Нұр-Сұлтан қаласындағы су басқан көше

Нөсер жауыннан кейін Нұр-Сұлтан көшелері тағы да су астында қалды видео

1141
(Жаңартылды 17:45 18.05.2020)
Елордалық әкімдік осы жылдың жазында Момышұлы даңғылындағы "жауынды көлдің" мәселесін шешуге уәде берді

НҰР-СҰЛТАН, 18 мамыр – Sputnik. Нөсер жаңбырдан кейін елордалық көшелер тағы да су астында қалды. Тұрғындар қаланың әр тұсынан түсірілген видеоларды әлеуметтік желілерде жариялай бастады.

Дүйсенбі күні Нұр-Сұлтанда күн күркіреп, жаңбыр жауды. Қошқарбаев көшесі кезекті рет су астында қалды.

Момышұлы көшесін де әдеттегідей су басты.

Посмотреть эту публикацию в Instagram

Публикация от ДИКТАТУРА ЗАКОНА☀ (@dictaturazakona)

"Елордада аздаған жаңбыр Момышұлы көшесін кішігірім Венецияға айналдырды. Кәдімгі өзен. Мұнда құрылыс-монтаж жұмыстары жүргізіліп жатыр. Мына жерде үлкен шұңқыр болған, қазір ол толығымен суға толды", – дейді видео авторы.

Жаңбыр жауса алдымен толатын осы даңғыл бойындағы магистральды кәріз коллекторын қайта жөндеу жұмыстары басталған.

Посмотреть эту публикацию в Instagram

Публикация от NUR SULTAN | ASTANA | АСТАНА (@v_astane_official)

Сәуір айының соңында елорда әкімі Алтай Көлгінов Момышұлы даңғылы мен Тоқпанов көшесінің қиылысындағы жауын суын ағызу жұмыстарының барысын тексерген болатын.

Елордалық әкімдік осы жылдың жазында Момышұлы даңғылындағы "жауынды көлдің" мәселесін шешуге уәде берген еді. Жөндеу жұмыстарына байланысты бұл көшеде 15 мамырдан бастап он күнге көлік қозғалысы шектелді.

Посмотреть эту публикацию в Instagram

Публикация от D.A. (@infinity_astana_2020)

Қазір қаладағы Жастар ықшам ауданында тазарту қондырғылары салынып (Тәшенов пен Амман көшесінің қиылысы), коллекторларды қайта жаңарту жұмыстары жүргізілуде. Бұл Тәшенов, Бараев, Уәлиханов, Иманбаев көшесі мен Республика даңғылын су басудан қорғайды.

Еске сала кетейік, алдағы күндері Қазақстанның барлық аумағында құбылмалы ауа-райы сақталады. Солтүстік пен шығыста және оңтүстік-шығыстың кей жерлерінде күшті жел тұрып, нөсер жаңбыр жауады. Қазгидрометтің болжамынша, күн күркіреп, тұман басады және бұршақ аралас жауын болады.

1141
Кілт сөздер:
нөсер жаңбыр, Нұр-Сұлтан
Тақырып бойынша
Түнімен жауған жаңбырдан соң Алматыны су басты: таңертең ірі жол апаты болды
Нұр-Сұлтанда су құбыры жарылды: көшелерді су басты - видео
Алматы көшесін ыстық су басты – видео
Бір метрден аса су басты: Солтүстік Қазақстанда көлік қозғалысына шектеу енгізілді
Қазақстанның оңтүстігінде тағы бір ауылда үйлерді су басты
Жадкевич атындағы Мәскеу қалалық клиникалық ауруханасының бас дәрігері Александр Мясников

Бұрынғы КСРО елдерінде коронавирустан қайтыс болу көрсеткіші төмен

61
(Жаңартылды 23:14 02.06.2020)
Дәрігер Мясников өлім-жітімнің төмен көрсеткішін КСРО-да медицинаның ерекше болуымен байланыстыра түсіндірді

НҰР-СҰЛТАН, 2 маусым — Sputnik. Белгілі ресейлік тележүргізуші, Жадкевич атындағы Мәскеу қалалық клиникалық ауруханасының бас дәрігері, коронавирусқа қатысты жағдайды бақылау жөніндегі ақпарат орталығының өкілі Александр Мясников Sputnik арнайы онлайн-видеокөпірі кезінде шын мәнінде коронавирустың қалай дамитынын және неліктен Италия, Испания және АҚШ-тағы қайғылы жағдайлардың посткеңестік елдерде қайталанбағанын айтып берді.

КСРО құрамына кірген көптеген елде коронавирус індетінен болатын өлім-жітім көрсеткішінің әлемдік деңгейден әлдеқайда төмен болуы ғалымдар мен дәрігерлерді таңғалдырып отыр. Coronavirus-monitior.ru сервисінің мәліметінше, 1 маусымдағы жағдай бойынша олардағы өлім деңгейі Өзбекстандағы 0,4% -тен Литвадағы 4,23% -ке дейінгі аралықта құбылады. Ал Италия мен Ұлыбританияда бұл көрсеткіш –14%, Францияда – 15%, Бельгияда – 16%.  

