Үй, пәтер

Әкімдікте баспана кезегі болмайды - "Отбасы банкі" қалай жұмыс істейді 

2696
(Жаңартылды 15:08 02.06.2020)
Қазіргі кезде республика бойынша әрбір әкімдікте баспана кезегі жүргізіледі. Ал Отбасы банкінде бірыңғай тізім болады деген жоспар бар

НҰР-СҰЛТАН, 2 маусым - Sputnik. Индустрия және инфрақұрылымдық даму министрі Бейбіт Атамқұлов Отбасы банкін құру туралы айтып берді, деп хабарлайды Sputnik Қазақстан тілшісі.

Министрдің айтуынша, жаңа тұрғын үй саясаты бойынша әрбір адам қалтасына қарай баспана алуы қажет. Осыған орай әкімдік кезегінде тұрған азаматтарға да үй алуды сан алуан жолдары ұсынылады. Табысы төмен адамдар жалдамалы үйге кіре алады, ал кірісі жоғары азаматтар үшін жеңілдетілген ипотека қарастырылған. Осы жұмыспен бұрынғыдай Тұрғын үй құрылыс жинақ банкі айналысады.

Бірақ оның атауын "Отбасы банк" деп өзгерту ұсынылып отыр. Соның негізінде "Алғашқы баспанамен қамтамасыз ету орталығы" құрылады. 

"Жаңа жүйе бойынша адамдар табысына қарай тұрғын үй сатып алу жолдарын таңдайды. Мысалы, егер табысыңыз 1 ең төменгі күнкөріс деңгейіне, яғни 32,7 мың теңгеге жетпесе, онда сіздің жалдамалы пәтерді алуға құқығыңыз бар. Ондай баспана жеке меншікке сатылмайды. Сонда осы санаттағы адам Отбасы банкіне келіп, тіркеуге тұрады. Сөйтіп, кезекке тұрып, жалдамалы пәтер бағдарламасы бойынша баспана алады", - деді Атамқұлов бүгінгі есеп беру кездесуінде.

Оның сөзіне қарағанда, қазіргі кезде республика бойынша әрбір әкімдікте баспана кезегі жүргізіледі. Ал Отбасы банкінде бірыңғай тізім болады деген жоспар бар. 

"Бұл дегеніміз, Қазақстан азаматы "Отбасы банкінің" ақпараттық базасында болатын кезек бойынша баспананы кез келген облыста ала алады", - дейді Атамқұлов.

2696
Кілт сөздер:
тұрғын үй, отбасы, баспана, банк
Тақырып бойынша
Карантин баспана бағасына қалай әсер етті?
"5-10-20": отбасының табысы қандай болуы керек?
Министр "5-10-20" бағдарламасы бойынша кімдер үй алатынын айтты
"5-10-20" бағдарламасының шарттары
Министр биыл Қазақстанда қанша үй салынатынын айтты
Отшашу, архивтегі фото

Карантин кезінде отшашу жасау заңды ма ішкі істер министрлігі жауап берді

261
Бас санитар дәрігердің қаулысында жазылған талаптар бұзылса ғана жеке және заңды тұлғалар жауапқа тартылады, деп түсіндірді вице-министр Калайчиди

НҰР-СҰЛТАН, 7 шілде – Sputnik. Ішкі істер министрінің орынбасары Алексей Калайчиди карантин кезінде отшашу ұйымдастыруға қатысты пікір білдірді, деп хабарлайды Sputnik Қазақстан тілшісі.  

Оның айтуынша, бас санитар дәрігердің қаулысын бұзғаны үшін жауапкершілік қарастырылған.

"Ол жаза Әкімшілік құқық бұзушылық туралы кодекстің 425-бабында көрсетілген. Демек, қаулыда жазылған талаптар бұзылса ғана жеке және заңды тұлғалар жауапқа тартылады. Ал осы құжатта отшашуға тыйым салу жайында жазылмаған", - деді Калайчиди бүгінгі онлайн брифингте.

