Модный интерьер ресторана Arnau отличается национальными мотивами, уютом и великолепием обстановки

Үкімет дәмхана мен мейрамханалар қай кезде ашылатынын айтты 

8471
(Жаңартылды 16:34 11.05.2020)
Үкімет басшысының орынбасары ойын-сауық орталықтарына қойылатын талаптарды да түсіндірді. Ондай нысандарды ашу үшін науқастардың күнделікті өсімі 2 проценттен аспауы шарт

НҰР-СҰЛТАН, 11 мамыр – Sputnik. Премьер-министрдің орынбасары Ералы Тоғжанов карантин жағдайында мейрамханалар мен дәмханаларды ашу тәртібін түсіндірді, деп хабарлайды Sputnik Қазақстан тілшісі.

"Қазіргі кезде тамақтану орындары тапсырысты жеткізіп беру бойынша жұмыс істеп жатыр. Түнгі сағат 22:00-ге дейін уақыт белгіленген болатын. Осы тәртіп әзірше қалады. Алайда бұл мәселе күн тәртібінде тұр. Оны ары қарай қарастырамыз. Нақты талаптар орындалғанда рұқсат беріледі. Кішкене уақыт керек", - деді Тоғжанов бүгінгі онлайн брифингте. 

Оның айуынша, Дүниежүзілік денсаулық сақтау ұйымының талабы бойынша науқастардың саны азаюы қажет. Ал күнделікті өсім тұрақты болуы шарт. 

"Қазір біз 3,9 процентке келіп отырмыз. Соның өзі бірқалыпты жағдайға келуі керек. Ал бірқалыпты жағдай дегеніміз, ондай көрсеткіш бір күн емес, екі күн емес, мысалы, бір апта бойы ұстап тұруымыз қажет. Егер осындай деңгейде ұстайтын болсақ, немесе, ары қарай төмендетуге мүмкіндік болса, онда болашақта мейрамханаларды ашуға рұқсат беруге болады деп ойлаймыз", - дейді Тоғжанов.

Үкімет басшысының орынбасары ойын-сауық орталықтарына қойылатын талаптарды да түсіндірді. Ондай нысандарды ашу үшін науқастардың күнделікті өсімі 2 проценттен аспауы шарт. 

Тағы оқыңыз: Тоқаев: Карантин өңірлерде біртіндеп алынады

"Егер осы деңгейге жететін болса, ойын-сауық орталықтарын да ашуға толықтай мүмкіндік бар деп ойлаймыз. Бірақ оның өзінде де екі кезеңмен ашатын шығармыз. Себебі кинотеатрлар бар, балалар ойнайтын алаңдар бар. Ондай орындарға қатысты уақытша тыйым болатын шығар", - деп атап көрсетті Тоғжанов.

8471
Кілт сөздер:
карантин, мейрам, дәмхана, Үкімет
Тақырып бойынша
42 500 теңгені алғандарға мемлекеттік қолдау көрсетіледі
3 проценттік қолжетімді кредит: президент жаңа қор құруды ұсынды
Балабақшалар ашылады – үкімет түсініктеме берді
Қазақстанда 7 қалаға әуе рейстері ашылды 
Қазақстанда соңғы қоңыраудың қалай өтетіні белгілі болды
Нұр-Сұлтан, архивтегі фото

Аптап ыстық, найзағай және бұршақ: жұмада ауа райы қандай болады

29
Қазақстанның үш өңірінде аптап ыстық болады, найзағай ойнап, қатты жел соғады деп болжануына байланысты дабылды ескерту жарияланды  

НҰР-СҰЛТАН, 28 мамыр – Sputnik. Қазгидромет метеорологтары 29 мамырда ауа-райы қандай болатынын болжады.

Ел аумағының басым бөлігі бұрынғыдай жоғары қысым аясында болады, осыған байланысты жауын-шашын болмайды. Синоптиктер тек солтүстікте, солтүстік-батыста өткінші жаңбыр жауады, найзағай ойнап, дауыл тұрады, сондай-ақ бұршақ жаууы мүмкін деп болжап отыр.

Оқи отырыңыз: Биылғы жаз қандай болады - ауа райы болжамы жарияланды 

Республиканың кей жерлерінде жел күшейеді, оңтүстігінде шаңды дауыл, оңтүстік-батыста тұман түседі.

