Зертхана қызметкері

Жаппай індет жұқтыру оқиғасы: Алматыда аурухананың бас дәрігері қызметінен кетті

378
(Жаңартылды 12:44 15.04.2020)
Алматы қаласы орталық қалалық клиникалық ауруханасының 110 қызметкерінде коронавирус анықталып, қазіргі кезде тексеріс басталды

НҰР-СҰЛТАН, 15 сәуір – Sputnik. Алматы қалалық орталық клиникалық ауруханасының бас дәрігері Алмаз Джувашев аурухана қызметкерлері жаппай коронавирус инфекциясын жұқтыру оқиғасынан кейін жұмыстан босатылды, деп хабарлайды Sputnik Қазақстан тілшісі.

"Мұндай ақпаратты растаймыз, кеше (14 сәуір – Sputnik) олар жұмыстан кетті", – деп хабарлады қалалық қоғамдық денсаулық сақтау департаментінің баспасөз қызметі.

Ал орталық қалалық клиникалық аурухана басшысының міндетін Марат Абдуллаев атқаратыны белгілі болды.

Медицина қызметкерлері жаппай індет жұқтырды

Алматыдағы орталық клиникалық аурухананың 110 қызметкері коронавирус жұқтырғаны жақында ғана белгілі болған. Бұл бүкіл Қазақстан бойынша дәрігерлер арасындағы ең жоғары көрсеткіш.

Алматы қаласының бас санитарлық дәрігері Айзат Молдағасымова жаппай жұқтырудың орын алу себебі дәрігерлердің қажетті қауіпсіздік шараларын сақтамауы болуы мүмкін екенін айтқан. Өз кезегінде аурухана қызметкерлері Молдағасымованы жала жапты деп айыптап, Қазақстан президенті Қасым-Жомарт Тоқаевтың атына хат жазды.

Оқи отырыңыз: Алматыда коронавирус табылған дәрігерлер 300-ден аса адаммен байланыста болған

Дәрігерлер олардың жеке қорғаныс құралдарымен толық қамтамасыз етілгенін жария етті. Ал аурухана қызметкерлері "біз байланысқа түсетін адамдар ретінде тексеріліп, эпидемияға қарсы шаралардан өтпедік" деп мәлімдеді.

Қазір медициналық мекеме карантинге жабылған. Орталық клиникалық аурухана Қазақстандағы медицина қызметкерлері арасында коронавирус жаппай тараған індет ошағына айналды.

Өз кезегінде Денсаулық сақтау министрі Елжан Біртанов орынбасары Камалжан Надыровқа және тауарлар мен қызметтердің сапасы мен қауіпсіздігі комитеті төрағасының орынбасары Нұрхан Сәдуақасовқа осы ауруханада коронавирустық инфекцияның шығу себептерін зерттеуді тапсырды.

378
Кілт сөздер:
аурухана, Алматы, індет, коронавирус
Тақырып:
Коронавирус эпидемиясы (1538)
Тақырып бойынша
Коронавирус жұқтырғандарды емдеп жүрген дәрігерлер үйге бара ма?
Қазақстанның үш қаласында дәрігерлер коронавирус жұқтырды
Дәрігерлер қай өңірлерде коронавирус жұқтырғаны белгілі болды
Дәрігерлер коронавирусқа екінші сынама қандай жағдайда алынатынын айтты
Алматы облысында коронавирус жұқтырған жүкті әйел сұхбат берді
сүзбе

Сүзбенің ешкім күтпеген пайдасы анықталды

2561
Сүзбе айтарлықтай құнарлы тағам, сондықтан күніне 200 грамнан артық жемеген жөн, дейді дәрігерлер

НҰР-СҰЛТАН, 26 қыркүйек — Sputnik. Сүзбе күзгі депрессиямен күресуге көмектеседі және ер адамның қауқарын күшейтеді, деп жазады РИА Новости.

Гастроэнтеролог Алексей Буеверовтың айтуынша, сүзбе нәрлі заттарға, ақуыз бен майларға бай, ал көмірсулар керісінше аз.

"Сонымен қатар зерттеулерге сәйкес, сүзбені жиі жеген кезде көңіл-күй көтеріледі, бұдан бөлек, күзгі депрессиямен күресуге көмектеседі", - дейді дәрігер.

Ол бұл тағамның құрамында кальций, магний, цинк секілді микроэлементтер көп екенін атап өтті. Бұл тек сүйек тінін нығайтып қана қоймай, ер адамдардың қауқарын күшейтеді.

Дәрігер дүкенге барған уақытта "сүзбе" жазуына мән беруге кеңес берді. "Сүзбеше" және "сүзбе массасы" деген өнімдердің құрамында ароматизаторлар мен өсімдік майы болуы мүмкін.

Маманның айтуынша, сүзбе айтарлықтай құнарлы тағам, сондықтан күніне 200 грамнан артық жемеген жөн.

