Алматы әуежайында тұрған ұшақ

Bek Air жолаушыларға билет ақшасын қайтаратын болды

57
Төрт айға созылған дауда комитет шағымы қанағаттандырылып, Bek Air зардап шеккен жолаушыларға 54 миллион теңге төлеуге міндетелді

НҰР-СҰЛТАН, 18 маусым – Sputnik. Bek Air жолынан қалдырған жолаушыларға 54 миллион теңгеден астам билет құнын төлеп беретін болды, деп хабарлайды КТК арнасы.

Алматы соты осындай шешім шығарды. Одан бөлек, қосымша шығындар үшін деп тағы 16 миллион теңгеден астам қаражат төлеуі керек.
Былтыр желтоқсанда болған ұшақ апатынан кейін әуе компаниясының қызметі тоқтатылған еді. Ал билет алып қойған жолаушылар жолынан қалып, оның үстіне, билет құнын да қайтара алмай қалған. Бірақ Bek Air-дің әлі де басынан дау арылмайтын сияқты. Себебі, сотқа шағым түсіріп үлгермеген жолаушылар да бар.

Bek Air-ден ақшасын қайтара алмай сенделгендердің бір тобы құжатын құшақтап астанада да жүр. Жыл басында сатып алған билеттерінің түбіртегі әлі қолдарында. Ал бүкіл ел көлеміндегі жолынан қалған жолаушылар әр қалада әлеуметтік желілерден чат ашып тастаған. Әрқайсысының ішінде отырғандар жүздеп саналады. Былтыр желтоқсандағы ұшақ апатынан кейін барлығы да ұша алмай, содан бері билет құнын қайтара алмай жүргендер.

"13 қаңтар күні маған хабарлама келді, рейс ұшпайды, ұша алмайсыз деп. Содан кейін "Авиатаға" телефон соқтым. Олар "жақсы, билет қайтарылады, 3 күннен 1 айға дейін күтіңіз" деді. Мен күттім. Бір айдан кейін звондағанда Bek Air билет ақшасын қайтармағандықтан, бұл іске "Авиата" жауап бермейтінін айтты", - дейді Нұр-Сұлтан қаласының тұрғыны Еркегүл Амангелді.

Ақшасын қайтара алмағандардың орынды сұрағы бар. Олардың айтуынша, заң бойынша мұндай компаниялар өз қызметтерін сақтандырып отыруы керек. Неге солар арқылы сан соғып қалған жолаушылардың шығынын төлеп бермейді деп күйінеді Нұр-Сұлтан қаласының тағы бір тұрғыны.

"Әуе тасымалдаушылары өз қызметін сақтандырып отыруға міндетті. Bek Air да сақтандырылған болуы керек. Енді неге сол сақтандыру компаниясының ақшасымен біздің мәселемізді шешіп тастамайды. Ары қарай кім кінәлі екенін өздері асықпай қарай берсін", - дейді Нұрқанат Абатов.

Бұл сұрақ та жабулы қазан күйінде қалып тұр. Бұлар билет құнын даулап жүргенде, сол апатқа ұшыраған ұшақтың ішінен аман қалған жолаушылардың өзіне әлі күнге билет құны төленбеген. Көрер жарығы таусылмаған Надежда Карнаеваның бүгінде денсаулығы нашар.

"Соққыдан жарақат алдым. Сөйтсем, омыртқам орнынан жылжып кетіпті. Оны УЗИ жасатып білдік. Әйтеуір ажырап кетпеген, тек едәуір жарақат екен. Содан кейін кекештеніп қалдым. Тіпті екі апта бойы жарытып сөйлей алмай жүргенім бар", - дейді ол.

Осы апаттан кейін тұтынушылар құқығын қорғау комитеті әуе компаниясын сотқа берген еді. Төрт айға созылған дауда комитеттің шағымы қанағаттандырылып, Bek Air зардап шеккен жолаушыларына 54 миллион теңге төлеуге міндетелді.

Оқи отырыңыз: Bek Air әуе компаниясы рейстерді қай уақытқа дейін тоқтатқаны белгілі болды

Айта кетейік, Bek Air әуе компаниясына тиесілі "Фоккер-100" ұшағы 27-желтоқсанда Алматы іргесінде таңғы сағат 7-ден 21 минут өткенде апатқа ұшыраған еді. Ұшақта барлығы 98 адам болған, оның 9-ы кішкентай бала. Апаттан 12 адам қаза тапты.

Іс соңына жетіп, ақшасы қайтарылатын 900-ден астам жолаушының бүгінде көңілі тоқ. Дегенмен жолы болмаған жолаушылардың арасындаәлі де тұтынушылар құқығын қорғау комитетіне өтініш беріп үлгермегендер бар. Сондықтан әуе компаниясына қатысты сот ісінің бұл соңы емес сияқты. Олар енді тиісті қаражатын компаниядан азаматтық іс арқылы өз бетінше өндіріп алуы керек.

57
Кілт сөздер:
Bek Air әуекомпаниясы, билет, ұшақ апаты
Тақырып бойынша
Bek Air ұшқышы Тоқаевтан көмек сұрады – видео
Bek Air ұшағының апаты: зардап шеккендерге 94 млн теңге берілді
Қазақстанның шығысында ұшақ өртенді
Енді ұшақ жолаушыларынан коронавирус анықтамасы талап етілмейді
Санкт-Петербург әуежайында екі ұшақ соқтығысты
WhatsApp мессенджері

"Кешкісін құрбандарын іздейді": Мамлютте маньяк пайда болғаны жайлы ақпарат тарады

817
(Жаңартылды 19:46 05.08.2020)
Полиция қызметкерлері жалған ақпарат таратып, елді дүрліктірген аудан орталығының 27 жастағы тұрғынын анықтады

АЛМАТЫ, 5 тамыз – Sputnik. Солтүстік Қазақстан облысының Мамлют ауданында әйел WhatsApp желісінде танысының фотосын жариялап, оның маньяк екенін айтқан. Polisia.kz порталының хабарлауынша, 27 жастағы тұрғын фотодағы азаматпен араздасып қалған соң, осындай әрекетке барған.

Автор желіде жариялаған фотосының жанына: "Сақ болыңыздар! Мамлют қаласындағы жұмысшы кентінде маньяк пайда болды. Кешкісін құрбандарын іздейді. 30 шілдеде ол жас қыздың соңынан жүгірді, қуанышқа қарай бойжеткен қашып үлгерді. Бұрын қылмыстық жауапкершілікке тартылған" деп жазып, хабарламаны мессенждерлерде таратқан.

Аудандық полиция бөлімінің қызметкерлері жалған ақпарат таратушыны мониторинг жүргізу арқылы тапты.

"Тәртіп сақшылары аудан орталығының 27 жастағы тұрғынын анықтады. Ол өзінің танысымен арада туындаған кикілжіңге байланысты жалған ақпарат таратқанын мойындады", - делінген ақпаратта.

3 тамызда Әкімшілік құқық бұзушылық туралы кодекстің 73-3-бабының 2-бөлігі "жала жабу" бойынша әкімшілік сот отырысы өтті. Медиация нәтижесінде жәбірленуші шағымдардан бас тартып, жерлесімен татуласуға келісті.

Оқи отырыңыз: Ақтөбеде жалған ақпарат таратқан әйел жауапқа тартылды 

"Егер бұл жерде медиация тәсілі қолданылмағанда тәртіп бұзушыға 180 айлық есептік көрсеткішке дейін айыппұл салу (500 040 теңге) немесе 20 тәулікке әкімшілік қамауға алу түріндегі жауапкершілік жүктелетін еді. Заңда жеке тұлғаларға жала жапқаны үшін, яғни басқа адамның ар-намысы мен қадір-қасиетіне, беделіне нұқсан келтіретін көрінеу жалған ақпарат таратқаны үшін дәл осындай жаза қарастырылған", - деді Мамлют аудандық полиция бөлімінің бастығы Серік Әлжанов.

817
Кілт сөздер:
Солтүстік Қазақстан облысы, жалған ақпарат
Тақырып бойынша
"Төрт адам ұсталды": министр Шорнақ ауылындағы тәртіпсіздік жайлы айтты  
Мемлекет басшысы саяси ойын жасағысы келетіндерге шүйлікті
Жамбыл облысында даулы видеодан кейін бас дәрігер науқасты сотқа берді
Жұртты дүрліктірген видеодағы тікұшақтардың не істеп жүргені белгілі болды  
Қытайдан әкелінген маскаларға инфекция жұқтырылған - министрлік түсініктеме берді
Қасым-Жомарт Тоқаев пен Асхат Аймағамбетов

Тоқаев білім министріне ұстаздарға қатысты екі маңызды тапсырма берді

3946
(Жаңартылды 17:58 05.08.2020)
Президент жаңа оқу жылын дұрыс ұйымдастырудың маңызды екенін ескертіп, қашықтан оқыту кезінде тұрмысы төмен отбасылардан шыққан балаларға қолдау көрсетуге көңіл бөлуді тапсырды

НҰР-СҰЛТАН, 5 тамыз – Sputnik. Білім және ғылым министрі Асхат Аймағамбетов президент Қасым-Жомарт Тоқаевқа министрліктің жаңа оқу жылына дайындығы және бұған дейін берілген тапсырмалардың орындалу барысы жайында есеп берді, деп хабарлады Ақорда сайты.

Президент жаңа оқу жылын дұрыс ұйымдастырудың маңызды екенін ескертті. Әсіресе, қашықтан оқыту кезінде әлеуметтік аз қамтылған отбасылардан шыққан балаларға қолдау көрсету қажеттігіне баса назар аударды.

"Мемлекет басшысы білім және ғылым министріне педагогтердің мәртебесін көтеру жөніндегі жұмысты жалғастыруды, ұстаздарды негізгі қызметінен бөлек жұмысқа жұмылдырмауды және 2021 жылғы қаңтар айына жоспарланған мұғалімдердің жалақысын 25%-ға арттыруды қамтамасыз етуді тапсырды, – делінген хабарламада.

Сондай-ақ, Қасым-Жомарт Тоқаев жоғары оқу орындарының академиялық дербестігін одан әрі кеңейту, жоғары білімнің сапасын арттыру және ЖОО-дағы ғылымды дамыту туралы тапсырма берді.

Оқи отырыңыз: "Ашық айтуымыз керек": білім министрі үкіметте маңызды мәселені көтерді

3946
Кілт сөздер:
ұстаздар, білім
Тақырып бойынша
Білім министрі Аймағамбетов сүйінші жаңалығын бөлісті
Депутат білім министріне ата-аналарды мазалаған мәселені жеткізді
Білім күні қалай өтеді – министр жауап берді 
Аймағамбетов жаңа оқу жылында білім алудың ерекшеліктерін атады
Білім министрлігі карантинге байланысты қандай өзгеріс болғанын хабарлады
Теңге, архивтегі фото

Еңбек министрлігі 21 250 теңгеге қатысты ақпарат жариялады

385
(Жаңартылды 21:23 05.08.2020)
Жақын арада ақшалай қаражат азаматтардың шоттарына аударылады, деп хабарлады еңбек және халықты әлеуметтік қорғау министрлігі

НҰР-СҰЛТАН, 5 тамыз – Sputnik. Қазақстан аумағында карантиннің 2 аптаға созылуына байланысты біржолғы төлем алатын 969,5 мың адамға қосымша 21 250 теңге төленді.

"Осы бағыттағы жұмыс жалғасып жатыр. Жақын арада ақшалай қаражат азаматтардың шоттарына аударылады", - деп хабарлады еңбек және халықты әлеуметтік қорғау министрлігі.

Бұған дейін хабарланғандай, 2020 жылдың шілдесінде Мемлекеттік әлеуметтік сақтандыру қорынан біржолғы төлем алған қазақстандықтарға карантиннің ұзартылуына байланысты қосымша ақы автоматты түрде тағайындалады. Қайта өтініш берудің қажеті жоқ.

Карантин ұзартылғаннан кейін біржолғы төлем тағайындауға алғаш рет өтініш берген азаматтарға төлем 1,5 ең төменгі жалақы немесе 63 750 теңге (42 500 + 21 250 теңге) мөлшерінде тағайындалады.

Өтініш 2020 жылдың 1 қыркүйегіне дейін қабылданады.

Оқи отырыңыз: Ақорданың маңына жиналған бір топ адам кредиттің кешірілуін талап етті 

Айта кетейік, шілде айына 42 500 теңге мөлшерінде біржолғы төлем тағайындауға азаматтардан 2,4 миллионнан астам өтініш қабылданды. Төлем 2 миллион 201 мың адамға тағайындалып, оның 2 миллион 182 мыңына ақша түсті.   

Ал 42 500 теңге төлем алуға өтінімдер бірнеше жолмен қабылданады. 2,4 миллионнан астам өтінімнің ішінде 835,5 мың адам проактивті форматта төлем тағайындауға келісім берді.

"Тағы 621,4 мың адам Egov.kz порталы және telegram-боттар, 358,7 мың адам 42500.enbek.kz порталы, 634,8 мың адам екінші деңгейлі банктердің мобильдік қосымшалары мен интернет-ресурстары арқылы өтініш берген", - деп нақтылады ведомство.

385
Тақырып бойынша
Қазақстанда 1 тамыздан бастап не өзгереді
"Қалай құдайдан қорықпайды?": Әбілдина кімге сенуге болмайтынын айтты
Депутат 42 500 теңге төлеуге қатысты тың ұсыныс жасады
Министрлік тамыз айында кімдер 63 мың теңге алатынын айтты
Қазақстанда қанша адамға 21 250 теңге берілетіні белгілі болды