Асхат Аймағамбетов

Аймағамбетов неліктен қашықтан оқытудың сабақ кестесі болмайтынын түсіндірді

1770
Министрдің айтуынша, қазіргі формат онлайн оқытудан басқаша, қашықтан оқыту интернет пен теледидар арқылы жүргізілетіндіктен, нақты бір сабақ кестесіне қажеттілік жоқ

НҰР-СҰЛТАН, 6 сәуір – Sputnik. Білім және ғылым министрі Асхат Аймағамбетов қашықтан оқыту кезінде нақты бір сабақ кестесі неге болмайтынын түсіндірді, деп хабарлайды Sputnik Қазақстан тілшісі.

Министрдің айтуынша, бүгін сабақ кестесіне қатысты сұрақтар көп түскен.

"Мысалы, 5-сыныпта ағылшын тілі болуы керек, бірақ ол пән сабақ кестесінде жоқ. Сол сияқты ата-аналар басқа сабақтарды да іздейді.  Негізі бұрын дәстүрлі тәртіппен оқыған кезде де барлық сабақ бір күнге қойылмайтын. Оларды әртүрлі күндерге қояды. Ең бастысы бізде жүктеме бар. Сосын мемлекеттік стандарт пен типтік оқыту бағдарламасын орындау қажет", - деді Аймағамбетов.  

Оның айтуынша, осы міндет телесабақтар мен интернет арқылы орындалады. Министр мұғалімдер де нақты сабақ кестесінің жоқтығына үйрене алмай жатқанын атап өтті.

Оқи отырыңыз: Білім министрі "Күнделікті" электронды үкіметпен салыстырды 

"Қазіргі жүйе – онлайн оқыту емес, қашықтан оқыту. Мысалы, онлайн режимі болса, мұғалім барлық оқушыны бір жүйеге қосып, тікелей байланыспен сабақ өткізсе, онда нақты бір сабақ кестесі болатын еді. Бірақ қазіргі формат басқаша, қашықтан оқыту интернет пен теледидар арқылы жүргізіледі. Ондайда нақты бір сабақ кестесінің қажеттілігі жоқ", - деп атап көрсетті Аймағамбетов.

1770
Кілт сөздер:
сабақ, Асхат Аймағамбетов
Тақырып:
Төтенше жағдай және карантин (413)
Тақырып бойынша
Білім министрі мектеп директорларын не үшін жұмыстан шығаратынын айтты
Министр оқушылар үшін төртінші тоқсан қашан аяқталатынын айтты
Қашықтан оқу кезінде мұғалімдер есеп бермейді – министр
Аймағамбетов қашықтан оқуды онлайн білім алумен шатастырмауды сұрады
"Қызық жағдайлар болды": Қашықтан оқытудың алғашқы күні жұрт дүрлігіп кетті
Архивтегі фото

Біртанов карантинді қатаңдату туралы: "Коронавирус ешқайда кетпеген"

85
Қайтадан қатаң карантинге кіруге себеп бар. Алайда онымен мәселенің бәрі шешілмейді, деп мәлімдеді Біртанов  

НҰР-СҰЛТАН, 4 маусым – Sputnik. Денсаулық сақтау министрі Елжан Біртанов қатаң карантиндік шараларды енгізуге болатынын мәлімдеді, деп хабарлайды Sputnik Қазақстан тілшісі.

Министрдің айтуынша, карантин тәртібін жеңілдеткеннен кейін бірқатар өңірде науқастардың саны артқан. Мәселен, 15-24 мамыр аралығында республикада 2 800 адам коронавирус инфекциясын жұқтырса, 25 мамыр мен 3 маусым аралығында 3 500 науқас анықталған. Осылайша инфекция жұқтырғандардың саны 25 процентке көбейген.

"Қайтадан қатаң карантинге кіруге себеп бар, сөйтіп науқастардың санын азайта аламыз. Алайда тәжірибе көрсетіп тұрғандай, қатаң карантин бәрін шеше алмайды. Әрине, оны қиын жағдайда қолдануға болады. Коронавирустың алғашқы толқыны кезінде ондай шара өз тиімділігін көрсетті", - деді Біртанов онлайн брифингте.

Осы орайда министр карантин шараларын жеңілдету шешімін дұрыс түсіну қажеттігін жеткізді. Себебі қазір санитарлық нормаларды бәрібір сақтау қажет.

"Бізге тұрақты карантин жағдайында өмір сүруге үйрену керек. Карантин бар ма, жоқ па, коронавирус ешқайда кетпеген. Оған қарсы вакцина әлі шыққан жоқ. Сондықтан сақтық шараларын барынша сақтау қажет", - деп атап көрсетті Біртанов.

Оқи отырыңыз: Коронавирустың екінші толқыны басталып кетті – Біртанов 

Министр науқастардың саны қай өңірде күрт артқанын да айтты. Бірінші орында Маңғыстау облысы тұр. Одан кейін Батыс Қазақстан мен Қызылорда облыстары келеді. Ал Шығыс Қазақстан облысы мен Нұр-Сұлтанда науқастардың саны біртіндеп азайып жатыр.

