Нұр-Сұлтан, архивтегі фото

Қазақстанда "5-10-20" бағдарламасы іске қосылады

859
(Жаңартылды 14:37 11.05.2020)
Баспана кезегінде тұрғандардың мәселесін шешу үшін кредиттік тұрғын үймен қамту бойынша "5-10-20" жобасы қолға алынады   

НҰР-СҰЛТАН, 11 мамыр – Sputnik. Қазақстанда кредиттік баспанамен қамту бойынша "5-10-20" жобасы іске қосылады, деп хабарлайды Sputnik Қазақстан.

Оқи отырыңыз: 2020 жылы Нұр-Сұлтанда қанша отбасы жеңілдікпен пәтер алады 

Мемлекет басшысы Қасым-Жомарт Тоқаев Елбасы бастамашы болған "7-20-25" бағдарламасы тұрғын үй құрылысы мен ипотекалық кредиттеуге үлкен серпін бергенін атап өтті. Ол осы бағдарламаға ұқсас жаңа жобаны іске қосуды тапсырды.

"Баспана кезегінде тұрғандардың мәселесін шешу үшін кредиттік тұрғын үймен қамту бойынша "5-10-20" жаңа жобасын іске қосуды тапсырамын. Бұл мақсатқа дағдарысқа қарсы қаражат аясында біз 390 миллиард теңге бөлеміз", - деді Тоқаев мемлекеттік комиссияның отырысында.  

Айтуынша, биыл елімізде құрылыстың рекордты көлемі – 15 миллион шаршы метр немесе 150 мың пәтер мен үй салу жоспарланған.

"Азаматтардың тұрғын үй жағдайын жақсарту жұмысын жалғастыру маңызды. Шын мәнісінде, бұл үкімет жұмысының стратегиялық бағыттарының бірі. Бұл үшін институционалдық құрылымды жаңғырту қажет", - деді президент. 

Тоқаев үкіметке жыл соңына дейін "Қазақстанның тұрғын үй құрылысы жинақ банкі" АҚ негізінде "Отбасы банкін" құруды тапсырды. Ол тұрғын үйді есепке алу, қою және бөлуді бір орталықтан жүзеге асырады.

Баспана саласындағы маңызды өзгерістердің бірі – қазақстандықтарға зейнетақы жинағын пәтер алуға жұмсауға рұқсат беру.

"Мұндай тапсырманы мен бұған дейін берген болатынмын, алайда төтенше жағдайға байланысты талқылау созылып кетті. Шешім қабылдайтын кез жетті", - деді Тоқаев.

Айтуынша, үкімет 1 шілдеге дейін бір шешімге келуі тиіс.

859
Кілт сөздер:
Қасым-Жомарт Тоқаев, баспана
Тақырып бойынша
Қазақстанда тұрғын үй құрылысының бірыңғай операторы құрылады
Қазақстанда 12 600 отбасы арендалық баспанамен қамтылады
Баспанасы жоқ қазақстандықтарға 2%-тік ипотека беру жалғасады
"Кедей мемлекеттің кедей мұғалімімін" деген ұстаз кешірім сұрады – видео
Сыбайлас жемқорлық

Сөмкесінен екі бума ақша шықты әкімдіктің лауазымды тұлғасы ұсталды

32
(Жаңартылды 13:49 28.05.2020)
Әкім аппаратының жетекші қызметкері мердігерлік ұйымдардан 1,9 миллион теңгені алу кезінде ұсталған

НҰР-СҰЛТАН, 28 мамыр – Sputnik. Ақтөбе қаласы әкім аппаратының лауазмды тұлғасы парамен ұсталды. Сыбайлас жемқорлыққа қарсы іс-қимыл агенттігі шенеунікті ұстау видеосын жариялады, деп хабарлайды Sputnik Қазақстан тілшісі.

Видеода құқық қорғаушылардың сөмкеден екі бума ақшаны алып шыққанын көруге болады. 10 000 теңгелік купюраларды үш үстелге жайып тастады. 

Агенттіктің аса маңызды істер жөніндегі тергеушісі Данияр Биғайдаровтың айтуынша, ұсталған шенеунік – "Ақтөбе қаласы әкімінің аппараты" мемлекеттік мекемесінде істейтін жетекшілердің бірі. Ол мекеме қызметкерлері мен жеке кәсіпкерлермен алдын ала сөз байласу арқылы 9,9 миллион теңгенің бюджет қаражатын жымқырғаны үшін айыпталып отыр.

"Лауазымды тұлға 2019 жылдың қазан айы мен 2020 жылғы наурыз айы аралығында мемлекеттік сатып алулар бойынша жалған келісімшарттар жасап, бюджет қаражатын ұрлаған. 6 наурыз күні ол мердігерлік ұйымдардан 1,9 миллион теңгені алу кезінде ұсталды", – дейді Биғайдаров.

Оның айтуынша, шенеунікті екі айға қамауға алды. Тергеу шаралары жалғасуда. Соңғы шешімді сот шығарады.

Оқи отырыңыз: Серік Сәпиевтің орынбасары ұсталды – видео

32
Кілт сөздер:
пара, сыбайлас жемқорлық, Ақтөбе
Тақырып бойынша
Қазақстан сыбайлас жемқорлық деңгейі жоғары елдердің қатарынан шықты
Ата-аналардан жиналған ақша қандай жағдайда жемқорлық болып есептеледі?
Шпекбаев: күн сайын жемқорлық туралы 50-100 хат келеді
Жемқорлық үшін бірінші басшы жазаланады - Тоқаевтың тапсырмасы қалай орындалып жатыр?
Жемқорлық үшін бірінші басшы жазаланады – мәжіліс заң жобасын мақұлдады
Ант қабылдау рәсімінен кейін

Биыл әскери ант қабылдауға ата-аналар қатыса ала ма?

22
Жас сарбаздар салтанатты ант қабылдау рәсімінен фото немесе видео түсіріп, отбасына жолдай алады

НҰР-СҰЛТАН, 28 мамыр – Sputnik. Коронавирус пандемиясына байланысты әскери бөлімдерде ант қабылдау рәсіміне ата-аналар шақырылмайды. Бұл туралы Алматы қаласы қорғаныс істері департаментінің басшысы Амантай Өсербаев мәлімдеді, деп хабарлайды Sputnik Қазақстан тілшісі.

"Жыл сайын әскери ант қабылдау шарасына азаматтардың ата-анасы мен туған-туыстары шақырылатын. Биыл пандемияға байланысты туған-туыстар ант қабылдау рәсіміне шақырылмайды. Бірақ әскери бөлімдерде санитарлық нормаларды ескеріп, ара қашықтықты сақтап, ант қабылдау рәсімі салтанатты түрде өткізіледі", – деді ол онлайн брифингте.

Десе де, жас сарбаздар салтанатты ант қабылдау рәсімін фото немесе видеоға түсіріп, отбасына жолдай алады.

Бұған дейін Өсербаев көктемгі мерзімді әскери қызметке шақыру пандемия жағдайында қалай жүргізілетінін айтқан еді.

Оқи отырыңыз: Әскерге шақырылғандар он төрт күнге карантинге алынады

Әскерге шақырылғандар он төрт күнге карантинге орналастырылады, сонымен қатар коронавирусқа ПТР тест тапсырады.

22
Кілт сөздер:
сарбаз, ант, әскери
Тақырып бойынша
Қазақстанда әскери қызметке өзгеріс енгізіледі
Қазақстанда әскерге шақыру тоқтатылды
Тоқаев әскерге шақыру туралы жарлыққа өзгеріс енгізді
2019 жылғы Қазақстанның ең үздік спортшысы әскер қатарына алынды