Кісен, архивтегі сурет

Әскери шенділерді ұстау операциясының видеосы жарияланды

1364
(Жаңартылды 17:58 21.05.2020)
Күдіктілер параны танымал мобильдік қосымша арқылы алған. Ал біреуінің кабинетінен ақша табылғаны айтылды

НҰР-СҰЛТАН, 21 мамыр - Sputnik. Қорғаныс министрлігінің әскери-техникалық мектебінің Алматы қаласындағы филиалы директорының орынбасары мен қорғаныс істері жөніндегі департаменттің бөлім басшысына қатысты сотқа дейінгі тергеу басталды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Тергеуші Данияр Биғайдаровтың айтуынша, әскери шенділер өзара келісіп, адамды алдау арқылы 150 000 теңгені иемденіп кеткені үшін айыпталып отыр. Олар адамның әскери-техникалық мектеп филиалында әскери қызмет атқарудан босатылуына көмектесуге уәде берген. 

"Бұдан бөлек, мектеп директорының орынбасары жеке өзі дәл солай әскери қызметті атқармау мәселесін шешіп беремін деп, 150 теңгеге алаяқтық жасады деген күдікке ілінді. Бүгінде екеуі де өз кінәсін толығымен мойындады. Тергеу шаралары жалғасуда", - дейді Биғайдаров.

Агенттік қызметкерлері әскери басшыларды ұстау операциясын видеоға түсіріп алды. Соған қарағанда, күдіктілер параны танымал мобильдік қосымша арқылы алған. Ал біреуінің кабинетінен 150 мың теңге шыққан.

Айта кетсек, сыбайлас жемқорлыққа қарсы іс-қимыл агенттігі бір аптаның ішінде ұсталған шенеуніктердің видеосын жариялады. 

Ресми ақпаратқа сәйкес, Ақтөбе қаласында облыстық сәулет және құрылыс басқармасының басшысы ұсталды. Лауазымды тұлға Мұғалжар ауданындағы мектеп құрылысының толығымен аяқталмағанын біле тұра, жеке компанияның кепілдік ретінде салған ақшасын қайтарып берген.

"20 мамырда күдікті ұсталып, уақытша қамау абақтысына тоғытылды", - дейді тергеуші Данияр Биғайдаров. 

Ал Қостанай облыстық әкімдікте экологиялық реттеу бөлімінің басшысы ұсталды. Ол банк қосымшасы арқылы бірнеше рет пара алған.  

Бұдан бөлек, агроөнеркәсіп кешеніндегі мемлекеттік инспекция комитетінің Алматы облысы аумақтық инспекциясының "Талдықорған" көліктегі фитосанитарлық бақылау бекетінің бас маманы қолға түсті. Ол да өз қызметі үшін бірнеше рет пара алған. Адамдар ақшаны банк қосымшасы арқылы жіберіп тұрған.

1364
Кілт сөздер:
видео, арнайы операция, әскерилер
Тақырып бойынша
Атырауда бас салықшының ұсталған сәтінің видеосы жарияланды
"Неге өтірік айтасың?": желіде қазақстандық әкімнің видеосы қызу талқыланып жатыр
Қазақстанда әскерилерді ұстау сәтінің видеосы желіде жарияланды
Қарағандыда өзін полковник ретінде таныстырған ер адам қамауға алынды – видео
Саунадағы атышулы видео: прокурор жұмыстан қуылды
Ауызашар дастарқаны

Қаза оразаны өтеу: 1700 теңгені кімдер береді

9
Діни басқарма өкілінің айтуынша, Рамазан айынан қалған қарыз күндерді арасын үзбей де, бөліп те ұстауға болады

НҰР-СҰЛТАН, 31 мамыр – Sputnik. Қазақстан мұсылмандары діни басқармасы шариғат және пәтуа бөлімінің маманы Медет Құрмашұлы қаза оразаны өтей алмаған жағдайда не істеу керектігін айтты, деп хабарлайды Sputnik Қазақстан тілшісі.

Айтуынша, қаза оразасы барлар өзі тұратын елді мекеннің намаз кестесін басшылыққа алуы тиіс. Әдеттегідей таң намазы басталғанға дейін ас-суын ішіп, шам намазы кірген уақытта ауыз ашады.

Рамазан айынан қалған қарыз күндерді арасын үзбей де, бөліп те ұстауға рұқсат етілген.

"Қаза оразаны мүмкіндігінше тездетіп ұстап біткен абзал. Алла Тағала Құранда ауырып қалып немесе сапарға шығып, белгілі бір себептермен ораза ұстай алмайтын болса, оны кейінгі күндерге қалдырсын дейді. Егер денсаулығына байланысты қаза оразасын ешқашан өтей алмайтын болса, онда ол адам підия төлейді. Підия дегеніміз – бір адамның таңғы және кешкі тойып ішетін тамағы. Биыл оның ақшалай мөлшері шамамен 1700 теңге", - деп түсіндірді Медет Құрмашұлы.

