Түркия көрінісі

"Қазақстандықтардан басқа ешкім жоқ": Түркия шекараны ашты

1821
Шекара ашылғаннан кейін, Түркияға алғаш болып демалуға қазақстандықтар ұшып келді. Оларды жергілікті тұрғындар құшақ жая қарсы алған

НҰР-СҰЛТАН, 22 маусым – Sputnik. Әуе қатынасы жанданғаннан кейін Антальяға демалуға келген алғашқы шетелдік туристер қазақстандықтар болды.

Сенбі күні курортқа жүзден астам жолаушы мінген ұшақ қонды, туристердің бір бөлігі бос тұрған қонақ үйлерге жайғасқан.

"Қазақстаннан Түркияға алғашқы халықаралық рейс ұшып келді. Бұл жерде бізден басқа шетелдік туристер әзірге жоқ. Негізгі контингент – бұл Қазақстан, жақында тағы Украинадан ұшып келеді. Қазір, негізінен, жергілікті тұрғындар демалып жатыр", - деді туристік агенттіктің менеджері Наталья Ботина.

Посмотреть эту публикацию в Instagram

Публикация от ✈️ Наталья Ботина (@natasha.poehala)

Әуежайда жолаушылардың дене қызуы өлшенеді, анкета толтырады. Ботинаның айтуынша, қонақ үйлер 20-30%-ке толған.

Менеджер коронавирустың таралуына байланысты "швед дастарқаны" мен  all inclusive (бәрі қамтылған) жүйесі өзгеріп кеткенін айтты.

Санитарлық шаралар күшейіп, қызмет көрсетудің әдеттегі тәсілдері өзгерген, деп түсіндірді ол.

"Биыл Түркияда "бәрі қамтылған" жүйесі өзгерді. Қазір бұрынғыдай табағыңызға тамақ толтырып әкете алмайсыз. Таңдағаныңызды салып береді. Тағамды сенсорлы гаджет арқылы таңдауға болады. Аспазшылардың қолында – қолғап. Адамдар арасындағы қашықтыққа байланысты да шектеулер бар", - деді Наталья.

Посмотреть эту публикацию в Instagram

Публикация от @armashka_pilot

Коронавирус пандемиясы қонақ үйлердің бөлмелерін тазалау процедурасына да өзгеріс енгізді. Барлық нөмір дезинфекцияланып, әрбірі бір сағат бойы өңделеді.

Ht.kz туристік агенттігінің директоры Максим Банин Sputnik Қазақстанға берген сұқбатында Алматыдан Антальяға алғашқы рейспен 200-ден аса адам ұшып шыққанын мәлімдеді.

"Ұшақ 90%-ке толды. Нұр-Сұлтаннан 190-нан астам адам ұшты. Әуе кемесі 85%-ке толды. Ұшақ борттарында ересектер де, балалар да болды", - деді ол.

Посмотреть эту публикацию в Instagram

Публикация от 24/7.kz Турагентство Астана (@247.kz_astana)

Банин елдегі жағдайды өз көзімен көріп, баға беру үшін Алматыдан шыққан ең алғашқы рейспен ұшып келген.

Түркияда, егер туристердің дене қызуы 38 градустан жоғары болса, карантин бөлмесіне жібереді. Онда оларды дәрігерлер тексеріп, ПТР-тест тапсырады.

Тағы оқыңыз: Пандемия кезіндегі демалыс: қай елдер туристерді қабылдауға дайын

"Егер COVID-19 тесті оң нәтиже көрсетсе, жолаушылар 14 күнге карантинге жабылады. Сақтандыру компаниясы бұл жағдайларды бақылауға алып, туристердің шығынын міндетті сақтандыру аясында өтейді. Бұл сақтандыру барлық туристік пакеттің ішіне қосылған", - деді ол.

Айта кетсек, Қазақстан 20 маусымнан халықаралық әуе қатынасын жандандырды. Енді қазақстандықтар Түркия, Қытай, Оңтүстік Корея, Таиланд, Грузия және Жапонияға ұша алады.

1821
Кілт сөздер:
Түркия, туристер
Архивтегі фото

Коронавирустан бір аптада 28 адам қайтыс болды

7
Қазақстанда өткен аптада коронавирус инфекциясынан болатын өлім-жітім алдыңғы аптамен алыстырғанда азайды

НҰР-СҰЛТАН, 22 қыркүйек – Sputnik. 14-20 қыркүйек аралығында Қазақстанда коронавирус инфекциясынан 28 адам көз жұмды, деп хабарлады COVID-19 індетін таратпау жөніндегі ведомствоаралық комиссия.

Бір апта ішінде қанша адам қайтыс болды  

  • Алматы қаласы – 2,
  • Шымкент қаласы – 1,
  • Атырау облысы – 5,
  • Шығыс Қазақстан облысы – 6,
  • Жамбыл облысы – 3,
  • Батыс Қазақстан облысы – 4,
  • Қарағанды облысы – 3,
  • Қостанай облысы – 1,
  • Маңғыстау облысы – 1,
  • Павлодар облысы – 1,
  • Солтүстік Қазақстан облысы – 1.

Салыстыру үшін айтсақ, бұдан алдыңғы аптада індет 37 қазақстандықтың өмірін жалмаған еді.

Ресми мәлімет бойынша, Қазақстанда барлығы 1 699 адам қайтыс болды.

7
Кілт сөздер:
коронавирус
Тақырып:
Коронавирус эпидемиясы
Тақырып бойынша
Министрлік қатаң карантин қандай жағдайда енгізілетінін айтты
Ғалымдар коронавирусқа қарсы дәрінің өлімге әкеп соғатын қаупін анықтады
Ракпен ауыратын қазақстандықтарға емді тоқтату ұсынылды
Қазақстанда коронавирусты қайта жұқтырғандар бар ма?
Өзбекстанның вице-премьері қайтыс болды
Air Astana ұшағы

Қазақстандықтар 26 қыркүйектен бастап Мәскеуге ұша алады

14
Барып-келу үшін билетке 91 800 теңге төлеу керек. Бірінші рейсті 26 қыркүйек күні Air Astana әуе компаниясы орындайды

АЛМАТЫ, 22 қыркүйек – Sputnik. 26 қыркүйектен бастап Нұр-Сұлтан – Мәскеу (Домодедово) бағыты бойынша әуе рейстері қайта жанданады. Қазақстандық Air Astana әуе компаниясының баспасөз қызметі жолаушылардың Boeing 767 әуе лайнері арқылы ұшатынын хабарлады.

Әуе компаниясының ресми хабарламасына сәйкес, алғашқы ұшақ сенбіде ұшады, ал кейінгі рейстер тек сәрсенбіде орындалады. Билет құны екі жаққа 91 800 теңгеден басталады.

Компания рейсті тек Ресей мен Қазақстан азаматтары, сондай-ақ Қазақстанда тұруға ықтиярхаты бар адамдар ғана пайдалана алатынын атап өтті.

Оқи отырыңыз: Польша Қазақстанмен әуе қатынасын қайта қалпына келтіретін болды 

Әуе компаниясының мәліметінше, Ресейге барған шетел азаматтары ұшудан 72 сағат бұрын ПТР-тест тапсыруы қажет.

Ресейліктер келген кезде сауалнама толтырып, келген сәттен бастап үш күн ішінде тест тапсыруы керек. Ресей астанасы арқылы үшінші елге транзитке уақытша тыйым салынған.

Билеттерді Air Astana ресми сайтынан алуға болады.

Айта кетейік, қазір Қазақстан үшін кейбір елмен тұрақты рейстер, сондай-ақ эвакуациялық рейстер ашылды.

Тұрақты халықаралық рейстер

21 қыркүйектегі жағдай бойынша Қазақстан тікелей әуе қатынасын қайта бастаған елдердің тізіміне Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея кіреді.

Украинаға тұрақты рейстер аптасына екі рет орындалады, бірақ қазақстандықтарға кіруге шектеу қойылған.

14
Кілт сөздер:
ұшақ, Нұр-Сұлтан, Мәскеу
Тақырып бойынша
Қырғызстанға ұшуға рұқсат берілді: алғашқы рейске билеттер сатылып кетті
Алматыға ұшқалы тұрған: Павлодарда ұшаққа найзағай түсті
Қазақстаннан Ресейге ұшатын рейстерге билет сатып алғанда нені білу керек?
Қазақстанда кімдер тегін ұша алатыны белгілі болды