Хоспис, архивтегі сурет

Аягөзде төрт бала көз жұмды: министр қандай тапсырма берді

208
(Жаңартылды 19:49 22.05.2020)
Аягөз қаласындағы арнайы орталықта төрт бірдей тәрбиеленушінің көз жұмуы көптеген қордаланған мәселенің бетін ашты

НҰР-СҰЛТАН, 22 мамыр – Sputnik. Денсаулық сақтау вице-министрі Людмила Бюрабекова Шығыс Қазақстан облысындағы Аягөз мектеп-интернатында қайтыс болған төрт оқушының денсаулық жағдайы жете бағаланбағанын мәлімдеді, деп хабарлайды Sputnik Қазақстан.

Ол мұндай пікірді кәмелетке толмағандардың істері және олардың құқықтарын қорғау жөніндегі ведомствоаралық комиссияның кезектен тыс отырысында айтты.

"Балалардың қайтыс болуына байланысты олардың денсаулық жағдайы жете бағаланбағанын атап өткен жөн. Нәтижесінде, жасөспірімдер ауданаралық ауруханаға кешігіп жатқызылған. Жергілікті жердегі медициналық көмек көрсету барысында ешқандай ақау болған жоқ. Бірақ, балалар ауыр патологиямен ауыр жағдайда қабылданғандықтан, көптеген ағзалық дерт салдарынан сөз жұмды", – деді Бюрабекова.

Аягөздегі мектеп-интернатта бала күтіміне байланысты бірқатар заңбұзушылықтар анықталды.

"Стационарлық көмек көрсетуге лицензия бар, бірақ ғимараттың өзі стандартқа сәйкес келмейді", – деп атап өтті Бюрабекова.

Оның айтуынша, мектеп-интернаттың терапевт-дәрігері балаларды қабылдап, тексеруден өткізуі тиіс. Алайда, балалардың күнделікті тексеруден өткендігі туралы ешқандай дәлел жоқ.

"Құжаттамалық жұмыстар жүргізілмегендіктен, балалардың тексерілгенін дәлелдеу мүмкін емес. Бүгінгі таңда тексеру тәуелсіз сарапшылардың қатысуымен жалғасуда", – деді вице-министр.

Интернат тәрбиеленушілері қайтыс болды

18 мамыр күні Аягөздегі арнайы әлеуметтік қызметтерді ұсынатын балалар орталығы, психоневрологиялық патологиясы бар балаларға арналған мектеп-интернаттың төрт тәрбиеленуші қайтыс болғаны белгілі болды.

Сондай-ақ, осы орталықтың оннан астам баласы қызылша диагнозымен жұқпалы аурулар ауруханасына жатқызылған. Тіпті, кейбіреулерінен ішек инфекциясы анықталды.

Балалар омбудсмені мәлімдеме жасады

Аягөз қаласы облыс орталығы – Өскеменнен 310 шақырым жерде орналасқан.

Осы мәселеге қатысты пікір білдірген Қазақстандағы балалар омбудсмені Аружан Саин мекеменің қашықта орналасқандығы өзекті мәселе деп атап өтті.

"Мекеме шалғайда болғандықтан оған қоғамдық бақылау жүргізу қиынға соғады", – деді ол.

Балалар омбудсмені шағын қалаларда орналасқан балалар мектеп-интернаттарын облыс орталықтарына көшіруге тырысатынын мәлімдеді.

Министр шұғыл шешім қабылдады

Білім және ғылым министрі Асхат Аймағамбетов Аягөздегі интернатта балалардың қайтыс болуына байланысты кешенді тексеріс жүргізу туралы шешім қабылдады.

Ол еліміздегі үкіметтік емес ұйымдардың, азаматтық сектор мен мемлекеттік органдар өкілінің қатысуымен медициналық және әлеуметтік мекемелерді, балалар үйлерін, балалар үйлері мен мектеп-интернаттарды кешенді тексеру қажет екенін мәлімдеді.

"Ведомствоаралық комиссияның атынан біз Шығыс Қазақстан облысының әкімдігіне барлық ұсыныстарды, оның ішінде мекемені облыс орталығына көшіру мәселесін қарастыруды тапсырамыз. Үлкен қаладан алыс өңірлерде балалардың денсаулығы үшін маңызды қызметтерді көрсетуде үлкен қауіптер бар", – деді Аймағамбетов.

Оқи отырыңыз: Ақтөбедегі балалар шипажайында баланы ұрып-соққан: видео жарияланды

Сондай-ақ министрдің пікірінше, кәмелетке толмағандар істері жөніндегі комиссияның жұмысын да қайта қарау шаралары қабылдануы қажет.

"Мұндай ұйымдардың барлығында қоғамдық бақылау институтын дамыту керек", – деді білім және ғылым министрлігінің басшысы.

