Әзірет Сұлтан мешіті

Карантин кезіндегі Ораза: қасиетті Рамазан айы басталды

775
(Жаңартылды 15:56 24.04.2020)
Биыл қасиетті Рамазан айы қауіпті вирустың таралуын тоқтату мақсатында жарияланған төтенше жағдай мерзімімен тұспа-тұс келіп тұр

НҰР-СҰЛТАН, 24 сәуір – Sputnik. Биылғы Рамазан айы бұрынғыдан өзгерек. Елімізде жарияланған төтенше жағдайға байланысты барша жамағат үшін мешіт есігі жабылды. Десе де қасиетті айда үйден шықпай-ақ, ізгі амалдар жасап, сауапқа кенелуге болады.

24 сәуірде басталған Рамазан айы 23 мамырға дейін созылады.

Коронавирустың таралуына жол бермес үшін мешіттерде жамағатпен оқылатын намаздарға шектеу қойылды. Тарауық намазын әркім үйде отбасымен бірге оқи алады.

Мешіт пен қоғамдық орындарда ауызашар берілмейді. Ораза кезінде ағайын-туыстың үйіне ауызашарға баруға да рұқсат жоқ. Қазақстан мұсылмандары діни басқармасы ауызашар тамағын мешіттер арқылы мұқтаж отбасыларға таратуға үндеді. Карантин кезінде ауыз бекіткен жандарға азық-түлік жеткізіп бергендер ауызашар бергеннің сауабын алады.

Тағы оқыңыз: Рамазан - 2020: Ораза кестесі

Ал мың айдан да қайырлы Қадір түні мамыр айының 19-нан 20-на қараған түнге түсіп тұр.

Биыл пітір садақаның мөлшері 370 теңге деп бекітілді. Төтенше жағдайға байланысты пітір садақа мен зекетті онлайн аударуға болады. Ал материалдық жағдайы бар азаматтар пітір садақаны мейіз немесе құрма құнымен бергені абзал.

Кімдерге ораза ұстамауға болады

Шариғат қасиетті айда ораза тұтуды кей жандарға кейінге қалдыруға рұқсат етеді. Олар:

  • жолаушылар;
  • науқас адамдар;
  • жүкті немесе омырауда баласы бар әйелдер.

Сонымен қатар, індетпен күресте алдыңғы шепте жүрген дәрігерлер және басқа да мамандық иелері ораза ұстауға шамасы жетпесе, кейінге қалдыра алады.

Рамазан айында ауыз бекіткен адам коронавирустың белгілерін байқаса, оразаны тоқтатып, қазасын артынан өтеуіне болады. Ғалымдардың пәтуасы бойынша оразаны тоқтату үшін білікті әрі сенімді мұсылман дәрігерінің кеңесі болуы қажет.  

Антисептик оразаны бұза ма

Бас мүфтидің айтуынша, антисептіктің құрамында спирт болғанымен, төтенше жағдай кезінде пайдалануға рұқсат етіледі. Себебі бұл адам денсаулығын қорғауға арналған. Сол себепті оразаны бұзбайды.  

Құран хатым онлайн оқылады

Әр жыл сайын мешіттерде Құран хатым оқылатыны баршаға аян. Алайда карантин жылдағы дәстүрге өзгеріс енгізіп отыр. Рамазанның алғашқы күнінен бастап хатым Құран онлайн режимде оқылады.

Тағы оқыңыз: Түндердің ішіндегі қайырлысы Қадір түні туралы не білеміз?

"Hikmet TV" студиясы арқылы астанадағы Әзірет Сұлтан мешітінде күніне бір сағат арнайы онлайн хатым оқылып, қасиетті Қадір түнінде Құран хатым дұғасы жасалады.

Бұдан бөлек, Рамазан айының бірінші күнінен имамдар muslim.kz инстаграм парақшасы арқылы әрбір он бес минут сайын дұға оқып, құран бағыштайды.

Киелі айдың әрбір күнін босқа жібермеңіз

Мүфтият жамағатты үйден шықпай-ақ онлайн режимде насихат тыңдап, сауапты амалдарға ортақтасуға шақырды. Осыған байланысты Қазақстан мұсылмандары діни басқармасы бірнеше жобаны қолға алған.  

Соның бірі – "Рамазан энциклопедиясы" атты қосымша парақша. Ол жерден қасиетті ай туралы толық ақпарат алуға болады. Ал "Hikmet TV" студиясы білікті имамдар мен ұстаздардың "30 күнге – 30 уағыз" онлайн дәрістерін жүргізеді.

Тағы оқыңыз: Қасиетті Рамазан айында туған балаға қандай есім қоюға болады?

24 сәуірден бастап "Qazaqstan" телеарнасында "Ораза қабыл болсын!" арнайы хабары эфирге шығады. Қазақтан мұсылмандары діни басқармасының ресми өкілдері мен дін саласының мамандары бір ай бойы, күн сайын 21:00-де Ораза айын өткізу тәртібіне қатысты қазақстандықтардың сауалына жауап береді.

