Алматы көшелері, полицейлер

Алматы көшелері мен аулаларын жаяу аралайтын полицейлер саны артты 

149
(Жаңартылды 15:36 22.05.2020)
Қазіргі таңда қалада екі мыңнан астам патрульдік бағыт анықталды. Оның ішінде 478-і –  автокөлік, 1487-і жаяу патрульдеу

НҰР-СҰЛТАН, 22 мамыр – Sputnik. Алматыда жаяу патруль саны артты. Бұл туралы қаланың полиция департаментінің басшысы Қанат Таймерденов мәлімдеді, деп хабарлайды Sputnik Қазақстан тілшісі. 

"Қала әкімдігінің тапсырмасы бойынша талдау нәтижесінен кейін патрульдік полиция қызметкерлерінің 50%-ін қала көшелері мен аулаларын жаяу патрульдеу қызметіне ауыстыру туралы шешім қабылдадық", - деді Таймерденов брифингте. 

Айтуынша, қазіргі таңда қалада екі мыңнан астам патрульдік бағыт анықталды. Оның ішінде 478-і –  автокөлік, 1487-і жаяу патрульдеу. 

"Орташа алғанда тәулік сайын қоғамдық тәртіпті күзетуге шамамен екі мың полиция қызметкері жұмылдырылады. Құқық қорғау органдарының қызметкерлері күн сайын ең қылмыстық 550 бағыт бойынша екі ауысымда күзет жүргізеді. Жаяу патруль енгізілген сәттен бастап аталған аудандарда қылмыстың тіркелуі 16,5 процентке азайды", - деді ол. 

Таймерденов қалада қылмыстық ахуалдың жақсаруына стационарлық полиция бекеттерінің де көмегі көп тигенін атап өтті.

Блокпосты в Алматы
© Sputnik / Тимур Батыршин
Орташа алғанда тәулік сайын қоғамдық тәртіпті күзетуге шамамен екі мың полиция қызметкері жұмылдырылады

Айтуынша, қылмыстық аудандар мен заң бұзушылық жиі болатын орындарда 41 полиция бекеті құрылған. Олардың төртеуі туристік, отыз жетісі криминогендік аудандарда. 

"Күніне осы бекеттерде 111 полиция қызметкері жұмылдырылған. Осы жылдың төрт айында стационарлық полиция бекеттеріне 4 мыңнан астам азамат жүгінді. 1167 өтініш қанағаттандырылды. Бір мыңнан астам әкімшілік іс қозғалды. Екі мыңға жуық азамат заңгерлік көмек пен кеңес алды", - деді департамент басшысы. 

Қылмыстық аудандарда бекеттер орнатылғаннан кейін қылмыстарды ашу көрсеткіші 11,8 процентке жақсарған. 

Сонымен қатар, ұрлықты азайту мақсатында аялдамалар мен қоғамдық көліктерде бейнебақылау камераларын орнату жоспарланып отыр. 

Департаменттің ақпаратынша, қалада 2017 аялдама пункті бар, бірақ оларда бейнебақылау камерасы орнатылған.

 

149
Кілт сөздер:
аулалар, полицейлер, көше, Алматы
Тақырып бойынша
Жұмысынан айырылған қазақстандықтар мемлекеттен әлеуметтік төлем алады
Қазақстанда коронавирусқа қарсы қандай дәрілер қолданылады 
Астаналық оқушылар жазда қайда демалады – білім басқармасы жауап берді
Теңіз кен орнындағы жұмысшылардың жаппай ауыру себебі айтылды
Армян көліктерінің мәселесі: президент кеңесшісі қабылданған шешімді түсіндірді
Көк Жайлау

Көк Жайлауда сауық кешін ұйымдастырғандарға қатаң шаралар қолданылады

109
Қала әкімі полиция департаментінің басшысына тиісті тергеу жүргізіп, кінәлі тұлғаларды жазалауды тапсырды

АЛМАТЫ, 25 мамыр – Sputnik. Алматы әкімінің орынбасары Ерлан Қожағапанов карантин кезінде Көк Жайлауда өткен жаппай сауық кешіне қатысты түсініктеме берді.