208
Кілт сөздер:
Аружан Сайын, Асхат Аймағамбетов, интернат, Аягөз, бала
Тақырып бойынша
Қазақстанда 425 бала коронавирус жұқтырған
Қостанай облысында 7 жасар бала жұмбақ жағдайда көз жұмды
Қазақстандық балалар Ирактан қайтарылды: Қызыл крест хат жолдады
28 наурыздан бастап балалар автобуста тегін жүреді
Қазақстанда бұдан былай 14 жасқа толмаған балалар тіркеуге тұрмайды
Астана тұрғындары

Қазақстанда карантин шараларының сақталуын бақылау күшейеді

188
Жұмысқа қызметкерлердің тек 50 проценті ғана шығуы тиіс. Сондай-ақ, қоғамдық көлікпен тек бетперде таққан тұрғындарға ғана жүре алады

НҰР-СҰЛТАН, 26 мамыр - Sputnik. Ведомствоаралық комиссия карантин режимінің сақталуына бақылауды күшейту мәселесін қарастырды, деп хабарлады үкіметтің баспасөз қызметі.

Премьер-министр орынбасарыТоғжановтың төрағалығымен өткен коронавирустың таралуына жол бермеу жөніндегі ведомствоаралық комиссияның отырысында ел тұрғындарының бекітілген карантиндік режимді қатаң сақтауды бақылауға алу мәселесі қаралды.

"Біршама өңірлерде ауруды жұқтыру саны көбейіп отыр. Бұл карантин талаптарының орындалмауымен байланысты. Мемлекет басшысының тапсырмасына сәйкес, өңірлер санитарлық-эпидемиологиялық талаптардың орындалуын бақылауды ұйымдастырып, оларды орындамаған азаматтарға, мекемелерге, өндіріс нысандары мен кәсіпкерлік субъектілеріне қатысты тиісті шаралар қабылдауы керек", - деді Тоғжанов.

Осыған орай, өңірлердің әкімдіктері мен мемлекеттік органдарға тапсырма берілді:

  • еңбек ұжымдарында әлеуметтік қарым-қатынастың деңгейін барынша төмендету (эұмысқа шыққандар саны қызметкерлердің 50%-інен аспауы тиіс);
  • жұмыс күні барысында бетперде тағу және уақытылы ауыстыруды бақылау;
  • әлеуметтік арақашықтықты сақтау мүмкіндігін жасау;
  • қоғамдық көлікке қарастырылған орындардан артық жолаушы алмау және тұрғындардың міндетті түрде маскамен болуын қамтамасыз ету;
  • қорғаныс, ішкі істер қызметкерлерінің қатысуымен қоғамдық және өндіріс орындарын, мекемелер мен объектілерді дезинфекциялау шараларын күшейту. 

Берілген тапсырмалардың орындалу үкіметтің тұрақты бақылауғына алынды. 

Президент қазақстандықтардың карантин режимін сақтамауына байланысты нақты шаралар қолдану керек екенін мәлімдеген болатын.

Жергілікті билік коронавирус жұқтыру көрсеткішінің төмендеп-артуына байланысты карантин шараларын анықтайды. Жағдай тұрақты өңірлерде бұл шаралар жеңілдетіледі. Ал вирус жұқтырғандар саны артқан аймақтарда карантин шаралары күшейтіледі.

188
Кілт сөздер:
коронавирус, бақылау, Қазақстан
Тақырып бойынша
Бас санитар дәрігер блок бекеттердің қандай жағдайда алынатынын айтты
Ата-аналар қашықтан оқудың машақаты туралы айтып берді - видео
Нұр-Сұлтан әкімдігі қызметкерлерді қысқартады
Есмағамбетова науқаспен байланыста болғандарға қатысты өзгерісті атады
Блок бекеттегі апат: үшінші полицейдің жағдайы туралы ақпарат жарияланды
Жеңіс парады

Қазақстан президенті Мәскеудегі Жеңіс парадына қатысады

123
(Жаңартылды 20:10 26.05.2020)
Мемлекет басшысы Қасым-Жомарт Тоқаев Ресей президенті Владимир Путиннің Мәскеуде өтетін Жеңіс парадына құрметті қонақ ретінде қатысуға шақыруын қабыл алды

НҰР-СҰЛТАН, 26 мамыр – Sputnik. Ресей тарапының бастамасы бойынша мемлекет басшысы Қасым-Жомарт Тоқаев Ресей президенті Владимир Путинмен телефон арқылы сөйлесті. Әңгіме барысында Ресей басшысы Тоқаевты Мәскеуде өтетін Жеңіс парадына құрметті қонақ ретінде қатысуға шақырды, деп хабарлайды Ақорда сайты.

Телефон арқылы болған әңгімеде тараптар COVID-19 пандемиясына қатысты қазіргі ахуал мен індеттің таралуына қарсы күреске байланысты екі елдің қабылдаған шаралары жөнінде пікір алмасты.

