Күнделік жүйесі

"Қызық жағдайлар болды": Қашықтан оқытудың алғашқы күні жұрт дүрлігіп кетті

2120
Мұғалімдер тапсырманы бергенде, ал оқушылар оны орындаған кезде тым ауыр файлдарды жүктеген, салдарынан "Күнделіктен" ақау шықты

НҰР-СҰЛТАН, 6 сәуір – Sputnik. "Күнделік.кз" электронды жүйесінің қолданушылары техникалық ақаулыққа шағымданды, деп хабарлайды Sputnik Қазақстан тілшісі.

Жоба жетекшісі Мұхтар Ілиясовтың айтуынша, "Күнделік.кз-ке" бес сағаттың ішінде 1 миллионға жуық адам кіруге тырысқан. Содан интернеті баяу аймақтарда ақау шыққан.

"Таңертең сағат 8.00-ден бастап 13.00-ге дейін шамамен бір миллион бірегей қолданушы, нақты айтсақ, 985 мың адам жүйеге 30 миллион рет кіруге тырысқан. Ондай жүктеме ешқашан болмаған. Соның салдарынан кейбір жерлерде ақаулық болған. Ол қолданушылардың  20 процентін қамтыды. Әсіресе, интернет жылдамдығы баяу жерлерде ақаулық қатты байқалды", - дейді Ілиясов.

Оның сөзіне қарағанда, мұғалімдер тапсырманы бергенде, ал оқушылар оны орындаған кезде тым ауыр файлдарды жүктеген. Оның көлемі 400 мегабайтқа дейін жетеді. Осыған байланысты түстен кейін ауыр файлдарға шектеу қойылды.

"Біз бір мұғалімнің тұтас бір сабақты – 400 мегабайттық видеотапсырманы жібергенін көрдік. Тура сондай видеоны оған оқушы үй жұмысы ретінде жіберді. Осындай қызықты жағдайлар болды", - деп атап өтті Ілиясов.

Оқи отырыңыз: Министр оқушылар үшін төртінші тоқсан қашан аяқталатынын айтты

Бүгін "Күнделік.кз" жобасына шамамен 4 мың хат түскен. Телефон шалғандар да көп болды.

Ілиясовтың айтуынша, бір минуттың ішінде "Күнделік.кз-ке" орташа есеппен 60 мың адам кірген, кей кезде осы көрсеткіш 150 мыңға дейін барған. Бұдан бөлек, екі DDoS-шабуыл тіркелді. Мамандар оның бәрін қайтарды.

"Қашықтан оқытуға сұраныс күрт өсті. Біз мемлекеттік органдармен бірлесіп, электронды жүйенің тұрақты жұмыс істеуіне күш салып жатырмыз. Алғашқы күні жұрт дүрлікті. Дегенмен одан кейін бәрі ойдағыдай болады деп сенеміз", - дейді Ілиясов.

Айта кетейік, Қазақстанда төртінші тоқсан басталды. Сабақтар қашықтан ұйымдастырылады. Сәуірдің соңында мектеп оқушылары бақылау жұмыстарын екі-үш рет емес, бір рет қана тапсырады. Ал білім және ғылым министрі Асхат Аймағамбетов мұғалімдерден қашықтан оқыту бойынша фото және видео есептерді талап етуге тыйым салды. Ондайды талап еткен директорлар жұмыстан қуылады.

