сот үкімі

Блок-бекетте пара алған шенеуніктерге қатысты сот үкімі шықты

472
(Жаңартылды 17:46 14.05.2020)
Аудан әкімі аппаратының қызметкерлері азаматтарды кедергісіз өткізіп, бірнеше рет пара алғаны үшін айыпталды

НҰР-СҰЛТАН, 14 мамыр – Sputnik. Алматы қаласының Жетісу ауданында орналасқан блок-бекетте халықтан пара алған әкімдік қызметкерлері ірі мөлшерде айыппұл төлеуге міндеттелді. Оларға ақша тасыған делдал да өз жазасын алды, деп хабарлайды Sputnik Қазақстан тілшісі.

Сыбайлас жемқорлыққа қарсы іс-қимыл агенттігі таратқан мәліметке сәйкес, бүгін Жетісу аудандық соты әкім аппаратының екі бірдей бас маманына қатысты айыптау үкімін шығарды.

"К.Е. Әденов пен С.С. Оразов бірнеше рет пара алғаны үшін кінәлі деп танылып, тиісінше 4 077 500 теңге және 13 300 000 теңге айыппұл салынды. Сот оларға өмір бойы мемлекеттік қызметте лауазым атқаруына тыйым салды", – делінген ресми хабарламада.

Бұдан бөлек, осы үкім бойынша В.И. Уджур пара алу кезінде делдалдық жасағаны үшін кінәлі деп танылып, 2 430 000 теңге көлемінде айыппұл төлеуге міндеттелді.

Оқи отырыңыз: Қостанай облысында пара алған полицей видеоға түсірілді

Айта кетейік, бұған дейін адамдарға қатысты сотқа дейінгі тергеудің басталғаны жайында жазылған болатын. Олар төтенше жағдайда Жетісу ауданындағы COVID-19 коронавирус инфекциясына қарсы блок-бекетте кезекшілік атқару кезінде халықты кедергісіз өткізгені үшін делдал арқылы бірнеше рет пара алған.

472
Кілт сөздер:
пара беру, пара алу, пара
Тақырып бойынша
Жемқорлық үшін бірінші басшы жазаланады – мәжіліс заң жобасын мақұлдады
Ата-аналардан жиналған ақша қандай жағдайда жемқорлық болып есептеледі?
Тестілеу орталығына жемқорлық дауынан кейін жаңа басшы келді
Ақмола облысында әкімнің орынбасары пара алды деген күдікпен ұсталды
Жемқорлық үшін бірінші басшы жазаланады - Тоқаевтың тапсырмасы қалай орындалып жатыр?
Гуманитарлық көмек, архивтегі фото

Қазақстанның Тәжікстанға көмегі дауға айналды: министрліктің жауабы қандай

10
(Жаңартылды 14:09 15.07.2020)
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Оқи отырыңыз: Қытайдан әкелінген маскаларға инфекция жұқтырылған - министрлік түсініктеме берді 

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

10
Кілт сөздер:
Тәжікстан, гуманитарлық көмек
Тақырып:
Коронавирус эпидемиясы
Тақырып бойынша
Түркиядан келген гуманитарлық көмек қысқа мерзім ішінде рәсімделді
Айнұр Тұрсынбаева желіде жазба жариялады - басы дауға қалған компания жауабы
Грузиядан Қазақстанға гуманитарлық көмек келді
Ешкімге сенбеңіз: еріктілер денсаулық министріне бейнеүндеу жолдады
Коронавируспен күрес: Қазақстан Тәжікстанға гуманитарлық көмек көрсетпек
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

919
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

919
Кілт сөздер:
Қазақстан, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті