Алматы

Алматыда маскасыз жүргендерге айыппұл салынуы мүмкін

198
(Жаңартылды 18:03 25.05.2020)
Қала билігі ең алдымен қоғамдық көлікте маскамен жүруге баса назар аударып отыр, адам көп жүретін жерге барғанда да бетперде тағу міндетті

АЛМАТЫ, 25 мамыр – Sputnik. Алматыда медициналық маскасыз жүргендер әкімшілік жауапкершілікке тартылуы мүмкін. Бұл жайында қала әкімінің бірінші орынбасары Ерлан Қожағапанов мәлімдеді, деп хабарлайды Sputnik Қазақстан тілшісі.

"Маска тағу режимі инфекцияны жұқтыру санын шектеу мен жағдайды тұрақтандыру үшін өте маңызды. Аудандық әкімдіктер мен полиция департаментінің барлық қызметкеріне тиісті тапсырма бердік, олар кешеден бері белсенді жұмыс істеп жатыр. Маска тақпаған адамдарға 400-ге жуық ескерту жасалды. Әзірге осы шарамен шектелеміз. Жақын арада эпидемиологиялық жағдайды ескере отырып, айыппұл немесе басқа да жазалау шаралары секілді әкімшілік жаза қолданатын боламыз", - деді Қожағапанов.

Айтуынша, бұл қаладағы инфекцияның таралуын тоқтату үшін қажет.

"Қоғамдық орындарда, қоғамдық көлікте барлық адам маскамен жүруі тиіс. Бұл ауру жұқтырып алмау үшін және біреуге жұқтырмас үшін маңызды", - деді ол.

Сонымен қатар әкім орынбасары мен қаланың бас санитар дәрігері Жандарбек Бекшин ең алдымен қоғамдық көлікте маскамен жүру керек екеніне баса назар аударды.

Бекшиннің айтуынша, көшеде маска тағу лас қолмен бетті ұстамау үшін қажет.

"Азық-түлік базарлары, дүкендер, өзге де базарлар, дәріхана, ойын-сауық кешендеріне кірген кезде медициналық маска тағуды міндеттеп отырмыз. Себебі бұл жабық нысандар. Бұл жерде адам көп шоғырланған. Сол себепті ішкі істер органдарымен бірлесіп, әкімшілік шара да қолдана аламыз", - деді Бекшин.

Егер азамат карантин режимін бұзып, маска тақпаған болса, 5 АЕК (13 890 теңге) көлемінде айыппұл салынады. Ал нысандардың басшылығы азаматтарды маскасыз кіргізуге рұқсат берсе, 15 АЕК (41 670 теңге) мөлшерінде айыппұл төлейді.

Оқи отырыңыз: Алматыда азық-түлік сатпайтын базарлар қашан ашылады

"Барлық нысанда маска тағуды міндеттеп отырмыз. Егер шағын бизнес болса, айыппұл көлемі – 100 АЕК (277 800 теңге), ал орта бизнеске – 200 АЕК (555 600 теңге), ірі бизнеске келер болсақ, нысанға азаматтарды маскасыз кіргізгені үшін заңды тұлғаға 500 АЕК (1 389 000 теңге ) көлемінде айыппұл салынады. Карантин режимінің сақталуы үшін осындай әкімшілік шаралар қолдануға мәжбүрміз", -  деді Бекшин.

Қала әкімінің бірінші орынбасары Ерлан Қожағапанов қоғамдық көлікте медициналық маска тағу міндеттелгенін, оны полиция департаменті мен қалалық көлік департаментінің өкілдері бақылайтынын айтты.

Айта кетейік, Алматыда коронавирус инфекциясының жұқтыру өсімі 1,7%-ті көрсетіп отыр. Қала бойынша науқастардың жалпы саны – 2 201 адам, оның ішінде 1 258 тұрғын жазылып шықты.

198
Кілт сөздер:
бетперде
Тақырып:
Төтенше жағдай және карантин (521)
Тақырып бойынша
Полиция Көк Жайлаудағы отырыс ұйымдастырушыларын іздестіріп жатыр
COVID-19 инфекциясын жұқтырған науқастар үшін қауіпті дәрілер аталды
Жоспар өзгерді: Жамбыл облысында халыққа қызмет көрсету орталықтары ашылмайды
42 500 теңге жәрдемақы

42 500 теңгені қайта қарап, балалы отбасыларға қосымша ақша төлеу ұсынылды

295
Балалар омбудсмені Аружан Саин мемлекет төлейтін жәрдемақы бірнеше баланы тамақтандыруға жетпейтінін айтты

АЛМАТЫ, 15 шілде – Sputnik. Балалар құқықтары жөніндегі уәкіл Аружан Саин қаржы министрлігі мен еңбек және халықты әлеуметтік қорғау министрлігіне карантин кезінде төленетін мемлекеттік төлемді қайта қарауды және баласы бар отбасыларға 42 500 емес, одан да көп төлеуді ұсынды.

