Дәрігерлер

Ауруханада жатқан министр Біртанов желіде дәрігерлер туралы жазба жариялады

2974
Министр қазақстандық дәрігерлер қазіргі қиын кезеңде басқа түскен ауыртпалықты жеңе алатынына сенетінін айтты

НҰР-СҰЛТАН, 19 маусым – Sputnik. Қазақстанның денсаулық сақтау министрі Елжан Біртанов медицина қызметкерлерін кәсіби мерекесімен құттықтады, деп хабарлайды Sputnik Қазақстан.

Министр коронавирус індеті кезінде барлық медицина қызметкері патриоттық сезіммен, жоғары жауапкершілікпен, кәсіби біліктілігін көрсетіп, еңбек етіп жатқанын атап өтті.

"Қазір сіздер аянбай әр пациенттің өмірін сақтап қалудасыздар. Алдарыңызға көмек сұрап келген адам ғана медицина қызметкерлерінің науқасқа деген ерекше мейірімін, әр пациентке мұқият қарайтын қасиеті мен шеберлігін көреді, сезеді. Тәулік бойы, мереке күні де алдыңғы шепте жүрген барлық медицина қызметкеріне шексіз алғыс айтқым келеді", - деп жазды Біртанов әлеуметтік желідегі жеке парақшасында.

Ол ақхалаттылар қазіргі қиын кезеңде басқа түскен ауыртпалықты жеңе алатынына сенетінін айтты.

"Мен бұған қазір әріптестерімнің қолында емделіп жатып, тағы көз жеткіздім – олар өз ісінің кәсіби шебері", - деді министр.

Біртановтың айтуынша, соңғы жылдары отандық медицинада көп нәрсе түбегейлі өзгерді. Атап айтқанда, медицина ғылымы мен ақпараттық технологиялар дамып, жаңа жоғары технологиялық орталықтар бой көтерді.

Жуырда аз уақыт ішінде, небәрі екі аптада үлкен мегаполистерде жұқпалы аурулар ауруханасы салынды.

Тағы оқыңыз: COVID–19: сынама оң нәтиже көрсетсе, не істеу керек?

Сонымен қатар, ол Халық денсаулығы туралы кодекс президенттің қол қоюына жіберілгенін еске салды. Құжатта президенттің тапсырмасымен медицина қызметкерінің мәртебесін арттыру, құқықтары мен мүдделерін қорғау жөніндегі нормалар бар.

"Тағы да атап өткім келеді, қазір, ең бастысы – елімізде пандемияға қарсы күресті жалғастыру қажет, ал біз бірге оны міндетті түрде жеңеміз!", - деді ведомство басшысы.

Қазақстанда медицина қызметкері күні маусым айының үшінші жексенбісінде аталып өтеді.

Еске салсақ, 14 маусымда денсаулық сақтау министрі Елжан Біртанов коронавирус жұқтырғанын хабарлады. Қазір ол елордадағы жұқпалы аурулар ауруханасында емделіп жатыр. Дәрігерлердің айтуынша, оның жағдайы қалыпты, "пневмония" диагнозы қойылған.

2974
Кілт сөздер:
мереке, медицина, Елжан Біртанов
Тақырып бойынша
Онлайн-емхана: дәрігер мен пациент үшін қаншалықты тиімді
Тоқаевтың тапсырмасы: дәрігердің еңбекақысы орташа жалақыдан 2,5 есе артық болады
Дәрігер Қазақстанда вирус жұқтырғандар неліктен көбейіп жатқанын айтты
Дәрігер жұртты донор болуға қатысты ұстанымын тірі кезінде білдіріп кетуге үндеді
Телефонмен сөйлесіп тұрған медицина қызметкері

Медициналық көмек көрсететін 18 ұйымның бір жарым мыңнан астам кемшілігі анықталды

66
Мамандар анықталған кемшіліктердің басым көпшілігі жеке төленетін консультациялық-диагностикалық қызметтерді көрсетумен байланысты екенін айтады

НҰР-СҰЛТАН, 27 қыркүйек – Sputnik. Тұрғындарға көрсетілген медициналық қызметтердің сапасына тексеріс жүргізу нәтижесінде, Түркістан облысында 18 жеткізушінің көрсеткен қызметінен 1 167 түрлі кемшілік анықталды. Бұл туралы "Әлеуметтік медициналық сақтандыру қоры" АҚ Түркістан облысы бойынша филиалының сарапшылары мәлімдеді.

Қор филиалының медициналық сапасын мониторингтеу бөлімінің басшысы Галима Төреханованың айтуынша, осы күндері мемлекеттік тегін медициналық көмек кепілдігі шеңберінде және МӘМС пакеті бойынша жеткізушілер көрсеткен қызметтердің сапасы мен көлеміне мониторинг жүргізіліп жатыр.

"Маусым-шілде айының қортындысы бойынша тұрғындарға медициналық көмек көрсету кезінде 18 жеткізушінің көрсеткен қызметі тексеріліп, нәтижесінде 1 167 түрлі кемшілік анықталды. Жалпы, медициналық ұйымдарға салынған айыппұл сомасы 9,6 миллион теңгені құрады", – делінген хабарламада.

Қор өкілдері бүгінгі таңда алдымен жеткізушілер тұрғындарға тиісті   медициналық қызметтерді көрсететінін айтады.

"Көрсетілген қызмет сапасы мен көлеміне қарай қор сарапшылары тарапынан мониторинг жүргізіледі. Егер кемшіліктер анықталмаса, ақысы төленеді, ал кемшіліктері болса тиісті ережелерге сәйкес айыппұл салынады", – дейді Төреханова.

Қандай кемшіліктер жиі кездеседі

Анықталған кемшіліктердің басым көпшілігі жан басына шаққандағы нормативке кірмейтін, жеке төленетін консультациялық-диагностикалық қызметтерді көрсетумен байланысты. Яғни, шілде айында пациенттер қызметтің осы түрін алғандығы ақпараттық жүйелерге енгізілген.

Жалпы, өңірлер арасында кемшілік фактілері Қостанай, Алматы облысы мен Алматы қаласында жиі кездеседі. Ал Павлодар, Жамбыл, Ақмола облысында кемшілік аз анықталған.

Оқи отырыңыз: Нұр-Сұлтанда медициналық көмек қалай көрсетіледі – дәрігер жағдайды түсіндірді

Айта кетейік, медициналық сақтандыру қорының ұйымдастырған кері байланысы қоғамдық бақылау жүргізіп, пациенттің құқығын қорғауда және медициналық ұйымдарды тәртіпке келтіруде септігін тигізіп жатыр. Шағым немесе өтініш беру үшін 1406 телефонына немесе Qoldau 24/7 мобильді қосымшасы арқылы хабарласуға болады.

66
Кілт сөздер:
кепілдендірілген тегін медициналық көмек, медициналық сақтандыру
Тақырып бойынша
Сағынтаев: халық әлі сапалы медициналық көмек ала алмай отыр
Сенат Байқоңыр тұрғындарына медициналық көмек көрсету туралы келісімді қабылдады
Тегін медициналық көмек пакеті қайта қаралады
Қазақстандықтар 1 сәуірден МӘСҚ аясында медициналық көмек алады
Назарбаев Сағынтаевқа: медициналық қызмет нашарлап, білім алу қымбаттап барады
коронавирус

Денсаулық министрлігі екі тәулікте қанша адам қайтыс болғанын жариялады

1000
Қазіргі уақытта коронавирустық инфекциядан 3 335 адам ем қабылдауды жалғастырып жатыр, олардың арасында 45 бала бар

НҰР-СҰЛТАН, 27 қыркүйек — Sputnik. Қазақстанда соңғы екі тәулікте коронавирус пен пневмониядан тоғыз адам қайтыс болды, деп хабарлады денсаулық сақтау министрлігі.

Министрлік таратқан ақпаратқа сәйкес, соңғы екі тәулікте коронавирустан жеті адам, ал пневмониядан екі адам қайтыс болған.

Қазіргі уақытта коронавирустық инфекциядан 3 335 адам ем қабылдауды жалғастырып жатыр. Олардың арасында 45 бала бар. Стационарларда 1 808 науқас, 1 527 адам амбулаториялық жағдайда емделуде.

"Жалпы, науқастардың арасында 91 адамның ахуалы нашар. Соның ішінде 15 адамның жағдайы аса ауыр деп бағалануда. 22 науқас жасанды тыныс алдыру аппаратына қосылған", - делінген хабарламада.

Өткен тәулікте  64 адамнан коронавирус анықталса, 229 адам пневмонияға шалдыққан.

Жалпы, наурыздан бері 107 723 адам коронавирустық инфекция жұқтырып, 1 722 адам қайтыс болды.

Ал 1 тамыздан бері коронавирус белгілері бар пневмонияға 32 452 адам шалдығып, 349 науқас көз жұмды.

1000
Кілт сөздер:
коронавирус
Тақырып:
Коронавирус эпидемиясы