Архивтегі фото

Жаңбыр жауып, найзағай ойнайды 21 мамырда ауа райы қандай болады

663
(Жаңартылды 21:25 20.05.2020)
Республиканың кей жерлерінде жел күшейіп, бұршақ жауады, оңтүстік-батыста шаңды дауыл соғады, деп ескертті Қазгидромет

НҰР-СҰЛТАН, 20 мамыр – Sputnik. Бейсенбіде Қазақстанның барлық аумағында дерлік ауа райы құбылмалы болады, жаңбыр жауады деп болжанып отыр.

Республиканың кей жерлерінде найзағай ойнайды, жел күшейеді, бұршақ жауады, оңтүстік-батыста шаңды дауыл тұрады.  

Дабылды ескертулер

21 мамырда Солтүстік Қазақстан облысында аздап жауын жауады, күндіз нөсерлетеді. Кей жерлерде найзағай ойнап, дауыл соғып, бұршақ жауады.  

Оңтүстік-шығыстан 15-20 м/с жылдамдықпен соққан жел оңтүстік-батысқа ауысады, кей жерлерде екпіні 25 м/с болады.

Қостанай облысының кей жерлерінде бейсенбіде найзағай ойнайды. Оңтүстік-батыстан 15-20 м/с жылдамдықпен жел соғады.

Оқи отырыңыз: "Қазгидромет" мамыр айына болжам жасады 

Ақмола облысында кей жерлерде найзағай ойнап, дауыл соғады, бұршақ жауады. Оңтүстік-батыстан 15-20 м/с жылдамдықпен жел соғады.

Қызылорда облысында кей жерлерде найзағай ойнайды, оңтүстіктен 15-20 м/с жел соғады.

Маңғыстау облысында кей жерлерде шаңды дауыл көтеріледі. Күндіз оңтүстік, оңтүстік-батыс желінің жылдамдығы 15-20 м/с жетеді.   

Павлодар облысында күн күркіреп, дауыл соғады, бұршақ жаууы мүмкін. Оңтүстік-шығыстан соққан жел батысқа ауысады, найзағай ойнаған кезде желдің екпіні 15-20 м/с болады.

Атырау облысында түнде қатты жаңбыр жауады. Кей жерлерде найзағай ойнайды. Оңтүстік, оңтүстік-батыс желі – 15-20 м/с.

Өңірлердегі ауа райы

Шығыс Қазақстан облысында кей жерлерде жел 15-20 м/с күшейеді, түнде және таңертең тұман түсіп, күндіз кей жерлерде бұршақ жаууы мүмкін.

Солтүстік Қазақстан облысында кей жерлерде дауыл болады, бұршақ жаууы мүмкін, түнде жел 15-20 м/с күшейеді, күндіз 15-20, екпіні – 23 м/с.

Қостанай, күндіз Жамбыл облыстарында кей жерлерде жел күшейеді, бұршақ жаууы мүмкін.

Ақмола, Павлодар облыстарында кей жерлерде жел 15-20 м/с күшейеді, дауыл тұрып, бұршақ жаууы мүмкін.  

Қарағанды, Атырау, күндіз Ақтөбе, Маңғыстау, Қызылорда облыстарының кей жерлерінде жел 15-20 м/с күшейеді деп болжануда, Маңғыстау облысының кей жерлерінде – шаңды дауыл.

Шығыс Қазақстан облысының оңтүстігінде төтенше өрт қаупі сақталады.

Мегаполистердегі ауа райы

Нұр-Сұлтан қаласында 21 мамырда күндіз найзағай ойнайды. Оңтүстік-батыстан күндіз 15-18 м/с жылдамдықпен жел соғады. Ауа температурасы күндіз 16-18 градус, түнде 9-11 градус болады.

Алматыда күн ала бұлтты, күндіз – 21-23 градус, түнде – 11-13.

Шымкентте жауын-шашын болмайды, ауа температурасы күндіз 27-29 градусқа дейін ысиды, түнде 12-14 градус болады.  

663
Кілт сөздер:
ауа райы, найзағай, жаңбыр
Жадкевич атындағы Мәскеу қалалық клиникалық ауруханасының бас дәрігері Александр Мясников

Бұрынғы КСРО елдерінде коронавирустан қайтыс болу көрсеткіші төмен

60
(Жаңартылды 23:14 02.06.2020)
Дәрігер Мясников өлім-жітімнің төмен көрсеткішін КСРО-да медицинаның ерекше болуымен байланыстыра түсіндірді

НҰР-СҰЛТАН, 2 маусым — Sputnik. Белгілі ресейлік тележүргізуші, Жадкевич атындағы Мәскеу қалалық клиникалық ауруханасының бас дәрігері, коронавирусқа қатысты жағдайды бақылау жөніндегі ақпарат орталығының өкілі Александр Мясников Sputnik арнайы онлайн-видеокөпірі кезінде шын мәнінде коронавирустың қалай дамитынын және неліктен Италия, Испания және АҚШ-тағы қайғылы жағдайлардың посткеңестік елдерде қайталанбағанын айтып берді.

КСРО құрамына кірген көптеген елде коронавирус індетінен болатын өлім-жітім көрсеткішінің әлемдік деңгейден әлдеқайда төмен болуы ғалымдар мен дәрігерлерді таңғалдырып отыр. Coronavirus-monitior.ru сервисінің мәліметінше, 1 маусымдағы жағдай бойынша олардағы өлім деңгейі Өзбекстандағы 0,4% -тен Литвадағы 4,23% -ке дейінгі аралықта құбылады. Ал Италия мен Ұлыбританияда бұл көрсеткіш –14%, Францияда – 15%, Бельгияда – 16%.  

