Алматы көшесіндегі көлік қозғалысы

Карантин жеңілдетілген соң Алматыда көлік қозғалысы 20%-ке артты  

62
(Жаңартылды 17:42 20.05.2020)
Қалалық полиция департаментінің басшысы тұрғындар карантиннің жеңілдетілуін режимнің аяқталғанымен шатастырып жатқанын айтады

АЛМАТЫ, 20 мамыр – Sputnik. Алматыда карантин режимі жеңілдетілгеннен кейін қаладағы көлік ағыны 20%-ке артты. Бұл жайында Алматы қаласы полиция департаментінің басшысы Қанат Таймерденов, мәлімдеді деп жазады Sputnik Қазақстан тілшісі.

"Расында 11 мамырдан бастап қалада көлік ағыны шамамен 20%-ке көбейді",– деді Таймерденов.

Сонымен қатар қала параметрі бойынша қойылған блок бекеттердегі жұмыстың тұрақты екенін, 25 блок бекеттің жұмыс істеп тұрғанын айтты.

"Бақылау-өткізу пунктінің жұмысына қорғаныс министрлігінің әскерилерінен бөлек полиция департаментінің құрамынан 700-ге жуық адам жұмылдырылды. Қаланың периметрі бойынша жұмыс істеп тұрған 25 бақылау-өткізу пунктінің жағдай тұрақты", – деді ол.

Ол брифинг барысында қалада бірнеше күннен бері жалғасып жатқан кептелісті карантин режимінің жеңілдетілуімен байланыстырды.

"Кей азамат карантин режимі жеңілдетілгенін карантиннің тоқтатылуымен шатастырады, сол себепті қалаға кіріп-шығуға тырысады. Бақылау-өткізу пункттерінен тек жедел штабтың арнайы тізіліміне енгізілген азаматтар ғана өте алады", – деді Таймерденов.

Сонымен қатар департамент басшысы тұрғындарға карантин режимінің аяқталмағанын, жүк көлігін қоспағанда әр көлікті тексеруге уақыт кететінін атап өтті.

"Осыған байланысты азаматтарды үйден негізсіз шықпауға шақырамыз. Бұл шаралардың барлығы да олардың денсаулығы мен өмірінің қауіпсіздігіне бағытталған. Жағдайға түсіністікпен қарауларыңызды сұраймыз", – деді полиция департаментінің басшысы.

Тәртіп бұзғандар жауапкершілікке тартылады

Таймерденовтің айтуынша, карантин кезеңінде төтенше жағдай режимін бұзғаны үшін 2 294 адам әкімшілік жауапкершілікке тартылды.

"Қоғамдық тәртіпті сақтау үшін күн сайын 2 мыңнан астам полиция қызметкері мен Ұлттық ұланның сарбаздары патрульдік жұмыстарға қатысады. Коронавирус инфекциясының алдын алу үшін полиция қызметкерлері, СЭС және әкімдік өкілдерімен бірлесіп қоғамдық көліктерде рейдтер жүргізеді", – деді ол.

Ал тексеру кезінде жүргізушілер мен жолаушыларға карантин режимін сақтау, бетперде кию және әлеуметтік арақашықтықты сақтау туралы түсіндіру жүргізіледі.

Оқи отырыңыз: Алматы облысында бақылау бекеттерін алып тастайды: өңірде тағы не өзгереді

Айта кетейік, блок бекеттерде "Сергек" бейнебақылау камералары орнатылған. Сол арқылы құқық бұзушылық анықталып, оларды жауапқа тартуға мүмкіндік бар.

62
Кілт сөздер:
полиция, көлік, карантин
Тақырып:
Төтенше жағдай және карантин (397)
Тақырып бойынша
Алматы қаласының бас дәрігері үйде емделудің ерекшелігін түсіндірді
Астанада Тұран даңғылында екі аптаға көлік қозғалысы шектеледі
Полиция Алматы автовокзалындағы "митинг" туралы видеоның авторын анықтады
Алматыда сегіз көшеге біржақты көлік қозғалысы енгізіледі
Алматы мектептеріндегі оқушы орнының тапшылығы 80%-ке азаяды
Бойжеткен, иллюстративті фото

Америкалық отбасы асырап алған қыз Қазақстандағы ата-анасын іздеп жатыр видео

6
(Жаңартылды 20:10 28.05.2020)
Азия Бергер Флорида штатында Диснейлендтен бес минуттық жерде тұрады. Лекси, Ари деген бір әпке, бір сіңлісі бар. Колледжде өнер саласында оқиды

АЛМАТЫ, 28 мамыр – Sputnik. Азия Бергерді 2001 жылы америкалық отбасы асырап алған. Қазақстанның Семей қаласында туған бойжеткен биологиялық ата-анасын тапқысы келеді. Бұл жайында ол Facebook қолданушысына берген сұхбатында айтты.

Азияның айтуынша, биологиялық ата-анасы Құралай және Қуат Ашқановтар есімді жұп. Бойжеткен 2000 жылы дүниеге келген, 2001 жылы америкалық отбасы асырап алған.

Оқи отырыңыз: Америкалық отбасы асырап алған Айсұлудың қалай Дэвинге айналғаны белгілі болды 

"Аты-жөнім – Asia Berger. Бұл есімді Америкадағы ата-анам қойған. Шын есімім – Салтанат Ашқанова. Мені Қазақстанның Семей қаласынан 16 ай кезімде асырап алған. Өзімнің биологиялық ата-анамды табамын деп шешім қабылдадым. Тегім – Бергер, бірақ біз неміс емеспіз. Әкемнің ата-бабасы, туыстарының неміске қатысы болуы мүмкін", - дейді бойжеткен сұхбатында.

