Архивтегі фото

Президент дәрігерлер үшін қылмыстық жазаны өзгертуді ұсынды

297
Тоқаев жауапкершілік дамыған мемлекеттердегідей әкімшілік және азаматтық-құқықтық сипатта болуы керек деп есептейді

НҰР-СҰЛТАН, 27 мамыр – Sputnik. Мемлекет басшысы Қасым-Жомарт Тоқаев дәрігерлерді қателік жасағаны үшін қылмыстық жазаға тарту мәселесін жан-жақты зерделеуді тапсырды, деп хабарлайды Sputnik Қазақстан тілшісі.

"Меніңше, "дәрігерлерлік қателік" үшін қылмыстық қудалау тәжірибесін қайта қарап шыққан дұрыс. Атап айтқанда, медицина қызметкерлерін өз міндеттерін тиісті деңгейде атқармағаны үшін бірден қылмыстық жазаға тарту мәселесін жан-жақты зерделеп шығу қажет", - деді Тоқаев ұлттық қоғамдық сенім кеңесінің бүгінгі отырысында.

Тоқаевтың тапсырмасы: дәрігердің еңбекақысы орташа жалақыдан 2,5 есе артық болады 

Президенттің айтуынша, бүгінде тергеу кезінде дәрігердің өз міндетін қаншалықты немқұрайлы орындағанын анықтау қиын. Соған қарамастан, біраз маман қылмыстық жазаға тартылып отыр.

"Сондай-ақ, клиникалық зерттеулерді өткізу тәртібін бұзғаны үшін қылмыстық жазаны қолдану мәселесін де қайта қарап шығу қажет. Әйтпесе, бүгінде медицина мамандары жазадан қорқып, ғылымға бармайды. Алайда ондай өзгерістер дәрігерлердің адам өмірі мен денсаулығы үшін жауапкершілігін азайтпайды. Жауапкершілік дамыған мемлекеттердегідей әкімшілік және азаматтық-құқықтық сипатта болуы керек", - деп атап өтті Тоқаев.

Осы орайда президент заң және қаржы жағынан медицина қызметкерлерінің құқықтары мен жауапкершілігіне арналған жүйені әзірлеуді тапсырды. Кәсіби қызметке кепілдік беру жағы да ескерілуі шарт.

297
Кілт сөздер:
президент, дәрігер, қылмыстық іс
Тақырып бойынша
Көптеген дәрігер коронавирустың жоғары жұққыштығын жете бағаламады – вице-министр  
Қазақстан еш нәрсені жасырмайды – президент  
Дәрігерлердің жаппай вирус жұқтыруына кінәлі басшылар жауапкершілікке тартылады
Шымкентте қоғамдық резонанс туғызған іске байланысты сот басталды
Груз гуманитарной помощи приняли в аэропорту Алматы

Қазақстанның Тәжікстанға көмегі дауға айналды: министрліктің жауабы қандай

0
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

0
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

831
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

831
Кілт сөздер:
Қазақстан, Қытай
Тақырып:
Коронавирус эпидемиясы
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті