Қоғам

Ернар Айдар неліктен полиция ұстап әкеткенін түсіндірді – видео

Жазылу
Әнші ұтыс ойынын ұйымдастырушылардың барлығы қамауға алынғанын хабарлады. Қазір тергеу жұмыстары жүргізіліп жатыр

НҰР-СҰЛТАН, 29 сәуір – Sputnik. Заңсыз ұтыс ойынын ұйымдастырды деген күдікке ілінген әнші Ернар Айдар Instagram-дағы парақшасында алаяқтарға алданып қалғанын мәлімдеді, деп хабарлайды Sputnik Қазақстан.

Әнші енді ғана телефонға қолы жеткенін айтып, өзі үшін уайымдап, қолдау көрсетіп, тілекші болып жатқан жұртқа алғысын білдірді.  

Посмотреть эту публикацию в Instagram

Публикация от 𝔼ℝℕ𝔸ℝ 𝔸𝕀𝔻𝔸ℝ (@ernaraidar_kz)

"Және осы істің ақ-қарасын ажыратпай, сыртымнан сынап, қаралап жатқан ағайынға Алла сабыр берсін. Ұтыс ойынын ұйымдастырушылардың барлығы қамауға алынды. Қазір Алматы қаласы экономикалық тергеу департаменті тергеу жұмыстарын жүргізіп жатыр", - дейді Ернар Айдар.

Ернар Айдар заңсыз лотерея ұйымдастырды деген күдікке ілінді 

Ол тергеудің әділ өтуіне өзі де көмек беріп жатқанын атап өтті.

"Сол тірлікке жарнама жасаймын деп мен де алданып қалдым, ағайын. Баршаңызға жақсылық тілеймін, барлығы әділ өтеді деген сенімдемін", - деп түйіндеді әнші.

Жаңалықтар
0