Ажырасу, жұп

Қазақстанда карантин кезінде қанша ерлі-зайыпты ажырасуға өтініш берді 

3869
(Жаңартылды 18:49 24.04.2020)
Ерлі-зайыптының бәрі бірдей онлайн ажыраса алмайды. Некені бұзуға балалары мен ортақ мал-мүлкі жоқ жұптар ғана өтініш бере алады

НҰР-СҰЛТАН, 24 сәуір – Sputnik. Карантин кезеңінде egov.kz порталына некені тіркеу туралы 1152 өтініш, ал онлайн ажырасуға 311 өтініш түскен. Бұл туралы "Азаматтарға арналған үкімет" мемлекеттік корпорациясының басқарушы директоры Мұрат Жұманбай мәлімдеді, деп хабарлайды Sputnik Қазақстан тілшісі.

"Карантин уақытында некелесуге 1152 өтініш, ал некені бұзуға 311 өтініш түскен. Өкінішке қарай, мұндай статистика да бар", - деді Жұманбай Sputnik Қазақстанның Instagram парақшасындағы тікелей эфирде.

Ол ажырасқан азаматтар egov.kz арқылы некені тіркеуге өтініш бере алмайтынын атап өтті. Бұған дейін некеде болғандар АХАТ арқылы өтініш беруі тиіс. 

Сонымен қатар, ерлі-зайыптылардың бәрі бірдей онлайн ажыраса алмайды. Некені бұзуға балалары мен ортақ мал-мүлкі жоқ жұптар ғана өтініш бере алады. Ал қалған жағдайда тек сотқа жүгіну қажет. 

"Соттарда некелескендер мен ажырасқандар статистикасы басқаша болуы мүмкін. Менің меңзеп отырғаным: жоғарыдағы цифр қазіргі жағдайды дәл сипаттай алмайды. Ол тек онлайн өтініштердің саны ғана", - деді Жұманбай.

 

3869
Кілт сөздер:
ажырасу, ерлі-зайыпты, Қазақстан
Тақырып:
Төтенше жағдай және карантин (491)
Тақырып бойынша
"Ажырасу көбейіп кетті": этнограф қазақтың ежелгі салтын жаңғыртуды ұсынды
Белгілі тележүргізуші 30 жыл отасқан әйелімен ажырасты
Танымал қазақ режиссері үйленді – фото
Жеңілмеген қазақ боксшысы KeshYou тобының бұрынғы әншісі Ақботаға үйленді – видео
Тимур Бекмамбетов өзінен 29 жас кіші қызға үйленді
Отшашу, архивтегі фото

Карантин кезінде отшашу жасау заңды ма ішкі істер министрлігі жауап берді

273
Бас санитар дәрігердің қаулысында жазылған талаптар бұзылса ғана жеке және заңды тұлғалар жауапқа тартылады, деп түсіндірді вице-министр Калайчиди

НҰР-СҰЛТАН, 7 шілде – Sputnik. Ішкі істер министрінің орынбасары Алексей Калайчиди карантин кезінде отшашу ұйымдастыруға қатысты пікір білдірді, деп хабарлайды Sputnik Қазақстан тілшісі.  

Оның айтуынша, бас санитар дәрігердің қаулысын бұзғаны үшін жауапкершілік қарастырылған.

"Ол жаза Әкімшілік құқық бұзушылық туралы кодекстің 425-бабында көрсетілген. Демек, қаулыда жазылған талаптар бұзылса ғана жеке және заңды тұлғалар жауапқа тартылады. Ал осы құжатта отшашуға тыйым салу жайында жазылмаған", - деді Калайчиди бүгінгі онлайн брифингте.

Ол Нұр-Сұлтан қаласында кешегі фейерверкті тамашалаған адамдар да жауапқа тартылмағанын атап өтті.

"Отшашуды тамашалағаны үшін бірде-бір адам жауапқа тартылған жоқ. Фейерверкті көргені үшін жауапкершілік қарастырылмаған. Санитар дәрігердің қаулысында көрсетілген талаптар бұзылса ғана жаза қолданылады. Егер ондай жағдайлар анықталса, онда заңды түрде адамды жауапқа тарту мәселесін көтеруге болады. Ал ондай себеп болмаса, жазаға тарта алмаймыз", - деп түсіндірді Калайчиди.

