Алматылық еріктілер

"Тест нәтижесін көрсету керек": алматылық ерікті сұхбат берді

1083
(Жаңартылды 21:40 19.04.2020)
Алматылық ерікті коронавирусқа тест тапсыру үшін өз кезегін күтіп жүр. Шұғыл штаб орталығына тест нәтижесімен ғана кіруге рұқсат берілген

АЛМАТЫ, 19 сәуір – Sputnik, Айгерім Таубай. Қазақстанда коронавирус анықталған науқастар саны күн сайын көбейіп жатыр. Алматының өзінде жүзден аса инфекция ошағы карантинге жабылды. Қалаларда әкімшілік қолдауымен еріктілердің жедел штабы құрылды, ол жерде көмек қолын созғысы келетін азаматтар карантин кезінде тұрғындарға азық-түлік апарып,карантин ережелерінің сақталуын бақылауға көмектеседі. Sputnik Қазақстан тілшісі Алматыда карантин режимі енгізілген күннен бастап еріктілер қатарына қосылып, бір айдан бері тегін жұмыс істеп жүрген еріктімен әңгімелесті.

Карантинге жабылған үйлерге барған

Әлмади Қанатұлы Алматы технологиялық университетінің жастар саясаты бөлімінде жұмыс істейді. Төтенше жағдай жарияланған соң ақысыз еңбек демалысына шыққан. Коронавирус инфекциясы таралып, төтенше жағдай жарияланған сәтте "AlmatyVolunteers" командасының атынан еріктілер қатарына қосылған.

"Штабтың мақсаты– осындай қиын сәтте көмекке зәру тұрғындарға жәрдемдесу. Бұл штабта әкімдік қызметкерлері, еріктілер ұйымы бірігіп қала тұрғындарына көмек көрсетеді. Бірінші орында Ұлы отан соғысының ардагерлері, жалғызбасты аналарға көмек беріледі. Ал олардың тізімін әкімдіктің өзі береді", - деп түсіндірді ерікті.

Айтуынша, штабта еріктілердің денсаулығына аса сақтықпен қарайды. Таңертең ғимаратқа кірерде дене қызуын тексереді, антисептикпен тазалау жүргізеді, сонымен қатар бахиласыз кіруге болмайды.

"Карантинге алынған инфекция ошағы саналатын он үйге бардық. Көрсетілген мекенжайға барып, үй тұрғынынан қажетті азық-түлік тізімін аламыз, олар ақшаны картаға аударады. Еріктілер арнайы киіммен дүкендерге барып, тізім бойынша сауда жасайды. Одан бөлек қалада рейд жүргіздік. Сән салондары, казино, зоодүкендер жұмыс істеп жатса, дүкен иесіне төтенше жағдай кезінде жұмыс істеуге болмайтынын, айыппұл салынатынын ескертеміз", - дейді Әлмади.

Екі жүз ерікті жұмыс істеп жатыр

Сонымен қатар күн сайын еріктілерді  жинайтын арнайы көлік ұйымдастырылған. Таңертең сағат жеті жарымнан бастап еріктілерді шұғыл штабқа жинау басталады.

"Штабта жұмыс істейтін әр адамның өзінің қызметі бар: біреу телефон қоңырауына жауап береді, енді бірі тасымалдау ісіне жауап берсе, тағы бірі карантин орталықтарына барады. Мониторинг жүргізетін арнайы адам да бар. Бастапқыда жедел штабта 66 адам болды, қазір  қатарымыз толып, 200-ге тарта адам жұмыс істеп жатыр", - дейді ол.

Алматылық волонтерлер
© Photo : Алматылық волонтерлер ұсынды
Бастапқыда жедел штабта 66 адам болған. Қазір екі жүзге жуық адам жұмыс істеп жатыр

Еріктілердің арасында 18-30 жас аралығындағы азаматтар бар. Бірі өз қалауымен шығып кетсе, енді бірі қашықтан көмектесуге ауысқан.

"Өткен аптадан бастап әрбір ерікті штабқа кірерде коронавирусқа тапсырған тест нәтижесін көрсетуі керек. Штабта карантинге алынғандар жоқ. Қазірге дейін 57 ерікті тест тапсырды, барлығында теріс нәтиже көрсетті. Мен қазір өз кезегімді күтіп жүрмін, себебі бірден барып тест тапсыруға болмайды. Алдын ала сауалнама толтырып, кезек күту керек", - дейді Әлмади Қанатұлы.

Посмотреть эту публикацию в Instagram

Публикация от @almadi_kanatuly

Айтуынша, тест тапсырмай, штабқа кіруге рұқсат берілмеген.

Сондай-ақ, ерікті әдетте жұмыс күні аяқталған соң үйіне кірерде санитарлық нормаларға сай антисептикпен тазарту жүргізетінін айтты.

Төтенше жағдай енгізілген бір айдың ішінде жедел штаб 932 отбасыға көмек көрсеткен, жедел желі бойынша түскен мыңдаған қоңырауға жауап берген.

1083
Тақырып:
Коронавирус эпидемиясы (1205)
Тақырып бойынша
"Бастығыңыз біледі, төменге түсіңіз деді" – карантинге жатқызылған еріктілердің әңгімесі  
"Жылай бастаймын": Елордалық дәрігер ауруханада не болып жатқанын айтып берді
Тойға барамын деп ауруханаға түсті - коронавирусты жеңген қарияның әңгімесі
Төтенше жағдайдың ұзартылуы Қазақстанға қандай қауіп төндіреді
Қазақстанда лауазымды тұлғалардың карантиндегі әрекеті видеоға түсіп қалды
Гуманитарлық көмек, архивтегі фото

Қазақстанның Тәжікстанға көмегі дауға айналды: министрліктің жауабы қандай

19
(Жаңартылды 14:09 15.07.2020)
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Оқи отырыңыз: Қытайдан әкелінген маскаларға инфекция жұқтырылған - министрлік түсініктеме берді 

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

19
Кілт сөздер:
Тәжікстан, гуманитарлық көмек
Тақырып:
Коронавирус эпидемиясы (1205)
Тақырып бойынша
Түркиядан келген гуманитарлық көмек қысқа мерзім ішінде рәсімделді
Айнұр Тұрсынбаева желіде жазба жариялады - басы дауға қалған компания жауабы
Грузиядан Қазақстанға гуманитарлық көмек келді
Ешкімге сенбеңіз: еріктілер денсаулық министріне бейнеүндеу жолдады
Коронавируспен күрес: Қазақстан Тәжікстанға гуманитарлық көмек көрсетпек
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

988
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

988
Кілт сөздер:
Қазақстан, Қытай
Тақырып:
Коронавирус эпидемиясы (1205)
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті