Елорда көшелерінде қозғалыс шектелді

Тура бір ай: төтенше жағдай қазақстандықтардың өмірін қалай өзгертті

1511
Отыз күн ішінде қазақстандықтар үйден жұмыс істеп, ал оқушылар мен студенттер қашықтан оқуды үйренді

НҰР-СҰЛТАН, 15 сәуір – Sputnik. Мемлекет басшысының жарлығымен 16 наурыздан елде төтенше жағдай жарияланды. Режим бір айға созылуы тиіс еді, алайда оның мерзімі 1 мамыр сағат 07.00-ге дейін ұзартылды. Отыз күн ішінде қазақстандықтардың өмірінде не өзгергенін Sputnik Қазақстан шолуынан оқыңыздар.

Қазақстаннан коронавирус табылған күннен бастап (13 наурыз) ел билігі арнайы алдын алу шараларын қолға алды. Барлық бұқаралық шараға тыйым салынды, оқушылар мерзімінен бұрын демалысқа аттанса, студенттер қашықтан оқуға кірісті.

19 наурыздан Нұр-Сұлтан мен Алматы карантинге жабылды. Қалаға кіріп-шығу толығымен тоқтатылды. Артынша елдің басқа қалалары мен облыстары да карантиндік шаралар қабылдауға мәжбүр болды. Коронавирус бүкіл өңірге тарай бастады.

Тағы оқыңыз: Тоқаев Қазақстанда төтенше жағдай режимін ұзартты

Ірі сауда орталықтары, мейрамханалар мен дәмханалар, спорт кешендері, саябақтар, балалардың ойын алаңдары, балабақшалар, мешіттер  – көпшілік жиналатын барлық орын уақытша жабылды.

Қазақстандықтардың басым бөлігі қашықтан жұмыс істеуге көшті.

Далаға себепсіз шығуға болмайды

28 наурыздан ел астанасы мен Алматыда карантин күшейтілді. Тұрғындарға үйден тек дүкенге, дәріханаға және жұмысқа шығуға рұқсат етілді. Жұмысқа бару үшін өзіңізбен бірге анықтама алып жүру керек.

30 наурыздан 5 сәуірге дейін екі қалада жұмыс бір аптаға тоқтатылды. Қоғамдық көліктер тоқтады. Адамдарға үйден себепсіз шығуға тыйым салынды.

Полиция далаға шыққанда, міндетті түрде маска тағу керектігін ескертті. Тәртіпке бағынбағандар жазаланады.

Төтенше жағдай сәуір айының соңына дейін ұзартылғаннан кейін, Алматы әкімдігі жұмыссыз режимді 30 сәуірге дейін созды. Бұған қарамастан кейбір шағын және орта бизнес кәсіпорындары біртіндеп қалыпты жұмысын бастай береді.

Оқушылар үйден оқып жатыр

Мектеп оқушылары 16 наурыздан бастап демалысқа шыққан еді. 6 сәуірде төртінші тоқсан басталды. Қазір олар қашықтан білім алып жатыр.

Карантин кезінде қашықтан оқыту "Ел арна", "Балапан" телеарналары, "Qazaq radiosy", интернет-ресурстар мен пошта арқылы жүргізіледі.

Бір сабақтың ұзақтығы 30 минутқа созылады. Оқушы, мұғалім, ата-ана кері байланысты "kundelik", "bilimal" мектеп жүйелері арқылы орнатады.

Тағы оқыңыз: Қашықтан оқу кезінде мұғалімдер есеп бермейді – министр

Білім және ғылым министрлігінің ақпаратынша, елімізде компьютері жоқ үш жүз мыңнан астам бала бар. Уәкілетті орган бұл мәселені екі жолмен шешті.

Біріншісі, мектептердегі компьютерлерді балаларға уақытша пайдалануға берген. Екіншісі, қосымша компьютерлер сатып алды.

