Мүгедектерге арналған арба

"Әкімдік жертөлесі мәйітхана болсын": Алматыда мүгедектер жаңа талап қойды

340
(Жаңартылды 10:20 24.06.2020)
Арбаға таңылғанмен, құқығымызды таптатпаймыз деген мүмкіндігі шектеулі жандар әділдік орнайтынына сенгісі келеді

НҰР-СҰЛТАН, 24 маусым – Sputnik. Алматыдағы мүмкіндігі шектеулі жандар орталығының ауласында карантин кезінде мәйітхана ашылған, деп хабарлайды КТК арнасы.

Мүмкіндігі шектеулі жандар күн сайын мүрде әкелініп, иіс шығатындықтан далаға серуендеуден қалған. Одан бөлек, коронавирус жұқтырамыз ба деген жанайқайына атқамінерлер құлақ аспайтынына қапалы. Әкімдіктегілер жағдайдан хабардар екенін айтып, мәйітхана дауына байланысты өз жауаптарын мәлімдеді.

Наурыз айында ашылған мәйітханада күнде тыным жоқ. Мүрденің бірін әкеледі, екіншісін әкетеді. Ал онымен бір ғимаратта орналасқан мүмкіндігі шектеулі жандар орталығындағылар қайтерін білмей отыр. Онсыз да ауыр сынақты еңсеріп, енді сынбау үшін осында сергуге, емделуге келгенде, мәйітті алуға жеткен жақындардың зарынан ұнжырғасы түседі.

"Көріп тұрсыз, қазірдің өзінде келіп, бір адамды алып кетіп жатыр. Не деген сұмдық?! Мәйітхананы әкімдікке, қала әкімдігінің жертөлесіне апарып қойсын, көрсін, сол жерде болсын, иіскесін! Мәйітхана сол жерде болсын!", - дейді "ЕРЗИ" мүгедектер қауымдастығының президенті Ербол Игембергенов.

Ал қолқаны қабатын иіс мәйітхана ашылғаннан кейін пайда болған. Неге екені белгісіз, мұнда "мәйітхана" деген тақтайша атымен жоқ. Құдды бір астыртын істеп жатқандай.

"Коронавирус та қиын ғой. Ағзамыз әлсіз, біз тез жұқтырамыз. Мәйітхананың кесірінен сыртқа да шыға алмаймыз. Басқа жаққа апарса, біздің ең бірінші, жоғары жаққа қойып отырған талабымыз сол", - дейді қауымдастық мүшесі Жанар Иназымбаева.

Өткенге деген өкініші өксігін басқан, енді жаңа өмірге қадам басуға дайын жігері мықтылар осы орталықта бас қосқан. Түрлі дене жаттығуын жасап, қолөнермен айналысады. Ашылғанына екі жыл болып, енді еңсені тіктейміз дегенде, іргеде мәйітхананың ашылуы оларды есеңгіретіп жіберген.

Олар бөлмелерінің терезесін ашса, сырттан жағымсыз иіс келеді. Далаға да шыға алмайды. Бұл жағдайдан әкімдіктегілер де хабардар. Бірақ арна тілшілерінің сауалына қысқа ғана "алдағы уақытта проблеманы шешеміз" деп жауап берген.

Оқи отырыңыз: Депутаттар мүгедек баласы бар ата-аналарға жалақы төлеуді ұсынды

Қалалық әкімдіктен қайыр болмаса, орталық мүшелері арашаны ел президентінен сұрамақ. "Мүгедек болғанымызбен, мүсіркеуге жол бермейміз" дегендер ақырына дейін күресуге бел буған. Арбаға таңылғанмен, құқығын таптатпайтындар әділдік орнайтынына сенгісі келеді.

