Әйелдер түзеу колониясы, архивтегі сурет

Қазақстанда әйелдер түрмесінен коронавирус табылды

724
Сотталған жүкті әйел Іле ауданындағы Орталық аудандық ауруханада екі рет тексерілген, кейін бұл мекеме карантинге жабылды

НҰР-СҰЛТАН, 27 сәуір – Sputnik. Алматы облысы Жауғашты кентіндегі әйелдер түрмесінде сотталғандардың бірінен коронавирус табылды. Әйелдің аяғы ауыр, деп хабарлайды Sputnik Қазақстан.

Ол босануға дайындалуына байланысты бұған дейін Іле ауданының Орталық аудандық ауруханасына екі рет қаралған. Кейінірек медициналық мекемедегі пациенттердің індетке шалдыққаны анықталып, аурухана карантинге жабылды, деп мәлімдеді қылмыстық атқару жүйесі комитетінің баспасөз қызметі.

Инфекция анықталғанға дейін жүкті әйел түрменің медициналық бөлімінде емделіп жатқан сотталғандардан оқшау жатқан.

Әйелде коронавирустың айқын белгілері болмаған. Десе де, аудандық аурухана карантинге жабылғаннан кейін, ол колония аумағындағы медициналық бөлімнің жеке палатасында қаралды.

Тағы оқыңыз: Таразда әскери бөлім карантинге жабылды

Кейінірек ол перзентханаға жату үшін тағы тексерістен өтті. Анализ коронавирус барын көрсеткен. Осыдан кейін науқас жедел жәрдеммен бірден ауруханаға жеткізілді.

Әйелмен байланыста болған сотталушылар инфекциялық изоляторға ауыстырылды, олардан анализ алынды. Сондай-ақ, қазіргі таңда мекеменің барлық қызметкері мен жазасын өтеп жатқандар вирусқа тексеріліп жатыр.

"Мекемеде санитарлық-дезинфекциялық шаралар күшейтілді, медицина персоналы обсервациялық шаралар жүргізіп жатыр. Инфекциялық изоляторда вирусқа қарсы және емдік препараттар жеткілікті", - деді комитеттен.

Іле ауданы бас санитар дәрігердің қаулысымен мекемеде шаруашылық, өзге де қызмет және халық өмірінің ерекше шарттарымен карантин режимі енгізілді. Жеке құрам казармалық жағдайға көшті, оларға мекеме аумағынан шығуға тыйым салынды.

724
Кілт сөздер:
жүкті әйел, түрме, коронавирус, карантин, Алматы облысы
Тақырып:
Коронавирус эпидемиясы (869)
Тақырып бойынша
Арқалықта зейнеткердің коронавирус жұқтырғаны қайтыс болған күні анықталды
Коронавирус індетін жұқтырып алудың ең ықтимал жолы анықталды
Қазақстанда екі адам абақтыда коронавирус жұқтырған
Алматыда 54 шекарашы курсант коронавирус жұқтырды
Қостанай облысында полицей көршісінен коронавирус жұқтырып алды  
Коронавирус салдары қандай болады - мамандар болжам жасады
Ауызашар дастарқаны

Қаза оразаны өтеу: 1700 теңгені кімдер береді

9
Діни басқарма өкілінің айтуынша, Рамазан айынан қалған қарыз күндерді арасын үзбей де, бөліп те ұстауға болады

НҰР-СҰЛТАН, 31 мамыр – Sputnik. Қазақстан мұсылмандары діни басқармасы шариғат және пәтуа бөлімінің маманы Медет Құрмашұлы қаза оразаны өтей алмаған жағдайда не істеу керектігін айтты, деп хабарлайды Sputnik Қазақстан тілшісі.

Айтуынша, қаза оразасы барлар өзі тұратын елді мекеннің намаз кестесін басшылыққа алуы тиіс. Әдеттегідей таң намазы басталғанға дейін ас-суын ішіп, шам намазы кірген уақытта ауыз ашады.

Рамазан айынан қалған қарыз күндерді арасын үзбей де, бөліп те ұстауға рұқсат етілген.

"Қаза оразаны мүмкіндігінше тездетіп ұстап біткен абзал. Алла Тағала Құранда ауырып қалып немесе сапарға шығып, белгілі бір себептермен ораза ұстай алмайтын болса, оны кейінгі күндерге қалдырсын дейді. Егер денсаулығына байланысты қаза оразасын ешқашан өтей алмайтын болса, онда ол адам підия төлейді. Підия дегеніміз – бір адамның таңғы және кешкі тойып ішетін тамағы. Биыл оның ақшалай мөлшері шамамен 1700 теңге", - деп түсіндірді Медет Құрмашұлы.

Яғни, қаза оразаны ұстауға шамасы келмегендер мұқтаж жандарды тамақтандырады немесе ақшалай береді.

Басқарма өкілі қарыз күндерді келесі Рамазан айына дейін ұстап біткен абзал дейді. Ал егер келесі ораза келіп қалып, адам қарызын әлі өтеп бітпесе, онда келесі оразаны ұстай береді. Қаза күндерін Рамазан айы аяқталған соң бір-ақ өтейді.

Сонымен қатар, Медет Құрмашұлы Рамазан айының артынан келетін Шәууәл айына да тоқталды. Бұл ай, әдетте, отыз күнге созылады.

Тағы оқыңыз: Қадір түнінде бір топ жігіт Әзірет Сұлтан мешітінің алдына жиналды

"Шәууәл айында адамдар алты күн ораза ұстайды. Бұл нәпіл ораза деп аталады. Алты күндік оразаның сауабы өте мол. Нәпіл ораза ешкімге міндет емес, ұстау-ұстамау әркімнің өз еркінде. Яғни, нәпіл оразаны ұстамағандар күнәһар болмайды", - деді бөлім маманы.

Ол алты күндік оразадан бұрын қаза оразаны бірінші ұстап өтеуге кеңес берді.  

"Қаза ораза мен нәпіл оразаға ниет етудің арасында айырмашылық бар. Қаза оразаға түннен бастап ниет қылу керек. Ал нәпіл оразаға бесін намазына бір сағат уақыт қалғанға дейін ниет етсе болады. Қаза оразаны өтеген кезде, түнде ауыз бекітуді ұмытып, таңертең тұрып ниет қылу дұрыс емес. Түннен бастап ниет ету міндет", - деді басқарма өкілі.

Айта кетсек, биыл коронавирус індетіне байланысты Рамазан айы елдегі төтенше жағдай режимімен тұспа-тұс келді. Республикада барлық мешіт жабылып, жамағатпен оқылатын намаздарға тыйым салынды. Қазақстандықтарға қасиетті Қадір түнін де үйде қарсы алуға тура келді. Вирустың таралуына жол бермеу үшін мешіттерде Ораза айт намазы оқылған жоқ. 

9
Кілт сөздер:
қарыз, Ораза
Алакөл көлі

Екінші маусымнан бастап Алакөлге пойыздар қатынайды

35
"Қазақстан темір жолы" компаниясы курорт бағытына сұраныс өскен жағдайда қосымша вагондар бөлуге дайын

НҰР-СҰЛТАН, 31 мамыр – Sputnik. "Қазақстан темір жолы" ұлттық компаниясы Алакөл көліне дейін баратын пойыздарға билет сатыла бастағанын хабарлады.

2 маусымнан бастап Алакөлге күнара қатынайтын пойыздармен жетуге болады:

  • №22/21 "Қызылорда – Семей" және №6941/6942 "Ақтоғай – Достық" пойыздары құрамындағы "Алматы – Достық" пойыздарының вагондары;
  • №121/122 "Нұр–Сұлтан – Семей" және №6941/6942 "Ақтоғай – Достық" пойыздары құрамындағы "Нұр-Сұлтан – Достық" пойыздарының вагондары;

12 маусымнан бастап аптасына екі рет №54/53 "Нұр-Сұлтан – Достық" пойызы жүреді.

Тағы оқыңыз: Қазақстанда блокбекеттер алынып, қалааралық автобустар жолға шығады

Бұдан бөлек, осы бағытқа жоғары сұранысты және эпидемиологялық ахуалды ескеріп, Қазақстанда қосымша пойыздар іске қосылуы мүмкін:

  • №13/14 "Алматы – Достық", аптасына 3 рет;
  • №258/257 "Нұр-Сұлтан – Достық", аптасына 2 рет;
  • №453/454 "Алматы – Достық", аптасына 3 рет;
  • №457/6941//6942/458 "Семей - Шар – Достық", күнара;
  • №459/6941//6942/460 "Өскемен - Шар – Достық", күнара.

"Қазақстан темір жолы" компаниясы егер Алакөл бағытына сұраныс өссе, қосымша вагондар бөлуге дайын екенін мәлімдеді.

Айта кетсек, Қазақстанда жолаушылар пойыздары кезең-кезеңмен қатынай бастайды.

Бірінші кезең 1 маусымда, ал екінші кезең 10 маусымда басталады.

35