Ол Нұр-Сұлтан қаласында кешегі фейерверкті тамашалаған адамдар да жауапқа тартылмағанын атап өтті.

"Отшашуды тамашалағаны үшін бірде-бір адам жауапқа тартылған жоқ. Фейерверкті көргені үшін жауапкершілік қарастырылмаған. Санитар дәрігердің қаулысында көрсетілген талаптар бұзылса ғана жаза қолданылады. Егер ондай жағдайлар анықталса, онда заңды түрде адамды жауапқа тарту мәселесін көтеруге болады. Ал ондай себеп болмаса, жазаға тарта алмаймыз", - деп түсіндірді Калайчиди.

Айта кетейік, бұған дейін 6 шілде күні елорда күнін тойлау отшашумен аяқталған болатын. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желі қолданушылары пандемия кезінде отшашу жасау орынсыз екенін айтып, наразылық білдірді.

Оқи отырыңыз: Нұр-Сұлтан әкімдігі пандемия кезіндегі отшашуды түсіндірді 

Нұр-Сұлтан әкімдігі пандемия кезіндегі отшашуға қатысты сынға жауап берді. Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады. Сондай-ақ, қала тұрғындарының көңіл-күйін көтеруге тырысқан.

Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ. Ал Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

261
Кілт сөздер:
отшашу, карантин
Тақырып:
Коронавирус эпидемиясы
Тақырып бойынша
Пневмония эпидемиясы: коронавирус қайда кетті?
"Бұған жол беруге болмайды": Тоқаев жұртты алаңдатқан мәселе туралы айтты
Нұр-Сұлтанда дәрі-дәрмекке қатысты жедел желі іске қосылды
"Кеш қалдыңыздар": дәрігер қазақстандықтардың ең басты қателігін атады
"Ненің құрметіне?!": Димаш шенеуніктерге неге шүйлікті
Парацетамол

Тоқаев ел азаматтарын дүрбелеңге салынбауға шақырды

181
Мемлекет басшысы әлеуметтік желіде халықты дәрі-дәрмекпен қамтамасыз ету жұмысы жалғасып жатқанын мәлімдеді

НҰР-СҰЛТАН, 7 шілде – Sputnik. Құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Бұл туралы Қазақстан президенті Қасым-Жомарт Тоқаев айтты.

"Менің тапсырмам бойынша құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Халықты дәрі-дәрмекпен қамтамасыз ету жұмысы жалғасуда", - деп жазды Тоқаев Twitter-де.

"Ел азаматтарын дәрі тапшылығын туғызып, дүрбелеңге салынбауға шақырамын", - деп толықтырды мемлекет басшысы.

Оқи отырыңыз: Дәрі-дәрмекті заңсыз сатқандарға қандай жаза қарастырылған?

Өткен жексенбіде президент азаматтар аса қажетті дәрі-дәрмектердің негізсіз қымбаттауына байланысты шағымданып жатқанын хабарлаған болатын. "Пандемия кезінде бұған жол беруге болмайды", - деп атап өтті ол. Мемлекет басшысы үкімет пен құқық қорғау органдарына аталған мәселені реттеуді тапсырып, кінәлілерді жауапқа тартуға уәде берді.  

181
Кілт сөздер:
дәрі-дәрмек, Қасым-Жомарт Тоқаев
Тақырып:
Коронавирус эпидемиясы
Тақырып бойынша
Министр коронавирустан емделетіндердің басты қателігін атады
Алматыда парацетамол мен термометр тапшылығы мәселесі қалай шешілді?
Денсаулық министрі алыпсатарлар қанша табыс тауып жатқанын айтты
Шымкентте тегін таратылуы тиіс дәрілерді ұрлаған сатушы ұсталды
Нұр-Сұлтанда дәрі-дәрмекке қатысты жедел желі іске қосылды
Үш айға жететін дәрі-дәрмекті бір аптада сатып алды – облыс әкімі