Жүргізуші куәлігі

Қазақстанда жүргізуші куәлігін беру қызметі жетілдірілді 

3877
(Жаңартылды 21:02 22.05.2020)
Тұрғындар құжаттың мерзімі аяқталғанда, сондай-ақ, атын, тегі мен әкесінің атын ауыстырса, осы қызметті онлайн түрде алатын болады

НҰР-СҰЛТАН, 22 мамыр - Sputnik. eGov.kz порталында көлік жүргізуші куәлігін беруге арналған қызметті жетілдіріп, қосымша функцияларды қосты. Енді, жеке тұлғалар құжаттың мерзімі аяқталғанда, сондай-ақ, атын, тегі мен әкесінің атын ауыстырса, осы қызметті онлайн түрде пайдалана алады. 

"Ұлттық ақпараттық технологиялар" АҚ басқарма төрағасы Әсет Тұрысовтың айтуынша, бүгінде халық тарапынан түсетін барлық ұсыныс зерделенеді. Соның негізінде ақпараттық жүйені жетілдіріп отырады.

"Біз тәулік бойы халықпен байланыс орнатып, бәрін бақылап отырамыз. Адамдардан түсетін барлық ұсыныс қаралады және бөлек кейс ретінде өңделеді. Осының нәтижесінде мемлекеттік қызметтер жетіле түседі, оны онлайн режимде алу процесі жеңілдейді", - дейді Тұрысов.

eGov.kz арқылы жүргізуші куәлігін қалай алуға болады

Осы қызметті алу үшін, алдымен, eGov.kz порталына кіріп, "Көлік пен коммуникациялар" бөлімін таңдау керек. 

Ал "Автомобиль көлігі" бөлімінде "Жүргізуші куәлігін беру" қызметін басу қажет. Авторизациядан кейін "Қызметке онлайн тапсырыс беру" батырмасы арқылы өтесіз.

Жеке мәліметтерді толтырып, сурет жүктеу керек. Қолтаңбаның үлгісін де енгізесіз. 1,25 АЕК (3 473 теңге) көлемінде төлем жасағаннан кейін электронды цифрлық қолтаңбамен рәсімдейсіз.

Аты-жөнін ауыстырғанда куәлікті қалай алады

Кәулікте жеке мәліметті ауыстыру үшін арнайы жиекке адамның атын, тегін және әкесінің атын өзгерткені туралы анықтаманы жүктеу керек. 

Куәліктің мерзімі өтсе не істеу керек

Құжаттың мерзімі өтіп кетсе, 083-У үлгісіндегі медициналық анықтаманы ғана тіркеп жіберу керек. 

Жүргізуші куәлігі жоғалса...

Құжат ұрланса, немесе жоғалған жағдайда аудандық полиция басқармасынан тиісті анықтаманы алу керек.

3877
Кілт сөздер:
жүргізуші куәлігі, Қазақстан
Тақырып бойынша
Куәлігі жоқ жүргізуші полицейді көлігінің капотында сүйреді – видео
Қазақстандықтар төлқұжат пен жүргізуші куәлігі үшін қанша төлейтіні белгілі болды
"Жүргізуші куәлігі үшін 20 мың теңге?" ІІМ жауап берді
Қазақстанда паспорт пен жүргізуші куәлігін алу қымбаттады
Әлемдегі "ең мықты паспорт" белгілі болды
Көк Жайлау

Көк Жайлауда сауық кешін ұйымдастырғандарға қатаң шаралар қолданылады

110
Қала әкімі полиция департаментінің басшысына тиісті тергеу жүргізіп, кінәлі тұлғаларды жазалауды тапсырды

АЛМАТЫ, 25 мамыр – Sputnik. Алматы әкімінің орынбасары Ерлан Қожағапанов карантин кезінде Көк Жайлауда өткен жаппай сауық кешіне қатысты түсініктеме берді.

"Бұл жол беруге болмайтын жағдай. Қандай да бір шара өткізуден бұрын ол жерге кіруге де тыйым салынған. Ол жерде болған адамдар өздерінің ғана емес, жан-жағындағылардың да өмірін өлімге тікті. Сондай-ақ, олар тауда қоқыстарын қалдырып кетті. Ол шараға рұқсат берілмеген, санитарлық норма сақталмаған", - деді ол брифинг барысында. 

Сонымен қатар Қожағапанов Алматы қаласының бас санитар дәрігерінің коронавирус инфекциясының таралуына жол бермеу үшін жаппай іс-шаралар өткізуге тыйым салатын қаулысы бар екенін атап өтті.

"Аталған адамдарға қатысты қала әкімі полиция департаментінің басшысына тиісті тергеу жүргізуге нақты тапсырма берді. Олардың барлығын анықтап, әкімшілік жаза, қажет болса, қылмыстық жаза қолдану керек", - деді ол.

Сонымен қатар қала прокуроры табиғатты қорғау прокурорына осы жағдайды шешу жөнінде тапсырма берді.