Оқи отырыңыз: Қазақстан коронавирустың екінші толқынынан қалай сақтанып жатыр 

"Саясаткерлер, білікті дәрігерлер қазір бұрынғы Кеңес Одағы елдеріне үңіле бастады, - дейді дәрігер Мясников. – Ауыр науқастар мен қайтыс болғандардың саны эпидемияның қазіргі жағдайын көрсетеді. Ал бұрынғы КСРО-ның барлық елінде өлім-жітім деңгейі төмен. Неліктен екенін бағамдау қажет. БЦЖ-ның (КСРО-да кеңінен қолданылған туберкулезге қарсы вакцина) пайдасы тиген болуы мүмкін, айтпақшы, қазірдің өзінде зерттеу жүргізіліп жатыр – америкалықтар шағын топтарға БЦЖ еге бастады. Дүниежүзілік денсаулық сақтау ұйымы да: "Мәселе БЦЖ-ға иммундық жауапта болуы мүмкін, бірақ әзірге оны ұсынбаймыз" деді". 

Мясников посткеңестік елдер халқының иммунитеті коронавирусқа төзімді екенін айта келе, бұл жағдайдың бұрын туберкулез инфекциясын жұқтыру деңгейінің жоғары болуымен байланыстырылуы мүмкін екенін болжады.

"Кейбір ғалымдар жасырын туберкулездің таралу деңгейінің жоғары болуы иммундық жүйенің өзгеруіне әкеледі, сондықтан коронавирус үлкен қарсылыққа кезігеді" деп болжап жатыр, – дейді сарапшы. – Бірақ біз орыстар, белорустар, украиндар, қазақтар неліктен америкалықтардан, француздардан және италиялықтардан он есе аз өлетінін анықтауымыз керек. Мәселенің басын ашу керек".  

60
Кілт сөздер:
КСРО, коронавирус
Тақырып бойынша
Қазақстанда 7 журналист коронавирус жұқтырды
Бас санитар дәрігер той-томалақ өткізуге бола ма деген сұраққа жауап берді
Қазақстандық әкім коронавирус жұқтырды
Қазақстанда алған коронавирус анықтамасы ЕАЭО елдерінде жарамсыз – бас санитар дәрігер
Митинг, архивтегі фото

Нұр-Сұлтанда көпбалалы және мүгедек баласы бар аналар пәтер талап етті

70
Коронавирус пандемиясына және бұқаралық шараларға тыйым салынғанына қарамастан, балалы әйелдер елорданың орталығына жиналды

НҰР-СҰЛТАН, 2 маусым – Sputnik.Кем дегенде елу әйел пәтер беруді талап етіп, рұқсат етілмеген митингіге шықты. Наразылық білдірушілер – көпбалалы және мүгедек балалардың аналары, кейбірі кәмелетке толмаған баласын өздерімен бірге алып келді.

Sputnik Қазақстанға қала әкімдігі хабарлағандай, әйелдер күндіз министрліктер үйінің жанында, содан кейін жағалауда жиналған, кейін полициямен бірге Республика даңғылына қарай бет алды.

Блогер және Қазақстандағы MMA қозғалысының негізін қалаушы Анатолий Ким жағалаудан трансляция жүргізді.

Посмотреть эту публикацию в Instagram

Публикация от ANATOLIY KIM (@kazmma)

"Бізге пәтер беруді талап етеміз. 27 мамырда балам қайтыс болды, сал ауруымен ауырды, ұзақ жылдар бойы пәтер кезегінде тұрдық. Балам қайтыс болған кезде мені кезектен шығарып жіберді. Басқа балам жоқ", - деді наразылық білдірушілердің бірі Роза.

Сондай-ақ, адамдар күн көру қиындап кеткеніне шағымданып, жәрдемақыны көбейтуді талап етті.

"Бізге ешкім келмеді" деген әйелдердің сөзін әкімдік өкілдері теріске шығарып, келіссөз жүргізгендерін айтты.

Сондай-ақ митинг болған жерге тәртіп сақшылары келді. Олар ешкімді ұстап әкеткен жоқ.

Оқи отырыңыз: Бұдан былай бейбіт митинг өткізу үшін рұқсат алудың қажеті жоқ – Тоқаев 

Айта кету керек, митингіге байланысты елордалық Арбат шұғыл жұмысын тоқтатты, қолөнершілер жәрмеңкесіне қатысушылар мен музыканттар үйлеріне кетті.

Қазақстан президенті 25 мамырда бейбіт митингілер өткізу туралы заңға қол қойды. Жиналыстан 5 күн бұрын жергілікті атқарушы органдарға хабарлануы керек.

Бейбіт митингілер өткізу туралы заң 6 маусымда күшіне енеді.

70
Кілт сөздер:
баспана, мүгедек, көпбалалы отбасы
Тақырып бойынша
Тоқаев митинг туралы заңға қол қойды
Митингке шыққысы келетін қазақстандықтар нені білуі тиіс
Тұрғымбаев: Митингіге шығатындар бейбітшілік басты құндылық екенін түсінбейді
Министрдің орынбасары полиция белсенділерді үйден ұстап әкетпейтінін айтты
"Жауыз қылып бітірдік": депутат митингте "адамдарды сүйреп әкететіндер" туралы айтты