340
Кілт сөздер:
Алматы, мүгедектер
Тақырып бойынша
Бес сағат бойы азаптады: Алматыда мүгедек қызды зорлаған азғын ұсталды
Ақтөбедегі жаға ұстатарлық қылмыс: туысы мүгедек қызды екі жыл бойы зорлап келген
Тірідей жанып кетер еді: 72 жастағы қария мүгедек әйелін өлімнен құтқарды
Мүгедек балаларды азаптаған: Павлодарда орталық қызметкерлері сотталды – видео
Нұр-Сұлтанда көпбалалы және мүгедек баласы бар аналар пәтер талап етті
Дәрі-дәрмектер мен емдік шаралар

Коронавирус пен тұмау: денсаулық министрлігі күзде не болатынын болжады

4075
(Жаңартылды 18:06 10.08.2020)
Ресми өкілдің сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар

НҰР-СҰЛТАН, 10 тамыз – Sputnik. Қазақстанда жыл сайын вирустық инфекциялар мен тұмауға 1 миллионға жуық адам шалдығады. Күзде оған коронавирус та қосылуы мүмкін. Бұл туралы денсаулық сақтау министрлігінің ресми өкілі Бағдат Қожахмет мәлімдеді, деп хабарлайды Sputnik Қазақстан тілшісі.

"Биыл күзде коронавирус күшейеді деген болжам бар. Сол кезде жіті респираторлық вирустық инфекциялар мен тұмаудың маусымы басталады. Соның аясында коронавирустың жаңа толқыны болады деген болжам бар", - деді Қожахмет орталық коммуникациялар қызметінде өткен онлайн брифингте.

Оның айтуынша, соңғы 5-7 жылдың ішінде Қазақстанда қазан мен наурыз аралығында ЖРВИ мен тұмауға шалдыққандардың жалпы саны 600 мыңнан бастап 1 миллион адамға дейін барған.

"Демек, осы жолы да ЖРВИ мен тұмауға шалдығатындар аз болмайды. Оған коронавирустық инфекция да қосылуы мүмкін", - деп атап көрсетті Қожахмет.

Оның сөзіне қарағанда, бүгінде ең пессимистік болжамдар негізге алынады. Соның арқасында денсаулық жүйесін барынша дайындап қоюға мүмкіндік бар.

Дәрі-дәрмек қорына қатысты мәселе қалай шешілуде

Министрліктің ресми өкілі дәрі-дәрмектің қорына да тоқталды. Оның сөзіне қарағанда, "СК-Фармация" ЖШС жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленеді.

Оқи отырыңыз: Денсаулық вице-министрі коронавирустың екінші толқыны туралы айтты

Ал  амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмыстары аяқталуға жақын. Ол препараттар 1 миллион пациентке жетеді. Тегін дәрілердің ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Бұның барлығы емхана арқылы таратылады.

4075
Кілт сөздер:
тұмау, коронавирус
Тақырып:
Коронавирус эпидемиясы
Тақырып бойынша
Билік коронавирустан қайтыс болғандардың нақты санын жасырып отыр ма?
Коронавирус пен пневмония: мыңдаған адамның өлімі статистикаға неге енгізілмеді
Коронавирусқа қарсы ресейлік вакцина балаларға қашан салынатыны айтылды
Министрлік парацетамол орнына қолдануға болатын дәрілер тізімін жариялады
Цой: солтүстік жарты шарда тұмау ауруы белең алып барады
Дәріхана, архивтегі сурет

Министрлік тегін дәрі алу үшін не істеу керек екенін айтты

118
(Жаңартылды 17:43 10.08.2020)
Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды

НҰР-СҰЛТАН, 10 тамыз – Sputnik. Денсаулық сақтау министрлігі коронавирусқа қарсы тегін дәрілерді тарату мерзімін жариялады, деп хабарлайды Sputnik Қазақстан тілшісі. 

Министрліктің ресми өкілі Бағдат Қожахметтің айтуынша, амбулаторлық деңгейде, яғни, үйде ем алатын науқастарға арналған тегін дәрінің бес түрін сатып алу жұмысы аяқталуға жақын. Ол препараттар 1 миллион пациентке жетеді. 

"Мұндай шаралар алғаш рет қабылданып отыр. Вирус жұқтырдым деп күдіктенсеңіз, тіркелген емханаңызға қаралуға болады. Егер вирус жұқтырғаныңыз анықталса, бұрынғыдай дәріхана жағалап жүрмей-ақ қойыңыз. Барлық емханада қажетті дәрі-дәрмек бар және тегін беріледі", - деді Қожахмет орталық коммуникациялар қызметінде өткен онлайн брифингте. 

Оның сөзіне қарағанда, аурудың алдын алуға арналған "Парацетамол", "Ибупрофен", сондай-ақ, тағы үш коагулянт аптаның соңына дейін барлық емханаға жеткізіледі. Кейін ол дәрілер науқастарға тегін таратылады. 

Айта кетейік, 15 шілдеде денсаулық сақтау министрлігі жанындағы бірлескен комиссия клиникалық хаттаманың 10-шы редакциясына тағы түзету енгізді. Дәрігерлер "Гидроксихлорохин" және "Лопинавир"  сияқты препараттарды алып тастауға шешім қабылдапты. Себебі шетелдік ғалымдар бұл дәрілерді коронавирусқа қарсы қолданған тиімсіз деген қорытындыға келген. 

Соңғы хаттамаға коронавирустан амбулаториялық деңгейде, яғни үйде емделу үшін дене қызуын басатын дәрілер мен инъекциялық емес антикоагулянттар да қосылды. Олардың ішінде "Парацетамол", "Ибупрофен", "Ривароксабан", "Апиксабан" мен "Дабигатран" деген препараттар бар. Үйде емделетін науқастар үшін осы дәрі-дәрмектің бәрі тегін таратылады. Ал барлық шығын медицининалық сақтандыру қорының есебінен өтеледі.

Министрліктің ресми өкілі Бағдат Қожахметтің айтуынша, ауруханада емделетін науқастар үшін де ем-дом бар. Коронавирус пен оған ұқсас пневмонияға шалдыққан пациенттерге дәрі-дәрмектің бір айлық қоры сатып алынды. 

"Қазіргі кезде осы жұмысқа жауапты бірыңғай дистрибьютор ("СК-Фармация" ЖШС - Sputnik) жалпы құны 8,7 миллиард теңге болатын 91 түрлі дәрі-дәрмекті аймақтарға жіберді. Бұл препараттар орташа есеппен 40 мың науқасқа жетеді. Бес күннен кейін, яғни 15 тамыздан бастап тағы екі айға жететін қор әзірленуде. Атап айтқанда, стационарда 200 мың науқасты емдеуге жететін дәрі-дәрмектің 50 түрі жеткізіледі", - деп атап көрсетті Қожахмет.

118
Кілт сөздер:
денсаулық, дәрі
Тақырып:
Коронавирус эпидемиясы
Тақырып бойынша
COVID-19: денсаулық министрлігі жағымды жаңалықты бөлісті
Қауіпті синдром – балаларда анықталып жатқан дерт туралы ақпарат жарияланды
Қытайда соңы өлімге әкелетін жаңа вирус тарала бастады
Алматыда тағы бір модульді аурухана салынып жатыр
42 500 теңгені төлеу ережесіне өзгерістер енгізілді
Кісен, архивтегі сурет

Ресей Қазақстанға ұйымдасқан топ құрған адамды тапсырды

0
Есірткі Қазақстанға поштамен жіберілген. Бизнесті ұйымдастырушы құжаттарды қолдан жасағаны белгілі болды

НҰР-СҰЛТАН, 10 тамыз - Sputnik. Ресей Қазақстанға есірткі контрабандасымен айналысатын трансұлттық ұйымдасқан топты құрған Қазақстан азаматы Стас Ларинды берді. Бұл туралы Ресейдің бас прокуратурасының баспасөз қызметі. 

Ол қылмыстық кодекстің 264-бабы 1-бөлігі (трансұлттық ұйымдасқан топты құру, жетекшілік ету)
286-бабы 4-бөлігі (есірткі және психотроптық заттар контрабандасы), 297-бабы 4-бөлігі (есірткі және психотроптық заттарды заңсыз сату және сақтау) және 385-баптың 2-бөлігі (жалған құжат қолдан жасау) бойынша айыпталып отыр.

Ларин 2016 жылы есірткі контрабандасымен айналысатын трансұлттық ұйымдасқан топ құрған. 2017 жылдың қазан айына дейін жетекшілік етті.

Ларин 2019 жылдың желтоқсанында Новосибирск  облысында ұсталды. Жуырда Стас Ларин арнайы конвоймен Қазақстанға жеткізілді.

0