Оқи отырыңыз: Жеңістің 75 жылдығы: әлем елдері мерекені қалай атап өтті - фото

Сонымен қатар мемлекеттердің басшылары екіжақты ынтымақтастықтың өзекті мәселелері мен Еуразиялық экономикалық одақ аясындағы өзара ықпалдастықты талқылады.

"Сөйлесу соңында Владимир Путин Қасым-Жомарт Тоқаевты 24 маусым күні Мәскеуде өтетін Жеңіс парадына құрметті қонақ ретінде қатысуға шақырды. Қазақстан президенті шақыртуды ризашылықпен қабыл алды", – делінген Ақорданың хабарламасында.

Ал Жеңіс парадына қатысу туралы Қазақстан президенті өзінің Twitter-дегі парақшасында жазды.

"Бүгін Ресей президенті Владимир Путинмен телефон арқылы сөйлесу барысында 24 маусым күні Қызыл алаңда өтетін Жеңіс парадына құрметті қонақ ретінде қатысуға шақырту алдым. Шақыртуды ризашылықпен қабылдадым", – деп жазды Қасым-Жомарт Тоқаев.

Айта кетейік, бұған дейін Ресей президенті Владимир Путин қорғаныс министрі Сергей Шойгумен жұмыс кездесуі кезінде парад өткізу туралы шешім қабылданғанын хабарлаған.

123
Тақырып бойынша
Назарбаев пен Путин бір-бірін Жеңіс күнімен құттықтады
Індет жұқтырғандар саны артып барады – Тоқаев
Тоқаев Алматыда қаза болған полицейлерді марапаттады
Бөлінген қаржы қалай игерілуде: Тоқаев есеп комитетінің басшысын қабылдады
Дәрігер, архивтегі сурет

Ресейдің вирусология орталығы COVID-19-ға қарсы вакцинаны сынақтан өткізеді

0
Вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік формада жасалуы тиіс

АЛМАТЫ, 26 мамыр – Sputnik. Роспотребнадзордың "Вектор" вирусология ғылыми орталығы маусымның соңында коронавирусқа қарсы вакцинаны клиникалық сынақтан өткізуді жоспарлап отыр. Бұл туралы "Известия" газетіне берген сұхбатында орталықтың бас директоры Ринат Максютов хабарлады, деп жазады РИА Новости

Оның айтуынша, осы уақытқа дейін жануарларға жасалған тест нәтижелерін алу жоспарланып отыр және денсаулық сақтау министрлігінің клиникалық зерттеулерге рұқсат беруін күтуде.

Максютовтың айтуынша, вакцинаны жаппай қолданбас бұрын ол зертханалық сынақтан сәтті өтуі қажет. Сонымен қатар өндірісте болып, дәрілік форма алуы керек.

Содан кейін клиникаға дейінгі және клиникалық зерттеулердің толық спектрі мен тіркеуден өтуі қажет. Бұған дейін Гамалея атындағы эпидемиология және микробиология ғылыми-зерттеу орталығының директоры Александр Гинцбург вакцинаны әзірлеумен айналысатын орталық қызметкерлері, сонымен қатар өзі де  вакцина салдырғанын хабарлады. Айтуынша, оларда инфекциядан қорғайтын антидене пайда болған.

Ресейде коронавирусқа қарсы вакцина жасау үшін Санкт-Петербург вакциналар мен сарысу ғылыми-зерттеу институтының ғалымдары да еңбек етіп жатыр. Препаратты әзірлеу барысында басқа елдерде де жұмыстар жүргізіліп жатыр.

Гинцбург ресейліктерді жаппай вакцинациялау күздің басында басталып, ол процестің алты айдан тоғыз айға дейін созылатынын хабарлады.

Жаңа коронавирус (COVID-19 тудыратын) алғаш рет желтоқсанның соңында Қытайдың Ухань қаласында анықталды. Наурыздың басында ДДҰ оны пандемия деп таныды. Ұйымның ақпараты бойынша, әлемде 5,3 миллион адам коронавирус инфекциясын жұқтырған, 343 мыңнан астам адам қайтыс болды.

Ресейде 353 427 адамнан COVID-19 табылды, оның ішінде 118 798 науқас сауығып шықты, 3 633 қайтыс болды.

0
Кілт сөздер:
Ресей, коронавирус
Тақырып бойынша
Қазақстанда карантин шараларының сақталуын бақылау күшейеді
Жұмысқа шыққандар арасында вирус жұқтырғандар көбеюде – министрлік
Бас санитар дәрігер блок бекеттердің қандай жағдайда алынатынын айтты
Бас санитар дәрігер вирус жұқтырғандар саны неге артып жатқанын түсіндірді
Қазақстан өңірлері вирус жұқтыру өсімі бойынша үш топқа бөлінді