Блок бекет

Нұр-Сұлтаннан шыға алатындар тізіміне тағы бір санат қосылды

1020
Төтенше жағдай аяқталса да, елде карантин жалғасып жатыр. Сол себепті алты блок-бекет әлі алынған жоқ

НҰР-СҰЛТАН, 19 мамыр - Sputnik. Елорданың жергілікті полиция қызметі блок-бекеттен өте алатын адамдардың тізімін жариялады, деп хабарлайды Sputnik Қазақстан тілшісі. 

Қызмет бастығы Ғосман Жакиннің айтуынша, төтенше жағдай аяқталса да, карантин жалғасып жатыр. Сол себепті алты блок-бекет те алынған жоқ. 

"Ол жерде полиция, әкімдік мен денсаулық сақтау органдарының қызметкерлері санитарлық-карантиндік бақылауды жүргізіп отырады", - деді Жакин бүгінгі онлайн брифингте.

Осы орайда полиция басшысы қаладан шығуға рұқсат берілген адамдардың санатына тоқталды. Олар:

  • Қала тіршілігін қамтамасыз етіп отырған ұйымдардың қызметкерлері;
  • Төтенше жағдайдан кейін жұмысы жанданған ұйымдардың қызметкерлері; 
  • Қаланың сыртындағы үйлерге және сайжайларға шығатындар; 
  • Медициналық жолдамасы бар азаматтар; 
  • Көктемгі егістік жұмыстарына қатысатындар; 
  • Ақмола облысына кіретін Целиноград, Аршалы, Шортанды мен Қорғалжын аудандарының тұрғындары; 
  • Басқа аймақтарда тұрақты тіркеуде тұрған азаматтар;
  • Жерлеу рәсіміне қатысатындар (бес адам мен екі көліктен артық емес, соның ішінде катафалк та бар);
  • Шетел азаматтары;
  • Кәмелеттік жасқа толмаған балаларын алып кетуге және ауырып қалған туған-туыстарын күтуге бара жатқандар; 
  • Астанада тұруға жағдайы жоқ адамдар; 
  • Әуе билеттері бар жолаушылар; 
  • Түркістан облысына су тасқынына қарсы шараларға бара жатқандар;
  • Азық-түлік және азық-түлік емес тауарлары таситын жүк көліктері; 
  • Транзиттік жолаушылар.

Айта кетейік, бұған дейін қала әкімдігі блок-бекеттерден өте алатын адамдардың тізімін астана әкімдігі  жариялаған болатын. Бірақ оның ішінде "астанада тұруға жағдайы жоқ адамдар" болмаған.

1020
Кілт сөздер:
карантин, Нұр-Сұлтан
Тақырып:
Төтенше жағдай және карантин (397)
Тақырып бойынша
Карантин кезінде Нұр-Сұлтан мен Алматының ауасы тазарды ма
Нұр-Сұлтанда қатаң карантин қайта енгізілуі мүмкін - әкімдік мәлімдемесі
Бас санитар дәрігер карантин кезіндегі моншалардың жұмысы туралы айтты
Нұр-Сұлтанда мешіттер мен дәмханалар ашылды – видео
Нұр-Сұлтанда сауда орталықтары қалай жұмыс істейді
Бойжеткен, иллюстративті фото

Америкалық отбасы асырап алған қыз Қазақстандағы ата-анасын іздеп жатыр видео

0
(Жаңартылды 20:06 28.05.2020)
Азия Бергер Флорида штатында Диснейлендтен бес минуттық жерде тұрады. Лекси, Ари деген бір әпке, бір сіңлісі бар. Колледжде өнер саласында оқиды

АЛМАТЫ, 28 мамыр – Sputnik. Азия Бергерді 2001 жылы америкалық отбасы асырап алған. Қазақстанның Семей қаласында туған бойжеткен биологиялық ата-анасын тапқысы келеді. Бұл жайында ол Facebook қолданушысына берген сұхбатында айтты.

Азияның айтуынша, биологиялық ата-анасы Құралай және Қуат Ашқановтар есімді жұп. Бойжеткен 2000 жылы дүниеге келген, 2001 жылы америкалық отбасы асырап алған.

"Аты-жөнім – Asia Berger. Бұл есімді Америкадағы ата-анам қойған. Шын есімім – Салтанат Ашқанова. Мені Қазақстанның Семей қаласынан 16 ай кезімде асырап алған. Өзімнің биологиялық ата-анамды табамын деп шешім қабылдадым. Тегім – Бергер, бірақ біз неміс емеспіз. Әкемнің ата-бабасы, туыстарының неміске қатысы болуы мүмкін", - дейді бойжеткен сұхбатында.

Азия Флоридада тұрады, отбасында екі бауыры бар. Колледжеде өнер саласында оқиды.  

"Мен Флоридада Диснейлендтен бес минуттық жерде тұрамын. Ол жерге бала кезімде баратынмын. Лекси, Ари деген бір әпкем, бір сіңлім бар. Үйде ортаншы баламын. Колледжде өнер саласында оқимын. Біз бір-бірімізбен өте жақын араласамыз, бірге қыдырамыз", - деді ол отбасы жайлы.

Айтуынша, америкалық ата-анасы асырап алғанын жасырмаған.

"Мені асырап алғанын сұрастырып білген жоқпын. Оны бұрыннан білетінмін. Әкем Нью-Йоркте Бруклинде туып өскен. Анам Орталық-батыста туған. Анамның шашы сары, көздері көк. Сырт келбетімізде айырмашылықтар байқалатын. Ата-анам асырап алғаны жайлы жасырған емес", - дейді ол.

Азия сұхбат барысында үйінде Қазақстан жайлы кітаптың көп екенін айтты.

"Барлық жағынан ашық сөйлесе білеміз. Әкем туған жерін білуді маңызды деп санайды. Әсіресе, үйімізде Қазақстан жайлы кітап көп. Қай жерден екенімді біле бермеймін, алайда ата-анамның маған көмек көрсетіп жатқаны үшін ризамын", - дейді бойжеткен.

"Қазақстан жайлы ешқашан жаман пікірде болған емеспін. Себебі туған ата-анамның өз қиындығы болған шығар. Одан бөлек асырап алынған барлық баланың атынан да сөйлей алмаймын, әр адамның өз қиындығы, өмір тәжірибесі бар. Сол туралы ойлаған кезде туған ата-анама деген өкпе-реніш те, сағыныш та жоқ, - дейді ол.

Бойжеткен биологиялық ата-анасының өткен өмірін білмей тұрып, оларды талқылай алмайтынын айтты.

"Менің америкалық ата-анам көп саяхаттайды. Әртүрлі елді, мәдениетті көрген кезде бірден үйренісе алмайды. Мен де Қазақстанға барсам, дәл солай мәдени шок алуым мүмкін", - дейді Азия Бергер.

0
Банк картасы, иллюстративті фото

Қазпошта әлеуметтік карталарына жаңа функция енгізіледі

21
Қазір картаны еліміздің бірнеше аймағында оқушылар мен зейнеткерлер көлік ақысын төлеуге пайдаланып жүр

НҰР-СҰЛТАН, 28 мамыр – Sputnik. Жақында әлеуметтік карталардың көмегімен қазақстандықтар дәрі-дәрмекке тапсырыс беріп, сатып ала алады. Бұл туралы Sputnik Қазақстан тілшісіне "Қазпошта" АҚ басқарма төрағасы Сәкен Сәрсенов айтты.

"Қазір бұл картаны оқушылар мен зейнеткерлер тауарларды жеңілдікпен сатып алуға пайдаланып жүр. Болашақта халықтың әлеуметтік осал топтарына дәрі-дәрмекке тапсырыс беріп, дәріханалардан сатып алып, үйге алдыруға мүмкіндік береді", - деді Сәкен Сәрсенов.   

Оқи отырыңыз: Сәкен Сәрсенов сәлем-сауқат дронмен қалай жеткізілетінін айтып берді 

Қазір "Қазпошта" қызметтер тізімін кеңейту бойынша еңбек және халықты әлеуметтік қорғау министрлігімен келіссөздер жүргізіп жатыр.

Бастапқыда Ақтөбеде оқушылар үшін "Әлеуметтік карта" жобасы қолға алынған.

"Біз бас кезінде бұл картаны мектептерде өткізу режимі, әлеуметтік тамаққа мұқтаж балаларды тамақтандыру қызметі үшін арнайы енгіздік. Сондай-ақ картаны автобус ақысын төлеу үшін пайдалануға болады. Көптеген әкімдікпен келісім жасағанбыз", - деп толықтырды "Қазпошта" басшысы.

Қазіргі уақытта картаны Нұр-Сұлтан, Қарағанды, Павлодар, Петропавл және Атырау қалаларындағы студенттер мен зейнеткерлер пайдалана алады. Әлеуметтік картаны біртіндеп Қазақстанның барлық аймағында енгізу жоспарланып отыр.

"Барлық карантин шарасы аяқталғаннан кейін халық бұл картаны қолдануы үшін оны белсенді түрде шығарып, тарата бастаймыз", - деді Сәрсенов.

2020-2021 жылдары әлеуметтік карталарды Қазақстан бойынша енгізу жоспарланып отыр.

21
Кілт сөздер:
Қазпошта
Тақырып бойынша
"Кез келген адам ақша таба алады": Қазпошта жаңа қызметті іске қоспақшы