775
Кілт сөздер:
карантин, төтенше жағдай, ауызашар, намаз, Ораза, Рамазан
Тақырып:
Рамазан айы - 2020 (36)
Тақырып бойынша
Рамазан айында ораза ұстауға шамаңыз жетпесе, не істеу керек?
Имам ораза ұстауға мүмкіндігі жоқ адамдарға кеңес берді
"Суды көбірек ішу керек": бас санитар ораза ұстайтындарды сақтандырды
Ауыз бекітпеген жөн: Ораза айт мейрамында не істеу керек?
Бойжеткен, иллюстративті фото

Америкалық отбасы асырап алған қыз Қазақстандағы ата-анасын іздеп жатыр видео

55
(Жаңартылды 20:10 28.05.2020)
Азия Бергер Флорида штатында Диснейлендтен бес минуттық жерде тұрады. Лекси, Ари деген бір әпке, бір сіңлісі бар. Колледжде өнер саласында оқиды

АЛМАТЫ, 28 мамыр – Sputnik. Азия Бергерді 2001 жылы америкалық отбасы асырап алған. Қазақстанның Семей қаласында туған бойжеткен биологиялық ата-анасын тапқысы келеді. Бұл жайында ол Facebook қолданушысына берген сұхбатында айтты.

Азияның айтуынша, биологиялық ата-анасы Құралай және Қуат Ашқановтар есімді жұп. Бойжеткен 2000 жылы дүниеге келген, 2001 жылы америкалық отбасы асырап алған.

Оқи отырыңыз: Америкалық отбасы асырап алған Айсұлудың қалай Дэвинге айналғаны белгілі болды 

"Аты-жөнім – Asia Berger. Бұл есімді Америкадағы ата-анам қойған. Шын есімім – Салтанат Ашқанова. Мені Қазақстанның Семей қаласынан 16 ай кезімде асырап алған. Өзімнің биологиялық ата-анамды табамын деп шешім қабылдадым. Тегім – Бергер, бірақ біз неміс емеспіз. Әкемнің ата-бабасы, туыстарының неміске қатысы болуы мүмкін", - дейді бойжеткен сұхбатында.

Азия Флоридада тұрады, отбасында екі бауыры бар. Колледжеде өнер саласында оқиды.  

"Мен Флоридада Диснейлендтен бес минуттық жерде тұрамын. Ол жерге бала кезімде баратынмын. Лекси, Ари деген бір әпкем, бір сіңлім бар. Үйде ортаншы баламын. Колледжде өнер саласында оқимын. Біз бір-бірімізбен өте жақын араласамыз, бірге қыдырамыз", - деді ол отбасы жайлы.

Айтуынша, америкалық ата-анасы асырап алғанын жасырмаған.

"Мені асырап алғанын сұрастырып білген жоқпын. Оны бұрыннан білетінмін. Әкем Нью-Йоркте Бруклинде туып өскен. Анам Орталық-батыста туған. Анамның шашы сары, көздері көк. Сырт келбетімізде айырмашылықтар байқалатын. Ата-анам асырап алғаны жайлы жасырған емес", - дейді ол.

Азия сұхбат барысында үйінде Қазақстан жайлы кітаптың көп екенін айтты.

"Барлық жағынан ашық сөйлесе білеміз. Әкем туған жерін білуді маңызды деп санайды. Әсіресе, үйімізде Қазақстан жайлы кітап көп. Қай жерден екенімді біле бермеймін, алайда ата-анамның маған көмек көрсетіп жатқаны үшін ризамын", - дейді бойжеткен.

"Қазақстан жайлы ешқашан жаман пікірде болған емеспін. Себебі туған ата-анамның өз қиындығы болған шығар. Одан бөлек асырап алынған барлық баланың атынан да сөйлей алмаймын, әр адамның өз қиындығы, өмір тәжірибесі бар. Сол туралы ойлаған кезде туған ата-анама деген өкпе-реніш те, сағыныш та жоқ, - дейді ол.

Бойжеткен биологиялық ата-анасының өткен өмірін білмей тұрып, оларды талқылай алмайтынын айтты.

"Менің америкалық ата-анам көп саяхаттайды. Әртүрлі елді, мәдениетті көрген кезде бірден үйренісе алмайды. Мен де Қазақстанға барсам, дәл солай мәдени шок алуым мүмкін", - дейді Азия Бергер.

55
Кілт сөздер:
видео, Америка, бала асырап алу
Тақырып бойынша
Қостанай облысының тумасы ағасын 23 жылдан кейін тапты 
Аружан Сайын шетелдіктерге бала сатты деп айыптағандарға жауап берді
"Көкшетауда тұратынын сеземін": Бішкек тұрғыны туған анасын іздеп жүр
Америкалық отбасы асырап алған Айсұлудың неден көз жұмғаны айтылды
Банк картасы, иллюстративті фото

Қазпошта әлеуметтік карталарына жаңа функция енгізіледі

33
Қазір картаны еліміздің бірнеше аймағында оқушылар мен зейнеткерлер көлік ақысын төлеуге пайдаланып жүр

НҰР-СҰЛТАН, 28 мамыр – Sputnik. Жақында әлеуметтік карталардың көмегімен қазақстандықтар дәрі-дәрмекке тапсырыс беріп, сатып ала алады. Бұл туралы Sputnik Қазақстан тілшісіне "Қазпошта" АҚ басқарма төрағасы Сәкен Сәрсенов айтты.

