Бұған дейін президент елорда, Алматы мен Шымкент маңында жұмыссыз жүрген азаматтарға "Халықты жұмыспен қамту" бағдарламасы аясында жұмыс тауып беруді тапсырған еді.

Тағы оқыңыз: 42 500 теңгені алу үшін арнайы сайт ашылады

Еске сала кетсек, мемлекет басшысы 31 наурыз күні телеарна арқылы жасаған мәлімдемесінде карантинге байланысты елорда, Алматы мен Шымкент қалаларының маңында жұмыссыз жүрген халық көбейіп кеткенін айтқан болатын.

Қасым Жомарт Тоқаев осы үш мегаполистегі жұмыссыз азаматтарға "Халықты жұмыспен қамту" бағдарламасы аясында жұмыс тауып беруді тапсырды. 

3323
Тақырып:
Төтенше жағдай және карантин (409)
Тақырып бойынша
Төтенше жағдайға байланысты 42 500 теңгені алу үшін не істеу керек
Үш мегаполисте жұмысқа тұрғандарға 85 мың теңге көтерме ақы беріледі
Мамин 42 500 теңгені қанша миллион қазақстандық алатынын айтты
Министр декретте отырғандар 42 500 теңге ала ма деген сауалға жауап берді
Министр 42 500 теңге туралы: табыстан айырылғанын дәлелдеудің қажеті жоқ
Күн, архивтегі фото

Күн сәулесі коронавирусты өлтіре ме Бекшин жауап берді

180
Алматының бас санитар дәрігері қазір климаты ыстық елдерде ауру жұқтырып жатқандар саны өсіп жатқанын мысалға келтірді  

АЛМАТЫ, 3 маусым – Sputnik. Алматының бас санитар дәрігері Жандарбек Бекшин күн сәулесі коронавирусты өлтіре ме деген сұраққа жауап берді, деп хабарлайды Sputnik Қазақстан тілшісі.

Оның айтуынша, күн сәулесі вирусты өлтіретіні дәлелденбеген. Алайда ЖРВИ, тұмау секілді аурулар сәуірдің соңы мен мамырдың басында күннің ыстық болуына байланысты өршуін тоқтатады.

"Коронавирусқа келетін болсақ, қазір климаты ыстық елдерде ауру жұқтырып жатқандар саны өсіп жатыр. Мысал ретінде Бразилия, Перу, Үндістан, Пәкістанды айтуға болады. Осыдан-ақ вирустың күн сәулесіне қарсы тұра алатынын байқауға болады. Мысал ретінде қаламызда 30 градус ыстық болып тұр, алайда инфекция жұқтырғандар әлі де тіркеліп жатыр", - деді Бекшин.

Сонымен қатар қаланың бас санитар дәрігері жабық нысандардың қауіпті екенін тағы бір рет еске салды.

"Вирус адам ағзасында өмір сүреді, көбейіп, сыртқа шығады. Сондықтан нашар желдетілетін жабық нысандар өте қауіпті болып саналады", - деді ол.

Оқи отырыңыз: Бекшин Алматыда енгізілген шектеу шараларын түсіндірді 

Айта кетейік, Алматыда 2 715 адамның коронавирус жұқтырғаны анықталды, 1 627 адам жазылып шықты, 10 адам қайтыс болды.

180
Кілт сөздер:
коронавирус, Жандарбек Бекшин, күн
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Ер адамдар коронавирусты жиі жұқтырады – ғалымдар себебін анықтады
Ғалымдар коронавирусты кімдер жұқтырмайтынын айтты
Ғалымдар күн сәулесі коронавирусты қанша уақытта өлтіретінін анықтады
Ғалымдар коронавирус пандемиясы қашан аяқталатынын айтты
Архивтегі фото

Елбасы медалі ерекше ережемен табысталады

19
Жобаға 14-29 жас аралығындағы кез келген адам қатыса алады. Басты мақсат – жастарға өзін жетілдіруге серпін беру

НҰР-СҰЛТАН, 3 маусым – Sputnik. Қазақстанда "Елбасы медалі" ұлттық жобасы басталды,  деп хабарлайды Sputnik Қазақстан тілшісі.

"Елбасы Академиясы" корпоративті қоры басшысының орынбасары Әнуар Жанғозиннің айтуынша, жаңа жоба аясында нақты жеті бағыт айқындалған:

  • Спорт және дене шынықтыру.
  • Кітап оқу.
  • Дарын мен дағды.
  • Ұлттық мұра.
  • Еріктілік.
  • Туристік саяхаттар.
  • Еңбек тәжірибесі.

"Жобаның басты мақсаты – 14-29 жас аралығындағы қазақстандықтарға өзін жетілдіруге серпін беру. Бұл дегеніміз, осы жасқа сәйкес келетін кез келген адам қатыса алады. Әсіресе, карантиннен шаршап жүрген жастар үшін жақсы мотивацияға айналады деп сенеміз. Олар өздерінің физикалық жағдайын жетілдіріп, дағдыларын дамытады. Сонымен қатар, айналасындағы адамдарға да көмегін тигізуі керек. Жаңағы жеті бағыт аясында кез келген саланы таңдап, өзін жетілдіру жұмысын бастай беруге болады. Жоба челендж форматында өтеді. Бағдарламаға қатысу тегін", - деді Жанғозин бүгінгі онлайн брифингте.

Қазақстанда "Елбасы медалі" бекітілді: кімдер марапатталады 

Бағдарламадан сәтті өткен жастар Елбасы медалімен марапатталады. Оның үш дәрежесі бар. Олар – қола, күміс пен алтын. Әр деңгейдің өзіндік талаптары белгіленген.

"Қола деңгейге жету үшін 6 ай, күміске 12 ай және алтын деңгейге жету үшін 18 ай қажет. Бағдарламаға қатысу үшін me.fpp.kz сайтында алдағы екі аптаның ішінде тіркелу керек. Бүгінгі таңда алдын ала тіркеуден өткен қатысушылардың саны 6 мың адамнан асып отыр. Қатысушылар бір-бірімен бәсекеге түспейді. Олар өз дағдыларын дамытып, нақты нәтиже көрсетуі керек", - деп түсіндірді Жанғозин.

19
Кілт сөздер:
жастар, медаль, Елбасы
Тақырып бойынша
Қазақстанда "Халық алғысы" медалі пайда болуы мүмкін
Президент әскерилер мен полицейлерді марапаттады
Депутат үш дәрежелі Даңқ ордені иегерінің өмір жолы туралы әңгімелеп берді