Қоғам

Коронавирустың вакцинасы пайда болған кезде, бәріне бірдей жетпейді – ғалым  

© AFP 2024 / THIBAULT SAVARYИсследователь работает над вакциной против нового коронавируса COVID-19 в исследовательской лаборатории
Исследователь работает над вакциной против нового коронавируса COVID-19 в исследовательской лаборатории  - Sputnik Қазақстан
Жазылу
Вакцинаны бір жылдан аз уақыт ішінде жасау мүмкіндігі туралы мәлімдемелер мүлдем шындыққа жанаспайды дейді биология ғылымдарының докторы

НҰР-СҰЛТАН, 6 сәуір - Sputnik. Ғалымдар коронавирус вакцинасын жасауға енді ғана кірісті, деп мәлімдеді Сколтех профессоры, билогия ғылымдарының докторы, Принстон университетінің профессоры Георгий Базыкин.

Үш-төрт ай бұрын ғалымдар вакцинаға кандидат жасауға кірісті, бүгінгі күні сертификаттауға таласатын бірнеше технология бар.

"Үш ай – бұл идеяны ойлап табатын уақыт, бірнеше прототип жасалды. Бірақ бұл жолдың ең басы екенін түсіну керек, бұл жерден біздің мақсатымызға дейін өте алыс", - деді ғалым дүйсенбіде "Россия сегодня" ХАА халықаралық мультимедиялық баспасөз орталығында өткен онлайн-конференция барысында.

Ол Covid-19 вакцинасын жасау үшін кем дегенде бір жарым жыл қажет екенін түсіндірді, өйткені бұл жаңа індет.

Біріншіден, вакцина клиникалық зерттеулердің бірнеше кезеңінен өтуі керек. Бірінші кезеңге препараттың қауіпсіз екенін растайтын бірнеше ондаған сау ерікті тартылады. Екінші және үшінші кезеңдерде оның тиімділігін дәлелдеу үшін сынақ едәуір үлкен топтарда өткізіледі.

Оқи отырыңыз: Коронавирусқа қарсы вакцинаның сынақтан өтіп жатқаны белгілі болды

Әрі қарай қажетті өндіріс көлемін қамтамасыз ету қажет.

"Барлық клиникалық зерттеу аяқталғаннан кейін вакцинаның өндірісін ұлғайту керек. Бұл үлкен мәселе. Қазір бізде вакцинаға кандидат бар деп мәлімдеп, тестілеуге кіріскен ұйымдардың басым көпшілігі миллиондаған доза өндіруге қауқарлы емес", - дейді ғалым.

Базыкин атап өткендей, бастапқыда барлығын вакцинамен қамасыз ету қиынға соғады.

"Біздің мақсатымыз – бүкіл халықты иммунитеттендіру үшін 7 миллиард доза алу. Егер біз аз доза алып, барлық медицина қызметкеріне ғана екпе жасай алсақ, бұл да жақсы. Тіпті мұның өзі өте қиын", - деп түйіндеді ол.  

Жаңалықтар
0