ЕАЭА елдерінің тулары

ЕАЭО аумағында тауарларды қадағалап отыру жүйесі енгізіледі

44
Тауарларды қадағалап отыру жүйесін енгізу арқылы ЕАЭО-ға мүше мемлекеттердің тауар айналымы заңдылығын қамтамасыз ету және контрафактілік тауар айналымын жою көзделіп отыр

НҰР-СҰЛТАН, 21 мамыр – Sputnik. Сенат Еуразиялық экономикалық одақтың кедендік аумағына әкелінген тауарларды қадағалап отыру тетігі туралы келісімді ратификациялау туралы заңды қабылдады, деп хабарлайды Sputnik Қазақстан тілшісі.

Құжатқа 2019 жылы 29 мамырда Нұр-Cұлтанда ЕАЭО-ға мүше мемлекеттер басшылары қол қойды.

Қаржы министрі Ерұлан Жамаубаевтың айтуынша, келісім ЕАЭО кедендік аумағына әкелінген тауарларды қадағалау тетігін құру мерзімі мен тәртібін реттейді.

Құжатта тауарларды қадағалап отыру жүйесін енгізу арқылы ЕАЭО-ға мүше мемлекеттердің тауар айналымы заңдылығын қамтамасыз ету және контрафактілік тауар айналымын жою көзделген.

"Қадағалау импорттық тауарлар бойынша жүзеге асырылады. Қадағалауға жататын тауарлардың тізбесін Еуразиялық экономикалық комиссияның кеңесі бекітеді", - деді министр сенат отырысында.

Айтуынша, әрбір мемлекет өзінің ұлттық қадағалау жүйесін құруы қажет.

Белгіленген тәртіп бойынша құжатта көрсетілген тауар ғана тасымалдануы тиіс, шекарадан құжатта көрсетілмеген тауарды алып өтуге әрекеттену заңбұзушылық  болып саналады.

Қадағалау жүйесінде тауар қандай елден шыққанын, баж туралы және тағы басқа ақпараттар көрсетіледі. Тауар айналымы туралы мәліметтер өтініш  енгізілген күннен бастап 5 жыл өткен соң тоқтатылады.

Заң жобасына сәйкес, ЕАЭО-ға мүше мемлекеттер ұлттық қадағалау жүйесіндегі мәліметтермен алмасады.

"Тауарлар айналымын қадағалау тетігін енгізу кезең-кезеңімен жүзеге асырылады. Келісімді барлық мүше мемлекет бекіткеннен кейін, әрбір мемлекет 120 күнтізбелік күн ішінде қадағалау тетігін үйлестіруге және іске асыруға жауапты", деді Жамаубаев.

Келісім күшіне енген күннен бастап 12 ай ішінде пилоттық жоба іске қосылады.

Пилоттық жобаның нәтижесі бойынша, қадағалау жүйесіне тұрақты түрде көшу туралы шешім қабылданады.

Сенат депутаттары заңды бірауыздан қабылдады.

44
Кілт сөздер:
ЕАЭО, тауар
Тақырып бойынша
ЕАЭО-да газ транзитіне бірыңғай тариф енгізіле ме?
Тоқаев ЕАЭО-да тауарларды міндетті таңбалауды енгізуді кейінге қалдыруды ұсынды
Тоқаев ЕАЭО-ны құру кезінде Қазақстанның қандай талапқа көнгенін айтты
Денсаулық сақтау, білім және ғылым ЕЭК құзыретіне кірмеуі керек – мемлекет басшысы
Архивтегі фото

Коронавирус инфекциясын бір тәулікте 209 адам жұқтырды  

5
(Жаңартылды 09:49 25.05.2020)
Ресми ақпарат бойынша өткен жексенбіде республикада COVID-19 коронавирусына шалдығу өсімі 2,5 процент болған

НҰР-СҰЛТАН, 25 мамыр – Sputnik. Қазақстанда коронавирус инфекциясын жұқтырғандардың жалпы саны 8531 адамға дейін артты, деп хабарлады мемлекеттік комиссияның шұғыл штабы.

Оқи отырыңыз: Ғалымдар коронавирус пандемиясы қашан аяқталатынын айтты 

Өткен тәулікте 209 адам коронавирус індетімен ауырғаны белгілі болды. Өсім 2,5% құрады.

