Дәрігер, архивтегі фото

Нұр-Сұлтандық дәрігер коронавирустан қайтыс болған жоқ деген шешім шығарылды

351
Елордада дәрігер коронавирустан қайтыс болғаны хабарланған болатн, дегенмен кейінірек комиссия бұл жағдайды індеттен қайтыс болғандар қатарына жатқызбауға шешім қабылдады

НҰР-СҰЛТАН, 16 мамыр – Sputnik. Нұр-Сұлтан әкімдігі коронавирус жұқтырған 62 жастағы дәрігердің өліміне қатысты мәлімдеме жасады.

"Нұр-Сұлтан қаласының қоғамдық денсаулық сақтау басқармасы жанындағы КВИ тесті оң нәтиже көрсеткен науқастардың өлім-жітімін зерттеу комиссиясы бұл жағдайды коронавирус салдарынан қайтыс болғандар қатарына жатқызбауға шешім қабылдады", - делінген хабарламада.

Елорда әкімдігі өлімге үдемелі жүрек-қан тамырлары жеткіліксіздігінен туындаған қайтымсыз органикалық әсер себеп болғанын атап өтті.  

Сонымен қатар дәрігер коронавирус инфекциясымен қатар басқа да аурулармен ауырған.

Оқи отырыңыз: Алматы қаласының бас дәрігері үйде емделудің ерекшелігін түсіндірді  

Еске сала кетейік, 15 мамыр күні елордалық денсаулық сақтау басқармасы 1958 жылы туған жеке клиниканың дәрігерінен коронавирус анықталғанын мәлімдеді. Әйел 10 күн бойы өз бетінше емделген. Кейін ол жұқпалы аурулар ауруханасына жатқызылған, алайда емдеу және реанимациялық шараларға қарамастан дәрігер қайтыс болды.

351
Кілт сөздер:
дәрігер, коронавирус
Тақырып:
Коронавирус эпидемиясы (1204)
Тақырып бойынша
Атырауда коронавирус жұқтырған екі әйел босанды
Дәрігер қандай масканың инфекциядан жақсы қорғайтынын айтты
Ғалымдар коронавирустан қорғанудың жолын тапты
Бас санитар дәрігер коронавирустан жазылып шыққандардың иммунитеті туралы айтты
Нұр-Сұлтанда коронавирустан қайтыс болған дәрігер өз бетінше емделген
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

0
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

0
Кілт сөздер:
Қазақстан, Қытай
Тақырып:
Коронавирус эпидемиясы (1204)
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті
Дәрігер, архивтегі фото

Аза тұту күні дәрігерлерді көшеге шығару бастамасын кім көтергені белгілі болды

21
(Жаңартылды 13:08 15.07.2020)
Дәрігерлерді көшеге шығару туралы бастаманы медицина қызметкерлерінің қауымдастығы көтерді, деп атап өтті денсаулық сақтау министрлігі

НҰР-СҰЛТАН, 15 шілде – Sputnik. Денсаулық сақтау министрлігі ұлттық аза тұту күні дәрігерлердің көшеге шығып, бір минут үнсіздік рәсімін өткізуіне қатысты түсініктеме берді, деп хабарлайды Sputnik Қазақстан тілшісі.

"Денсаулық сақтау министрлігі пандемия құрбандарын еске алу құрметіне флешмоб өткізуді ұсынған жоқ. Бұл әрбірінің азаматтық парызы деп ойлаймын. Дәрігерлерді көшеге шығару туралы бастаманы медицина қызметкерлерінің қауымдастығы көтерді", - деді денсаулық сақтау вице-министрі Бюрабекова онлайн брифингте.

Оқи отырыңыз: Шымкент әкімі желіде тарап кеткен видеоға түсініктеме берді

Денсаулық сақтау министрлігі тек санитарлық-эпидемиологиялық режимнің сақталуын қамтамасыз етуді тапсырған.

Вице-министр флешмоб үшін жазалау орынсыз деп санайды. Себебі бұл азаматтардың өз бастамасы.

"Олар қайтыс болғандарды құрметпен еске алды, сондықтан, менің ойымша, бұл ретте жазалау мәселесі көтерілмеуі керек", - деді ол.

Еске сала кетейік, 13 шілде Қазақстанда жалпыұлттық аза тұту күні жарияланды.

Қаралы күні Шымкентте дәрігерлер жол бойына шығып, бір минут үнсіздік рәсіміне қатысқан. Әлеуметтік желіде тараған видео қазақстандықтардың наразылығын туғызды.

21
Кілт сөздер:
аза тұту, дәрігерлер
Тақырып:
Коронавирус эпидемиясы (1204)
Тақырып бойынша
Әкімдік жұрттың наразылығын тудырған видеоға түсініктеме берді
Орны толмас қайғы - Қазақстан бір-екі апта ішінде кімдерден айырылды
Бұл сұмдық трагедия – президент кеңесшісі Қазақстандағы жағдай туралы айтты
Тоқаев бірнеше дәрігерді қайтыс болғаннан кейін марапаттады
Ақмола облысында әскери дәрігер пневмониядан көз жұмды