Нұр-Сұлтан келбеті

Карантин баспана бағасына қалай әсер етті?

1320
Доллар бағамының өзгеруіне байланысты баспана сататындардың 70 проценті бағаны 10-15 процентке көтеріп қойған

НҰР-СҰЛТАН, 29 мамыр – Sputnik, Арман Асқар. Карантин басталған кезде тұрғын үй нарығында сұраныс төмендеді. Ал шектеу шараларын ұзартқаннан кейін ол көрсеткіш мүлдем түсіп кетті. Сол кезде баспананың бағасы арзандайды деген болжам айтылды. Sputnik Қазақстан тілшісіне сұхбат берген сарапшылар жылжымайтын мүлік нарығы қалай құбылатынын айтып берді.

Баға 10-15 процентке көтеріледі

Құрылысшылар доллар бағамы өзгергендіктен сырттан келетін материалдар қымбатқа түсетінін айтып отыр. Бүгінде ұлттық валютамыз біршама күшейсе де, жылжымайтын мүлік нарығындағы баға көп өзгермеді. Қазақстан және Орталық Азия құрылысшылары одағының басшысы Жалғас Алмановтың айтуынша, құрылыс саласында өңдеу материалдарының 30 проценті шетелден жеткізіледі. Дәл осы тауарлардың бағасы көтерілді. Себебі оны доллармен сатып алады. Ал құрылыс материалдарының қымбаттауы баспананың бағасына әсер етеді. 

"Дегенмен, баға көп өспейді. Себебі бюджеттен үйлерді салуға көп ақша бөлініп жатыр. Карантинге дейінгі жоспарлар бар. Үкімет соны орындауы тиіс. Алайда өңдеу материалдарының сырттан келетінін ескерсек, баға біршама өзгереді. Баспананың бағасы 10-15 процентке көтеріледі. Сосын доллар тағы өсетін шығар", - дейді Алманов.

Маманның ойынша, қазіргі кезде баспанаға сұраныс бар. Себебі адамдар жылжымайтын мүліктің тұрақты капитал екенін жақсы біледі. 

"Пәтердің бағасы түспейді. Адамдар жылжымайтын мүлікке ақша салуға болатынын біледі. Сондықтан сұраныс болады. Қазір көбісі ақшаны жылжымайтын мүлікке салуда. Мысалы, менің таныстарымның көбісі бар ақшасына пәтер алып жатыр", - деп атап көрсетті Алманов.

Қазіргі сұраныс – уақытша үрдіс

Қазақстан риэлторлары қауымдастығының вице-президенті Елена Грива қазіргі сұраныстың неге күрт артқанын түсіндірді. Оның айтуынша, карантинге дейін адамдар баспана алуды жоспарлады. Алайда артынан шектеу шараларына байланысты осы жоспарды кейінге қалдыруға мәжбүр болды. Қазіргі кезде дәл осы топтағы тұтынушылар баспананы алуға кірісті.

Оқи отырыңыз: Досаев төтенше жағдай кезінде ұлттық қордағы ақша көбейгенін мәлімдеді 

"11 мамырда төтенше жағдай аяқталды. Содан бері баспана сатып алатын адамдардың саны күрт өсті. Олардың басым бөлігі – сол карантинге дейін үй алуды жоспарлаған адамдар. Енді қараңыз, осы санаттағы тұтынушылар өз баспанасын сатып алғасын сұраныс күрт төмендейді. Олардан кейін карантин кезінде жоспар құрғандар келеді. Бірақ ондай тұтынушылар көп емес", - дейді Елена Грива.

Сарапшының сөзіне қарағанда, карантин кезінде үйді кеңейтуге шешім қабылдаған, бірақ артынан жеке үйге көшемін деп шыққандар аз емес. Осылайша, карантин халықтың таңдауын өзгертті.

Қазіргі бағадан төмен болады

"Қазіргі кезде доллар бағамының өзгеруіне байланысты баспана сататындардың 70 проценті бағаны 10-15 процентке көтеріп қойды. Доллардың құны төмендесе де, сол бағаны ұстап отыр. Бірақ саудаласуға дайынбыз дейді. Ал бағаны сол күйінде сақтап қалғандардың саудасы қызып тұр. Себебі халық салыстырмалы түрде бағаның айырмашылығын көріп тұр", - дейді Елена Грива.

Оның ойынша, бара-бара баспанаға деген сұраныс төмендейді. Себебі карантин кезінде халықтың табысы азайды. Азық-түліктің бағасы көтерілді. Жұмыссыз қалған адамдар аз емес. Бұның барлығы жылжымайтын мүлік нарығына да кері әсерін тигізеді. Өйткені халықтың сатып алу қабілеті күрт төмендеді.

"Сондықтан кейбір сатушылар бағаны түсіруге мәжбүр болады. Ал асықпай сататындар баспана бағасын ұстап отырады. Ондай адамдар көп. Сол себепті жылжымайтын мүліктің құны күрт түседі деп айту қиын. Дегенмен сол кезде бағалар қазіргі бағадан төмен болады", - деп топшылады Елена Грива.

"5-10-20" бағдарламасы сұранысты арттыра ала ма?

Сарапшылардың айтуынша, жаңа тұрғын үй бағдарламасы жылжымайтын мүлік нарығына қатты әсер етпейді. Себебі оған қатысатын адамдардың саны шектеулі.

"Бағдарламаға тек әкімдік кезегінде тұрған адамдар ғана қатысады. Сосын шекті сома белгіленеді. Мысалы, Алматы мен Нұр-Сұлтанда 18 миллионнан артық бермейді дейді. Ал одан үлкен пәтер алғысы келетіндер не істейді? Сондықтан жаңа бағдарлама тек белгілі бір секторға ғана серпін береді, шағын пәтерлердің құрылысы артады. Сосын халық қалтасына да қарайды ғой", - дейді Елена Грива.

Халықтың табысы азайғаннан кейін эконом және комфорт класқа жататын тұрғын үйлерге сұраныс көп өзгермейді. Бірақ бизнес және элит баспананы сатып алу көрсеткіші төмендейді. Пәтер алатын адамдар қашықтан жұмыс істеуге ыңғайлы орын жасақтауға тырысады.    

"Көпқабатты үйлердегі террасалар, балкондар мен лоджияларға деген көзқарас өзгереді. Адамдар сол жерде ыңғайлы жұмыс орнын жасақтауға тырысады. Себебі каранин кезінде көбісі осы тәсілдің тиімділігін түсінді. Алайда коронавирустың екінші толқыны болса, сосын мұнай бағасы тағы құлдыраса, жылжымайтын мүлік нарығындағы жағдай да өзгереді", - деді мамандар.

1320
Кілт сөздер:
баспана
Тақырып:
Төтенше жағдай және карантин (521)
Тақырып бойынша
Биыл Қазақстанда тұрғын үй бағасы қалай өзгереді
Қазақстанда 3 мың ұстаз бен дәрігерге пәтер беріледі
Бір шаршы метрі – 115 теңге: сенат заңды қабылдады
Айына – 6 мың теңге: көпбалалы отбасыларға арналған арендалық үй туралы не білу керек?
ЭКСПО-дағы элиталы тұрғын үйлер екі жылдан кейін қандай күйде тұр – видео
Депутат Нұр-Сұлтандағы мемлекеттік тұрғын үйлердің қорқынышты екенін айтты
Ибрагимова неліктен жаңа үйге ғана ипотека берілетінін түсіндірді
Дезинфекция жүргізу

Нұр-Сұлтанда ауқымды дезинфекция жұмыстары жүргізіледі

92
(Жаңартылды 22:05 14.07.2020)
Бас санитар дәрігердің қаулысына орай, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары жұмыс орындарында дезинфекция жүргізуі тиіс

НҰР-СҰЛТАН, 14 шілде – Sputnik. 15 шілде күні Нұр-Сұлтан қаласында халық көп жиналатын орындарда (саябақ, сквер, гүлзар, жағалау және т.б.) ауқымды дезинфекция жүргізіледі, деп хабарлайды қала әкімдігінің баспасөз қызметі.

"Дезинфекция таңғы сағат 6-7-де басталады. Өңдеу кезінде қала тұрғындары адамдар көп жиналатын орындарға бармағаны жөн. Қаланы өңдеуге коммуналдық сала қызметтерімен бірге төтенше жағдайлар жөніндегі департаменттің және мамандандырылған компания қызметкерлері қатысады", - делінген хабарламада.

Дезинфекция жұмыстары жаяу және арнайы машиналардың көмегімен жүргізіледі.

Қалалық бас санитар дәрігердің қаулысына сәйкес, сауда үйлері мен базарлар, ойын-сауық орталықтары мен басқа да көпшілік жиналатын орындардың басшылары да жұмыс орындарында дезинфекция жүргізуі тиіс.

Осы кезге дейін қалада барлығы 20 миллион шаршы метрден астам аумақта дезинфекция жасалды. Дезинфекциялау тұрақты түрде жүргізіледі.

Оқи отырыңыз: Тоқаев дезинфекция жасап жүрген жігітті таныды - видео

Айта кетейік, 5 шілдеден 2 тамызға дейін елімізде шектеу шаралары енгізілді. Қала тұрғындары санитария нормаларды қатаң сақтап, маска тағып, антисептик қолданып, әлеуметтік қашықтық сақтауы қажет.

92
Кілт сөздер:
Нұр-Сұлтан, тазалық
Тақырып:
Төтенше жағдай және карантин (521)
Тақырып бойынша
Жұртты дүрліктірген видеодағы тікұшақтардың не істеп жүргені белгілі болды  
Арыста дезинфекция жұмыстары басталды
Алматыда қоғамдық көлік уақытша тоқтатылды
Елордада дезинфекция шаралары қалай жасалды – видео
Нұр-Сұлтанда демалыс күндері ауқымды дезинфекция жұмыстары жүргізіледі
Су жағасындағы іздестіру жұмысы

Жүгіруге шығып, жоғалып кетті: Ақмола облысында 14 жасар қыз іздестірілуде

106
(Жаңартылды 22:05 14.07.2020)
Жоғалған қызды отбасы мүшелері өздері күні бойы іздеп, нәтижесіз болған соң полицияға жүгінген

НҰР-СҰЛТАН, 14 шілде – Sputnik. Ақмола облысының Шортанды ауданында 2004 жылы туған қызды іздеуге екі жүзге жуық адам жұмылдырылды, деп хабарлайды Sputnik Қазақстан.

14 жастағы қыздың жоғалып кеткенін құтқарушыларға полицейлер хабарлады.

"2004 жылы туған жасөспірім үйден 12 шілде күні таңғы алтыда белгісіз бағытқа шығып кеткен. Әзірге оның қайда екендігі беймәлім",– делінген Ақмола облысы төтенше жағдайлар жөніндегі департаменттің баспасөз хабарламасында.

Жоғалған қызды отбасы мүшелері өздері күні бойы іздеп, нәтижесіз болған соң полицияға жүгінген.

"Жоғалған қыздың анасы оның Шортанды ауылындағы стадионға таңғы алтыда жүгіруге кеткенін айтты. Қырық минуттан кейін ұялы телефоны сөніп қалған",– дейді Шортанды ауданындағы төтенше жағдайлар жөніндегі бөлімше бастығының міндетін уақытша атқарушы Еламан Әзімбаев.

