Зертхана қызметкері

Министрлік үш өңірде коронавирус жұқтырғандар неге артып жатқанын түсіндірді

1421
(Жаңартылды 17:17 18.05.2020)
Өңірлерде сақталуы тиіс қатаң тәртіп жеңілдетілмейді. Керісінше, егер инфекция тыйылмаса, карантинді күшейту мәселесі қаралуы мүмкін

НҰР-СҰЛТАН, 18 мамыр – Sputnik. Атырау және Түркістан облыстарында коронавирус жұқтырғандардың көбеюі "Теңізшевройл" компаниясы қызметкерлерінен вирус табылуымен байланысты. Бұл туралы денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің төрағасы Тимур Сұлтанғазиев мәлімдеді, деп хабарлайды Sputnik Қазақстан тілшісі.

Ол вирус жұқтыру ошағы Атырау облысындағы "Теңізшевройл" компаниясында, оның мердігер және субмердігер ұйымдарында екенін атап өтті.

"Бұл жабық ұжымдар. Қазір онда барлық қызметкер жаппай тест тапсырып жатыр. Атырау облысындағы едәуір өсім осы тексерістермен байланысты", – деді Сұлтанғазиев денсаулық сақтау министрлігінің әлеуметтік желідегі парақшасында өткен тікелей эфирде.

Ал Түркістан облысының статистикасына "Теңізшевройл" кәсіпорындарынан үйлеріне оралған вахташылар әсер еткен.

"Алгоритм пысықталды. Үйіне оралған вахташылар бірден оқшауланып, олардан анализ алынады", – деді комитет төрағасы.

Айтуынша, Шымкентте де осыған ұқсас жағдай. PetroKazakhstan компаниясының қызметкері тұмау белгілерімен ауруханаға жүгінген. Осыдан кейін компания басшылығы барлық қызметкерін тестен өткізуге шешім қабылдаған.

"Вирус жұқтырғандардың көбеюі, яғни өсім нақты бір ұжыммен байланысты", – деп түсіндірді Сұлтанғазиев.

Оқи отырыңыз: Қазақстан өңірлері вирус жұқтыру өсімі бойынша үш топқа бөлінді

Ол бұл өңірлерде карантин шаралары жеңілдетілмейтінін атап өтті. Керісінше, егер бұл облыстарда инфекция тыйылмаса, карантинді күшейту мәселесі қаралуы мүмкін.

1421
Кілт сөздер:
эпидемия, індет, коронавирус
Тақырып:
Коронавирус эпидемиясы (853)
Тақырып бойынша
Жаппай індет жұқтыру оқиғасы: Алматыда аурухананың бас дәрігері қызметінен кетті
"Туыстары түсінгісі келмейді": Өзіне қол салған адамнан вирус табылды
Қазақстандық дәрігер кімдердің коронавирус жұқтыру қаупі жоғары екенін айтты
Қазақстанда соңғы тәулікте коронавирус жұқтыру өсімі 2,8%-ке жетті
Бекшин Алматыдағы Covid-19 инфекциясын жұқтыру өсімін атады
Астана тұрғындары

Қазақстанда карантин шараларының сақталуын бақылау күшейеді

182
Жұмысқа қызметкерлердің тек 50 проценті ғана шығуы тиіс. Сондай-ақ, қоғамдық көлікпен тек бетперде таққан тұрғындарға ғана жүре алады

НҰР-СҰЛТАН, 26 мамыр - Sputnik. Ведомствоаралық комиссия карантин режимінің сақталуына бақылауды күшейту мәселесін қарастырды, деп хабарлады үкіметтің баспасөз қызметі.

Премьер-министр орынбасарыТоғжановтың төрағалығымен өткен коронавирустың таралуына жол бермеу жөніндегі ведомствоаралық комиссияның отырысында ел тұрғындарының бекітілген карантиндік режимді қатаң сақтауды бақылауға алу мәселесі қаралды.