Оқи отырыңыз: Қазақстан коронавирустың екінші толқынынан қалай сақтанып жатыр 

"Саясаткерлер, білікті дәрігерлер қазір бұрынғы Кеңес Одағы елдеріне үңіле бастады, - дейді дәрігер Мясников. – Ауыр науқастар мен қайтыс болғандардың саны эпидемияның қазіргі жағдайын көрсетеді. Ал бұрынғы КСРО-ның барлық елінде өлім-жітім деңгейі төмен. Неліктен екенін бағамдау қажет. БЦЖ-ның (КСРО-да кеңінен қолданылған туберкулезге қарсы вакцина) пайдасы тиген болуы мүмкін, айтпақшы, қазірдің өзінде зерттеу жүргізіліп жатыр – америкалықтар шағын топтарға БЦЖ еге бастады. Дүниежүзілік денсаулық сақтау ұйымы да: "Мәселе БЦЖ-ға иммундық жауапта болуы мүмкін, бірақ әзірге оны ұсынбаймыз" деді". 

Мясников посткеңестік елдер халқының иммунитеті коронавирусқа төзімді екенін айта келе, бұл жағдайдың бұрын туберкулез инфекциясын жұқтыру деңгейінің жоғары болуымен байланыстырылуы мүмкін екенін болжады.

"Кейбір ғалымдар жасырын туберкулездің таралу деңгейінің жоғары болуы иммундық жүйенің өзгеруіне әкеледі, сондықтан коронавирус үлкен қарсылыққа кезігеді" деп болжап жатыр, – дейді сарапшы. – Бірақ біз орыстар, белорустар, украиндар, қазақтар неліктен америкалықтардан, француздардан және италиялықтардан он есе аз өлетінін анықтауымыз керек. Мәселенің басын ашу керек".  

61
Кілт сөздер:
КСРО, коронавирус
Тақырып бойынша
Қазақстанда 7 журналист коронавирус жұқтырды
Бас санитар дәрігер той-томалақ өткізуге бола ма деген сұраққа жауап берді
Қазақстандық әкім коронавирус жұқтырды
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер
Митинг, архивтегі фото

Нұр-Сұлтанда көпбалалы және мүгедек баласы бар аналар пәтер талап етті

70
Коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды

НҰР-СҰЛТАН, 2 маусым – Sputnik.Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Блогер және Қазақстандағы MMA қозғалысының негізін қалаушы Анатолий Ким жағалаудан трансляция жүргізді.

Посмотреть эту публикацию в Instagram

Публикация от ANATOLIY KIM (@kazmma)

"Бізге пәтер беруді талап етеміз. 27 мамырда балам қайтыс болды, сал ауруымен ауырды, ұзақ жылдар бойы пәтер кезегінде тұрдық. Балам қайтыс болған кезде мені кезектен шығарып жіберді. Басқа балам жоқ", - деді наразылық білдірушілердің бірі Роза.

Сондай-ақ, адамдар күн көру қиындап кеткеніне шағымданып, жәрдемақыны көбейтуді талап етті.

"Бізге ешкім келмеді" деген әйелдердің сөзін әкімдік өкілдері теріске шығарып, келіссөз жүргізгендерін айтты.

Сондай-ақ митинг болған жерге тәртіп сақшылары келді. Олар ешкімді ұстап әкеткен жоқ.

Оқи отырыңыз: Бұдан былай бейбіт митинг өткізу үшін рұқсат алудың қажеті жоқ – Тоқаев 

Айта кету керек, митингіге байланысты елордалық Арбат шұғыл жұмысын тоқтатты, қолөнершілер жәрмеңкесіне қатысушылар мен музыканттар үйлеріне кетті.

Қазақстан президенті 25 мамырда бейбіт митингілер өткізу туралы заңға қол қойды. Жиналыстан 5 күн бұрын жергілікті атқарушы органдарға хабарлануы керек.

Бейбіт митингілер өткізу туралы заң 6 маусымда күшіне енеді.

70
Кілт сөздер:
баспана, мүгедек, көпбалалы отбасы
Тақырып бойынша
Тоқаев митинг туралы заңға қол қойды
Митингке шыққысы келетін қазақстандықтар нені білуі тиіс
Тұрғымбаев: Митингіге шығатындар бейбітшілік басты құндылық екенін түсінбейді
Министрдің орынбасары полиция белсенділерді үйден ұстап әкетпейтінін айтты
"Жауыз қылып бітірдік": депутат митингте "адамдарды сүйреп әкететіндер" туралы айтты