"Біз осындай жағдайды күнделікті байқап отырғаннан кейін әр өңірде ерекше шектеу шараларын енгіземіз. Оған жергілікті деңгейдегі бас санитар дәрігерлердің құзіреті бар. Мысалы, Теңізшевройлда коронавирус жұқтырғандар көбейгеннен кейін Жылой ауданында шектеу шаралары енгізіледі. Тек сол ауданға, тек сол жерге шектеу енгізіледі. Бірақ ондай шешімдер жергілікті штабтарда қабылданады", - деп түсіндірді Біртанов.

85
Кілт сөздер:
Біртанов, карантин, коронавирус
Тақырып:
Төтенше жағдай және карантин (413)
Тақырып бойынша
Денсаулық сақтау министрі коронавирустан өздігінен жазылатындар туралы айтты
Тоқаев карантинге байланысты қазақстандықтарға үндеу жасады
Күн сәулесі коронавирусты өлтіре ме – Бекшин жауап берді
"Халық емханаға бармайды": денсаулық сақтау министрлігі жаңа қызметті іске қоспақшы  
Министр Біртанов митинг өткізуге үзілді-кесілді қарсылық білдірді
Жаяу жүргіншілер, архивтегі фото

Министр Біртанов митинг өткізуге үзілді-кесілді қарсылық білдірді

94
Денсаулық сақтау министрі қазіргі жағдайда митингіге үндеу халықтың өміріне қауіп төндіретін шараға жинаумен бірдей екенін атап өтті

НҰР-СҰЛТАН, 4 маусым – Sputnik. Митингіде коронавирус тез таралып кетуі мүмкін. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі.

"Карантин әлі біткен жоқ. Көпшілік шараларға тыйым салынған. Себебі инфекцияның таралу қаупі бар. Сондықтан заң талаптарын орындау қажет. Ал заң бойынша пандемия кезінде бас санитар дәрігердің талаптарын міндетті түрде орындау қажет. Оны бұзғандарға әкімшілік шара қарастырылған", - деді Біртанов бүгінгі онлайн брифингте.

Осы орайда министр митинг ұйымдастырушыларға ондай шараларды кейінгі шегеруге кеңес берді. Себебі қазіргі жағдайда митингіге үндеу халықтың өміріне қауіп төндіретін шараға жинаумен бірдей болады.

"Ондай жерде коронавирус тез таралып кетуі әбден мүмкін. Сондықтан біз дәл қазір митинг өткізуге үзілді-кесілді қарсымыз. Бәрін заң аясында жасау қажет", - деп атап өтті Біртанов.

Митинг туралы заң өзгерді

25 мамырда мемлекет басшысы Қасым-Жомарт Тоқаев бейбіт жиналыстарды өткізу туралы заңға қол қойған болатын. Оған сәйкес, енді бейбіт жиын үшін әкімдіктен рұқсат алудың қажеті жоқ, жергілікті атқарушы органға алдын ала хабар беру жеткілікті.

Митингілер әкімдіктер анықтайтын арнайы орындарда өтуі тиіс. Бейбіт жиын өткізуге арналған орын міндетті түрде елді мекеннің орталық бөлігінде орналасуы шарт.

Сонымен қатар, митингіге қатысушыларға өз денсаулығын сақтау мақсатында жеке қорғаныш құралдарын пайдалануға, соның ішінде бетін бүркемелеуге рұқсат етіліп отыр.

Бұдан бөлек, бір адамдық пикеттерді үкіметтік ғимараттардың алдында өткізуге тыйым салынбаған.

Оқи отырыңыз: Коронавирустың екінші толқыны басталып кетті – Біртанов 

Бейбіт жиындар туралы хабар берудің мерзімі де едәуір қысқарды. Енді митинг немесе пикет өткізу үшін билікке бес күн бұрын хабарлау қажет. Ал жергілікті атқарушы орган үш жұмыс күні ішінде жауап беруге міндетті.

Демонстрация немесе шеру өткізуді келісу туралы өтініш беру мерзімі 15 жұмыс күнінен 10 жұмыс күніне дейін қысқарды. Ал өтінішті қарау мерзімі 10 жұмыс күнінен 7 жұмыс күніне дейін азайды.

Бейбіт жиналысқа қатысып жатқан адам заңбұзушылық жасаса, ол бейбіт жиналысты тоқтатуға негіз болып табылмайды. Митинг кезінде қатысушы немесе қатысушылар тарапынан орын алған заңбұзушылық жойылса, митингіні әрі қарай жалғастыруға мүмкіндік беріледі.

Мүгедек балалардың аналары көшеге шықты

2 маусымда коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды. Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Митинг болған жерге тәртіп сақшылары да келді. Бірақ ешкімді ұстап әкеткен жоқ.

94
Кілт сөздер:
карантин, митинг, Біртанов
Тақырып:
Төтенше жағдай және карантин (413)
Тақырып бойынша
Бұдан былай бейбіт митинг өткізу үшін рұқсат алудың қажеті жоқ – Тоқаев
"Жауыз қылып бітірдік": депутат митингте "адамдарды сүйреп әкететіндер" туралы айтты
Митингке шыққысы келетін қазақстандықтар нені білуі тиіс
Қазақстандықтар митинг өткізу үшін не істеуі керек – заң жобасы мақұлданды
Нұр-Сұлтанда көпбалалы және мүгедек баласы бар аналар пәтер талап етті