Зертхана, аурухана

Алматыда коронавирусқа тексерілетіндер тізімі кеңейтілді

161
(Жаңартылды 17:46 09.04.2020)
Мегаполисте күніне мыңдаған адам коронавирусқа тексеріледі. Қазір қалада стационарлық карантинде 877, үй карантинінде 5 217 адам жатыр

АЛМАТЫ, 9 cәуір – Sputnik. Алматыда коронавирусқа тексеруден өтетін адамдардың тізімі кеңейтілді, енді респираторлық ауру белгілері бар барлық дәрігерден анализ алынады. Бұл туралы Алматы қаласы тауарлар мен қызметтердің сапасы мен қауіпсіздігін бақылау департаменті басшысы Айзат Молдағасымова мәлімдеді, деп жазады Sputnik Қазақстан тілшісі.

Молдағасымованың айтуынша, Алматыда күніне мыңдаған адам коронавирусқа тексеріледі.

"Алматыда барлығы 13 811 адамнан анализ алынды, соңғы бір күннің ішінде 813 адам тексерілді. Жуырда қалаға 55 мың жаңа тест жеткізілді. Біз респираторлық ауруы бар медицина қызметкерлерін тексеруді бастадық. Сонымен қатар вируспен күреске қатысы бар ұлттық гвардия, қорғаныс министрлігі, полиция департаментінің қызметкерлерін тексеріп жатырмыз", - деді ол.

Сондай-ақ, қала бойынша пневмония белгілері бар адамдар нақтыланып, олардан анализ алынған.

"Пневмония белгілері бар науқастар міндетті түрде коронавирусқа тексеріледі. 25 наурыздан бастап қаламызда пневмония бар 277 адам тексерілді. 248 адам тексеруден өтті, ішінде 25 адамнан коронавирус анықталды", - деді Молдағасымова.

Сонымен қатар Молдағасымова бүгін инфекцияанықталған екі науқас жайлы айтты. Екеуі де бұған дейін тіркелген науқаспен байланыста болған. 

Қалада тіркелген науқастардың 65%-і инфекция жұқтырғандармен байланыста болған, 30%-і шетелден келген азаматтар, 5%-і жергілікті тұрғындардан анықталып отыр. 

Строительство инфекционного госпиталя для лечения зараженных коронавирусом в Алматы
© Sputnik / Тимур Батыршин
Алматыда коронавирус жұқтырғандарды емдеуге арналған госпиталь құрылысы

Қазір қалада стационарлық карантинде 877 науқас, үй карантинінде 5 217 адам жатыр. Инфекциялық ауруханада 211 адам, провизорда 301 адам, карантиндік ауруханада 388 адам бар. 

161
Тақырып:
Коронавирус эпидемиясы (879)
Тақырып бойынша
Танымал қазақстандық әнші төтенше жағдайға байланысты әскерге шақырылды – видео
Қазақстанда тағы бес адамда коронавирус расталды
Желіні шулатқан Тараз тұрғыны қазақстандықтардан кешірім сұрады
Нұр-Сұлтанда такси жүргізушіден коронавирус табылды
Қазақстандықтар 42 500 теңге алу үшін қайтыс болған адамдардың атынан өтініш берген
Архивтегі фото

Біртанов карантинді қатаңдату туралы: "Коронавирус ешқайда кетпеген"

88
Қайтадан қатаң карантинге кіруге себеп бар. Алайда онымен мәселенің бәрі шешілмейді, деп мәлімдеді Біртанов  

НҰР-СҰЛТАН, 4 маусым – Sputnik. Денсаулық сақтау министрі Елжан Біртанов қатаң карантиндік шараларды енгізуге болатынын мәлімдеді, деп хабарлайды Sputnik Қазақстан тілшісі.

Министрдің айтуынша, карантин тәртібін жеңілдеткеннен кейін бірқатар өңірде науқастардың саны артқан. Мәселен, 15-24 мамыр аралығында республикада 2 800 адам коронавирус инфекциясын жұқтырса, 25 мамыр мен 3 маусым аралығында 3 500 науқас анықталған. Осылайша инфекция жұқтырғандардың саны 25 процентке көбейген.

"Қайтадан қатаң карантинге кіруге себеп бар, сөйтіп науқастардың санын азайта аламыз. Алайда тәжірибе көрсетіп тұрғандай, қатаң карантин бәрін шеше алмайды. Әрине, оны қиын жағдайда қолдануға болады. Коронавирустың алғашқы толқыны кезінде ондай шара өз тиімділігін көрсетті", - деді Біртанов онлайн брифингте.

Осы орайда министр карантин шараларын жеңілдету шешімін дұрыс түсіну қажеттігін жеткізді. Себебі қазір санитарлық нормаларды бәрібір сақтау қажет.

"Бізге тұрақты карантин жағдайында өмір сүруге үйрену керек. Карантин бар ма, жоқ па, коронавирус ешқайда кетпеген. Оған қарсы вакцина әлі шыққан жоқ. Сондықтан сақтық шараларын барынша сақтау қажет", - деп атап көрсетті Біртанов.

Оқи отырыңыз: Коронавирустың екінші толқыны басталып кетті – Біртанов 

Министр науқастардың саны қай өңірде күрт артқанын да айтты. Бірінші орында Маңғыстау облысы тұр. Одан кейін Батыс Қазақстан мен Қызылорда облыстары келеді. Ал Шығыс Қазақстан облысы мен Нұр-Сұлтанда науқастардың саны біртіндеп азайып жатыр.