"Біршама өңірлерде ауруды жұқтыру саны көбейіп отыр. Бұл карантин талаптарының орындалмауымен байланысты. Мемлекет басшысының тапсырмасына сәйкес, өңірлер санитарлық-эпидемиологиялық талаптардың орындалуын бақылауды ұйымдастырып, оларды орындамаған азаматтарға, мекемелерге, өндіріс нысандары мен кәсіпкерлік субъектілеріне қатысты тиісті шаралар қабылдауы керек", - деді Тоғжанов.

Осыған орай, өңірлердің әкімдіктері мен мемлекеттік органдарға тапсырма берілді:

  • еңбек ұжымдарында әлеуметтік қарым-қатынастың деңгейін барынша төмендету (эұмысқа шыққандар саны қызметкерлердің 50%-інен аспауы тиіс);
  • жұмыс күні барысында бетперде тағу және уақытылы ауыстыруды бақылау;
  • әлеуметтік арақашықтықты сақтау мүмкіндігін жасау;
  • қоғамдық көлікке қарастырылған орындардан артық жолаушы алмау және тұрғындардың міндетті түрде маскамен болуын қамтамасыз ету;
  • қорғаныс, ішкі істер қызметкерлерінің қатысуымен қоғамдық және өндіріс орындарын, мекемелер мен объектілерді дезинфекциялау шараларын күшейту. 

Берілген тапсырмалардың орындалу үкіметтің тұрақты бақылауғына алынды. 

Президент қазақстандықтардың карантин режимін сақтамауына байланысты нақты шаралар қолдану керек екенін мәлімдеген болатын.

Жергілікті билік коронавирус жұқтыру көрсеткішінің төмендеп-артуына байланысты карантин шараларын анықтайды. Жағдай тұрақты өңірлерде бұл шаралар жеңілдетіледі. Ал вирус жұқтырғандар саны артқан аймақтарда карантин шаралары күшейтіледі.

182
Кілт сөздер:
коронавирус, бақылау, Қазақстан
Тақырып бойынша
Бас санитар дәрігер блок бекеттердің қандай жағдайда алынатынын айтты
Ата-аналар қашықтан оқудың машақаты туралы айтып берді - видео
Нұр-Сұлтан әкімдігі қызметкерлерді қысқартады
Есмағамбетова науқаспен байланыста болғандарға қатысты өзгерісті атады
Блок бекеттегі апат: үшінші полицейдің жағдайы туралы ақпарат жарияланды
Жеңіс парады

Қазақстан президенті Мәскеудегі Жеңіс парадына қатысады

118
(Жаңартылды 20:10 26.05.2020)
Мемлекет басшысы Қасым-Жомарт Тоқаев Ресей президенті Владимир Путиннің Мәскеуде өтетін Жеңіс парадына құрметті қонақ ретінде қатысуға шақыруын қабыл алды

НҰР-СҰЛТАН, 26 мамыр – Sputnik. Ресей тарапының бастамасы бойынша мемлекет басшысы Қасым-Жомарт Тоқаев Ресей президенті Владимир Путинмен телефон арқылы сөйлесті. Әңгіме барысында Ресей басшысы Тоқаевты Мәскеуде өтетін Жеңіс парадына құрметті қонақ ретінде қатысуға шақырды, деп хабарлайды Ақорда сайты.

Телефон арқылы болған әңгімеде тараптар COVID-19 пандемиясына қатысты қазіргі ахуал мен індеттің таралуына қарсы күреске байланысты екі елдің қабылдаған шаралары жөнінде пікір алмасты.

Оқи отырыңыз: Жеңістің 75 жылдығы: әлем елдері мерекені қалай атап өтті - фото

Сонымен қатар мемлекеттердің басшылары екіжақты ынтымақтастықтың өзекті мәселелері мен Еуразиялық экономикалық одақ аясындағы өзара ықпалдастықты талқылады.

"Сөйлесу соңында Владимир Путин Қасым-Жомарт Тоқаевты 24 маусым күні Мәскеуде өтетін Жеңіс парадына құрметті қонақ ретінде қатысуға шақырды. Қазақстан президенті шақыртуды ризашылықпен қабыл алды", – делінген Ақорданың хабарламасында.