Бұған дейін экология министрлігі Алматыдағы Көк Жайлау тауында сауық кешін өткізгендерге 100 АЕК немесе 277 800 теңге айыппұл салынғанын хабарлады. Айыппұл салынған ер адам автокөлік жанында түскен фотосын әлеуметтік желіге жүктеген болатын.

Карантин кезінде Алматы тауларындағы сауық кеші

24 мамырда Алматы қаласында енгізілген карантинге қарамастан, ерекше қорғалатын аумақта азаматтар ойын-сауық кеші мен түнгі кино көрсетілім ұйымдастырған. Қазіргі кезде "Көк Жайлаудағы кино түнін" ұйымдастырушылар іздестіріліп жатыр.

 

О

110
Кілт сөздер:
карантин, "Көк Жайлау" курорты
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
Алматыда маскасыз жүргендерге айыппұл салынуы мүмкін
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ақылы жол

1 маусымнан бастап курорттар мен шипажайлар ашылады

238
(Жаңартылды 21:05 25.05.2020)
Қонақүй, шипажай-сауықтыру кешендері санитарлық нормаларды қатаң сақтай отыра жұмысқа кірісетіні хабарланды

НҰР-СҰЛТАН, 25 мамыр —Sputnik. Қазақстанда 1 маусымнан бастап курорттық, емдеу-сауықтыру нысандары ашылады. 

Шешім премьер-министр орынбасары Ералы Тоғжановтың төрағалығымен өткен ведомствоаралық комиссия отырысында қабылданды.

"2020 жылғы 1 маусымнан бастап қатаң санитарлық нормаларды сақтай отырып, кәсіподақтар федерациясының қонақүйлері мен сауықтыру санаторийлері және өңірлердегі курорттық, емдеу-сауықтыру нысандары қызметін қайта бастайды", - деп жазылған премьер-министрдің ресми ақпарат ресурсында.

25 мамырдан бастап Атырау қаласымен ішкі әуе қатынасы жанданады.

Сондай-ақ, 1 маусымнан бастап кезең-кезеңмен ішкі теміржол қатынасын іске қосуға байланысты теміржол вокзалдарының қызметі санитарлық нормаларға сәйкес ұйымдастырылады.

Қазақстан азаматтарын шет елдерден қайтару жұмысы жалғасады.

238
Кілт сөздер:
карантин, курорт, маусым
Тақырып бойынша
Алматыда маскасыз жүргендерге айыппұл салынуы мүмкін
Полиция Көк Жайлаудағы отырыс ұйымдастырушыларын іздестіріп жатыр
Жұмысқа шыққандар арасында вирус жұқтырғандар көбеюде – министрлік
Сұлтанғазиев қай облыстарда коронавирус жұқтырғандар саны артқанын айтты 
Алматыда кинотеатрлар мен балаларды дамыту орталығы қашан ашылады?
Ауа райы

40 градус ыстық: 26 мамырға арналған ауа райы

157
(Жаңартылды 23:14 25.05.2020)
Қазақстанның бірқатар өңірінде дабылды ескерту жарияланды. Сейсенбі күні ыстық болады, бұршақ жауып, қатты жел соғады

НҰР-СҰЛТАН, 25 мамыр — Sputnik. Қазгидромет синоптиктері 26 мамыр күні бірқатар өңірде аптап ыстық болатынын айтты.

Алдағы үш күнге арналған ауа райы болжамында солтүстік өңірлерде күн салқындайтыны хабарланды. Оңтүстікте күн ыстық болады. Кей жерлерде жел күшейеді.

Дабылды ескерту

Ақмола облысында 26 мамырда күн күркіреп, бұршақ жауып, шаңды жел болады. Жылдамдығы - 15-20 м/с.

Күндіз Павлодар облысында желдің жылдамдығы - 25 м/с.

Сейсенбі күні Солтүстік Қазақстан облысында тұман болады, желдің жылдамдығы - 25 м/с.

Батыс Қазақстан облысында аптап ыстық. Плюс 37 градус, күн күркірейді.

26 мамырда Түркістан облысында шаңды дауыл, желдің жылдамдығы - 23 м/с. Күндіз батыста аптап ыстық, плюс 40 градус.

Ірі қалалардағы ауа райы

Елордада дабылды ескерту жарияланды. Шаңды дауыл болады, желдің жылдамдығы - 20 м/с. Ауа температурасы түнде 18-20 градус жылы, күндіз плюс 32-34 градус.

Алматыда түнде плюс 17-19 градус, күндіз – 31-33 градус ыстық.

Шымкентте түнде 19-21 градус жылы, күндіз сынап бағанасы 35-37 градусқа дейін көтеріледі.

157
Кілт сөздер:
ыстық, мамыр, ауа райы
Тақырып бойынша
Көкшетауда дауыл кезінде зардап шеккен екінші адам қайтыс болды
Қазақстанда дауылды жел 160 ғимараттың шатырын ұшырып әкетті
Алматыда жалға алынған көлік ағаш пен жеке үйдің қоршауын қиратты
Ақмола облысында қатты жел ағаштарды жұлып, үйлердің шатырын ұшырды