Компьютер, архивтегі фото

Денсаулық сақтау министрі жұмыс тәртібіне қатысты кеңес берді

333
Біртанов кеңсе қызметкерлерінің 50 проценті қашықтан жұмыс істеуі керек деп есептейді. Сол кезде инфекцияның таралуын тоқтатуға болады

НҰР-СҰЛТАН, 27 мамыр – Sputnik. Денсаулық сақтау министрі Елжан Біртанов коронавирусты ұжымда жұқтырған науқастардың күрт көбеюіне байланысты жұмысты барынша қашықтан жүргізуге кеңес берді, деп хабарлайды Sputnik Қазақстан тілшісі.

"Қазіргі кезде көп науқас вирусты жұмыс орнында жұқтырып жатыр. Сондықтан мүмкіндігінше жұмыс орнындағы адамдардың санын азайтуымыз қажет. Интернет арқылы қашықтан жұмыс істеуіміз керек. Мысалы, кеңсе қызметкерлерінің 50 проценті қашықтан жұмыс істей бергені жөн. Сол кезде адамдардың арасы алшақ болып, инфекцияның таралуы тоқтайды", - деді Біртанов бүгінгі онлайн брифингте.

COVID-19: Біртанов науқастардың күрт көбею себебін түсіндірді

Оның айтуынша, өндіріс орындарында қашықтан жұмыс істеу тәртібін енгізу қиын. Вахтамен  жұмыс істейтіндер де шығуға мәжбүр. Сондықтан ондай кәсіпорындарда санитарлық-дезинфекциялық шаралар қатаң сақталуы қажет. Оны жергілікті билік пен санитарлар бақылайды. Алайда көп жағдайда тиісті талаптар орындалмайды.  

"Өкінішке қарай, кәсіпорындарда көп жағдайда санитарлық шаралар қабылданбайды. Ол дұрыс емес. Оны барлық кәсіпорын басшысы мен бизнес өкілдері түсінуі керек. Бұның барлығы халықтың денсаулығын сақтау үшін қолға алынып отыр", - деп атап көрсетті Біртанов.

Айта кетейік, соңғы уақытта өндіріс ошақтарында коронавирус жұқтырғандардың саны күрт өсті. Министрдің мәліметі бойынша Атырау облысындағы Теңіз кен орнында 1 063 науқас тіркелді. Қарағанды облысындағы кеніште вирус жұқтырғандардың саны 358 адамға жетсе, Шымкент қаласындағы "Petro Kazakhstan" ЖШС-де 2 019 науқас тіркеліп отыр. Бұдан бөлек, Нұр-Сұлтан мен Түркістандағы құрылыс нысандарында 80-нен астам адамның коронавирус жұқтырғаны анықталды.

Жамбыл облысында және Алматыда әскери ұйымдардың ішінде вирусты ұжымда жұқтыру оқиғалары бар.

333
Кілт сөздер:
коронавирус, Елжан Біртанов
Тақырып:
Төтенше жағдай және карантин (641)
Тақырып бойынша
Қазақстанда коронавирустан екі адам қайтыс болды
Жұмысқа шыққандар арасында вирус жұқтырғандар көбеюде – министрлік
Індеттен көз жұмғандар жерленген зиратта 32 қабір бар – әкімдік жағдайды түсіндірді
Бас санитар дәрігер блок бекеттердің қандай жағдайда алынатынын айтты
Коронавирус індетін жұқтырғандардың саны 9 мыңнан асты
 Архивтегі фото

Алматы Ұланбатыр арасында әуе рейсі ашылды

53
Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады

АЛМАТЫ, 28 қыркүйек – Sputnik. Алматы – Ұланбатыр бағыты бойынша жаңа әуе рейсі ашылды, деп хабарлады Қазақстанның сыртқы істер министрлігі.

Министрліктің хабарлауынша, Қазақстанның Моңғолиядағы елшісі Жалғас Әділбаев Моңғолия үкіметінің атқарушы агенттігі – Азаматтық авиация бас басқармасы және "Хунну эйр" әуе компаниясының басшылығымен бірге Алматы – Ұланбатыр әуе қатынасын ашу туралы конференцияға қатысты.

"Елші Қазақстанның ең ірі мегаполисі мен Моңғолияның астанасы арасындағы тікелей әуе қатынасының ашылуымен құттықтады. 2019 жылдың 10 қазанында Нұр-Сұлтанда өткен екі елдің премьер-министрі арасындағы келіссөздер барысында көтерілген әуе қатынасын ашу жөніндегі келісімнің орындалғанын айтты", - делінген ақпаратта.

Бұл әуе бағыты екіжақты саяси, сауда-экономикалық, мәдени-гуманитарлық және туристік саладағы байланыстың қарқынды дамуына мүмкіндік береді.

Оқи отырыңыз: Польша Қазақстанмен әуе қатынасын қайта қалпына келтіретін болды 

Айта кетейік, 28 қыркүйекте "Хунну эйр" әуе компаниясының ұшағы "Ұланбатыр – Алматы – Ұланбатыр" бағыты бойынша алғашқы репатриациялық рейсті орындады.

Ұшақ қаншалықты жиі ұшатыны әзірге белгісіз. Ол әлемдегі эпидемиологиялық жағдай жақсарғаннан кейін анықталады.     