Ал Жеңіс парадына қатысу туралы Қазақстан президенті өзінің Twitter-дегі парақшасында жазды.

"Бүгін Ресей президенті Владимир Путинмен телефон арқылы сөйлесу барысында 24 маусым күні Қызыл алаңда өтетін Жеңіс парадына құрметті қонақ ретінде қатысуға шақырту алдым. Шақыртуды ризашылықпен қабылдадым", – деп жазды Қасым-Жомарт Тоқаев.

Айта кетейік, бұған дейін Ресей президенті Владимир Путин қорғаныс министрі Сергей Шойгумен жұмыс кездесуі кезінде парад өткізу туралы шешім қабылданғанын хабарлаған.

118
Тақырып бойынша
Назарбаев пен Путин бір-бірін Жеңіс күнімен құттықтады
Індет жұқтырғандар саны артып барады – Тоқаев
Тоқаев Алматыда қаза болған полицейлерді марапаттады
Бөлінген қаржы қалай игерілуде: Тоқаев есеп комитетінің басшысын қабылдады
Дәрігер, архивтегі сурет

Ресейдің вирусология орталығы COVID-19-ға қарсы вакцинаны сынақтан өткізеді

0
Вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік формада жасалуы тиіс

АЛМАТЫ, 26 мамыр – Sputnik. Роспотребнадзордың "Вектор" вирусология ғылыми орталығы маусымның соңында коронавирусқа қарсы вакцинаны клиникалық сынақтан өткізуді жоспарлап отыр. Бұл туралы "Известия" газетіне берген сұхбатында орталықтың бас директоры Ринат Максютов хабарлады, деп жазады РИА Новости

Оның айтуынша, осы уақытқа дейін жануарларға жасалған тест нәтижелерін алу жоспарланып отыр және денсаулық сақтау министрлігінің клиникалық зерттеулерге рұқсат беруін күтуде.

Максютовтың айтуынша, вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік форма алуы керек.

Содан кейін клиникаға дейінгі және клиникалық зерттеулердің толық спектрі мен тіркеуден өтуі қажет. Бұған дейін Гамалея атындағы эпидемиология және микробиология ғылыми-зерттеу орталығының директоры Александр Гинцбург вакцинаны әзірлеумен айналысатын орталық қызметкерлері, сонымен қатар өзі де  вакцина салдырғанын хабарлады. Айтуынша, оларда инфекциядан қорғайтын антидене пайда болған.

Ресейде коронавирусқа қарсы вакцина жасау үшін Санкт-Петербург вакциналар мен сарысу ғылыми-зерттеу институтының ғалымдары да еңбек етіп жатыр. Препаратты әзірлеу барысында басқа елдерде де жұмыстар жүргізіліп жатыр.

Гинцбург ресейліктерді жаппай вакцинациялау күздің басында басталып, ол процестің алты айдан тоғыз айға дейін созылатынын хабарлады.

Жаңа коронавирус (COVID-19 тудыратын) алғаш рет желтоқсанның соңында Қытайдың Ухань қаласында анықталды. Наурыздың басында ДДҰ оны пандемия деп таныды. Ұйымның ақпараты бойынша, әлемде 5,3 миллион адам коронавирус инфекциясын жұқтырған, 343 мыңнан астам адам қайтыс болды.

Ресейде 353 427 адамнан COVID-19 табылды, оның ішінде 118 798 науқас сауығып шықты, 3 633 қайтыс болды.

0
Кілт сөздер:
Ресей, коронавирус
Тақырып бойынша
Қазақстанда карантин шараларының сақталуын бақылау күшейеді
Жұмысқа шыққандар арасында вирус жұқтырғандар көбеюде – министрлік
Бас санитар дәрігер блок бекеттердің қандай жағдайда алынатынын айтты
Бас санитар дәрігер вирус жұқтырғандар саны неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді