Нұр-Сұлтан келбеті

Есмағамбетова қандай жағдайда қатаң карантин қайта енгізілетінін айтты

4583
(Жаңартылды 16:28 20.05.2020)
Нұр-Сұлтанда сатушылар бетпердесіз, қолғапсыз қызмет көрсетеді, күн сайын олардың арасынан коронавирус жұқтырғандар табылады

НҰР-СҰЛТАН, 20 мамыр – Sputnik. Қазақстанның бас мемлекеттік санитар дәрігері Айжан Есмағамбетова қатаң карантинді қайта енгізуге қатысты пікір білдірді, деп хабарлайды Sputnik Қазақстан тілшісі.

"Жалпы айтқанда вирус ешқайда кеткен жоқ. Ол әлі де біздің арамызда таралып жатыр. Сондықтан оның таралу жылдамдығы өзімізге байланысты. Біздің негізгі мақсатымыз – оның ары қарай таралуына жол бермеу. Науқастардың саны да өспеуі керек. Сөйтіп, карантиндік шараларды біртіндеп жеңілдетеміз. Алайда карантин шараларын сақтамау бізді қайтадан қатаң карантин режиміне қайтаруы мүмкін", - деді Есмағамбетова бүгінгі онлайн брифингте.

Оқи отырыңыз: Нұр-Сұлтан тұрғыны далада жүгіргені үшін қамауға алынды 

Оның айтуынша, карантин шараларын жеңілдету аясында кәсіпкерлерге үлкен жауапкершілік жүктеліп отыр. Соған қарамастан, күн сайын тәртіп бұзушылықтар тіркеліп отырады.

"Мәселен, соңғы бірнеше күннің ішінде Нұр-Сұлтанда 358 кәсіпкерлік нысан тексерілген болатын. Осы нысандардың 85 проценті тиісті талапты сақтамайтын болып шықты. Сатушылар бетпердесіз және қолғапсыз қызмет көрсетеді. Арнайы киімі жоқ. Антисептик қойылмайды. Нан өнімдерін қаптау талаптары сақталмайды. Осы орайда айта кеткен жөн, Нұр-Сұлтанда күн сайын сатушылардың арасында коронавирус жұқтырғандар анықталып отырады", - деп атап өтті Есмағамбетова.

Бұдан бөлек, тамақтану орындары, стоматология, шаштараз, сұлулық салондары мен құрылыс компаниялары санитарлық нормаларды сақтамайды. Алматы қаласында да тәртіп жиі бұзылады. Жалпы, республика бойынша қызмет көрсету нысандарында тиісті талаптарға немқұрайлы қарайды.  

"Тәртіпті бұзғаны үшін айыппұл қарастырылған. Оның көлемі 5-500 айлық есептік көрсеткішті (13 890 – 1 389 000 теңге – Sputnik Қазақстан) құрайды. Тіпті, кәсіпкерлік нысанның жұмысын тоқтатуға дейінгі шара қолданылады", - деп түйіндеді Есмағамбетова.

4583
Кілт сөздер:
коронавирус, карантин
Тақырып:
Төтенше жағдай және карантин (386)
Тақырып бойынша
Қазақстанның тоғыз өңірінде ХҚКО ашылды
Алматыда білім саласына қатысты бірқатар шешім қабылданды
Бас санитар дәрігер карантин кезіндегі моншалардың жұмысы туралы айтты
Вице-министр күзде коронавирустың екінші толқыны басталуы мүмкін екенін айтты
Алматыда қоғамдық көліктің жұмыс уақыты ұзартылады
Халыққа қызмет көрсету орталығы

Жоспар өзгерді: Жамбыл облысында Халыққа қызмет көрсету орталықтары ашылмайды

16
(Жаңартылды 13:51 25.05.2020)
Жедел штабтың өкілдері кезекті отырыста аймақтағы эпидемиологиялық ахуалға байланысты шешімді күрт өзгертіп, тұрғындарды карантин талабына бей-жай қарамауға шақырады

НҰР-СҰЛТАН, 25 мамыр – Sputnik. Жоспар бойынша бүгін Жамбыл облысында халыққа қызмет көрсету орталықтары ашылуы тиіс еді. Алайда, өңірде індет жұқтыру жағдайы ушығуына байланысты аталған нысандар іске қосылған жоқ, деп хабарлайды Sputnik Қазақстан.

"Соңғы күндері аймақта коронавирус індетін жұқтырушылардың саны күрт көбеюіне байланысты (22 мамыр күні – 20 жағдай, 23 мамыр – 10 жағдай) 25 мамырдан бастап карантин шаралары жеңілдетілмейтін болды. Жамбыл облыстық жедел штабы осындай шешім қабылдады", – делінген облыстық әкімдіктің хабарламасында.

Оқи отырыңыз: Төтенше жағдай кезінде ХҚКО қалай жұмыс істейді?

Өңірде өткен тәулік ішінде індет жұқтырғандардың саны 33-ке жеткен.

Жедел штабтың кезекті отырысында өңірде қалыптасқан эпидемиологиялық ахуалға сәйкес карантин шараларын жеңілдету мәселесі қаралды.

"Карантин талабы тұрғындардың қауіпсіздігіне бағытталған. Сондықтан да азаматтарды тиісті шектеулер мен ескертулерге бей-жай қарамауға шақырамыз. 25 мамырға жоспарланған халыққа қызмет көрсету орталықтарының ашылуы кейінге шегерілді", – делінген жедел штаб мәлімдемесінде.

Бүгінге дейін Жамбыл облысында коронавирус жұқтырғандардың саны 292 адамға жетсе, оның ішінде 171 науқас жазылып шығып, бір адам көз жұмды.

Ал Қазақстан бойынша 8 531 адам індетке шалдығып, 4 352 адам ауруынан айықты. 35 науқас қайтыс болды.

16
Кілт сөздер:
эпидемия, халыққа қызмет көрсету орталығы, Жамбыл облысы
Тақырып:
Төтенше жағдай және карантин (386)
Тақырып бойынша
Димаш Құдайбергенов Ақтөбедегі ХҚКО-да паспортты қалай жасатты?
ХҚКО-дағы компьютерден порно көрген ер адам жұрттың ашуына тиді
Нұр-Сұлтан тұрғыны ХҚКО қызметкеріне жұдырық ала жүгірді
Қазақстанның тоғыз өңірінде ХҚКО ашылды
Емшектегі баланы ұстап отырған ХҚКО қызметкерінің суреті желіде дау тудырды
Білім және ғылым министрі Асхат Аймағамбетов

"Ұялудың еш қажеті жоқ": министр грантқа қалай түсе алмағанын айтты

71
(Жаңартылды 13:36 25.05.2020)
Білім және ғылым министрі ұстаздарды, оқушылар мен ата-аналарды соңғы қоңырау мерекесімен құттықтады

НҰР-СҰЛТАН, 25 мамыр – Sputnik. Білім және ғылым министрі Асхат Аймағамбетов түлектерді ештеңеден қорықпауға шақырып, өзі де мектеп бітірген соң, бірден грантқа түсе алмағанын айтты, деп хабарлайды Sputnik Қазақстан.

Министр мұғалімдер, оқушылар мен ата-аналарды соңғы қоңырау мерекесімен құттықтады.

"Барлығымыз үшін 25 мамыр ерекше жағдайда өтіп жатыр. Әлемдік пандемия біздің күнделікті өмірімізді түбегейлі өзгертті. Биылғы оқу жылы 4 миллионнан астам оқушы мен студенттің есінде қашықтан оқу форматына көшумен сақталады деп ойлаймын. Қысқа уақыт ішінде барлығыңыз жұмысты дұрыс ұйымдастыра білдіңіздер. Бұл мұғалімдердің, оқушылар мен ата-аналардың бірлескен әрекетінің нәтижесі деп білемін", - деді Аймағамбетов бейнеқұттықтауда.

Ол қашықтан оқыту форматы Қазақстанның білім саласында бұрын-соңды болмаған оқиға екенін атап өтті.

Аймағамбетов 2020 жылдың түлектеріне жеке тоқталды. Министр мектеп бітірушілерді ештеңеден қорықпай, мүмкіндіктерді пайдалана білуге шақырды.