2120
Кілт сөздер:
мұғалімдер, күнделік
Тақырып бойынша
Қашықтан оқу кезінде мұғалімдер есеп бермейді – министр
Білім министрі мектебін сағынып жүрген Нұрисламға жауап берді
Алматыда көпбалалы отбасылар компьютермен қамтамасыз етіледі
Қашықтан оқыту жалақы мен шәкіртақыға әсер етпейді – министр
Аймағамбетов қашықтан оқуды онлайн білім алумен шатастырмауды сұрады
Архивтегі фото

Біртанов карантинді қатаңдату туралы: "Коронавирус ешқайда кетпеген"

78
Қайтадан қатаң карантинге кіруге себеп бар. Алайда онымен мәселенің бәрі шешілмейді, деп мәлімдеді Біртанов  

НҰР-СҰЛТАН, 4 маусым – Sputnik. Денсаулық сақтау министрі Елжан Біртанов қатаң карантиндік шараларды енгізуге болатынын мәлімдеді, деп хабарлайды Sputnik Қазақстан тілшісі.

Министрдің айтуынша, карантин тәртібін жеңілдеткеннен кейін бірқатар өңірде науқастардың саны артқан. Мәселен, 15-24 мамыр аралығында республикада 2 800 адам коронавирус инфекциясын жұқтырса, 25 мамыр мен 3 маусым аралығында 3 500 науқас анықталған. Осылайша инфекция жұқтырғандардың саны 25 процентке көбейген.

"Қайтадан қатаң карантинге кіруге себеп бар, сөйтіп науқастардың санын азайта аламыз. Алайда тәжірибе көрсетіп тұрғандай, қатаң карантин бәрін шеше алмайды. Әрине, оны қиын жағдайда қолдануға болады. Коронавирустың алғашқы толқыны кезінде ондай шара өз тиімділігін көрсетті", - деді Біртанов онлайн брифингте.

Осы орайда министр карантин шараларын жеңілдету шешімін дұрыс түсіну қажеттігін жеткізді. Себебі қазір санитарлық нормаларды бәрібір сақтау қажет.

"Бізге тұрақты карантин жағдайында өмір сүруге үйрену керек. Карантин бар ма, жоқ па, коронавирус ешқайда кетпеген. Оған қарсы вакцина әлі шыққан жоқ. Сондықтан сақтық шараларын барынша сақтау қажет", - деп атап көрсетті Біртанов.

Оқи отырыңыз: Коронавирустың екінші толқыны басталып кетті – Біртанов 

Министр науқастардың саны қай өңірде күрт артқанын да айтты. Бірінші орында Маңғыстау облысы тұр. Одан кейін Батыс Қазақстан мен Қызылорда облыстары келеді. Ал Шығыс Қазақстан облысы мен Нұр-Сұлтанда науқастардың саны біртіндеп азайып жатыр.

"Біз осындай жағдайды күнделікті байқап отырғаннан кейін әр өңірде ерекше шектеу шараларын енгіземіз. Оған жергілікті деңгейдегі бас санитар дәрігерлердің құзіреті бар. Мысалы, Теңізшевройлда коронавирус жұқтырғандар көбейгеннен кейін Жылой ауданында шектеу шаралары енгізіледі. Тек сол ауданға, тек сол жерге шектеу енгізіледі. Бірақ ондай шешімдер жергілікті штабтарда қабылданады", - деп түсіндірді Біртанов.

78
Кілт сөздер:
Біртанов, карантин, коронавирус
Тақырып:
Төтенше жағдай және карантин
Тақырып бойынша
Денсаулық сақтау министрі коронавирустан өздігінен жазылатындар туралы айтты
Тоқаев карантинге байланысты қазақстандықтарға үндеу жасады
Күн сәулесі коронавирусты өлтіре ме – Бекшин жауап берді
"Халық емханаға бармайды": денсаулық сақтау министрлігі жаңа қызметті іске қоспақшы  
Министр Біртанов митинг өткізуге үзілді-кесілді қарсылық білдірді
Жаяу жүргіншілер, архивтегі фото

Министр Біртанов митинг өткізуге үзілді-кесілді қарсылық білдірді

85
Денсаулық сақтау министрі қазіргі жағдайда митингіге үндеу халықтың өміріне қауіп төндіретін шараға жинаумен бірдей екенін атап өтті

НҰР-СҰЛТАН, 4 маусым – Sputnik. Митингіде коронавирус тез таралып кетуі мүмкін. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі.

"Карантин әлі біткен жоқ. Көпшілік шараларға тыйым салынған. Себебі инфекцияның таралу қаупі бар. Сондықтан заң талаптарын орындау қажет. Ал заң бойынша пандемия кезінде бас санитар дәрігердің талаптарын міндетті түрде орындау қажет. Оны бұзғандарға әкімшілік шара қарастырылған", - деді Біртанов бүгінгі онлайн брифингте.

Осы орайда министр митинг ұйымдастырушыларға ондай шараларды кейінгі шегеруге кеңес берді. Себебі қазіргі жағдайда митингіге үндеу халықтың өміріне қауіп төндіретін шараға жинаумен бірдей болады.

"Ондай жерде коронавирус тез таралып кетуі әбден мүмкін. Сондықтан біз дәл қазір митинг өткізуге үзілді-кесілді қарсымыз. Бәрін заң аясында жасау қажет", - деп атап өтті Біртанов.

Митинг туралы заң өзгерді

25 мамырда мемлекет басшысы Қасым-Жомарт Тоқаев бейбіт жиналыстарды өткізу туралы заңға қол қойған болатын. Оған сәйкес, енді бейбіт жиын үшін әкімдіктен рұқсат алудың қажеті жоқ, жергілікті атқарушы органға алдын ала хабар беру жеткілікті.

Митингілер әкімдіктер анықтайтын арнайы орындарда өтуі тиіс. Бейбіт жиын өткізуге арналған орын міндетті түрде елді мекеннің орталық бөлігінде орналасуы шарт.

Сонымен қатар, митингіге қатысушыларға өз денсаулығын сақтау мақсатында жеке қорғаныш құралдарын пайдалануға, соның ішінде бетін бүркемелеуге рұқсат етіліп отыр.

Бұдан бөлек, бір адамдық пикеттерді үкіметтік ғимараттардың алдында өткізуге тыйым салынбаған.

Оқи отырыңыз: Коронавирустың екінші толқыны басталып кетті – Біртанов 

Бейбіт жиындар туралы хабар берудің мерзімі де едәуір қысқарды. Енді митинг немесе пикет өткізу үшін билікке бес күн бұрын хабарлау қажет. Ал жергілікті атқарушы орган үш жұмыс күні ішінде жауап беруге міндетті.

Демонстрация немесе шеру өткізуді келісу туралы өтініш беру мерзімі 15 жұмыс күнінен 10 жұмыс күніне дейін қысқарды. Ал өтінішті қарау мерзімі 10 жұмыс күнінен 7 жұмыс күніне дейін азайды.

Бейбіт жиналысқа қатысып жатқан адам заңбұзушылық жасаса, ол бейбіт жиналысты тоқтатуға негіз болып табылмайды. Митинг кезінде қатысушы немесе қатысушылар тарапынан орын алған заңбұзушылық жойылса, митингіні әрі қарай жалғастыруға мүмкіндік беріледі.

Мүгедек балалардың аналары көшеге шықты

2 маусымда коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды. Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Митинг болған жерге тәртіп сақшылары да келді. Бірақ ешкімді ұстап әкеткен жоқ.

85
Кілт сөздер:
карантин, митинг, Біртанов
Тақырып:
Төтенше жағдай және карантин
Тақырып бойынша
Бұдан былай бейбіт митинг өткізу үшін рұқсат алудың қажеті жоқ – Тоқаев
"Жауыз қылып бітірдік": депутат митингте "адамдарды сүйреп әкететіндер" туралы айтты
Митингке шыққысы келетін қазақстандықтар нені білуі тиіс
Қазақстандықтар митинг өткізу үшін не істеуі керек – заң жобасы мақұлданды
Нұр-Сұлтанда көпбалалы және мүгедек баласы бар аналар пәтер талап етті