Оқи отырыңыз: Атырауда үйдің ауласындағы әжетханаға кеткен қыз із-түзсіз жоғалды

Құтқарушылар мен полицейлер, еріктілер мен аудан тұрғындарынан құралған 200-ге жуық адам қызды іздестіруде. Қосымша иісшіл иттер мен сүңгуірлер де жұмылдырылды. Ал олар Көкшетау қаласынан шақырылған.

106
Кілт сөздер:
жасөспірім, із-түзсіз жоғалу
Тақырып бойынша
СҚО-да құрбысының үйінен шығып кеткен студент қыз із-түзсіз жоғалды
Арыстағы жарылыс: қала тұрғынының шкафтағы 2 миллиондай ақшасы жоғалды
Балалардың зәресін алған Мәншүк Мәметованың мүсіні жоғалды
"Инфекция таратуы мүмкін": Алматыда қаңғыбастар ізім-ғайым жоғалды  
Жамбыл облысында қар көшкінінен кейін әскери қызметкерлерді іздестіру аяқталды
Ақ үй

Вашингтон Еуропаны қалай жазаламақ?

0
Дональд Трамп әкімшілігі мен Facebook, Google және Amazon секілді америкалық ІТ-алыптардың арасындағы барлық қиыншылыққа қарамастан, АҚШ президенті америкалық корпорациялардың табысын еуропалық салықшылардан қорғауға бел буды

Соған қарағанда, Дональд Трамп АҚШ пен Еуроодақ арасындағы трансатлантикалық ниеттестікті құрбан етуге дайын болып шықты.

Көп жылдан бері туындап келе жатқан баяғы дау қазір құны миллиард долларлық қаржылық соққыға айналды: Еуроодақ ондаған жыл бойы ЕО-да салықсыз жұмыс жасап келген америкалық корпорацияларға қысым көрсетпекші болса, АҚШ минималды фискалдық тәуелсіздік алуға тырысқаны үшін Еуроодақты жазаламақ. Мойындау керек, Трамп командасының кек алуы нысанына дөп тиді. Яғни, амеркалық ІТ-бизнес салық төлеуі тиіс деген идеяны ұсынған әрі тәуелсіздікке ұмтылған "арсыз" автор анықталып, одан соң, америкалықтар тарапынан жауап ретінде нақты шаралар қабылданды.

"Google, Facebook және Amazon үшін еуропалық салық" ұсынысының авторы әрі шабыттандырушысы Франция президенті және күш-қуаттың әлемдік полюсы ретінде Еуропаның қалпына келтірілуі жайлы сөз қозғауға жаны құмар Эммануэль Макрон болып шықты. Сәйкесінше, Ақ үй тоқпағының астында қалған компаниялар тізімі Елисей сарайына барынша қолайсыздық тудыратындай етіп жасалғаны анықталды.

Америкалық CNBC қаржы арнасы мынандай хабарлама жасады:

"АҚШ-тың кейбір санаттағы тауарлар үшін жоғары тарифтер орнату мүмкіндігі жайлы мәлімдемесінен кейін осы сегментте жұмыс жасайтын француздық люкс компаниялардың акциялары төмендеді. Қаңтар айының соңынан бастап енгізілуі мүмкін жаңа тарифтерге сәйкес, АҚШ Сыртқы сауда қарым-қатынасы жөніндегі федералдық агенттігі Франциядан жеткізілген импорт тауарлар үшін 100%-ке дейін салық алуы мүмкін. Жаңа тарифтер бойынша импорттың болжамды сомасы 2,4 млрд долларды құрап отыр. Француздық акциялардың құлдырауы Louis Vuitton, Hennessy, Hermes, Christian Dior, Gucci, Yves Saint Laurent және Balenciaga иелік ететін компанияларға қатысты болды".

"Жүз процент деген өте көп", - деді Chanel сән үйінің президенті Бруно Павловский The Wall Street Journal басылымына берген сұхбатында. "Бұл тариф емес. Жүз процент – бұл айыппұл", - деген ол.