Тағы оқыңыз: Білім басқармасы 1-сыныпқа қабылдау тәртібін түсіндірді  

"Алған беттен қайтпау өте маңызды екенін өз басым білемін. Нақты қадам жасап, ойыңыздағыны іске асыру керек. Мәселен, мен мектеп бітірген соң, бірден бір жылдың ішінде грантқа түсе алмадым. Одан ұялудың еш қажеті жоқ. Менің алдымда екі таңдау болды: біріншісі, ақылы түрде оқу, екіншісі бір жыл дайындалып, келесі ҰБТ-ны қайта тапсыру. Сол кезде бір жыл дайындалып, тесті қайта тапсырам деп шешім қабылдадым. Бір жыл уақытымды табанды дайындықпен жұмысқа арнап, нәтижесінде келесі жылы армандаған грантқа қол жеткіздім", - деді ол.

Министр ҰБТ түлектердің өміріндегі ең жеңіл емтиханның бірі болатынын айтты.

Сондай-ақ, ол түлектерді қателік жасаудан қорықпай, керісінше, одан сабақ алуға үндеді.

"Кішкентай кезімізден бізді қателік жасау дұрыс емес, кешірімсіз деп сендірген. Мектеп қабырғасынан бастап қателік жасамау біздің санамызға құйылып келді. Табысты адам ешқашан қателеспейді деген қате ұғым екенін айтқым келеді. Бәрі қателік жасайды, бастысы – одан сабақ алып, тәжірибе жинақтау. Қателік жасап, бәрін қайта бастаудан қорықпау қажет", - деп кеңес берді ведомство басшысы.

Айта кетсек, биыл коронавирус індетіне байланысты 1-10 сынып оқушылары үшін соңғы қоңырау онлайн режимде өтті.

Мектеп түлектері үшін аттестат табыстау және соңғы қоңырау мерекесі 3-4 маусымға жоспарланған. Оқу мекемелерінің әкімшілігі іс-шараны мектеп ауласында ұйымдастырады.

Ұлттық бірыңғай тестілеу дәстүр бойынша маусымның соңы мен шілденің басында өтеді. 

71
Кілт сөздер:
түлектер, білім және ғылым министрлігі, Асхат Аймағамбетов
Проценттің белгісі, архивтегі фото

Шағын және орта бизнеске 160 миллиард теңге жеңілдетілген кредит берілді  

0
Мемлекет басшысы Қасым-Жомарт Тоқаевтың тапсырмасынан кейін 1 116 шағын және орта бизнес нысаны кредит алған

НҰР-СҰЛТАН, 25 мамыр – Sputnik. Шағын және орта бизнес өкілдеріне 160 миллиард теңге көлемінде жеңілдетілген кредит берілді, деп хабарлады "Қазақстанның орнықтылық қоры" АҚ баспасөз қызметі.

Шағын және орта бизнесті 12 айға дейін жылдық 8% аспайтын мөлшерде жеңілдетілген кредиттеу бағдарламасы басталған сәттен бастап банктер арқылы 1 116 шағын және орта бизнес нысаны кредит алған. Қарыз алушылардың арасында көтерме және бөлшек сауда, өндіріс және құрылыс саласы өкілдерінің үлесі басым.

Оқи отырыңыз: Тоқаев кредит процентін алып тастауды сұрайтындарға жауап берді

Естеріңізге сала кетейік, жеңілдетілген кредиттеу бағдарламасы мемлекет басшысы Қасым-Жомарт Тоқаевтың коронавирус пандемиясының ел экономикасына тигізетін жағымсыз салдарын жоюға байланысты тапсырмасы аясында қолға алынған болатын.

Шағын және орта бизнесті, төтенше жағдайдан зардап шеккен жеке кәсіпкерлерді қолдау үшін Қазақстаның Ұлттық банкі 600 миллиард теңге бөлді.  

Бағдарламаны Қазақстанның орнықтылық қоры Қазақстан қаржы нарығын реттеу және дамыту агенттігімен және елдегі ірі 12 банкпен бірлесіп жүзеге асырып отыр.

0
Кілт сөздер:
кредит, шағын және орта бизнес
Тақырып:
Төтенше жағдай және карантин (386)
Тақырып бойынша
3 проценттік қолжетімді кредит: президент жаңа қор құруды ұсынды
Қазақстанда банк салымшыларына қауіп жоқ – Тоқаев
Мемлекет басшысы кредит алғандарға қатысты тағы бір тапсырма берді
Жеке кәсіпкерлерге 6 проценттік кредит беріледі – министр