Президент Қасым-Жомарт Тоқаев

Полиглот, дипломат және президент: Қасым-Жомарт Тоқаев 67 жасқа толды

814
Қазақстан президенті қанша тіл біледі, ол қандай әлеуметтік желілерді пайдаланады және оның отбасы туралы не білеміз

НҰР-СҰЛТАН, 17 мамыр – Sputnik. Бүгін Қазақстан президенті Қасым-Жомарт Тоқаевтың туған күні. Мемлекет басшысы 67 жасқа толды.

Тоқаев туралы не білмеуіміз мүмкін

Қазақстан президенті – саяси ғылымдардың докторы, Дүниежүзілік гуманитарлық және жаратылыстану академиясының толық мүшесі, халықаралық қатынастар мәселелері бойынша ондаған кітаптың авторы.

Тоқаев – Шэньчжэнь университеті (ҚХР) мен Ресей сыртқы істер министрлігі дипломатиялық академиясының құрметті профессоры және Мюнхен қауіпсіздік конференциясы "Ақылдылар кеңесінің" мүшесі.

Орыс биографиялық қоғамының нұсқасы бойынша, Тоқаев "Жыл адамы – 2018" лауреаттарының тізіміне енді.

Ол 13 жыл бойы Қазақстан үстел теннисі федерациясын басқарды.

Тоқаев қанша тіл біледі

Қасым-Жомарт Тоқаев бес тілді біледі: қазақ, орыс, ағылшын, қытай және француз.

Тоқаев қандай әлеуметтік желілерді пайдаланады

Мемлекет басшысының екі әлеуметтік желіде – Twitter және Instagram-да ресми аккаунттары бар.

Бұған дейін президенттің баспасөз хатшысы Берік Уәли: "Facebook-те президент атынан тіркелген барлық парақшаларға сенуге болмайды, өйткені олар жалған", – деп мәлімдеді.

Президентке қалай жазуға болады

2019 жылдың 22 сәуірінде Ақорданың сайтында президенттің виртуалды қабылдауы басталды. Онда сіз сұрақтар, өтініштер, ұсыныстар мен шағымдар қалдыра аласыз.

Оқи отырыңыз: Президент Тоқаев туған күнін қалай атап өтеді

Тоқаевтар отбасы туралы не білеміз

Қасым-Жомарт Тоқаев 1953 жылы 17 мамырда Алматы қаласында дүниеге келді.

Әкесі – Тоқаев Кемел Тоқаұлы (1923-1986), Ұлы Отан соғысының ардагері, белгілі жазушы, қазақ әдебиетіндегі детектив-шытырман жанрының негізін қалаушы.

Анасы – Шабарбаева Тұрар (1931-2000), шет тілдер пединститутында жұмыс істеген.

Қазақстан президенті ажырасқан, оның Тимур деген ұлы бар.

Президент қайда оқыды

Қазақстанның болашақ президенті 1975 жылы Мәскеу мемлекеттік халықаралық қатынастар институтын (МГИМО) бітірді.

Ол КСРО-ның Қытайдағы елшілігінде және 1983-1984 жылдары Пекин лингвистикалық институтында тәжірибеден өтті.

1992 жылы Ресей СІМ дипломатиялық академиясын бітірді.

Тоқаевтың еңбек жолы

1994 жылы Тоқаев Қазақстанның сыртқы істер министрі болып жұмыс істеді, бес жылдан кейін ол үкімет басшысы болды.

2002 жылдың қаңтарында ол мемлекеттік хатшы – сыртқы істер министрі болды.

2003-2007 жылдары – сыртқы істер министрі. Осы лауазымда Тоқаев ядролық қаруды таратпаудың ғаламдық процесіне белсенді қатысты.

2007 жылдың қаңтарында Тоқаев парламент сенатының төрағасы болып сайланды. Ал 2011 жылдың наурызында БҰҰ бас хатшысының орынбасары, БҰҰ-ның Женевадағы бөлімінің бас директоры болып тағайындалды.

2013 жылдың қазанында ол сенат спикері қызметіне қайта оралды.