Өңірлер бойынша:

  • Алматы қаласы – 37 (1,7%),
  • Қарағанды облысы – 33 (5,9%),
  • Жамбыл облысы – 33 (12,7%),
  • Нұр-Сұлтан қаласы – 32 (2,0%),
  • Батыс Қазақстан облысы – 28 (7,3%),
  • Атырау облысы – 12 (1,4%),
  • Павлодар облысы – 10 (5,6%),
  • Ақтөбе облысы – 6 (2,2%),
  • Қызылорда облысы – 6 (2,1%),
  • Алматы облысы – 4 (1,4%),
  • Шығыс Қазақстан облысы – 4 (6,5%),
  • Қостанай облысы – 2 (1,7%),
  • Ақмола облысы – 1 (0,7%),
  • Маңғыстау облысы – 1 (0,6%).

Жалпы ел бойынша ауырғандар саны – 8531. Індеттен 4352 адам сауығып шығып, 35 адам қайтыс болды. 

5
Кілт сөздер:
инфекция, коронавирус
Тақырып:
Коронавирус эпидемиясы
Тақырып бойынша
Жаңа қаулы: астаналықтарға карантинде не істеуге рұқсат етілді, ал неге тыйым салынды
Ақтөбеде COVID-19 жұқтырған науқас қайтыс болды
Астаналықтар әлемдік антирейтингте көш бастап тұр
Маңғыстау облысында 25 мамырдан бастап карантин режимі жеңілдетіледі
Қазақстанның мектептерінде соңғы қоңырау онлайн режимде өтеді
Планшет, архивтегі фото

Қазақстанның мектептерінде соңғы қоңырау онлайн режимде өтеді

46
Оқу жылының аяқталуына орай өткізілетін шараның жаңа форматы коронавирус пандемиясына байланысты енгізілді

НҰР-СҰЛТАН, 25 мамыр – Sputnik. 1-ден 10-ға дейінгі сыныпта оқитын оқушылар мектеппен онлайн режимінде қоштасып, жазғы демалысқа шығады. 

Биыл мектеп оқушылары мен мұғалімдердің қауіпсіздігі үшін дәстүрлі соңғы қоңыраудан бас тартылды.  

20 мамырда Қазақстанның білім және ғылым министрі Асхат Аймағамбетов оқу жылының аяқталуына арналған мерекенің жаңа форматы енгізілгенін хабарлады.

Сағат 11.00-де республикалық телеарналардың эфирінде Білім және ғылым министрлігінің басшысы құттықтау сөз сөйлейді, содан кейін әр сыныпта қашықтық форматында сынып сағаты өтеді.

Оқи отырыңыз: Білім басқармасы 1-сыныпқа қабылдау тәртібін түсіндірді 

Мұғалімдер оқу жылын қорытындылағаннан кейін мектеп оқушыларының ресми жазғы демалысы басталады.

Биыл салтанатты шараға 11-сынып оқушылары ғана қатысады. 3-4 маусымда мектеп аулаларында әр сынып үшін жеке аттестат тапсыру рәсімі өтеді.  

Түлектер мерекеге бір немесе екі ата-анасымен келе алады. Биыл мектептің аяқталуын мерекелеуге арналған басқа дәстүрлі шаралардың барлығына тыйым салынды.

Естеріңізге сала кетейік, қазақстандық оқушылар коронавирус пандемиясына байланысты төртінші тоқсанда қашықтықтан оқыды. Түлектер қорытынды емтиханды тапсырмайды, аттестатқа қорытынды жылдық баға қойылады.

Биыл Қазақстанда 150 мыңнан астам түлек мектеп бітіреді. ҰБТ 20 маусым мен 5 шілде аралығында дәстүрлі форматта өтеді.  

46
Кілт сөздер:
түлек, мектеп
Тақырып:
Төтенше жағдай және карантин
Тақырып бойынша
Алматыда білім саласына қатысты бірқатар шешім қабылданды
Жаңа қаулы: астаналықтарға карантинде не істеуге рұқсат етілді, ал неге тыйым салынды
Білім министрі қашықтықтан оқытудың артықшылығын атады
Соңғы қоңырау болмайды, балабақшалар ашылмайды – Нұр-Сұлтанның санитар дәрігері
Соңғы қоңырау кезінде түлектерге қандай талаптар қойылады