Яғни, қаза оразаны ұстауға шамасы келмегендер мұқтаж жандарды тамақтандырады немесе ақшалай береді.

Басқарма өкілі қарыз күндерді келесі Рамазан айына дейін ұстап біткен абзал дейді. Ал егер келесі ораза келіп қалып, адам қарызын әлі өтеп бітпесе, онда келесі оразаны ұстай береді. Қаза күндерін Рамазан айы аяқталған соң бір-ақ өтейді.

Сонымен қатар, Медет Құрмашұлы Рамазан айының артынан келетін Шәууәл айына да тоқталды. Бұл ай, әдетте, отыз күнге созылады.

Тағы оқыңыз: Қадір түнінде бір топ жігіт Әзірет Сұлтан мешітінің алдына жиналды

"Шәууәл айында адамдар алты күн ораза ұстайды. Бұл нәпіл ораза деп аталады. Алты күндік оразаның сауабы өте мол. Нәпіл ораза ешкімге міндет емес, ұстау-ұстамау әркімнің өз еркінде. Яғни, нәпіл оразаны ұстамағандар күнәһар болмайды", - деді бөлім маманы.

Ол алты күндік оразадан бұрын қаза оразаны бірінші ұстап өтеуге кеңес берді.  

"Қаза ораза мен нәпіл оразаға ниет етудің арасында айырмашылық бар. Қаза оразаға түннен бастап ниет қылу керек. Ал нәпіл оразаға бесін намазына бір сағат уақыт қалғанға дейін ниет етсе болады. Қаза оразаны өтеген кезде, түнде ауыз бекітуді ұмытып, таңертең тұрып ниет қылу дұрыс емес. Түннен бастап ниет ету міндет", - деді басқарма өкілі.

Айта кетсек, биыл коронавирус індетіне байланысты Рамазан айы елдегі төтенше жағдай режимімен тұспа-тұс келді. Республикада барлық мешіт жабылып, жамағатпен оқылатын намаздарға тыйым салынды. Қазақстандықтарға қасиетті Қадір түнін де үйде қарсы алуға тура келді. Вирустың таралуына жол бермеу үшін мешіттерде Ораза айт намазы оқылған жоқ. 

9
Кілт сөздер:
қарыз, Ораза
Алакөл көлі

Екінші маусымнан бастап Алакөлге пойыздар қатынайды

32
"Қазақстан темір жолы" компаниясы курорт бағытына сұраныс өскен жағдайда қосымша вагондар бөлуге дайын

НҰР-СҰЛТАН, 31 мамыр – Sputnik. "Қазақстан темір жолы" ұлттық компаниясы Алакөл көліне дейін баратын пойыздарға билет сатыла бастағанын хабарлады.

2 маусымнан бастап Алакөлге күнара қатынайтын пойыздармен жетуге болады:

  • №22/21 "Қызылорда – Семей" және №6941/6942 "Ақтоғай – Достық" пойыздары құрамындағы "Алматы – Достық" пойыздарының вагондары;
  • №121/122 "Нұр–Сұлтан – Семей" және №6941/6942 "Ақтоғай – Достық" пойыздары құрамындағы "Нұр-Сұлтан – Достық" пойыздарының вагондары;

12 маусымнан бастап аптасына екі рет №54/53 "Нұр-Сұлтан – Достық" пойызы жүреді.

Тағы оқыңыз: Қазақстанда блокбекеттер алынып, қалааралық автобустар жолға шығады

Бұдан бөлек, осы бағытқа жоғары сұранысты және эпидемиологялық ахуалды ескеріп, Қазақстанда қосымша пойыздар іске қосылуы мүмкін:

  • №13/14 "Алматы – Достық", аптасына 3 рет;
  • №258/257 "Нұр-Сұлтан – Достық", аптасына 2 рет;
  • №453/454 "Алматы – Достық", аптасына 3 рет;
  • №457/6941//6942/458 "Семей - Шар – Достық", күнара;
  • №459/6941//6942/460 "Өскемен - Шар – Достық", күнара.

"Қазақстан темір жолы" компаниясы егер Алакөл бағытына сұраныс өссе, қосымша вагондар бөлуге дайын екенін мәлімдеді.

Айта кетсек, Қазақстанда жолаушылар пойыздары кезең-кезеңмен қатынай бастайды.

Бірінші кезең 1 маусымда, ал екінші кезең 10 маусымда басталады.

32