53
Кілт сөздер:
Алматы, ұшақ
Тақырып бойынша
Қазақстан мен Ресей арасындағы әуе қатынасы жанданады
Қырғызстанға ұшуға рұқсат берілді: алғашқы рейске билеттер сатылып кетті
Қазақстан Қырғызстан және Өзбекстанмен шекарасын ашқан жоқ – ҰҚК
Экология, геология және табиғи ресурстар министрі Мағзұм Мырзағалиев

Министр Мырзағалиев "Алтынемелде" түсірілген видеоны жариялады

2615
(Жаңартылды 18:53 28.09.2020)
Орта Азияда сирек кездесетін қар барысы көктемде "Сайрам Өгем" ұлттық паркінде де көрініп еді, дейді экология министрі

АЛМАТЫ, 28 қыркүйек – Sputnik. Алматы облысында "Алтынемел" ұлттық паркінде алғаш рет қар барысы видеоға түсірілді. Бұл туралы экология, геология және табиғи ресурстар министрі Мағзұм Мырзағалиев мәлімдеді, деп хабарлайды Sputnik Қазақстан.

​Министр Twitter парақшасында қар барысының фото және видеосын жариялады.

"Жақсы жаңалықты бөліскім келіп отыр. "Алтынемел" мемлекеттік ұлттық табиғи паркінде алғаш рет қар барысы байқалды. Жануар фототұзақ объективіне ілінген. Орта Азияда сирек кездесетін сүтқоректі көктемде "Сайрам Өгем" ұлттық паркінде де көрініп еді", - деп жазды министр.

Министрдің айтуынша, Қазақстан аумағында 120-130 бас қар барысы бар. Жануар жоғалып кетудің алдында тұр.  

"Барыстың көзге түсуі – ерекше құбылыс. Біз сирек кездесетін жануарларды барынша қорғауымыз керек. Экология, геология және табиғи ресурстар министрлігі бұл үшін бірқатар шара қабылдап, жүзеге асырады", - деп жазды Мырзағалиев.

Айта кетейік, Қазақстанның ерекше қорғалатын 13 аймағына 294 фототұзақ орнатылған.

2615
Кілт сөздер:
видео
Тақырып бойынша
Белгісіз құбыжық тұрғындардың зәресін алды – жантүршігерлік видео
Шымкент зообағында жас жігіт жирафқа мініп алды - видео
Африкада түсірілген видео жұртты күлдірді
Семейде жыртқыш аң видеоға түсіп қалды
Ребенок у окна, архивное фото

Шипажайда баланы сүлгімен ұрған тәрбиеші қылмыстық жазаға тартылмайтын болды

0
Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды

АЛМАТЫ, 28 қыркүйек – Sputnik. Ақтөбеде баланы сүлгімен ұрған тәрбиешіге қатысты қылмыстық іс тоқтатылды, деп хабарлады өңірлік "Мой Город" басылымы.

2020 жылдың наурызында Ақтөбе облысындағы "Шағала" шипажайының 58 жастағы тәрбиешісі баланы сүлгімен ұрып-соққаны жария болған еді. Сол жердегі баланың бірі оқиғаны видеоға түсіріп алған, ал оны ата-анасы әлеуметтік желіде жариялады. Бұл шипажайда туберкулезбен ауыратын балалар оңалтудан өтеді.

Видеода балалардың еденде отырғанын, ал ақ халат киген әйелдің бір баланы сүлгімен ұрғанын көруге болады. Бала жыласа да, әйел оны бірнеше рет ұрған. Басқа балалар да "бізді аяқ киіммен де ұрады" дейді.  

Видео жарияланғаннан кейін шипажайға полиция мен прокуратура қызметкерлері барған. Аталған факті бойынша Қылмыстық кодекстің 140-бабы 2-бөлігі бойынша сотқа дейінгі тергеу басталып, сараптама тағайындалды.

Оқи отырыңыз: Алматы облысында балабақшадағы видеодан кейін тәрбиеші хабарсыз кетті 

Тергеу барысында тәрбиешінің 20 жылдық жұмыс өтілі бар екені белгілі болды. Оның айтуынша, бала тәрбиешіге тіл тигізген. Содан ашуланып, сүлгімен сабай бастаған.

Ақтөбе қаласының Алматы аудандық полиция бөлімі жүргізген сотқа дейінгі тергеу екі жақтың татуласуымен аяқталды, қылмыстық іс тоқтатылды.

Ал шипажайдың хабарлауынша, баланы ұрған тәрбиеші мен сол жерде әйелді тоқтатпаған екінші тәрбиеші Еңбек кодексінің 52-бабы 14-бөлігі бойынша жұмыстан босатылған.

0
Кілт сөздер:
қылмыстық іс, тәрбиеші
Тақырып бойынша
Түркістан облысы лагеріндегі шу: оқиғаның неден басталғаны белгілі болды
"Аюға намаз үйреткен таяқ": тәрбиеші әріп білмеген бүлдіршінді ұрып-соқты – видео
Студент тәрбиешінің балаларды ұрып жатқанын видеоға түсіріп алды
Атырауда тәрбиешінің бүлдіршінді сабап жатқан сәті видеоға түсіп қалды
Балабақшада балалар кішкентай қызды жабылып соққыға жықты – видео