Кісен, архивтегі сурет

Алматыда желіні шулатқан үш ер адам ұсталды видео

7849
(Жаңартылды 11:42 16.04.2020)
Полиция желіде жарияланған видеоның толық емес екенін айтты. Видео авторы полицейлерді кінәлі етіп көрсету үшін видеоны қысқартып тастаған

АЛМАТЫ, 16 сәуір – Sputnik. Алматыда полицейлерге қарсы шығу ісіне қатысы бар үш күдікті қамауға алынды, деп хабарлады Polisia.kz порталы.

30, 28 және 34 жастағы үш ер адамға қатысты қылмыстық кодексінің 380-бабы ("билік өкiлiне қатысты күш қолдану") және 378-бабы ("билік өкілін қорлау") бойынша қылмыстық іс қозғалып, тергеу жүріп жатыр.

Азамат А. полиция департаментінің уақытша ұстау изоляторына қамалды.

"1992 жылы туған азамат әкімшілік құқық бұзу туралы кодексінің 478-бабына сәйкес, төтенше жағдай кезінде құқықтық тәртіпті бұзуға итермелейтін әрекеттері үшін кінәлі деп танылып, 20 тәулікке әкімшілік қамауға алынды", - делінген ақпаратта.

Әкімшілік қамау мерзімі аяқталғаннан кейін азамат Л. қылмыстық іс аясында қылмыстық іс жүргізу кодексінің 128-бабына сәйкес, полиция департаментінің уақытша ұстау изоляторына қамалды.

Әлеуметтік желіде жарияланған жазбаның авторы 1986 жылы туған азамат Б. билік өкілін көпшілік алдында қорлау фактісі бойынша қылмыстық жауапкершілікке тартылды.

Полиция жазба авторының балағат сөздер айтқанын атап өтті.

Айта кетейік, Алматыда екі жігіт полицияның патрульдік тобына бағынбады. Тағы бір азамат оқиғаны видеоға түсіріп, әлеуметтік желіге толық емес ақпаратты жариялаған.

Оқиға Алматы қаласы Медеу ауданы Қайырбеков пен Гоголь көшесінің қиылысында орналасқан тұрғын үй кешенінің жанында болған.

Патрульдік топтың карантин режимі ережелерін сақтау туралы ауызша ескертуіне екі ер адам жауап қайтарған. Олардың бірі учаскелік инспекторға бағынбай, оның киімін жыртып тастады.

Сонымен қатар полиция желіде жарияланған видеоның толық емес екенін айтты. Видео авторы полицейлерді кінәлі етіп көрсету үшін видеоның жартысын қысқартып тастаған.

7849
Кілт сөздер:
видео, ер адам, желі, Алматы
Тақырып:
Төтенше жағдай және карантин (641)
Тақырып бойынша
Алматы тұрғыны мен инспектордың жанжалы: оқиғаға нүкте қойылды
Шымкентте Руслан Жанпейісов қамауға алынды - видео
"Қиын болады": Елбасы коронавирустың салдары қашан сезілетінін айтты – видео
Алматыда жұмбақ жағдайда жоғалып кеткен жеті баланың анасы табылды – видео
"Кедей мемлекеттің кедей мұғалімімін" деген ұстаз кешірім сұрады – видео
 Архивтегі фото

Алматы Ұланбатыр арасында әуе рейсі ашылды

53
Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады

АЛМАТЫ, 28 қыркүйек – Sputnik. Алматы – Ұланбатыр бағыты бойынша жаңа әуе рейсі ашылды, деп хабарлады Қазақстанның сыртқы істер министрлігі.

Министрліктің хабарлауынша, Қазақстанның Моңғолиядағы елшісі Жалғас Әділбаев Моңғолия үкіметінің атқарушы агенттігі – Азаматтық авиация бас басқармасы және "Хунну эйр" әуе компаниясының басшылығымен бірге Алматы – Ұланбатыр әуе қатынасын ашу туралы конференцияға қатысты.

"Елші Қазақстанның ең ірі мегаполисі мен Моңғолияның астанасы арасындағы тікелей әуе қатынасының ашылуымен құттықтады. 2019 жылдың 10 қазанында Нұр-Сұлтанда өткен екі елдің премьер-министрі арасындағы келіссөздер барысында көтерілген әуе қатынасын ашу жөніндегі келісімнің орындалғанын айтты", - делінген ақпаратта.

Бұл әуе бағыты екіжақты саяси, сауда-экономикалық, мәдени-гуманитарлық және туристік саладағы байланыстың қарқынды дамуына мүмкіндік береді.

Оқи отырыңыз: Польша Қазақстанмен әуе қатынасын қайта қалпына келтіретін болды 

Айта кетейік, 28 қыркүйекте "Хунну эйр" әуе компаниясының ұшағы "Ұланбатыр – Алматы – Ұланбатыр" бағыты бойынша алғашқы репатриациялық рейсті орындады.

Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады.     

53
Кілт сөздер:
Алматы, ұшақ
Тақырып бойынша
Қазақстан мен Ресей арасындағы әуе қатынасы жанданады
Қырғызстанға ұшуға рұқсат берілді: алғашқы рейске билеттер сатылып кетті
Қазақстан Қырғызстан және Өзбекстанмен шекарасын ашқан жоқ – ҰҚК
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

2615
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

2615
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео