НҰР-СҰЛТАН, 12 маусым – Sputnik. Қазақстанның десанттық шабуылдау әскерлерінің әскери қызметшілері Жеңіс парадына қатысу үшін Ресейге ұшады.
Олар Ресей астанасында әскерлердің финалдық дайындығын байқау кезінде Қазақстан атынан шығу құқығына ие болды, деп хабарлады Sputnik Қазақстанға қорғаныс министрлігі.
Оқи отырыңыз: Қазақстан президенті Мәскеудегі Жеңіс парадына қатысады
Десанттық шабуылдау әскерлерінің бөлімшелері мен Жаяу әскерлер Әскери институтының үшінші курс курсанттарының арасынан үш жаяу парад тобы Қызыл алаңда басқа елдердің әскерлерімен бірге сап түзеп жүруге тілек білдірді.
Олар қалған жеке құрамнан оқшауланған, бөтен адамдар мен туыстарының келуіне шектеу енгізілді.
"Десанттық шабуылдау бригадасы 12 маусымда Ақтөбеге ұшып кетті, сол жерден Звенигородқа (Мәскеу облысындағы қала) ұшу жоспарлануда", - деп хабарлады Sputnik Қазақстанға қорғаныс министрлігі.
Қазақстан президенті Қасым-Жомарт Тоқаев Жеңіс парадына баратынын хабарлады.