Нұрсұлтан Назарбаев отставкаға кеткеннен кейін Тоқаев Қазақстанның басшысы болып, 2019 жылдың 20 наурызында ант қабылдады. 2019 жылғы 9 маусымда ол кезектен тыс президенттік сайлауда сайлаушылардың 70,96% қолдауымен жеңіске жетті.

814
Кілт сөздер:
туған күн, президент, Қасым-Жомарт Тоқаев
Тақырып бойынша
Білім саласын түбегейлі реформалау қажет – мемлекет басшысы  
Мемлекет басшысы Сапарбаевтан шетелдіктердің жалақысы туралы сұрады
Тоқаев президенттің өкілеттігін кеңейтетін заңға қол қойды
Қазақстан еш нәрсені жасырмайды – президент  
Президент төтенше жағдайдан кейін қандай өзгеріс болатынын айтты
Димаш Құдайберген

Димаш Құдайбергенді әріптестері мен жанкүйерлері қалай құттықтады

231
(Жаңартылды 20:40 24.05.2020)
Қазақ эстрадасы әншілерінің бірқатары Димашқа ақ тілегін арнады. Оның ішінде Мақпал Жүнісова, Сәкен Майғазиев, Қыдырәлі Болманов, Төреғали Төреәлі бар

АЛМАТЫ, 24 мамыр – Sputnik. Қазақстандық әнші Димаш Құдайберген 24 мамырда 26 жасқа толды. Соған орай әншінің әріптестері мен тыңдармандары құттықтау хаттарын жолдап жатыр, деп хабарлайды Sputnik Қазақстан. 

Алғашқылардың бірі болып Димаш Құдайбергенді әкесі Қанат Айтбаев пен анасы Света Айтбаева Instagram-да құттықтады.

"Ғұмырың ұзақ, бақытты болғай, Ақ Диком! Алар асуларың биік, тұғырың берік болсын! Армандарың орындалғай! Туған күніңмен!", - деп жазды Айтбаевтар.

Әншінің өзі туған күнінде ата-анасына құттықтау жолдады.

"Менің 26-шы туған күнім келді. Ата-анамды менің туған күнімен құттықтаймын", - деп жазды ол.

Посмотреть эту публикацию в Instagram

Публикация от Dimash Kudaibergen (@kudaibergenov.dimash)

Қазақ эстрадасы әншілерінің бірқатары Димашқа ақ тілегін арнады. Оның ішінде Мақпал Жүнісова, Сәкен Майғазиев, Қыдырәлі Болманов, Төреғали Төреәлі бар.

"Алты құрлыққа алты алаштың атын аспандатқан ардақты ұл, туған күніңмен! Әуен көгінде әуелей бер, әлем әншісі", - деп жазды Майғазиев.

Ал әнші Төреғали Димаштың соңғы 2-3 жылдағы жетістігіне баға берді.  

"Димаш – көп айтуды, артық таныстыруды қажет етпейтін азамат. Қазақстанның әлемдік деңгейдегі имиджіне жүздеген жоба, миллиондаған, миллиардтаған ақша салынды, салынып жатыр. Әрине, мемлекеттің ол жұмысы да нәтижесіз емес, десе де соңғы екі-үш жылдағы Димаштың шыққан биігі біздің елімізді қандай биікке көтергенін бәріміз көріп отырмыз", - деп жазды Төреғали.

Посмотреть эту публикацию в Instagram

Публикация от 𝐓𝐎𝐑𝐄𝐆𝐀𝐋𝐈 𝐓𝐎𝐑𝐄𝐀𝐋𝐈 (@toregalitoreali)

Ол Францияда өнер көрсеткен Әміре Қашаубаев пен Ла Скалада ән салған Амангелді Сембинді мысал етті.

"Жиырмасыншы ғасырда Әміре атамыздың Францияда өнер көрсетуі, қазақ әнінің кереметіне әлем халқын ұйытып, тыңдатуы бір құбылыс болды, бірақ ол кезде біз бодандық бұғауында бұлқынып өз мүмкіндігімізді толық көрсете алмадық. Ақыры сол сапары қайталанбас әншінің басына сор болып жабысып, тағдырын тәлкекке салған деседі. Ла Скалада ән салған тұңғыш қазақ – Амангелді Сембин еді. Өкінішке қарай ол ағамыз да қарымын толық жаза алмай, көп арманы ішінде қалды. Саяси жағдайлар араласып кеткенге ұқсайды. Енді жиырма бірінші ғасырда жарқ етіп, әлем аспанын ән шұғыласына бөлеп, анау-мынау адамның басы айналатын биікке көтерілген Димаш бауырымыз болды", - деп жазды әнші.