Қашықтан оқуға қарамастан, оқушылардың жазғы демалысы өзгерген жоқ. Балалар әдеттегідей 25 мамыр күні демалысқа шығады. Биыл қорытынды аттестациялық емтихан өткізілмейді. Аттестатқа жылдың қорытынды бағалары қойылады.

Ұлттық бірыңғай тестілеу мерзімінде де еш өзгеріс жоқ.

Жалақысыз қалғандарға –  42 500 теңге

Президенттің тапсырмасымен төтенше жағдайға байланысты кірісінен айырылған азаматтарға ең төменгі жалақы – 42 500 теңге жәрдемақы беріледі.

Әлеуметтік төлем төтенше жағдай аяқталғанға дейін төленеді. Төлемді екінші рет алу үшін тағы да өтініш берудің қажеті жоқ.

Зейнеткерлер немесе жәрдемақы алатындар төтенше жағдайға дейін ресми түрде жұмыс істеген болса, 42 500 теңгеге өтініш беруге құқылы.

Табысынан айырылған, атаулы әлеуметтік көмек алатын отбасыларға да әлеуметтік төлем төленеді.

Сонымен қатар, ең төменгі жалақы мөлшеріндегі көмекке төтенше жағдайға байланысты жұмыссыз қалған студенттер де ілігеді.

Баласы бір жасқа толған, декретте отырған әйелдер де өтініш бере алады.

Әлеуметтік төлемге өтінішті eGov порталы, 42500.enbek.kz веб-сайты және https://t.me/Help42500Bot бойынша Telegram-бот арқылы беруге болады.

Бұдан бөлек, еңбек министрлігі 42 500 теңге жәрдемақы алуға берген өтініштің статусын тексеруге мүмкіндік беретін арнайы сервисті іске қосты.

Ақхалаттыларға үстемеақы төленеді

Коронавирус эпидемиясымен күресіп жатқан дәрігерлерге үш ай бойы жалақысына үстемеақы төленетін болды.

Медицина қызметкерлері жұмысының қауіптілігіне қарай үш топқа бөлінген.

"Қауіптілігі аса жоғары" — жансақтау бөлімшелерін қоса алғанда, инфекциялық стационарлардың дәрігерлері, орта және кіші медицина қызметкерлері. Үстемеақы - 850 мың теңге;

"Қауіптілігі жоғары" – провизорлық стационарлар мен жедел жәрдем дәрігерлері, орта және кіші медицина қызметкерлері. Оларға 425 мың теңге төленеді;

Тағы оқыңыз: Министрлік 42 500 теңгені қайтаруға қатысты сауалға жауап берді

"Қауіптілігі орташа" – карантиндік стационарлардағы дәрігерлер, орта және кіші медицина қызметкерлері, санитарлық дәрігерлер (мемлекеттік қызметкерлер), жедел жәрдем жүргізушілері және т. б. Үстемеақы 212,5 мың теңгені құрайды.

Бұдан бөлек, медицина қызметкері коронавирус жұқтырып алған жағдайда, мемлекеттік әлеуметтік сақтандыру қорынан бөлінетін 2 миллион теңге төленеді. Егер қайтыс болып кетсе, 10 миллион теңге өтемақы қарастырылған.

Кредит пен салық демалысы

Төтенше жағдайда қаржылай қиындыққа тап болған азаматтар кредит төлеуден үш айға босатылды. Тәртіп бойынша төтенше жағдайға дейін, яғни 16 наурызға дейін берілген кредиттер ғана үш айға шегеріледі.  Кредитті шегеру кезінде айыппұл мен өсімпұл есептелмейді.

Сонымен қатар, шағын және орта бизнес өкілдеріне қолдау көрсетілді. Кәсіпкерлер салықтан уақытша босатылды.

ШОБ өкілдері осы жылдың бірінші қазанына дейін еңбекақы төлеу қорынан ұсталатын салықтан босатылды. Мұндай қолдау сауда, көлік қызметі, қонақүй, туризм және басқа да салаларды қамтиды.

1 маусымға дейін барлық салық пен бюджетке төленетін міндетті төлемдерді және әлеуметтік жарналар (жеке табыс салығы, әлеуметтік салық, қызметкер үшін әлеуметтік және медициналық сақтандыру) кейінге қалдырылды.

Ірі сауда орындары, сауда ойын-сауық орталықтары, кинозалдар, театрлар, көрмелер, қоғамдық тамақтандыру, қонақ үй, хостел және туристік қызмет объектілері жылдың соңына дейін мүлік салығынан босатылды.

Тағы оқыңыз: Төтенше жағдай: қазақстандықтардың банктегі есепшотына қатысты тың ақпарат жарияланды

Салық салудың жалпы белгіленген тәртібінде жұмыс істейтін жеке кәсіпкерлер жыл соңына дейінгі мерзімде жеке табыс салығын төлемейді.

Ауыл шаруашылығы өнімін өндірушілер жылдың соңына дейін жер салығынан босатылып отыр.

Бұдан бөлек, осы жылдың 20 наурызынан бастап шағын және орта бизнес субъектілері меншікті жалға алу ақысын уақытша төлемейді.

Әскери міндеттілер жиынға шақырылды

2 сәуірде президент Қасым-Жомарт Тоқаев әскери міндеттілерді арнаулы жиындарға шақыру туралы жарлыққа қол қойды.

Арнаулы жиынға шақырылған азаматтардың міндеті – коронавирустың таралуын болдырмау, инфекция анықталған нысандарды қорғау, төтенше жағдай режимі кезінде туындайтын басқа да міндеттерді орындау.

Жергілікті билік арнаулы жиындарға қанша әскери міндетті шақырылатынын  өзі белгілейді.

Әскери жиындар үш айға дейін созылады. Арнайы жиындарға шақырылатын азаматтар тұрғылықты жері бойынша жұмыс істейді. Әскери казармада жатпайды. Күндіз әскери қызметін атқарса, кешке қарай үйіне барады.

Кімдер арнаулы жиыннан босатылады:

  • қорғаныс, қауіпсіздік пен құқықтық тәртіпті қамтамасыз ететін мемлекеттік органдар қызметкерлері;
  • авиация қызметкерлері;
  • егістік жұмыстарына қатысатындар;
  • педагогтар;
  • күндізгі бөлімде оқитындар;
  • әйелдер;
  • 18 жасқа дейін үш және одан көп баласы бар азаматтар;
  • тергеуге ілінген адамдар.
  • жергілікті органдардың депутаттары.

Паспорт пен жүргізуші куәлігі қымбаттады

1 сәуірден бастап айлық есептік көрсеткіш 2 651 теңгеден 2 778 теңгеге дейін өсті. Осыған байланысты құжаттарды ресімдеу бағасы да өзгерді.

  • Паспорт алу үшін мемлекеттік баждың құны – 8 АЕК немесе 22 224 теңге
  • Жеке куәлік бағасы – 0,2 АЕК немесе 555,6 теңге
  • Жүргізуші куәлігін алу үшін мемлекеттік баж құны – 1,25 АЕК немесе 3 473 теңге.

АЕК салық түрлері мен мемлекеттік баж секілді төлемдер, сонымен қатар зейнетақы, жәрдемақы және басқа да әлеуметтік төлемдерді есептеу кезінде пайдаланылады. Олардың мөлшері қалай өзгергенін мына сілтемеден біле аласыздар.

1511
Кілт сөздер:
үстемақы, әлеуметтік төлем, қазақстандықтар, төтенше жағдай, карантин
Тақырып:
Төтенше жағдай және карантин (382)
Тақырып бойынша
Төтенше жағдай кезінде азық-түлік қаншаға қымбаттады
Зейнеткерлер төтенше жағдай кезінде зейнетақыны қалай алады
Төтенше жағдай кезінде кімдер "аренда" төлемейді
Төтенше жағдай кезінде әскерилерге бір еңбекақы мөлшерінде сыйақы төленеді
Төтенше жағдай кезінде таксистер мен бала күтушілерге де әлеуметтік төлем төленеді
Бас санитар кейбір балаларға карантин кезінде далаға шығуға рұқсат берді
Төтенше жағдай кезінде марқұмның қырқы мен жылын беруге бола ма – Бас мүфтидің жауабы
Димаш Құдайберген