Айта кетейік, бұған дейін 6 шілде күні елорда күнін тойлау отшашумен аяқталған болатын. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желі қолданушылары пандемия кезінде отшашу жасау орынсыз екенін айтып, наразылық білдірді.

Оқи отырыңыз: Нұр-Сұлтан әкімдігі пандемия кезіндегі отшашуды түсіндірді 

Нұр-Сұлтан әкімдігі пандемия кезіндегі отшашуға қатысты сынға жауап берді. Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады. Сондай-ақ, қала тұрғындарының көңіл-күйін көтеруге тырысқан.

Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ. Ал Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

273
Кілт сөздер:
отшашу, карантин
Тақырып:
Коронавирус эпидемиясы
Тақырып бойынша
Пневмония эпидемиясы: коронавирус қайда кетті?
"Бұған жол беруге болмайды": Тоқаев жұртты алаңдатқан мәселе туралы айтты
Нұр-Сұлтанда дәрі-дәрмекке қатысты жедел желі іске қосылды
"Кеш қалдыңыздар": дәрігер қазақстандықтардың ең басты қателігін атады
"Ненің құрметіне?!": Димаш шенеуніктерге неге шүйлікті
Парацетамол

Тоқаев ел азаматтарын дүрбелеңге салынбауға шақырды

194
Мемлекет басшысы әлеуметтік желіде халықты дәрі-дәрмекпен қамтамасыз ету жұмысы жалғасып жатқанын мәлімдеді

НҰР-СҰЛТАН, 7 шілде – Sputnik. Құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Бұл туралы Қазақстан президенті Қасым-Жомарт Тоқаев айтты.

"Менің тапсырмам бойынша құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Халықты дәрі-дәрмекпен қамтамасыз ету жұмысы жалғасуда", - деп жазды Тоқаев Twitter-де.

"Ел азаматтарын дәрі тапшылығын туғызып, дүрбелеңге салынбауға шақырамын", - деп толықтырды мемлекет басшысы.

Оқи отырыңыз: Дәрі-дәрмекті заңсыз сатқандарға қандай жаза қарастырылған?

Өткен жексенбіде президент азаматтар аса қажетті дәрі-дәрмектердің негізсіз қымбаттауына байланысты шағымданып жатқанын хабарлаған болатын. "Пандемия кезінде бұған жол беруге болмайды", - деп атап өтті ол. Мемлекет басшысы үкімет пен құқық қорғау органдарына аталған мәселені реттеуді тапсырып, кінәлілерді жауапқа тартуға уәде берді.  

194
Кілт сөздер:
дәрі-дәрмек, Қасым-Жомарт Тоқаев
Тақырып:
Коронавирус эпидемиясы
Тақырып бойынша
Министр коронавирустан емделетіндердің басты қателігін атады
Алматыда парацетамол мен термометр тапшылығы мәселесі қалай шешілді?
Денсаулық министрі алыпсатарлар қанша табыс тауып жатқанын айтты
Шымкентте тегін таратылуы тиіс дәрілерді ұрлаған сатушы ұсталды
Нұр-Сұлтанда дәрі-дәрмекке қатысты жедел желі іске қосылды
Үш айға жететін дәрі-дәрмекті бір аптада сатып алды – облыс әкімі 
Илья Ильин

Ауруханаға түсіп қалған Илья Ильин видео жариялады

0
(Жаңартылды 08:19 08.07.2020)
Ол COVID-19 жұқтырмағанын айтты. Стресс салдарынан қатты аллергия болғанын жеткізді. Ол бір аптадан бері ем-дом қабылдап жатыр

НҰР-СҰЛТАН, 8 шілде - Sputnik. Ауыр атлетикадан бірнеше дүркін әлем чемпионы Илья Ильин ауруханада түсірген видеоны жариялады.

Посмотреть эту публикацию в Instagram

Публикация от Илья Ильин (@ilyailyinforever)

"Алты күннен бері ауруханада жатырмын. Қазір жағдайым жақсы. Мен COVID жұқтырған жоқпын. Стресс салдарынан ағзамда аллергиялық реакция болды", - деді Илья Ильин  видеода.

Чемпион дәрігерлерге алғыс білдірді.

"Сіздерге оңай емес, біз мұны түсінеміз. Қазір халық дәрігерлерге зор үміт артып отыр" - деп жазды ол. 

0