Коронавирус, сынама

Вирус жұқтырған кейбір адамдар неге ауруханаға жатқызылмайды - министр жауабы

500
(Жаңартылды 19:34 29.05.2020)
Денсаулық сақтау министрлігі ауру белгілері жоқ адамдарды емдеу тәсілін өзгертті. Бұл санатқа тест оң нәтиже көрсеткен адамдардың 80 проценті жатады

НҰР-СҰЛТАН, 29 мамыр – Sputnik. Денсаулық сақтау министрі Елжан Біртанов коронавирус жұқтырған, бірақ ауру белгілері байқалмайтын науқастар неге инфекциялық стационарларға жатқызылмайтынын түсіндірді, деп хабарлайды Sputnik Қазақстан тілшісі. 

Бұған дейін елімізде індетке шалдыққан науқастар дене қызуы, жөтел сияқты ауру белгілері болмаса да, ауруханаға жатқызылатын. Денсаулық сақтау министрлігі ауру белгілері жоқ адамдарды емдеу тәсілін өзгертті. 

"Вирус жұқтырғандардың дені – ауру адамдар емес, вирус тасушылар. Коронавирус тесті оң нәтиже көрсеткен адамдардың 80 проценті ауру белгілері жоқ санатқа жатады", - деді Біртанов "Хабар 24" телеарнасында өткен тікелей эфирде.

Айтуынша, бұл адамдарда вирус белгілері өте әлсіз, сол себепті айналасындағы адамдар үшін соншалықты қауіпті емес. 

"Осыған байланысты біз ауру белгілері жоқтарға қатысты емдеу тәсілін өзгерттік. Кеше бірлескен комиссияда ғалымдармен ақылдасып, мұндай санаттағы адамдарды инфекциялық стационарларға жатқызудың қажеті жоқ деген шешімге келдік. Учаскелік дәрігерлер олардың үйіне күн сайын телефон шалып, денсаулығын сұрап тұрады. Ауру белгілері байқалған жағдайда, ауруханаға жатқызуға болады", - деді министр. 

Министрліктің есебінше, мұндай пациенттердің 30 процентінде ғана ауру белгілері пайда болады. Негізінен, олар жеңіл түрде өтеді. 

Біртанов осы санаттағы пациенттерді үй карантині кезінде бақылау мерзімі де өзгергенін атап өтті. 
Енді дәрігерлер ауру белгілері жоқ науқастарды бұрынғыдай 14 күн емес, 10 күн ғана бақылайды.

500
Кілт сөздер:
денсаулық, министр, аурухана, коронавирус
Тақырып бойынша
"Көзге көрінбейтін дұшпан": Вирус жұқтырған шенеунік желіде жазба жариялады
Бас санитар дәрігер вирус жұқтырғандар саны неге артып жатқанын түсіндірді
"Бұл вирус бізбен ұзақ уақыт болады": ДДҰ басшысы мәлімдеме жасады 
Қазақстанда вирус жұқтырғандарды емдеуге "Гидроксихлорохин" қолданылмайды
Жұмысқа шыққандар арасында вирус жұқтырғандар көбеюде – министрлік
42 500 теңге жәрдемақы

42 500 теңгені қайта қарап, балалы отбасыларға қосымша ақша төлеу ұсынылды

11
Балалар омбудсмені Аружан Саин мемлекет төлейтін жәрдемақы бірнеше баланы тамақтандыруға жетпейтінін айтты

АЛМАТЫ, 15 шілде – Sputnik. Балалар құқықтары жөніндегі уәкіл Аружан Саин қаржы министрлігі мен еңбек және халықты әлеуметтік қорғау министрлігіне карантин кезінде төленетін мемлекеттік төлемді қайта қарауды және баласы бар отбасыларға 42 500 емес, одан да көп төлеуді ұсынды.

Сыбайлас жемқорлыққа қарсы қызметтің брифингі кезінде балалар омбудсмені қазіргі таңда қазақстандық экономистер осы іске қосылып, карантин кезінде өмір сүруге қанша қаражат керек екенін есептеуі керек екенін атап өтті.

"42 500 теңгемен келіспеймін. Қолдау шаралары бала санына байланысты төленуі қажет деген ұсынысым бар. 42 500 теңгені бір адамға жеткізуге болады, алайда балалары бар отбасыларға бұлай жасау қиынға соғады", - деді Саин.

Бала құқықтары жөніндегі уәкіл карантин кезінде мемлекеттік төлемдерге жауапты мемлекеттік органдарға Ресей тәжірибесіне назар аударуды ұсынды. Ол Ресейде көмек балалар санына байланысты жасалғанын атап өтті.

"Жаңа карантин барлығы үшін күтпеген жағдай болды. Қаржы министрлігі мен еңбек министрлігі бұл шараларды шұғыл түрде қайта қарайды деп үміттенемін", - деп нақтылады Аружан Саин.

Оқи отырыңыз: Еңбек министрі 42 500 теңгені төлеу қашан басталатынын айтты 

14 шілдеде Қазақстан үкіметі карантинді күшейту кезінде жұмыссыз қалған қазақстандықтар үшін 42 500 теңге жәрдемақы төлеу туралы шешім қабылдады. Жәрдемақы жұмыс берушілердің, жеке кәсіпкерлердің, өзін-өзі жұмыспен қамтушылардың өтінімдері негізінде төленеді.

Еңбек және халықты әлеуметтік қорғау министрлігі 17 шілдеге дейін қажетті төлем механизмін дайындайтынын айтты, ал 20 шілдеден ақша қазақстандықтардың шотына түсе бастайды.

11
Кілт сөздер:
жәрдемақы
Тақырып:
Коронавирус эпидемиясы
Тақырып бойынша
Карантин жыл соңына дейін ұзарса, 42 500 теңге төлеу жалғаса ма – министр жауабы
Президент: шілде айына 42 500 теңге төленеді
Декретте отырған аналарға 42 500 теңге төлене ме?
42 500 теңгеге қалай өтініш беруге болады
Зерхана қызметкері

Пневмония коронавирус статистикасына қосыла ма Қазақстан ДДҰ жауабын күтіп отыр

2
(Жаңартылды 14:50 15.07.2020)
Бұған дейін Алматыдағы орталық клиникалық аурухананың меңгерушісі коронавирус статистикасына атипиялық пневмонияны да кіргізу қажеттігін айтқан болатын

НҰР-СҰЛТАН, 15 шілде – Sputnik. Қазақстан Дүниежүзілік денсаулық сақтау ұйымына атипиялық пневмонияны коронавирус жұқтырғандар статистикасына қосуға қатысты сұрау жолдады. Бұл туралы денсаулық сақтау вице-министрі Людмила Бюрабекова мәлімдеді, деп хабарлайды Sputnik Қазақстан тілшісі.

"Біз қазір халықаралық ұйымдармен, Дүниежүзілік денсаулық сақтау ұйымымен келіссөз жүргізіп жатырмыз. Бүгінгі таңда ДДҰ-ның ұсынымы бойынша статистикаға ПТР тесті оң нәтиже көрсеткен жағдайлар ғана кіреді", – деді Бюрабекова онлайн брифингте.

Ол Қазақстан пневмонияны коронавирус статистикасымен біріктіруге қатысты ДДҰ-ға сұрау жібергенін айтты.

"Жуырда сұрау жолдадық, ДДҰ-ның жауабын күтіп отырмыз. Келіссөздер арқылы есепке алынуы тиіс деректерге қатысты шешімге келеміз. Әр елдің статистика мен есепке алуға қатысты өз жолы бар. Біз соны біріздендіріп, барлық елмен қатар жүргіміз келеді", – деді вице-министр.

Оқи отырыңыз: Дәрігер денсаулық министрлігінің тағы бір қателігін айтты

Бұған дейін Алматыдағы орталық клиникалық аурухананың нейрохирургия бөлімінің меңгерушісі Мыңжылқы Бердіқожаев бейнеүндеу жолдап, қазіргі коронавирус статистикасына атипиялық пневмонияны да кіргізу қажеттігін айтқан еді.

2
Кілт сөздер:
науқастар, статистика
Тақырып:
Коронавирус эпидемиясы
Тақырып бойынша
Орны толмас қайғы - Қазақстан бір-екі апта ішінде кімдерден айырылды
"Кеш қалдыңыздар": дәрігер қазақстандықтардың ең басты қателігін атады
Алматылық дәрігер Covid-19 жұқтырғандар саны қашан күрт азаятынын болжады
"Сенеді деп ойлаймын": алматылық дәрігер үрейлі хабарлама таратты
"Күрт нашарлайды": алматылық дәрігерлер ауруханадағы жағдайды айтып берді