Димаш Құдайбергенді әріптестері мен жанкүйерлері қалай құттықтады

206
(Жаңартылды 20:40 24.05.2020)
Қазақ эстрадасы әншілерінің бірқатары Димашқа ақ тілегін арнады. Оның ішінде Мақпал Жүнісова, Сәкен Майғазиев, Қыдырәлі Болманов, Төреғали Төреәлі бар

АЛМАТЫ, 24 мамыр – Sputnik. Қазақстандық әнші Димаш Құдайберген 24 мамырда 26 жасқа толды. Соған орай әншінің әріптестері мен тыңдармандары құттықтау хаттарын жолдап жатыр, деп хабарлайды Sputnik Қазақстан. 

Алғашқылардың бірі болып Димаш Құдайбергенді әкесі Қанат Айтбаев пен анасы Света Айтбаева Instagram-да құттықтады.

"Ғұмырың ұзақ, бақытты болғай, Ақ Диком! Алар асуларың биік, тұғырың берік болсын! Армандарың орындалғай! Туған күніңмен!", - деп жазды Айтбаевтар.

Әншінің өзі туған күнінде ата-анасына құттықтау жолдады.

"Менің 26-шы туған күнім келді. Ата-анамды менің туған күнімен құттықтаймын", - деп жазды ол.

Посмотреть эту публикацию в Instagram

Публикация от Dimash Kudaibergen (@kudaibergenov.dimash)

Қазақ эстрадасы әншілерінің бірқатары Димашқа ақ тілегін арнады. Оның ішінде Мақпал Жүнісова, Сәкен Майғазиев, Қыдырәлі Болманов, Төреғали Төреәлі бар.

"Алты құрлыққа алты алаштың атын аспандатқан ардақты ұл, туған күніңмен! Әуен көгінде әуелей бер, әлем әншісі", - деп жазды Майғазиев.

Ал әнші Төреғали Димаштың соңғы 2-3 жылдағы жетістігіне баға берді.  

"Димаш – көп айтуды, артық таныстыруды қажет етпейтін азамат. Қазақстанның әлемдік деңгейдегі имиджіне жүздеген жоба, миллиондаған, миллиардтаған ақша салынды, салынып жатыр. Әрине, мемлекеттің ол жұмысы да нәтижесіз емес, десе де соңғы екі-үш жылдағы Димаштың шыққан биігі біздің елімізді қандай биікке көтергенін бәріміз көріп отырмыз", - деп жазды Төреғали.

Посмотреть эту публикацию в Instagram

Публикация от 𝐓𝐎𝐑𝐄𝐆𝐀𝐋𝐈 𝐓𝐎𝐑𝐄𝐀𝐋𝐈 (@toregalitoreali)

Ол Францияда өнер көрсеткен Әміре Қашаубаев пен Ла Скалада ән салған Амангелді Сембинді мысал етті.

"Жиырмасыншы ғасырда Әміре атамыздың Францияда өнер көрсетуі, қазақ әнінің кереметіне әлем халқын ұйытып, тыңдатуы бір құбылыс болды, бірақ ол кезде біз бодандық бұғауында бұлқынып өз мүмкіндігімізді толық көрсете алмадық. Ақыры сол сапары қайталанбас әншінің басына сор болып жабысып, тағдырын тәлкекке салған деседі. Ла Скалада ән салған тұңғыш қазақ – Амангелді Сембин еді. Өкінішке қарай ол ағамыз да қарымын толық жаза алмай, көп арманы ішінде қалды. Саяси жағдайлар араласып кеткенге ұқсайды. Енді жиырма бірінші ғасырда жарқ етіп, әлем аспанын ән шұғыласына бөлеп, анау-мынау адамның басы айналатын биікке көтерілген Димаш бауырымыз болды", - деп жазды әнші.