"Біз осындай жағдайды күнделікті байқап отырғаннан кейін әр өңірде ерекше шектеу шараларын енгіземіз. Оған жергілікті деңгейдегі бас санитар дәрігерлердің құзіреті бар. Мысалы, Теңізшевройлда коронавирус жұқтырғандар көбейгеннен кейін Жылой ауданында шектеу шаралары енгізіледі. Тек сол ауданға, тек сол жерге шектеу енгізіледі. Бірақ ондай шешімдер жергілікті штабтарда қабылданады", - деп түсіндірді Біртанов.

88
Кілт сөздер:
Біртанов, карантин, коронавирус
Тақырып:
Төтенше жағдай және карантин
Тақырып бойынша
Денсаулық сақтау министрі коронавирустан өздігінен жазылатындар туралы айтты
Тоқаев карантинге байланысты қазақстандықтарға үндеу жасады
Күн сәулесі коронавирусты өлтіре ме – Бекшин жауап берді
"Халық емханаға бармайды": денсаулық сақтау министрлігі жаңа қызметті іске қоспақшы  
Министр Біртанов митинг өткізуге үзілді-кесілді қарсылық білдірді
Жаяу жүргіншілер, архивтегі фото

Министр Біртанов митинг өткізуге үзілді-кесілді қарсылық білдірді

95
Денсаулық сақтау министрі қазіргі жағдайда митингіге үндеу халықтың өміріне қауіп төндіретін шараға жинаумен бірдей екенін атап өтті

НҰР-СҰЛТАН, 4 маусым – Sputnik. Митингіде коронавирус тез таралып кетуі мүмкін. Бұл туралы денсаулық сақтау министрі Елжан Біртанов мәлімдеді, деп хабарлайды Sputnik Қазақстан тілшісі.

"Карантин әлі біткен жоқ. Көпшілік шараларға тыйым салынған. Себебі инфекцияның таралу қаупі бар. Сондықтан заң талаптарын орындау қажет. Ал заң бойынша пандемия кезінде бас санитар дәрігердің талаптарын міндетті түрде орындау қажет. Оны бұзғандарға әкімшілік шара қарастырылған", - деді Біртанов бүгінгі онлайн брифингте.

Осы орайда министр митинг ұйымдастырушыларға ондай шараларды кейінгі шегеруге кеңес берді. Себебі қазіргі жағдайда митингіге үндеу халықтың өміріне қауіп төндіретін шараға жинаумен бірдей болады.

"Ондай жерде коронавирус тез таралып кетуі әбден мүмкін. Сондықтан біз дәл қазір митинг өткізуге үзілді-кесілді қарсымыз. Бәрін заң аясында жасау қажет", - деп атап өтті Біртанов.

Митинг туралы заң өзгерді

25 мамырда мемлекет басшысы Қасым-Жомарт Тоқаев бейбіт жиналыстарды өткізу туралы заңға қол қойған болатын. Оған сәйкес, енді бейбіт жиын үшін әкімдіктен рұқсат алудың қажеті жоқ, жергілікті атқарушы органға алдын ала хабар беру жеткілікті.

Митингілер әкімдіктер анықтайтын арнайы орындарда өтуі тиіс. Бейбіт жиын өткізуге арналған орын міндетті түрде елді мекеннің орталық бөлігінде орналасуы шарт.

Сонымен қатар, митингіге қатысушыларға өз денсаулығын сақтау мақсатында жеке қорғаныш құралдарын пайдалануға, соның ішінде бетін бүркемелеуге рұқсат етіліп отыр.

Бұдан бөлек, бір адамдық пикеттерді үкіметтік ғимараттардың алдында өткізуге тыйым салынбаған.

Оқи отырыңыз: Коронавирустың екінші толқыны басталып кетті – Біртанов 

Бейбіт жиындар туралы хабар берудің мерзімі де едәуір қысқарды. Енді митинг немесе пикет өткізу үшін билікке бес күн бұрын хабарлау қажет. Ал жергілікті атқарушы орган үш жұмыс күні ішінде жауап беруге міндетті.

Демонстрация немесе шеру өткізуді келісу туралы өтініш беру мерзімі 15 жұмыс күнінен 10 жұмыс күніне дейін қысқарды. Ал өтінішті қарау мерзімі 10 жұмыс күнінен 7 жұмыс күніне дейін азайды.

Бейбіт жиналысқа қатысып жатқан адам заңбұзушылық жасаса, ол бейбіт жиналысты тоқтатуға негіз болып табылмайды. Митинг кезінде қатысушы немесе қатысушылар тарапынан орын алған заңбұзушылық жойылса, митингіні әрі қарай жалғастыруға мүмкіндік беріледі.

Мүгедек балалардың аналары көшеге шықты

2 маусымда коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды. Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Митинг болған жерге тәртіп сақшылары да келді. Бірақ ешкімді ұстап әкеткен жоқ.

95
Кілт сөздер:
карантин, митинг, Біртанов
Тақырып:
Төтенше жағдай және карантин
Тақырып бойынша
Бұдан былай бейбіт митинг өткізу үшін рұқсат алудың қажеті жоқ – Тоқаев
"Жауыз қылып бітірдік": депутат митингте "адамдарды сүйреп әкететіндер" туралы айтты
Митингке шыққысы келетін қазақстандықтар нені білуі тиіс
Қазақстандықтар митинг өткізу үшін не істеуі керек – заң жобасы мақұлданды
Нұр-Сұлтанда көпбалалы және мүгедек баласы бар аналар пәтер талап етті