Оқи отырыңыз: Ғалымдар өлім алдында адамның қандай күйде болатынын анықтады

"Көп жемеген дұрыс, бірақ майлылығы жоғары – бес немесе тоғыз болғаны абзал. Майсыздандырылған сүт өнімдерінің пайдасынан зияны зор", - деді Буеверов.

Біріншіден, ағзаға қажетті мөлшерде май түспегендіктен, оны өзі жинай бастайды. Екіншіден, майсыздандырылған өнімдер дәмсіз болғандықтан, оның құрамына қант қосады. 

2561
Кілт сөздер:
сүзбе
Тақырып бойынша
Ғалымдар шайдың ешкім күтпеген пайдасын анықтады
Ғалымдар адамның қай жаста өзін мейлінше бақытсыз сезінетінін анықтады
Сүтті шайдың ешкім күтпеген зияны анықталды
Ғалымдар мезгілсіз өлімнің белгілерін атады
Нұр-Сұлтанда отбасылық мерекеден кейін ешкім күтпеген оқиға болды
шекара бекеті, архив

ҰҚК 35 түрікмен әйелінің шекараны кесіп өтуіне қатысты түсініктеме берді

1157
Түрікменстан азаматтары консулдықтың ресми өтінішіне сәйкес елден шығарылды, деп хабарлады Ұлттық қауіпсіздік комитеті

НҰР-СҰЛТАН, 26 қыркүйек — Sputnik. Ұлттық қауіпсіздік комитеті Түрікменстанның 35 азаматы отанына жасырын оралды деген ақпаратты жоққа шығарды, деп хабарлайды Sputnik Қазақстан.

"Centralasia.media" порталында "Қазақстанда қалып қойған 35 түрікмен әйелі отанына жасырын оралды" деген ақпарат жарияланды. Мақала авторы шекара жабық екенін және ол арқылы ешкімді өткізбегенін жазған. Бұл ақпарат шындыққа жанаспайды, деп хабарлады Ұлттық қауіпсіздік комитетінің баспасөз қызметі.

"Ақтау қаласындағы Түрікменстан консулдығының ресми өтінішіне сәйкес 22 қыркүйекте "Темір баба" өткізу пунктінде сағат 10.05-тен 12.00-ге дейін Түрікменстанның 42 азаматы елден шығарылды. Олардың ішінде 12 ер адам, 28 әйел және 2 бала бар", - деп нақтылады комитет.

ҰҚК баспасөз қызметінің хабарлауынша, 2020 жылдың наурызынан бастап түрікмен тарапы коронавируске байланысты мемлекеттік шекара арқылы адамдар мен көліктерді өткізуді біржақты тәртіпте тоқтатқан. Қазақстан тарапынан өткізу пункті жабылған жоқ.

1157
Кілт сөздер:
шекара, Түрікменстан
Алматы, күз

Еліміздің сегіз өңірі мен Нұр-Сұлтан қаласында дабылды ескерту жарияланды

0
Республиканың шығысы мен оңтүстік-шығысында жаңбыр жауады, оңтүстікте шаңды дауыл соғады, дейді синоптиктер

НҰР-СҰЛТАН, 26 қыркүйек — Sputnik. Қазгидромет еліміздің жеті өңірі мен Нұр-Сұлтан қаласында дабылды ескерту жариялады.

Синоптиктердің хабарлауынша, ертең Қазақстанның басым бөлігінде антициклонның ықпалынан күн ашық болады. Тек республиканың шығысы мен оңтүстік-шығысында жаңбыр жауады. Кей жерлерде тұман түсіп, жел күшейеді. Оңтүстікте шаңды дауыл соғады деп болжанып отыр.

Дабылды ескертулер

27 қыркүйекте Маңғыстау облысының кей жерінде шығыстан жел соғады, күші 15-20 м/с болады.

Атырау облысының кей жерінде шығыстан жел соғады, күші - 15-20 м/с.

Ертең түнде Түркістан облысының таулы аудандарында топырақ бетінде 2 градус үсік жүреді.

Қостанай облысында кей жерінде тұман түседі. Түнде 2 градус үсік жүреді.

Қарағанды облысында түман түседі. Солтүстік-шығыстан жел соғады, күндіз кей жерде күші 15-20 м/с-ке жетеді. Түнде  кей жерде 2 градус үсік болады деп болжанып отыр.

27-28 қыркүйекте Солтүстік Қазақстан мен Ақмола облыстарында кей жерде тұман түседі.

27-29 қыркүйекте Жамбыл облысында тұман, солтүстік-шығыстан жел соғады, күші 15-20 м/с болады. Түнде және таңертең кей жерде 1-3 градусқа дейін үсік сақталады.

27 қыркүйекте Нұр-Сұлтан қаласында түнде және таңертең тұман түседі.

0