Димашты өзімен және әнші Қайрат Нұртаспен салыстыратындарға да тоқталды.

"Димашты сырттай менімен, Қайратпен салыстырып, аракідік от салып отыратын пікірлерді көріп қалып, қынжылып қаламын. Қайрекең екеуміз де Димаш бауырымыздың және сол сияқты еліміздің талантты ұл-қыздарының тек тілеуқор, жанашыры екеніміз Аллаға аян. Ешқашан бақ таластырып, бақастық туралы ойлап көрмеппіз. Бүгінгі туған күнің құтты болсын, Димаш! Алла жолыңды ашық қылсын, бауырым!", - деп жазды ол.

Ал әнші Қыдырәлі Болманов ақжарма тілегін білдірді.

"Туған күнің құтты болсын, бауырым! Алла тіл-көзден, кесапат-қырсық, бәле-жаладан, ауру-сырқаудан, қауіп-қатерлерден пана болсын, сақтап жүрсін! Қазақ елі өзіңе тілектес. Екі өмірдің абырой, бақытын нәсіп етсін", - деп жазды Болманов.

Посмотреть эту публикацию в Instagram

Публикация от Кыдырали Болманов (@kydyrali_bolman)

Нұр-Сұлтан қаласындағы Қалибек Қуанышбаев атындағы театр директоры Асхат Маемиров те Димашты құттықтап, бірге түскен фотоларын жариялады.

206
Кілт сөздер:
туған күн, Димаш Құдайберген
Тақырып бойынша
Димаш Құдайберген Еуропаға гастрольдік сапарын тоқтатты
"Өзгеріп кеткен": Димашпен суретке түскен Иманғали Тасмағамбетовті жұрт танымай қалды
Рига әуежайында жанкүйерлер Димаш Құдайбергенді қазақша әнмен қарсы алды  
Димаш Құдайберген Кремльде жаңа әннің тұсауын кесті – видео
Димаш тағы бір талантымен жанкүйерлерін тәнті етті – видео
Копии славянских рукописей представили в Российском центре науки и культуры в Нур-Султане

Қазақстанда Славян жазуы мен мәдениеті күні қалай аталып өтті

73
(Жаңартылды 16:24 24.05.2020)
Славян жазуы мен мәдениеті күніне арналған іс-шаралар коронавирус пандемиясына байланысты қашықтықтан ұйымдастырылды

НҰР-СҰЛТАН, 24 мамыр – Sputnik. Қазақстанда Славян жазуы мен мәдениеті күніне арналған мерекелік концерттер, конференциялар, дөңгелек үстелдер, байқаулар өткізілді. Коронавирус пандемиясына байланысты бұл шаралардың барлығы қашықтық форматында ұйымдастырылды, деп хабарлады Нұр-Сұлтандағы Ресейдің ғылым және мәдениет орталығы.

"Славян жазуы мен мәдениеті күні көпұлтты Қазақстан үшін өте маңызды", –  деді Қазақ ұлттық өнер университетінің студенті Әлия Жақпарова. – Сондықтан біз музыкант достарымызбен бірге орыс классиктерімен қатар түрлі елдер композиторларының туындылары орындалатын онлайн-концерт ұйымдастыруға шешім қабылдадық. Осылайша біз қазақстандықтардың халықтар арасындағы достықты, сенім мен өзара түсіністікті сақтауға және нығайтуға деген ұмтылысын білдіргіміз келеді".

Оның айтуынша, студенттерге бұл ерекше жобаны дайындауға ұстаздары – Батыржан Смақов пен Раушан Бескемпірова және Нұр-Сұлтандағы Ресей ғылым және мәдениет орталығының қызметкерлері көмектескен.

Дәл осы күні Александр Сергеевич Пушкиннің туған күні – 6 маусымда аталып өтетін алдағы Орыс тілі күніне арналған республикалық онлайн-фестиваль басталды.

Фестивальді өткізуге "Согласие" орыс мәдени орталығы (Қарағанды) бастамашы болды.   

"Біздің идеямыз Қазақстан билігі, Қазақстан халқы Ассамблеясы және Ресейдегі отандастар ұйымдары тарапынан қолдау табатынына сенімдімін", – деді "Согласие" орталығының басшысы Степан Ведюнин. – Ресей елшілігі мен Россотурничество өкілдігі ең алдымен этностар арасындағы қатынастарды үйлестіруге бағытталған маңызды жобаны іске асыруға көмектесуге дайын екенін білдірді".  

Россотрудничество өкілдігі ұйымдастырған дөңгелек үстелге түрлі елдің филологтары үлкен қызығушылық білдірді, ол да қашықтық форматында өтті.

Қазақстан, Ресей, Болгария, Германия және Украинаның мамандары Ұлы Отан соғысы славян тілдеріне (славян ғана емес!) қалай әсер етті деген тақырыпты талқылады. Қызу, ашық әңгіме барысында Олжас Сүлейменовтің "Аз и Я" кітабының түркілер мен славяндар арасындағы тарихи және мәдени байланыстарды заманға сай түсінудегі рөлі мен маңызы туралы көп айтылды.      

73
Тақырып бойынша
Нығматулин қазақ тіліндегі сұраққа орысша жауап берген шенеунікті ұялтып тастады
Алаш идеясы тығырыққа тірелді: Байтұрсынұлы кеңес өкіметі жағына не үшін өтті
Депутаттар алдында жауабын 100 пайыз орыс тілінде берген шенеунік сөз естіді
Жазушы Бексұлтан Нұржекеұлымен сұхбат: "Назарбаевтың айтқаны болмады"
Тоқаев билік қандай кемшілік жібергенін айтты
Саяси қайраткер және халық жазушысы Олжас Сүлейменов жайлы не білеміз
Архивтегі фото

Ресейлік танымал актриса коронавирус жұқтырды

0
Алена Бабенко әлеуметтік желіде COVID-19 індетін жұқтырғанын және денсаулығының нашарлағанын хабарлады

НҰР-СҰЛТАН, 24 мамыр – Sputnik. Ресейдің еңбек сіңірген әртісі Алена Бабенко коронавирус диагнозымен  ауруханаға жатқызылды. Бұл туралы актриса өзінің Instagram парақшасында хабарлады.

Посмотреть эту публикацию в Instagram

Публикация от Алена Бабенко (@alena_babenko_official)

Алена Бабенко сырқат екенін сезген бойда "Танцы со звездами" шоуынан кетіп, өзін оқшаулағанын атап өтті.

"Мен өз денсаулығыма ғана емес, достарым мен әріптестерімнің денсаулығына да жауаптымын. Өкінішке қарай, бұл әлгі коронавирус болып шықты", - деді актриса.   

Бабенко аурудың дене қызуының көтерілуі, әлсіздік секілді белгілерін байқаған. Қазір ол ауруханада емделіп жатыр, жағдайы біршама жақсарған.

Ресейлік актриса Алена Бабенко кинода, театрда және телехикаяларда ойнайды. Актриса ондаған рөлді сомдаған. 2013 жылы ол режиссер Ермек Аманшаев пен Георгий Шенгелияның "Параллель әлемдер" Қазақстан-Ресей мелодрамасында ойнады.

24 мамырдағы мәлімет бойынша Ресейде COVID-19 індетін жұқтырған 344 481 адам тіркелді.

0
Кілт сөздер:
актриса, коронавирус
Тақырып бойынша
"Басқаша түсініп қалды": Нұрлан Еспанов коронавирус туралы айтқан сөзін түсіндірді
Әйгілі Голливуд актері әйелі екеуі коронавирус жұқтырғанын мәлімдеді
Коронавирус індеті: COVID-19 жұқтырған танымал адамдар - фото
Танымал қазақстандық әнші төтенше жағдайға байланысты әскерге шақырылды – видео