Димашты өзімен және әнші Қайрат Нұртаспен салыстыратындарға да тоқталды.

"Димашты сырттай менімен, Қайратпен салыстырып, аракідік от салып отыратын пікірлерді көріп қалып, қынжылып қаламын. Қайрекең екеуміз де Димаш бауырымыздың және сол сияқты еліміздің талантты ұл-қыздарының тек тілеуқор, жанашыры екеніміз Аллаға аян. Ешқашан бақ таластырып, бақастық туралы ойлап көрмеппіз. Бүгінгі туған күнің құтты болсын, Димаш! Алла жолыңды ашық қылсын, бауырым!", - деп жазды ол.

Ал әнші Қыдырәлі Болманов ақжарма тілегін білдірді.

"Туған күнің құтты болсын, бауырым! Алла тіл-көзден, кесапат-қырсық, бәле-жаладан, ауру-сырқаудан, қауіп-қатерлерден пана болсын, сақтап жүрсін! Қазақ елі өзіңе тілектес. Екі өмірдің абырой, бақытын нәсіп етсін", - деп жазды Болманов.

Посмотреть эту публикацию в Instagram

Публикация от Кыдырали Болманов (@kydyrali_bolman)

Нұр-Сұлтан қаласындағы Қалибек Қуанышбаев атындағы театр директоры Асхат Маемиров те Димашты құттықтап, бірге түскен фотоларын жариялады.

231
Кілт сөздер:
туған күн, Димаш Құдайберген
Тақырып бойынша
Димаш Құдайберген Еуропаға гастрольдік сапарын тоқтатты
"Өзгеріп кеткен": Димашпен суретке түскен Иманғали Тасмағамбетовті жұрт танымай қалды
Рига әуежайында жанкүйерлер Димаш Құдайбергенді қазақша әнмен қарсы алды  
Димаш Құдайберген Кремльде жаңа әннің тұсауын кесті – видео
Димаш тағы бір талантымен жанкүйерлерін тәнті етті – видео
Копии славянских рукописей представили в Российском центре науки и культуры в Нур-Султане

Қазақстанда Славян жазуы мен мәдениеті күні қалай аталып өтті

78
(Жаңартылды 16:24 24.05.2020)
Славян жазуы мен мәдениеті күніне арналған іс-шаралар коронавирус пандемиясына байланысты қашықтықтан ұйымдастырылды

НҰР-СҰЛТАН, 24 мамыр – Sputnik. Қазақстанда Славян жазуы мен мәдениеті күніне арналған мерекелік концерттер, конференциялар, дөңгелек үстелдер, байқаулар өткізілді. Коронавирус пандемиясына байланысты бұл шаралардың барлығы қашықтық форматында ұйымдастырылды, деп хабарлады Нұр-Сұлтандағы Ресейдің ғылым және мәдениет орталығы.

"Славян жазуы мен мәдениеті күні көпұлтты Қазақстан үшін өте маңызды", –  деді Қазақ ұлттық өнер университетінің студенті Әлия Жақпарова. – Сондықтан біз музыкант достарымызбен бірге орыс классиктерімен қатар түрлі елдер композиторларының туындылары орындалатын онлайн-концерт ұйымдастыруға шешім қабылдадық. Осылайша біз қазақстандықтардың халықтар арасындағы достықты, сенім мен өзара түсіністікті сақтауға және нығайтуға деген ұмтылысын білдіргіміз келеді".

Оның айтуынша, студенттерге бұл ерекше жобаны дайындауға ұстаздары – Батыржан Смақов пен Раушан Бескемпірова және Нұр-Сұлтандағы Ресей ғылым және мәдениет орталығының қызметкерлері көмектескен.