Азия Флоридада тұрады, отбасында екі бауыры бар. Колледжеде өнер саласында оқиды.  

"Мен Флоридада Диснейлендтен бес минуттық жерде тұрамын. Ол жерге бала кезімде баратынмын. Лекси, Ари деген бір әпкем, бір сіңлім бар. Үйде ортаншы баламын. Колледжде өнер саласында оқимын. Біз бір-бірімізбен өте жақын араласамыз, бірге қыдырамыз", - деді ол отбасы жайлы.

Айтуынша, америкалық ата-анасы асырап алғанын жасырмаған.

"Мені асырап алғанын сұрастырып білген жоқпын. Оны бұрыннан білетінмін. Әкем Нью-Йоркте Бруклинде туып өскен. Анам Орталық-батыста туған. Анамның шашы сары, көздері көк. Сырт келбетімізде айырмашылықтар байқалатын. Ата-анам асырап алғаны жайлы жасырған емес", - дейді ол.

Азия сұхбат барысында үйінде Қазақстан жайлы кітаптың көп екенін айтты.

"Барлық жағынан ашық сөйлесе білеміз. Әкем туған жерін білуді маңызды деп санайды. Әсіресе, үйімізде Қазақстан жайлы кітап көп. Қай жерден екенімді біле бермеймін, алайда ата-анамның маған көмек көрсетіп жатқаны үшін ризамын", - дейді бойжеткен.

"Қазақстан жайлы ешқашан жаман пікірде болған емеспін. Себебі туған ата-анамның өз қиындығы болған шығар. Одан бөлек асырап алынған барлық баланың атынан да сөйлей алмаймын, әр адамның өз қиындығы, өмір тәжірибесі бар. Сол туралы ойлаған кезде туған ата-анама деген өкпе-реніш те, сағыныш та жоқ, - дейді ол.

Бойжеткен биологиялық ата-анасының өткен өмірін білмей тұрып, оларды талқылай алмайтынын айтты.

"Менің америкалық ата-анам көп саяхаттайды. Әртүрлі елді, мәдениетті көрген кезде бірден үйренісе алмайды. Мен де Қазақстанға барсам, дәл солай мәдени шок алуым мүмкін", - дейді Азия Бергер.

6
Кілт сөздер:
видео, Америка, бала асырап алу
Тақырып бойынша
Қостанай облысының тумасы ағасын 23 жылдан кейін тапты 
Аружан Сайын шетелдіктерге бала сатты деп айыптағандарға жауап берді
"Көкшетауда тұратынын сеземін": Бішкек тұрғыны туған анасын іздеп жүр
Америкалық отбасы асырап алған Айсұлудың неден көз жұмғаны айтылды
Банк картасы, иллюстративті фото

Қазпошта әлеуметтік карталарына жаңа функция енгізіледі

22
Қазір картаны еліміздің бірнеше аймағында оқушылар мен зейнеткерлер көлік ақысын төлеуге пайдаланып жүр

НҰР-СҰЛТАН, 28 мамыр – Sputnik. Жақында әлеуметтік карталардың көмегімен қазақстандықтар дәрі-дәрмекке тапсырыс беріп, сатып ала алады. Бұл туралы Sputnik Қазақстан тілшісіне "Қазпошта" АҚ басқарма төрағасы Сәкен Сәрсенов айтты.

"Қазір бұл картаны оқушылар мен зейнеткерлер тауарларды жеңілдікпен сатып алуға пайдаланып жүр. Болашақта халықтың әлеуметтік осал топтарына дәрі-дәрмекке тапсырыс беріп, дәріханалардан сатып алып, үйге алдыруға мүмкіндік береді", - деді Сәкен Сәрсенов.   

Оқи отырыңыз: Сәкен Сәрсенов сәлем-сауқат дронмен қалай жеткізілетінін айтып берді 

Қазір "Қазпошта" қызметтер тізімін кеңейту бойынша еңбек және халықты әлеуметтік қорғау министрлігімен келіссөздер жүргізіп жатыр.

Бастапқыда Ақтөбеде оқушылар үшін "Әлеуметтік карта" жобасы қолға алынған.

"Біз бас кезінде бұл картаны мектептерде өткізу режимі, әлеуметтік тамаққа мұқтаж балаларды тамақтандыру қызметі үшін арнайы енгіздік. Сондай-ақ картаны автобус ақысын төлеу үшін пайдалануға болады. Көптеген әкімдікпен келісім жасағанбыз", - деп толықтырды "Қазпошта" басшысы.

Қазіргі уақытта картаны Нұр-Сұлтан, Қарағанды, Павлодар, Петропавл және Атырау қалаларындағы студенттер мен зейнеткерлер пайдалана алады. Әлеуметтік картаны біртіндеп Қазақстанның барлық аймағында енгізу жоспарланып отыр.

"Барлық карантин шарасы аяқталғаннан кейін халық бұл картаны қолдануы үшін оны белсенді түрде шығарып, тарата бастаймыз", - деді Сәрсенов.

2020-2021 жылдары әлеуметтік карталарды Қазақстан бойынша енгізу жоспарланып отыр.

22
Кілт сөздер:
Қазпошта
Тақырып бойынша
"Кез келген адам ақша таба алады": Қазпошта жаңа қызметті іске қоспақшы