Айта кету керек, америкалық шенеуніктер бұл мәселенің шешімі бойынша өз ұсыныстарын жасап жатыр. Олардың пайымдауынша, Еуроодақ аумағында нақты америкалық компанияларға қысым көрсетуге тырысқан Макрон бәріне кінәлі. Бұл айыптау, тіпті, дәстүрлі патриот болып саналатын америкалық БАҚ-тың өзінде күмән тудыратыны анық.

"Құрама Штаттары француздық салықтың құрылымы Facebook, Google және Amazon секілді америкалық ірі интернет-компанияларға бағытталуын әділетсіз деп санайды. Әйтсе де, басқа мемлекеттер өз нарығында долларды миллиардтап тауып жатқан фирмалардан табыс көруді көздеуі күшейіп келеді", - дейді Politico басылымы.

Сенат спикері Мәулен Әшімбаев АҚШ елшісімен кездесті
© Photo : Пресс-служба сената Казахстана
Трамптың кек алу құралы ретінде дәл осы "француздық люксты" таңдап алуы тектен-тек емес. Себебі, инвесторлар дәулеті тасыған тұтынушылармен жұмыс жасайтын фарнцуздық компанияларды коронавирус эпидемиясымен қатар, сауда соғысынан да берік қорғалған деп сеніп келді. Пандемиямен күрес шаралары салдарынан экономикалық дағдарыс тұңғиығына батып бара жатқан Франция жағдайында люкстік компаниялар үміт сәулесі іспеттес болды.

Сондай-ақ, аталған компаниялар дәстүрлі өнеркәсіпте Германия және Қытаймен бәсекелес бола алмайтын Францияның халықаралық аренадағы бәсекелестік басымдылығының символы тәрізді еді. Егер француз президентінің әкімшілігін қорқытып, еуропалық салық жүйесіне ықпал ету межелі мақсат болса, люкс компанияларды америкалық нарықтан аластатып, аталған символды аяқасты ету ұтымды идея.

Франция қырсықса, америкалық компанияларға кемінде ұлттық деңгейде салық салуы мүмкін. Алайда, еуроодақтық салық салуды қолдап, соның салдарынан экспорт үшін 100% салық тарифын "сыйға" ала қоюы екіталай.

Бір есептен, бұл жағдайда мәселе экономикалық дау-дамайда ғана емес. Бұл еуропалық саясаткерлердің мәртебесі туралы дау. Мәселе бизнесмендердің кімге салық төлеуінде болып отыр. Осы салықтарды енгізу және жинауға кім құқылы болса, сол нақты бір аумақтағы билік иесі болады. Мұндай жағдай тарихта болған, әрине. Алайда, ол үшін соғыс жағдайында жеңілгенде немесе әскери күштерді біріктіру жөніне капитуляция келісімшартына қол қойғанда ғана орын алған.

Сәйкесінше, онлайн-жарнама мен интернет-сауда нарығында үстемдігі басым ойыншы болып отырған және француздық компаниялардан миллиардтаған еуро алып отырған шақта, бұл жағдайда бір тиынға ие емес француздық бюджет АҚШ алдында колония рөлінде екенін немесе экономикалық дербестікке ие емес екенін мойындау керек.

Айта кету керек, Трамптың Францияны жазалау жөніндегі шараларын АҚШ-тағы республкалық та, демократиялық та партиялардың өкілдері қолдады. 

Егер, жағдай осылай жалғаса берсе, күздегі сайлауда кім жеңгеніне қарамастан, Вашингтон – Париж, Вашингтон – Берлин қарым-қатынасы ушыға бермек. Chanel иіссуы мен Hermes сөмкелерін америкалықтар тек контрабанда арқылы алатын және еуропалықтар америкалық әлеуметтік желіге балама ойластыратын болашақ та алыс емес секілді.

0