Нұрсұлтан Назарбаев

Назарбаев коронавирус пандемиясынан кейін не болатынын айтты 

32385
(Жаңартылды 18:10 24.04.2020)
Қауіпсіздік кеңесінің отырысында коронавирус эпидемиясымен күрес шаралары кеңінен қаралды. Сондай-ақ, экономиканы қалпына келтіру және дағдарыстан кейінгі мәселелер сөз болды

НҰР-СҰЛТАН, 24 сәуір – Sputnik. Қазақстанның тұңғыш президенті Нұрсұлтан Назарбаев бейнебайланыс арқылы Қауіпсіздік кеңесінің кезекті отырысын өткізді, деп хабарлады Елбасының ресми сайты.

Отырыс кезінде коронавирус эпидемиясымен күрес шаралары кеңінен қаралды. Сондай-ақ, экономиканы қалпына келтіру және дағдарыстан кейінгі мәселелер сөз болды. 

Елбасы жер-жаһандағы жағдайдың үрей туғызатын сценариймен өрбіп жатқанын жеткізді. Осы орайда ол Халықаралық валюта қорының болжамын еске алды. Қор сарапшылары бүгінгі "Ұлы карантинді" өткен ғасырдағы "Ұлы депрессиямен" салыстырды. Алдағы уақытта 170 мемлекетте адам басына шаққанда халықтың табысы төмендейді. Экономикасы әлсіз елдерге оңай болмайды деген болжам жасалған.   

"Осы тоқсанда сарапшылар пандемияның шарықтау шегі мен экономикалық дағдарыс қатар болады дейді. Бұл Екінші дүниежүзілік соғыстан кейін өнеркәсіптік өндірістің ең қатты құлдырауы болады", - деді Назарбаев.

Оның айтуынша, жақын арада барлығын қиын сынақ күтіп тұр. Қазақстан да одан тыс қалмайды.   

"20 сәуірде тарихта алғаш рет мұнайдың бағасы минусқа кетіп қалды. Әлемдік нарықтардың балансы бұзылды. Болжамға сәйкес, пандемия мен жалпыға ортақ өндірістік құлдыраудан кейін жаһандық қаржы дағдарысы болады. Одан кейін әлемдік азық-түлік дағдарысы болуы мүмкін. Осының бәрі шиеленіс тудырады", - деп атап көрсетті Назарбаев.

Қауіпсіздік кеңесінің төрағасы ауыр кезеңді сәтті еңсеру жолында қазіргі шаралардың тиімділігіне баса назар аударды. Ол қазір дұрыс шешім жасалса, ертең дағдарыстан өту жеңіл болатынын айтты.

"Мемлекет басшысы мен премьер-министр дағдарысқа қарсы барлық қажетті шешімді қабылдады. Елімізде төтенше жағдай жарияланды, карантин енгізілді. Мен барлық қазақстандықтарды төтенше жағдайдың талаптарын орындауға шақырамын. Біздің тарихымызда дағдарыстар талай рет болған. Бірақ бұл – ерекше дағдарыс. Біз әрбір қазақстандық мемлекеттің қолдауын сезінсін деп, қолымыздан келгенді істеп жатырмыз. Қазір бірнеше қадамға алға қарау қажет. Әлем бұрынғыдай болмайды", - дейді Елбасы.

32385
Кілт сөздер:
Қауіпсіздік кеңесінің отырысы, карантин, коронавирус, Назарбаев
Тақырып бойынша
"Мамырдан бастаймыз": Назарбаев Байбекке тапсырма берді
"Назарбаев елге жариялап қойыпты": Әубәкіров қалай ғарышкер болғанын айтып берді
Назарбаевтың денсаулығы туралы ақпарат шықты
Назарбаев отызға толатын жастарға үндеу жолдады
Бүгін Назарбаев Қауіпсіздік кеңесінің отырысын өткізеді
Аурухана қызметкері

Қазақстанда тағы 476 адам коронавирус жұқтырды

1
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

1
Кілт сөздер:
коронавирус
Тақырып:
Коронавирус эпидемиясы
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды
Аурухана палатасындағы медициналық аппаратура

Қазақстанда коронавирустан тағы бір адам қайтыс болды

111
Жұма, 29 мамырда Шымкент қаласында індетке шалдыққан 1945 жылғы науқас қайтыс болды, республикада вирустан көз жұмғандар саны 38 адамға жетті

НҰР-СҰЛТАН, 30 мамыр – Sputnik. Шымкентте коронавирустан бір адам көз жұмды, деп хабарлайды жедел штаб.

Науқас 29 мамырда қайтыс болған. Ол 1945 жылы туған әйел.

"Коронавирус жұқтырған науқастардың өлімін зерттеу жөніндегі комиссия пациенттің өліміне коронавирус инфекциясы себеп болды деген шешімге келді", - делінген хабарламада.

Қазақстанда осымен COVID-19-дан қайтыс болғандар саны 38 адамға жетті.

Республикада барлығы 10382 адамда коронавирус диагнозы расталды, 5057 адам жазылып шықты.

111
Кілт сөздер:
Шымкент, коронавирус
Тақырып:
Коронавирус эпидемиясы