"Бұл жол беруге болмайтын жағдай. Қандай да бір шара өткізуден бұрын ол жерге кіруге де тыйым салынған. Ол жерде болған адамдар өздерінің ғана емес, жан-жағындағылардың да өмірін өлімге тікті. Сондай-ақ, олар тауда қоқыстарын қалдырып кетті. Ол шараға рұқсат берілмеген, санитарлық норма сақталмаған", - деді ол брифинг барысында. 

Сонымен қатар Қожағапанов Алматы қаласының бас санитар дәрігерінің коронавирус инфекциясының таралуына жол бермеу үшін жаппай іс-шаралар өткізуге тыйым салатын қаулысы бар екенін атап өтті.

"Аталған адамдарға қатысты қала әкімі полиция департаментінің басшысына тиісті тергеу жүргізуге нақты тапсырма берді. Олардың барлығын анықтап, әкімшілік жаза, қажет болса, қылмыстық жаза қолдану керек", - деді ол.

Сонымен қатар қала прокуроры табиғатты қорғау прокурорына осы жағдайды шешу жөнінде тапсырма берді.

Бұған дейін экология министрлігі Алматыдағы Көк Жайлау тауында сауық кешін өткізгендерге 100 АЕК немесе 277 800 теңге айыппұл салынғанын хабарлады. Айыппұл салынған ер адам автокөлік жанында түскен фотосын әлеуметтік желіге жүктеген болатын.

Карантин кезінде Алматы тауларындағы сауық кеші

24 мамырда Алматы қаласында енгізілген карантинге қарамастан, ерекше қорғалатын аумақта азаматтар ойын-сауық кеші мен түнгі кино көрсетілім ұйымдастырған. Қазіргі кезде "Көк Жайлаудағы кино түнін" ұйымдастырушылар іздестіріліп жатыр.

 

О

109
Кілт сөздер:
карантин, "Көк Жайлау" курорты
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ақылы жол

1 маусымнан бастап курорттар мен шипажайлар ашылады

229
(Жаңартылды 21:05 25.05.2020)
Қонақүй, шипажай-сауықтыру кешендері санитарлық нормаларды қатаң сақтай отыра жұмысқа кірісетіні хабарланды

НҰР-СҰЛТАН, 25 мамыр —Sputnik. Қазақстанда 1 маусымнан бастап курорттық, емдеу-сауықтыру нысандары ашылады. 

Шешім премьер-министр орынбасары Ералы Тоғжановтың төрағалығымен өткен ведомствоаралық комиссия отырысында қабылданды.

"2020 жылғы 1 маусымнан бастап қатаң санитарлық нормаларды сақтай отырып, кәсіподақтар федерациясының қонақүйлері мен сауықтыру санаторийлері және өңірлердегі курорттық, емдеу-сауықтыру нысандары қызметін қайта бастайды", - деп жазылған премьер-министрдің ресми ақпарат ресурсында.

25 мамырдан бастап Атырау қаласымен ішкі әуе қатынасы жанданады.

Сондай-ақ, 1 маусымнан бастап кезең-кезеңмен ішкі теміржол қатынасын іске қосуға байланысты теміржол вокзалдарының қызметі санитарлық нормаларға сәйкес ұйымдастырылады.

Қазақстан азаматтарын шет елдерден қайтару жұмысы жалғасады.

229
Кілт сөздер:
карантин, курорт, маусым
Тақырып бойынша
Алматыда маскасыз жүргендерге айыппұл салынуы мүмкін
Полиция Көк Жайлаудағы отырыс ұйымдастырушыларын іздестіріп жатыр
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ауа райы

40 градус ыстық: 26 мамырға арналған ауа райы

150
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

150
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды