Бурабайдағы Абылай хан алаңы

Карантин күшейді: Бурабайға баратындар нені білуі тиіс

589
(Жаңартылды 11:24 16.06.2020)
Көкшетау қаласында 15 маусымнан бастап блок бекеттер қайта қойылып, карантин шаралары күшейтілді. Осыған орай, Ақмола облысының аумағында да көптеген нысандардың жұмыс істеу тәртібіне өзгерістер енгізілді

НҰР-СҰЛТАН, 16 маусым – Sputnik. Ақмола облысында туризм нысандары, қонақ үйлер, отельдер мен демалыс үйлерін тек 50 процентке ғана толтыруға болады. Бұл туралы аймақтағы бас санитарлық дәрігердің қаулысында айтылған, деп хабарлайды Sputnik Қазақстан тілшісі.

Бурабайда қалай демалуға болады?

Ақмола облысында халық арасында кеңінен танымал Бурабай курорты орналасқан. Бұдан бөлек, басқа да демалыс аймақтары бар. Соның барлығы жобалық қуаттылығының тек 50 процентіне ғана жұмыс істейтін болады. Олар:

  • туризм нысандары және халықты жайғастыру бойынша қызмет көрсететін ұйымдар (қонақ үйлер, отельдер, демалыс үйлері және тағы басқалар);
  • шипажайлар;
  • жағажайы бар туристік базалар;

Бассейндерді таңғы сағат 9:00-ден кешкі сағат 19:00-ге дейін ашуға рұқсат берілген. Оған алдын ала жазылу арқылы кіруге болады.

Қоғамдық көлік қалай жұмыс істейді?

Қала ішіндегі қоғамдық көліктің қозғалысы шектелді. Оның жүру уақыты таңертең сағат 06:00-ден 10:00-ге дейін және кешкісін сағат 17:00-ден 21:00-ге дейін бекітілген.

Барлық базардың уақыты да сағат 10:00-ден 16:00-ге дейін шектеліп отыр. Ал демалыс күндері (сенбі мен жексенбі) толығымен жабылып, санитарлық шаралар атқарылады.

Ал азық-түлік, гигиена және тұрмыстық химия тауарларын сататын сауда орталықтары таңғы сағат 08:00-ден кешкі сағат 21:00-ге дейін істей алады.

Монша мен сауналар сағат 10:00-ден 20:00-ге дейін ашық болады. Алайда бес адамнан артық кіргізуге рұқсат жоқ.

Аршалы, Астрахан мен Целиноград аудандарында, сондай-ақ Көкшетау қаласында фитнес орталықтар, жаттығу залдары мен спорт кешендері жабылады. Бірақ залды 30 процентке ғана толтыруға болады.

Халық үшін қандай шектеулер енгізілген?

Бас санитардың қаулысына сәйкес, халық үшін бірқатар шектеулер енгізіліп отыр. Олар:

  • аса қатты қажеттілік болмаса, 65 жастан асқан адамдарға далаға шығуға болмайды;
  • 14 жасқа дейінгі балаларға жалғыз шығуға рұқсат берілмейді;
  • саяжайлар, алаңдар, саябақтар мен жағалауда серуендеуге тыйым салынған;
  • отбасылық шаралар өткізуге болмайды;
  • қонақ шақыруға рұқсат жоқ;
  • жерлеу рәсімі кезінде 10 адамнан артық жиналуға болмайды;

Айта кетейік, 15 маусымнан бастап облыс орталығы – Көкшетау қаласында блок бекеттер қайта қойылды.

589
Кілт сөздер:
Ақмола, Бурабай, Көкшетау
Тақырып:
Төтенше жағдай және карантин (589)
Тақырып бойынша
Көкшетауда блок бекеттер қайта қойылады
Бурабай – ТМД елдеріндегі ең танымал демалыс орны
Байбек Көк Жайлаудағы курорт жайлы: Бұл химия зауыты емес
Бурабай мен Көк Жайлаудағы жерлердің бір бөлігі мемлекетке қайтарылады
ноутбук, планшет

Батыс Қазақстанда 100 ноутбук алу үшін бөлінген қаржы қолды болды

1
Аудандық білім бөлімінің луаузымды тұлғалары қызмет бабын пайдалана отырып, ірі көлемде бюджет қаржысын ұрлағаны үшін айыпталып отыр

НҰР-СҰЛТАН, 7 тамыз – Sputnik. Батыс Қазақстан облысында төтенше жағдай кезінде оқушыларға ноутбук сатып алуға бөлінген қаржы ұрланды. Бұл туралы сыбайлас жемқорлыққа қарсы іс-қимыл агенттігі мәлімдеді, деп хабарлайды Sputnik Қазақстан тілшісі.

Ресми мәліметке сәйкес, "БҚО Қаратөбе ауданының білім бөлімі" мемлекеттік мекемесінің лауазымды тұлғаларына қатысты сотқа дейінгі тергеу басталды. Олар қызмет бабын пайдалана отырып, ірі көлемде бюджет қаржысын ұрлағаны үшін айыпталып отыр.

"2020 жылдың мамыр айында Қазақстан аумағында төтенше жағдай енгізілген кезде мердігерлік ұйымның бір топ адамымен бірлесіп, 100 дана ноутбук сатып алуға бөлінген 6 миллион теңгеден астам бюджет қаражатын жымқырды", - делінген ресми хабарламада.

Айта кетейік, биыл жаңа оқу жылы да қашықтан оқыту форматында басталады. Осы орайда мемлекет басшысы Қасым-Жомарт Тоқаев оқушыларды қажетті техникалық құралдармен қамтамасыз етуге тапсырма берген. Себебі, төтенше жағдай кезінде компьютерлердің тапшылығы сезілді.

4 тамызда өткен үкіметтің онлайн отырысында білім және ғылым министрі Асхат Аймағамбетов қолында ешқандай құрылғысы жоқ балалардың өзі аз емес екенін айтты. Олардың саны 185 мыңнан асады. Әсіресе, көпбалалы, жағдайы төмен және жетім балаларды қажетті техникамен қамтамасыз ету мәселесі өзекті болып тұр.

Оқи отырыңыз: Жаңа оқу жылында студенттер қалай оқиды – білім министрі түсіндірді

Министр 1 қыркүйекке дейін оқушыларға 500 мың компьютерді таратып беруге уәде берді. Бұдан бөлек, 24 мың мұғалімде арнайы құрал-жабдықтар жоқ. Оларға мектеп техникасы уақытша беріледі.

1
Кілт сөздер:
жемқорлық, оқушылар, ноутбук
Тақырып:
Төтенше жағдай және карантин (589)
Тақырып бойынша
Оқушылар жаңа оқу жылында қалай білім алады – білім министрлігінің жауабы
Қазақстанда жаңа оқу жылында мектеп формасы міндеттелмейді
Жаңа оқу жылында студенттер қалай оқиды – білім министрі түсіндірді
Қашықтан оқу кезінде мұғалімдер есеп бермейді – министр
Спортшылар мен жаттықтырушылар онлайн сабақ өткізеді
Арыс қаласындағы тұрғын үйді қалпына келтіру

Арыс қаласына бөлінген қаржыны ұрлаған БҚО шенеуніктері ұсталды

30
(Жаңартылды 18:39 07.08.2020)
Әкімдік қызметкерлері 46 тұрғын үйдің ағымдағы жөндеуіне бөлінген 50 миллион теңгеден астам сомадағы бюджет қаражатын жымқырған

НҰР-СҰЛТАН, 7 тамыз – Sputnik. Сыбайлас жемқорлыққа қарсы іс-қимыл агенттігі Арыс қаласын қалпына келтіруге бөлінген қыруар қаражатты ұрлаған шенеуніктерді ұстады, деп хабарлайды Sputnik Қазақстан тілшісі.

Агенттіктің аға тергеушісі Данияр Биғайдаровтың айтуынша, Батыс Қазақстан облысының сыбайлас жемқорлыққа қарсы қызметі аса ірі мөлшерде қаржы жымқыру фактісі бойынша "БҚО энергетика және тұрғын үй-коммуналдық шаруашылық басқармасы" мемлекеттік мекемесінің лауазымды тұлғаларына қатысты сотқа дейінгі тергеуді бастады.

"Олар Түркістан облысы Арыс қаласындағы төтенше жағдайдың салдарын қалпына келтіру бойынша 46 тұрғын үйдің ағымдағы жөндеуіне бөлінген 50 миллион теңгеден астам сомадағы аса ірі көлемдегі бюджет қаражатын 2019 жылы тамыз бен желтоқсан айлары аралығында мердігер ұйыммен сөз байласып, жымқырған", - деді Биғайдаров онлайн брифингте.

2019 жылдың 24 маусымында Түркістан облысы Арыс қаласында әскери бөлімнің оқ-дәрі қоймасында жойқын жарылыс болды. Төтенше жағдай салдарынан төрт адам қаза тапты. Оның екеуі әскери қызметкер болса, екеуі жергілікті тұрғын. Оның бірі жасөспірім.

Оқи отырыңыз: Арыс оқиғасы: министр "табиғи нәрсе" деген сөзді дұрыс аудармағандарға шүйлікті

Төрт айдан кейін Арыс маңындағы полигонда оқ-дәрілердің жиналған бөлшектерін жою жұмыстары кезінде әскери бөлімнің инженерлік қызметінің басшысы көз жұмды. Жарылыс салдарынан Арыс қаласындағы жүздеген тұрғын үй мен нысандарға едәуір зақым келіп, қоймаға жақын орналасқан ғимараттар қирап қалды.

30
Кілт сөздер:
сыбайлас жемқорлық, жемқорлық, пара
Тақырып бойынша
Жедел жәрдем бригадасы Арыс тұрғынын тірілтіп алды
Арыс оқиғасы: 55 мыңнан астам тұрғынға  бір реттік өтемақы беріледі
"70 бала сыйып кетті": Арыс қаһармандары жарылыс кезінде не істегендерін айтты
Шөкеев Арыс тұрғындары туралы: жағдайды пайдаланып қалғысы келгендер табылды
Арыс қаласына 14 мыңнан астам тұрғын оралды - видео