Болат Жәмішев

Елжан Біртановтың орнына Болат Жәмішев келді

44143
(Жаңартылды 16:53 21.04.2020)
Жәмішевтің жаңа қызметтегі жалақысы 200 мың теңгеден аспайды. Осы ақшадан табыс салығы, зейнетақы және әлеуметтік аударымдар, сондай-ақ, міндетті әлеуметтік медициналық сақтандыру жарналары ұсталады

НҰР-СҰЛТАН, 21 сәуір – Sputnik. Болат Жәмішев әлеуметтік медициналық сақтандыру қоры директорлар кеңесінің төрағасы болды, деп хабарлайды Sputnik Қазақстан қордың баспасөз қызметіне сілтеме жасап.  

Ресми ақпаратқа сәйкес, Болат Бидахметұлының жаңа қызметтегі жалақысы 200 мың теңгеден аспайды. Осы ақшадан табыс салығы, зейнетақы және әлеуметтік аударымдар, сондай-ақ, міндетті әлеуметтік медициналық сақтандыру жарналары ұсталады.   

"17 сәуірде өткен директорлар кеңесінің отырысында белгілі экономист Болат Жәмішев қордың төрағасы болып сайланды. Бұған дейін бұл лауазымды Елжан Біртанов атқарған. Денсаулық сақтау министрі қордың директорлар кеңесінің құрамында қалады", - делінген ресми хабарламада.  

Сондай-ақ, директорлар кеңесінің құрамында басқа да өзгерістер болды. Атап айтқанда, экономист Жақсыбек Күлекеев пен "Атамекен" ҰҚП басқарма төрағасының орынбасары, қаржыгер Юлия Якупбаева қордың тәуелсіз директорлары болып сайланды.

Оқи отырыңыз: Қарин неліктен Әбдіқалықованың әкім болып тағайындалғанын түсіндірді

Осылайша, қазіргі уақытта ӘМСҚ директорлар кеңесінің құрамына басқарма төрағасы Болат Жәмішев, тәуелсіз директорлар – Ораз Жандосов, Гинтарас Кацявичюс, Жақсылық Күлекеев, Юлия Якупбаева, Болат Бәбенов, сондай-ақ кеңес мүшелері – Елжан Біртанов, Берік Шолпанқұлов және Айбатыр Жұмағұлов кіреді.

Болат Жәмішевтің өмірбаяны

Болат Бидахметұлы Жәмішев 1957 жылы 28 маусымда дүниеге келген. 1981 жылы Қазақ ауыл шаруашылығы институтын бітірген. Одан кейін агроөнеркәсіп кешенін ұйымдастыру мен экономика институтының аспирантурасын тәмамдаған. Экономика ғылымдарының кандидаты.  

1974 жылы – Қазақ ғылыми-зерттеу институтының бас зертханашысы;

1981-1984 жылдары – "Балтабайский" совхозының экономисі;

1987-1992 жылдары – ғылыми қызметкер, агроөнеркәсіп кешенін ұйымдастыру және экономика ғылыми-зерттеу инситутының ғылыми хатшысы;

1992-1993 жылдары  – Қазақстан кәсіпкерлері конгресінің атқарушы комитеті төрағасының орынбасары;

1993 жылы Ұлттық банкте мемлекеттік қызметті бастады. Алғашқы лауазымы – зерттеу және статистика департаменті директорының орынбасары; 

1997 жылы еңбек және халықты әлеуметтік қорғау министрлігіне қарасты ұлттық зейнетақы агенттігінің директоры қызметіне тағайындалды;

1997-1999 жылдары – еңбек және халықты әлеуметтік қорғау вице-министрі;

1999-2001 жылдары, сондай-ақ, 2002-2003 жылдары – қаржы вице-министрі және бірінші вице-министр болды;

2001-2002 жылдары ішкі істер вице-министрі;

2003-2004 жылдары – Ұлттық банк төрағасының орынбасары;

2004-2006 жылдары – қаржы нарығы мен қаржы ұйымдарын қадағалау және реттеу агенттігінің төрағасы;  

2006-2007 жылдары – Еуразия даму банкі басқарма төрағасының орынбасары;

2007-2013 жылдары – қаржы министрі;

2013 жылдың қараша айынан бастап 2014 жылдың тамызына дейін – өңірлік даму министрі;  

2014-2019 жылдары – "Қазақстанның даму банкі" АҚ басқарма төрағасы.

44143
Кілт сөздер:
Елжан Біртанов
Тақырып бойынша
Тоқаев Намаевты қызметінен босатты
Тоқаев таяуда ғана облыс әкімінің орынбасары болған шенеунікті жаңа қызметке тағайындады
Гүлшара Әбдіқалықованың мәжілістегі орнына кім келді?
Гүлшара Әбдіқалықова Серік Ахметовті орынбасары етіп тағайындады
Жандарбек Бекшин жаңа қызметке тағайындалды
 Архивтегі фото

Алматы Ұланбатыр арасында әуе рейсі ашылды

53
Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады

АЛМАТЫ, 28 қыркүйек – Sputnik. Алматы – Ұланбатыр бағыты бойынша жаңа әуе рейсі ашылды, деп хабарлады Қазақстанның сыртқы істер министрлігі.

Министрліктің хабарлауынша, Қазақстанның Моңғолиядағы елшісі Жалғас Әділбаев Моңғолия үкіметінің атқарушы агенттігі – Азаматтық авиация бас басқармасы және "Хунну эйр" әуе компаниясының басшылығымен бірге Алматы – Ұланбатыр әуе қатынасын ашу туралы конференцияға қатысты.

"Елші Қазақстанның ең ірі мегаполисі мен Моңғолияның астанасы арасындағы тікелей әуе қатынасының ашылуымен құттықтады. 2019 жылдың 10 қазанында Нұр-Сұлтанда өткен екі елдің премьер-министрі арасындағы келіссөздер барысында көтерілген әуе қатынасын ашу жөніндегі келісімнің орындалғанын айтты", - делінген ақпаратта.

Бұл әуе бағыты екіжақты саяси, сауда-экономикалық, мәдени-гуманитарлық және туристік саладағы байланыстың қарқынды дамуына мүмкіндік береді.

Оқи отырыңыз: Польша Қазақстанмен әуе қатынасын қайта қалпына келтіретін болды 

Айта кетейік, 28 қыркүйекте "Хунну эйр" әуе компаниясының ұшағы "Ұланбатыр – Алматы – Ұланбатыр" бағыты бойынша алғашқы репатриациялық рейсті орындады.

Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады.     

53
Кілт сөздер:
Алматы, ұшақ
Тақырып бойынша
Қазақстан мен Ресей арасындағы әуе қатынасы жанданады
Қырғызстанға ұшуға рұқсат берілді: алғашқы рейске билеттер сатылып кетті
Қазақстан Қырғызстан және Өзбекстанмен шекарасын ашқан жоқ – ҰҚК
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

2614
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

2614
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео