Архивтегі фото

Көптеген дәрігер коронавирустың жоғары жұққыштығын жете бағаламады вице-министр  

334
(Жаңартылды 08:59 28.04.2020)
Людмила Бюрабекова медицина қызметкерлері жұмыстан тыс уақытта ауырып қалып, инфекцияны медицина мекемелеріне алып келгенін, мұндай бірнеше ошақ табылғанын айтты

НҰР-СҰЛТАН, 28 сәуір – Sputnik. Денсаулық сақтау вице-министрі Людмила Бюрабекова Facebook-тегі парақшасында коронавирусқа шалдыққан дәрігерлер туралы жазды, деп хабарлайды Sputnik Қазақстан.  

Бүгінгі таңда республикада 820 медицина қызметкері коронавирус инфекциясын жұқтырғаны белгілі болды.     

"Науқастарды күтіп, емдеуге жұмылдырылмаған денсаулық сақтау ұйымдары қызметкерлерінің арасында індетті жұқтырғандар көбейіп кеткенін атап өту керек. Бүгінгі күні олардың саны 473 адамға жетті (66,2%). Қызметтік тергеу аяқталып қалды", - деп жазды вице-министр.

Сондай-ақ, оның айтуынша, медицина қызметкерлері жұмыстан тыс уақытта ауырып қалып, инфекцияны медицина мекемелеріне алып келгені анықталған, мұндай бірнеше ошақ табылған.  

"Тұтастай алғанда медицина қызметкерлері арасындағы ауру-сырқаудың талдауы біздің көптеген қызметкеріміз коронавирустың жоғары жұққыштығын жете бағаламағанын көрсетті", - деп жазды Бюрабекова.

Ол сонымен қатар министрлік медицина қызметкерлерін профилактикалық скринингтік тестілеуден өткізуге шешім қабылдағанын атап өтті. 10 сәуірден бастап 22 мыңнан астам (жоспардың 69 пайызы) қызметкерден тест алынды.

"Бастығыңыз біледі, төменге түсіңіз деді" – карантинге жатқызылған еріктілердің әңгімесі

"Қорытындылай келе, біздің медициналық қызметкерлерімізге тағы да сөз арнаймын. Біз жер-жерде проблемалар бар екенін түсінеміз және әрбір жағдай біздің бақылауымызда болады. Сондықтан инфекцияны жұқтырудың әр жағдайына қатысты тиісті қорытынды жасалып, шаралар қабылданады", - деп түйіндеді вице-министр.

334
Кілт сөздер:
дәрігер, коронавирус
Тақырып:
Коронавирус эпидемиясы (868)
Тақырып бойынша
Денсаулық министрі дәрігерлерге үндеу жасады
"Бұл төтенше жағдай": Министр Біртанов неге алаңдап отырғанын айтты
Дәрігерлердің жаппай вирус жұқтыруына кінәлі басшылар жауапкершілікке тартылады
Қазақстандық дәрігерлер зейнетақы жарнасы мен салықтан босатылды
"Қараусыз қалдырмаймыз": президент кімдердің өтініші ескерілетінін айтты
Аурухана қызметкері

Қазақстанда тағы 476 адам коронавирус жұқтырды

820
Өткен тәулікте вирус жұқтырған 476 адам анықталды, өсім қарқыны 4,6 процентті құраған, ауырғандардың ең көбі Нұр-Сұлтан мен Алматы қаласында

НҰР-СҰЛТАН, 31 мамыр – Sputnik. Қазақстанда бір тәуліктің ішінде індетке шалдыққан тағы 476 адам тіркелді, деп хабарлайды жедел штаб.

"Өткен тәулікте коронавирус инфекциясын жұқтырған тағы 476 адам тіркелді. Өсім қарқыны – 4,6%", - делінген хабарламада.

Оның ішінде:

  • Нұр-Сұлтан қаласы – 149 (7,6%)
  • Алматы қаласы – 117 (4,7%)
  • Қарағанды облысы – 44 (5,3%)
  • Батыс Қазақстан облысы – 41 (7,1%)
  • Маңғыстау облысы – 31 (13,8%)
  • Қызылорда облысы – 25 (7,2%)
  • Шымкент қаласы – 22 (2,7%)
  • Қостанай облысы – 12 (7,3%)
  • Атырау облысы – 12 (1,2%)
  • Жамбыл облысы – 7 (1,9%)
  • Түркістан облысы – 6 (1,7%)
  • Шығыс Қазақстан облысы – 5 (4,4%)
  • Алматы облысы - 4 (1,1%)
  • Ақмола облысы – 1 (0,7%).

Республикада вирус жұқтырғандар саны 10 858 адамға жетті. 5220 адам жазылып шықса, отыз сегіз науқас қайтыс болды.

820
Кілт сөздер:
коронавирус
Тақырып:
Коронавирус эпидемиясы (868)
Тақырып бойынша
Нұр-Сұлтанда коронавирус жұқтырған 14 науқас жансақтау бөлімінде жатыр 
Сұлтанғазиев қай облыстарда коронавирус жұқтырғандар саны артқанын айтты 
Дәрігер салонға барғанда коронавирус жұқтырудан қалай сақтану керектігін айтты
Кентауда коронавирус жұқтырған әйел дені сау бала туды
Аурухана палатасындағы медициналық аппаратура

Қазақстанда коронавирустан тағы бір адам қайтыс болды

127
Жұма, 29 мамырда Шымкент қаласында індетке шалдыққан 1945 жылғы науқас қайтыс болды, республикада вирустан көз жұмғандар саны 38 адамға жетті

НҰР-СҰЛТАН, 30 мамыр – Sputnik. Шымкентте коронавирустан бір адам көз жұмды, деп хабарлайды жедел штаб.

Науқас 29 мамырда қайтыс болған. Ол 1945 жылы туған әйел.

"Коронавирус жұқтырған науқастардың өлімін зерттеу жөніндегі комиссия пациенттің өліміне коронавирус инфекциясы себеп болды деген шешімге келді", - делінген хабарламада.

Қазақстанда осымен COVID-19-дан қайтыс болғандар саны 38 адамға жетті.

Республикада барлығы 10382 адамда коронавирус диагнозы расталды, 5057 адам жазылып шықты.

127
Кілт сөздер:
Шымкент, коронавирус
Тақырып:
Коронавирус эпидемиясы (868)
Алматыдағы блокбекеттер

Алматыда бүгін түнде блокбекеттер алынады: әкім мәлімдеме жасады

0
Әкім қала тұрғындары мен қонақтарын тазалық пен әлеуметтік ара қашықтықты сақтап, маска киіп жүруге шақырды

НҰР-СҰЛТАН, 31 мамыр – Sputnik. Алматыда 31 мамырдан 1 маусымға қараған түні блокбекеттер алынады.

Бұл туралы қала әкімі Бақытжан Сағынтаев әлеуметтік желіде хабарлады.

"1 маусымға қараған түні қаланың периметрі бойынша орналасқан блокбекеттерді аламыз. Төтенше жағдай режимі кезінде бұл бекеттер қаладан шығу және қалаға кіруді шектеді. Бұл коронавирустың таралуын тоқтату үшін қажет болды", - деп жазды ол Instagram-да.

Сағынтаев полиция, санитарлық қызмет, фито және ветбақылау қызметкерлеріне, аудандық әкімдіктер мен ұлттық гвардия, қорғаныс министрлігінің әскери қызметшілеріне 2,5 ай ішінде атқарған жұмыстарына алғыс айтты.

Қала әкімі кәсіпорындар мен ұйымдарда санитарлық қауіпсіздік күшейтілгенін атап өтті. Үйлерге, аула алаңдары мен көшелерді залалсыздандыру жүргізілуде.

Тағы оқыңыз: Қазақстанда пойыз билеттері сатыла бастады

Ол азаматтарды тәртіпке бағынып, тазалық пен әлеуметтік ара қашықтықты сақтап, маска киіп жүруге шақырды.

"Бұл қазіргі өмірдің қалыпты нормасына айналуы тиіс", - деді Сағынтаев.

Айта кетсек, 1 маусымнан бастап ел ішінде жолаушылар пойыздары қатынайды. Ал 5 маусымнан қалааралық автобустар жолға шыға бастайды.

0
Кілт сөздер:
Бақытжан Сағынтаев, Алматы
Тақырып:
Төтенше жағдай және карантин