"Қазір бұл картаны оқушылар мен зейнеткерлер тауарларды жеңілдікпен сатып алуға пайдаланып жүр. Болашақта халықтың әлеуметтік осал топтарына дәрі-дәрмекке тапсырыс беріп, дәріханалардан сатып алып, үйге алдыруға мүмкіндік береді", - деді Сәкен Сәрсенов.   

Оқи отырыңыз: Сәкен Сәрсенов сәлем-сауқат дронмен қалай жеткізілетінін айтып берді 

Қазір "Қазпошта" қызметтер тізімін кеңейту бойынша еңбек және халықты әлеуметтік қорғау министрлігімен келіссөздер жүргізіп жатыр.

Бастапқыда Ақтөбеде оқушылар үшін "Әлеуметтік карта" жобасы қолға алынған.

"Біз бас кезінде бұл картаны мектептерде өткізу режимі, әлеуметтік тамаққа мұқтаж балаларды тамақтандыру қызметі үшін арнайы енгіздік. Сондай-ақ картаны автобус ақысын төлеу үшін пайдалануға болады. Көптеген әкімдікпен келісім жасағанбыз", - деп толықтырды "Қазпошта" басшысы.

Қазіргі уақытта картаны Нұр-Сұлтан, Қарағанды, Павлодар, Петропавл және Атырау қалаларындағы студенттер мен зейнеткерлер пайдалана алады. Әлеуметтік картаны біртіндеп Қазақстанның барлық аймағында енгізу жоспарланып отыр.

"Барлық карантин шарасы аяқталғаннан кейін халық бұл картаны қолдануы үшін оны белсенді түрде шығарып, тарата бастаймыз", - деді Сәрсенов.

2020-2021 жылдары әлеуметтік карталарды Қазақстан бойынша енгізу жоспарланып отыр.

33
Кілт сөздер:
Қазпошта
Тақырып бойынша
"Кез келген адам ақша таба алады": Қазпошта жаңа қызметті іске қоспақшы
Архивтегі фото

"Кіріме дейін жуды": Індетті жеңген 89 жастағы кейуана дәрігерлерге алғыс айтты

0
Күмісхан Оразақынова коронавирус инфекциясын Кеген аудандық ауруханасына емделуге барғанда жұқтырып алған

НҰР-СҰЛТАН, 28 мамыр – Sputnik. Алматы облысында 89 жастағы кейуана коронавирустан емделіп шықты.

1931 жылы дүниеге келген Күмісхан Оразақынова бұл індетті Кеген аудандық ауруханасына емделуге барып, сол жердегі дәрігерлерден жұқтырып алған, деп хабарлайды "Хабар 24".

Ол 4 мамыр күні Еңбекшіқазақ ауданының Шелек ауылындағы аудандық ауруханаға жатқызылған.

Оқи отырыңыз: Қазақстанда 99 жастағы қария коронавирус жұқтырды 

"Пациент ауруханаға түскен кезде жағдайы орташа ауыр болды. Жас ерекшелігін ескере отырып, оны реанимация бөліміне орналастырдық. Өйткені қан қысымының жоғары болуы кез келген ауруды асқындыруы мүмкін еді. Сондықтан қатаң бақылауда ұстадық", - дейді дәрігерлер.

Кейін кейуананың 3 немересі коронавирус инфекциясын жұқтырып алғаны анықталды. Олар қазір Қарасай аудандық ауруханасында ем қабылдап жатыр. Ал Күмісхан Оразақынова ауруынан толық айығып, туған ауылы Кегенге оралды.

"14 күн бойы клиникалық протоколдарға сәйкес ем-шара жасалып, 15-күні COVID-19 ПЦР анализі оң нәтиже көрсеткендіктен, ары қарай 5 күнге ем-шараларды жалғастырдық", - дейді дәрігер-инфекционист Алмагүл Асқарқызы.  

Ал одан кейінгі екі ПЦР талдауы теріс нәтиже көрсетіп, жалпы клиникалық-лабораториялық көрсеткіштер дұрысталғандықтан ауруханадан шығарылған.

"Осы Шелектегі ауруханада жатып, жазылып шығып жатырмын. Сексен тоғыздамын, бәрі жақсы қарады. Өз үйімдегі балаларымнан артық қарады. Уақытымен тамағымды іштім, уақытымен жаттым. Кіріме дейін жуды. Оларға рахметімді айтамын. Дендері сау болсын!", - дейді Күмісхан Оразақынова.

0
Кілт сөздер:
кейуана, коронавирус
Тақырып:
Коронавирус эпидемиясы
Тақырып бойынша
Коронавирус жұқтырмағаныңды қалай білуге болады?
Нұр-Сұлтанда қарт адамдарға дәрі-дәрмек үйге жеткізіліп жатыр
Қазақстанда коронавирус жұқтырған ең қарт адамның жасы белгілі болды
Ғалым коронавирустан айыққан адам қандай қиындыққа тап болатынын айтып берді