Дәл осы күні Александр Сергеевич Пушкиннің туған күні – 6 маусымда аталып өтетін алдағы Орыс тілі күніне арналған республикалық онлайн-фестиваль басталды.

Фестивальді өткізуге "Согласие" орыс мәдени орталығы (Қарағанды) бастамашы болды.   

"Біздің идеямыз Қазақстан билігі, Қазақстан халқы Ассамблеясы және Ресейдегі отандастар ұйымдары тарапынан қолдау табатынына сенімдімін", – деді "Согласие" орталығының басшысы Степан Ведюнин. – Ресей елшілігі мен Россотурничество өкілдігі ең алдымен этностар арасындағы қатынастарды үйлестіруге бағытталған маңызды жобаны іске асыруға көмектесуге дайын екенін білдірді".  

Россотрудничество өкілдігі ұйымдастырған дөңгелек үстелге түрлі елдің филологтары үлкен қызығушылық білдірді, ол да қашықтық форматында өтті.

Қазақстан, Ресей, Болгария, Германия және Украинаның мамандары Ұлы Отан соғысы славян тілдеріне (славян ғана емес!) қалай әсер етті деген тақырыпты талқылады. Қызу, ашық әңгіме барысында Олжас Сүлейменовтің "Аз и Я" кітабының түркілер мен славяндар арасындағы тарихи және мәдени байланыстарды заманға сай түсінудегі рөлі мен маңызы туралы көп айтылды.      

78
Тақырып бойынша
Нығматулин қазақ тіліндегі сұраққа орысша жауап берген шенеунікті ұялтып тастады
Алаш идеясы тығырыққа тірелді: Байтұрсынұлы кеңес өкіметі жағына не үшін өтті
Депутаттар алдында жауабын 100 пайыз орыс тілінде берген шенеунік сөз естіді
Жазушы Бексұлтан Нұржекеұлымен сұхбат: "Назарбаевтың айтқаны болмады"
Тоқаев билік қандай кемшілік жібергенін айтты
Саяси қайраткер және халық жазушысы Олжас Сүлейменов жайлы не білеміз
Алматыда мас жүргізуші бақылау-өткізу бекетін бұзып өтпек болды

Алматы тұрғыны блок бекетті бұзып өтпек болды: полицей көз жұмды

0
Құқық қорғау органдарының мәліметінше, жол апатын жасаған жүргізуші мас болған. Сотқа дейінгі тергеу басталды

НҰР-СҰЛТАН, 25 мамыр – Sputnik. Алматыдағы блок бекеттердің бірінде жол апатынан полиция қызметкері көз жұмды, деп хабарлайды Polisia.kz.

Трагедия дүйсенбі таңертеңгі сағат 05:26-да Алматы облысы Қарасай ауданы Көксай ықшамауданында болды. Жаңа Ғасыр көшесімен қиылыста, Кожабекова көшесімен солтүстік бағытта келе жатқан "BMW" маркалы автокөліктің жүргізушісі, 1992 жылы туған А.есімді қала тұрғыны №4 бақылау-өткізу бекетіне соқтығысқан.

Оқи отырыңыз: Блок бекеттер әзірге алынбайды – денсаулық сақтау министрлігі   

Алдымен бетон қоршауға барып тиген, содан кейін инерциямен патрульдік көлікке соқтығысқан, оның салонында екі полиция қызметкері отырған. Өкінішке қарай, патрульдердің бірі, 42 жастағы Жалғас Жанғазиев алған жарақатынан жедел жәрдем келгенге дейін жан тапсырды. Оның әріптесі Дастан Абдықанов жақын жерде орналасқан ауруханаға өте ауыр жағдайда жеткізілді.

"BMW" жүргізушісі қамауға алынды. Бұл факті бойынша сотқа дейінгі тергеу басталды.  

0
Кілт сөздер:
жол апаты, полицей, Алматы
Тақырып бойынша
Нұр-Сұлтаннан шыға алатындар тізіміне тағы бір санат қосылды
СҚО-да карантинде кедергісіз жүру үшін полицей 1 миллион 300 мың пара алған
Нұр-Сұлтан айналасындағы блок бекеттер қашан алынады
Алматыдағы блок бекеттерге адамдардың не үшін жиналғаны белгілі болды