Дабылды ескерту

29 мамырда таңертең және түстен кейін Қостанай облысының кей жерлерінде күн күркірейді, жел 15-20 м/с күшейеді.

Алдағы екі күнде, 29-30 мамырда Түркістан облысында кей жерлерде 15-20 м/с жылдамдықпен жел соғады.

29 мамырда күндіз Атырау облысында қатты ыстық болады – 35-38 градус.

Өңірлердегі ауа райы

Солтүстік Қазақстан облысында кей жерлерде дауыл соғады, бұршақ жауып, жел күшейеді – екпіні 25 м/с дейін.

Жамбыл, Ақмола, Шығыс Қазақстан, түнде Алматы, күндіз Қызылорда, Батыс Қазақстан, Павлодар, Қарағанды ​​облыстарында жел 15-20 м/с күшейеді, Жамбыл облысында шаңды дауыл тұрады.

Атырау, Ақтөбе облыстарында, Маңғыстау облысының оңтүстігінде, Қостанай облысында, Батыс Қазақстан облысының оңтүстік-шығысында қатты ыстық болады.

Павлодар, Шығыс Қазақстан, Қызылорда, Ақмола облыстарының кей жерлерінде төтенше өрт қаупі сақталады.

Мегаполистердегі ауа райы

Нұр-Сұлтанда түнде 11-13 градус жылы, күндіз 27-29 градус ыстық болады.

Алматыда түнде 12-14 градус жылы, күндіз – 26-28 градус.

Шымкентте түнде ауа температурасы 19-21 градус жылы, күндіз 33-35 градус ыстық болады.

29
Кілт сөздер:
аптап ыстық, бұршақ, жаңбыр, ауа райы
Тақырып бойынша
"Қазгидромет" мамыр айына болжам жасады
Архивтегі фото

Індеттен жазылғандардың саны бес мыңға жуықтады

35
Қазақстанда 9 576 тұрғын коронавирус инфекциясын жұқтырып,  оның 4 893-і ауруханадан емделіп шықты   

НҰР-СҰЛТАН, 28 мамыр – Sputnik. Қазақстанда тағы 66 адам коронавирус індетінен емделіп шықты, деп хабарлады мемлекеттік комиссияның шұғыл штабы.

"Алматы қаласында 28, Нұр-Сұлтан қаласында 11, Шымкент қаласында 3, Жамбыл облысында 3, Қарағанды облысында 8, Қостанай облысында 2, Түркістан облысында 10, Маңғыстау облысында 1 науқас жазылды", - делінген хабарламада.

Қазақстан бойынша жазылғандар саны – 4 893.

  • Нұр-Сұлтан қаласы – 1029,
  • Алматы қаласы – 1373,
  • Шымкент қаласы – 244,
  • Ақмола облысы – 106,
  • Ақтөбе облысы – 176,
  • Алматы облысы – 180,
  • Атырау облысы – 279,
  • Шығыс Қазақстан облысы – 51,
  • Жамбыл облысы – 176,
  • Батыс Қазақстан облысы – 269,
  • Қарағанды облысы – 217,
  • Қостанай облысы – 62,
  • Қызылорда облысы – 233,
  • Маңғыстау облысы – 116,
  • Павлодар облысы – 148,
  • Солтүстік Қазақстан облысы – 35,
  • Түркістан облысы – 199.

Айта кетейік, Қазақстанда 9 576 адам коронавирус жұқтырды, оның 37-сі көз жұмды.

"Кіріме дейін жуды": Індетті жеңген 89 жастағы кейуана дәрігерлерге алғыс айтты 

35
Кілт сөздер:
науқас, коронавирус
Тақырып:
Коронавирус эпидемиясы
Тақырып бойынша
Дәрігер салонға барғанда коронавирус жұқтырудан қалай сақтану керектігін айтты
Алматы қаласының бас дәрігері үйде емделудің ерекшелігін түсіндірді
"Қорқып кеттік": Түркістан қаласының әкімдігі тұрғындардан кешірім сұрады
Пандемия рекордты бұзды: бір тәулікте 100 мыңнан астам адам COVID-19 жұқтырды
Қырғызстан парламентінің экс-спикері коронавирустан қайтыс болды