Сыбайлас жемқорлыққа қарсы қызметтің брифингі кезінде балалар омбудсмені қазіргі таңда қазақстандық экономистер осы іске қосылып, карантин кезінде өмір сүруге қанша қаражат керек екенін есептеуі керек екенін атап өтті.

"42 500 теңгемен келіспеймін. Қолдау шаралары бала санына байланысты төленуі қажет деген ұсынысым бар. 42 500 теңгені бір адамға жеткізуге болады, алайда балалары бар отбасыларға бұлай жасау қиынға соғады", - деді Саин.

Бала құқықтары жөніндегі уәкіл карантин кезінде мемлекеттік төлемдерге жауапты мемлекеттік органдарға Ресей тәжірибесіне назар аударуды ұсынды. Ол Ресейде көмек балалар санына байланысты жасалғанын атап өтті.

"Жаңа карантин барлығы үшін күтпеген жағдай болды. Қаржы министрлігі мен еңбек министрлігі бұл шараларды шұғыл түрде қайта қарайды деп үміттенемін", - деп нақтылады Аружан Саин.

Оқи отырыңыз: Еңбек министрі 42 500 теңгені төлеу қашан басталатынын айтты 

14 шілдеде Қазақстан үкіметі карантинді күшейту кезінде жұмыссыз қалған қазақстандықтар үшін 42 500 теңге жәрдемақы төлеу туралы шешім қабылдады. Жәрдемақы жұмыс берушілердің, жеке кәсіпкерлердің, өзін-өзі жұмыспен қамтушылардың өтінімдері негізінде төленеді.

Еңбек және халықты әлеуметтік қорғау министрлігі 17 шілдеге дейін қажетті төлем механизмін дайындайтынын айтты, ал 20 шілдеден ақша қазақстандықтардың шотына түсе бастайды.

295
Кілт сөздер:
жәрдемақы
Тақырып:
Коронавирус эпидемиясы
Тақырып бойынша
Карантин жыл соңына дейін ұзарса, 42 500 теңге төлеу жалғаса ма – министр жауабы
Президент: шілде айына 42 500 теңге төленеді
Декретте отырған аналарға 42 500 теңге төлене ме?
42 500 теңгеге қалай өтініш беруге болады
Зерхана қызметкері

Пневмония коронавирус статистикасына қосыла ма Қазақстан ДДҰ жауабын күтіп отыр

3
(Жаңартылды 14:50 15.07.2020)
Бұған дейін Алматыдағы орталық клиникалық аурухананың меңгерушісі коронавирус статистикасына атипиялық пневмонияны да кіргізу қажеттігін айтқан болатын

НҰР-СҰЛТАН, 15 шілде – Sputnik. Қазақстан Дүниежүзілік денсаулық сақтау ұйымына атипиялық пневмонияны коронавирус жұқтырғандар статистикасына қосуға қатысты сұрау жолдады. Бұл туралы денсаулық сақтау вице-министрі Людмила Бюрабекова мәлімдеді, деп хабарлайды Sputnik Қазақстан тілшісі.

"Біз қазір халықаралық ұйымдармен, Дүниежүзілік денсаулық сақтау ұйымымен келіссөз жүргізіп жатырмыз. Бүгінгі таңда ДДҰ-ның ұсынымы бойынша статистикаға ПТР тесті оң нәтиже көрсеткен жағдайлар ғана кіреді", – деді Бюрабекова онлайн брифингте.

Ол Қазақстан пневмонияны коронавирус статистикасымен біріктіруге қатысты ДДҰ-ға сұрау жібергенін айтты.

"Жуырда сұрау жолдадық, ДДҰ-ның жауабын күтіп отырмыз. Келіссөздер арқылы есепке алынуы тиіс деректерге қатысты шешімге келеміз. Әр елдің статистика мен есепке алуға қатысты өз жолы бар. Біз соны біріздендіріп, барлық елмен қатар жүргіміз келеді", – деді вице-министр.

Оқи отырыңыз: Дәрігер денсаулық министрлігінің тағы бір қателігін айтты

Бұған дейін Алматыдағы орталық клиникалық аурухананың нейрохирургия бөлімінің меңгерушісі Мыңжылқы Бердіқожаев бейнеүндеу жолдап, қазіргі коронавирус статистикасына атипиялық пневмонияны да кіргізу қажеттігін айтқан еді.

3
Кілт сөздер:
науқастар, статистика
Тақырып:
Коронавирус эпидемиясы
Тақырып бойынша
Орны толмас қайғы - Қазақстан бір-екі апта ішінде кімдерден айырылды
"Кеш қалдыңыздар": дәрігер қазақстандықтардың ең басты қателігін атады
Алматылық дәрігер Covid-19 жұқтырғандар саны қашан күрт азаятынын болжады
"Сенеді деп ойлаймын": алматылық дәрігер үрейлі хабарлама таратты
"Күрт нашарлайды": алматылық дәрігерлер ауруханадағы жағдайды айтып берді