Коронавирус, індет

Тоқаев карантинге байланысты қазақстандықтарға үндеу жасады

9208
(Жаңартылды 08:47 04.06.2020)
Мемлекет басшысы індетке шалдыққан азаматтар саны азаймай отырғанына алаңдаушылық білдірді. Коронавирустың екінші толқынының қаупі сейілмегенін айтты

НҰР-СҰЛТАН, 4 маусым - Sputnik. Президент Қасым-Жомарт Тоқаев қазақстандықтарды карантин режимін сақтауға шақырды.

"Отандастарымызды жаппай ауруға шалдығудан қашып, індеттен қорғанудың жолдарын (арақашықтықты сақтау, дезинфекция, жеке тазалық, бетперде тағу) ұстануға тағы да шақырамын", - деп жазды ол Twitter-дегі парақшасында.

Ол үкіметтік комиссияның барлық іс-әрекетіне қарамастан, індетке шалдыққан азаматтар саны азаймай отырғанына алаңдаушылық білдірді.

Мемлекет басшысы коронавирустың екінші толқынының қаупі сейілмегенін Дүниежүзілік денсаулық сақтау ұйымы да растап отырғанын атап өтті.

Соңғы ақпарат бойынша барлығы елде 12 067 адам вирус жұқтырған. 6 240 тұрғын жазылып шықты, 48 адам көз жұмды.

9208
Кілт сөздер:
карантин, коронавирус, қазақстандықтар, Қасым-Жомарт Тоқаев
Тақырып:
Коронавирус эпидемиясы (1205)
Тақырып бойынша
Қазақстанда тағы 4 адам коронавирустан көз жұмды
Күн сайын 200-300 қазақстандық вирус жұқтырады: министр түсініктеме берді
Вирус жұқтырған кейбір адамдар неге ауруханаға жатқызылмайды - министр жауабы
Қазақстанда вирус жұқтырғандарды емдеуге "Гидроксихлорохин" қолданылмайды
Бас санитар дәрігер вирус жұқтырғандар саны неге артып жатқанын түсіндірді
Гуманитарлық көмек, архивтегі фото

Қазақстанның Тәжікстанға көмегі дауға айналды: министрліктің жауабы қандай

20
(Жаңартылды 14:09 15.07.2020)
Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр, дейді Бюрабекова

НҰР-СҰЛТАН, 15 шілде – Sputnik. Денсаулық сақтау министрінің орынбасары Людмила Бюрабекова Қазақстанның Тәжікстанға жөнелткелі жатқан гуманитарлық көмегі төңірегіндегі дауға түсініктеме берді, деп хабарлайды Sputnik Қазақстан тілшісі.

Қазақстан үкіметі Тәжікстанға гуманитарлық көмек ретінде жасанды тыныс алдыртудың портативті аппараттарын жөнелтуді жоспарлап отыр. Аппараттар отандық өндірістен шыққан.

Ел ауруханаларында жасанды тыныс алдырту аппараттарының жетіспейтіні туралы БАҚ бетінде жиі жазылып жүр. Осыған байланысты журналистер вице-министрден ішкі қажеттілікті қанағаттандыра алмай отырғанда, өзге мемлекетке көмек көрсету қаншалықты қисынды екенін сұрады.

"Бұл жерде портативті аппараттар туралы сөз болып отыр. Олар пациенттерді тасымалдау үшін қолданылады. Отандық өндіруші біздің қажеттілікті де, гуманитарлық көмек түріндегі қажеттілікті де қамтамасыз етуге кепілдік беріп отыр", - деді Бюрабекова онлайн брифингте.

Ол Қазақстанда жасанды тыныс алдырту аппараттарына қажеттілік қайта қаралғанын атап өтті.

"Жедел жәрдем көліктеріне 680 портативті және ауруханаларда, жансақтау, интенсивті терапия палаталарында қолданылатын 5 мыңға жуық стационарлық аппарат қажет", - деді вице-министр.

Оқи отырыңыз: Қытайдан әкелінген маскаларға инфекция жұқтырылған - министрлік түсініктеме берді 

Сыртқы істер министрінің орынбасары Ержан Ашықбаев індет басталғалы Қазақстанға өзге елдерден 98 жасанды тыныс алдырту аппараты жеткізілгенін айтты.

"Аппараттардың көп бөлігін соңғы екі аптаның ішінде алдық. Түркия үкіметінен – 30, БАӘ-ден –  25,  Грузиядан – 10. Бұған дейін Джек Ма қоры 30 аппарат жеткізді", - деді ол.

Қазақстанға Ресей, Қытай, АҚШ, Жапония, Түркия, Өзбекстан, БАӘ және тағы басқа елдер гуманитарлық көмек көрсетті.

20
Кілт сөздер:
Тәжікстан, гуманитарлық көмек
Тақырып:
Коронавирус эпидемиясы (1205)
Тақырып бойынша
Түркиядан келген гуманитарлық көмек қысқа мерзім ішінде рәсімделді
Айнұр Тұрсынбаева желіде жазба жариялады - басы дауға қалған компания жауабы
Грузиядан Қазақстанға гуманитарлық көмек келді
Ешкімге сенбеңіз: еріктілер денсаулық министріне бейнеүндеу жолдады
Коронавируспен күрес: Қазақстан Тәжікстанға гуманитарлық көмек көрсетпек
Денсалық сақтау министрі Алексей Цой

Министр "белгісіз пневмония" жайлы ақпарат таратқан Қытай елшісімен сөйлесті

999
Сыртқы істер министрі орынбасарының айтуынша, телефон әңгімесінен кейін Қытай елшілігі өз мәлімдемесін түзеткен

НҰР-СҰЛТАН, 15 шілде – Sputnik. Қазақстанның денсаулық сақтау министрі Алексей Цой "белгісіз пневмония" туралы мәлімдемеден кейін Қытай елшісімен сөйлесті. Бұл туралы сыртқы істер министрінің орынбасары Ержан Ашықбаев айтты, деп хабарлайды Sputnik Қазақстан тілшісі.

"Қытай елшілігі таратқан ақпарат шыға сала, елші мен жаңадан тағайындалған денсаулық сақтау министрі (Алексей Цой – Sputnik) арасында телефон сұқбатын ұйымдастырдық. Соның нәтижесінде, Қытай тарапына барлық мәселе бойынша тиісті түсініктеме берілді",– деді Ашықбаев онлайн брифингте.

Айтуынша, телефон әңгімесінен кейін Қытай елшілігі өз мәлімдемесін түзеткен.

Жуырда Қытайдың кейбір бұқаралық ақпарат құралдарында Қазақстанда коронавирустан да қауіпті белгісіз пневмония анықталғаны туралы ақпарат тараған болатын.

Оқи отырыңыз: Қытай Қазақстандағы отандастарына алаңдап отыр

Қазақстанның денсаулық сақтау министрлігі бұл ақпараттың шындыққа жанаспайтынын мәлімдеді.

999
Кілт сөздер:
Қазақстан, Қытай
Тақырып:
Коронавирус эпидемиясы (1205)
Тақырып бойынша
Тоқаев Қытай төрағасы телефонмен сөйлескенде өзіне не дегенін айтты
ЕАЭО мен Қытай шекарасы арқылы тыйым салынған тауарларды өткізуге бақылау күшейеді
Қазақстан-Қытай шекарасы неге жабылатыны белгілі болды
Комитет Қазақстан мен Қытай шекарасындағы жағдайға қатысты түсініктеме берді
Маска, термометр және тест: Қытай Қазақстанға жүк жөнелтті