Компьютер, жұмыс

Жұмысқа шыққандар арасында вирус жұқтырғандар көбеюде министрлік

1959
(Жаңартылды 18:19 25.05.2020)
Инфекция, негізінен, қашықтан жұмыс істемейтін және карантин талаптарын бұзатын ұйымдарда анықталып жатыр

НҰР-СҰЛТАН, 25 мамыр – Sputnik. Карантин шаралары жеңілдеп, бірқатар ұйым қызметкерлері жұмыс орнына оралғаннан кейін, коронавирус жұқтырғандар саны арта бастады. Бұл туралы денсаулық сақтау министрлігі тауарлар мен қызметтердің сапасы мен қауіпсіздігін бақылау комитетінің төрағасы Тимур Сұлтанғазиев мәлімдеді, деп хабарлайды Sputnik Қазақстан тілшісі.

"Бізде жұмысқа шығу кезінде вирус жұқтыру деректері артып жатыр. Мұны карантин шараларының жеңілдеуімен байланыстыруға болады. Мәселен, білім беру жүйесін алайық. Мектептер, университеттер, колледждер толығымен қашықтан оқыту форматына ауысқанын білесіздер. Соның нәтижесінде оқушылар, студенттер мен мұғалімдер арасында вирус жұқтырғандар тіркеліп жатқан жоқ", - деді Сұлтанғазиев онлайн брифингте. 

Айтуынша, инфекция, негізінен, қашықтан жұмыс істемейтін және карантин талаптарын бұзатын ұйымдарда анықталып жатыр. 

Ол Қазақстан бойынша жұмысын жандандырған ұйымдар арасында 10 мың рейд жүргізілгенін атап өтті. Нәтижесінде бір мыңға жуық түрлі заңбұзушылық анықталған. Бұл компаниялардың дені тексерістен кейін қызметін тоқтатты, енді біріне айыппұл салынды. 

"Тексеріс жұмыстары одан әрі жалғасады", - деді ол. 

Сұлтанғазиев жұмыс берушілерге қызметкерлердің дене қызуын өлшеп, кіреберісте санитайзер орнатып, ара қашықтықты сақтауға кеңес берді. 

Тағы оқыңыз: Алматыда маскасыз жүргендерге айыппұл салынуы мүмкін

Егер аса қатты қажеттілік болмаса, қызметкерлер үйден жұмыс істегені абзал, деді комитет төрағасы. 

Соңғы деректер бойынша Қазақстанда 8 531 адам вирус жұқтырды. Оның тең жартысы, 4 400-і дертінен айықса, 35 адам көз жұмды.

1959
Кілт сөздер:
министрлік, вирус, жұмыс
Тақырып бойынша
COVID-19 инфекциясын жұқтырған науқастар үшін қауіпті дәрілер аталды
Атырауда үш жасар қыздың коронавирусты қалай жұқтырғаны анықталды
Жоспар өзгерді: Жамбыл облысында халыққа қызмет көрсету орталықтары ашылмайды
Шағын және орта бизнеске 160 миллиард теңге жеңілдетілген кредит берілді  
Оралда балабақшаның екі қызметкерінен коронавирус табылды
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

264
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

264
Кілт сөздер:
Қазақстан, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті
Дәрігер, архивтегі фото

Аза тұту күні дәрігерлерді көшеге шығару бастамасын кім көтергені белгілі болды

45
(Жаңартылды 13:08 15.07.2020)
Дәрігерлерді көшеге шығару туралы бастаманы медицина қызметкерлерінің қауымдастығы көтерді, деп атап өтті денсаулық сақтау министрлігі

НҰР-СҰЛТАН, 15 шілде – Sputnik. Денсаулық сақтау министрлігі ұлттық аза тұту күні дәрігерлердің көшеге шығып, бір минут үнсіздік рәсімін өткізуіне қатысты түсініктеме берді, деп хабарлайды Sputnik Қазақстан тілшісі.

"Денсаулық сақтау министрлігі пандемия құрбандарын еске алу құрметіне флешмоб өткізуді ұсынған жоқ. Бұл әрбірінің азаматтық парызы деп ойлаймын. Дәрігерлерді көшеге шығару туралы бастаманы медицина қызметкерлерінің қауымдастығы көтерді", - деді денсаулық сақтау вице-министрі Бюрабекова онлайн брифингте.

Оқи отырыңыз: Шымкент әкімі желіде тарап кеткен видеоға түсініктеме берді

Денсаулық сақтау министрлігі тек санитарлық-эпидемиологиялық режимнің сақталуын қамтамасыз етуді тапсырған.

Вице-министр флешмоб үшін жазалау орынсыз деп санайды. Себебі бұл азаматтардың өз бастамасы.

"Олар қайтыс болғандарды құрметпен еске алды, сондықтан, менің ойымша, бұл ретте жазалау мәселесі көтерілмеуі керек", - деді ол.

Еске сала кетейік, 13 шілде Қазақстанда жалпыұлттық аза тұту күні жарияланды.

Қаралы күні Шымкентте дәрігерлер жол бойына шығып, бір минут үнсіздік рәсіміне қатысқан. Әлеуметтік желіде тараған видео қазақстандықтардың наразылығын туғызды.

45
Кілт сөздер:
аза тұту, дәрігерлер
Тақырып:
Коронавирус эпидемиясы
Тақырып бойынша
Әкімдік жұрттың наразылығын тудырған видеоға түсініктеме берді
Орны толмас қайғы - Қазақстан бір-екі апта ішінде кімдерден айырылды
Бұл сұмдық трагедия – президент кеңесшісі Қазақстандағы жағдай туралы айтты
Тоқаев бірнеше дәрігерді қайтыс болғаннан кейін марапаттады
Ақмола облысында әскери дәрігер пневмониядан көз жұмды