Нұрсұлтан Назарбаев

Назарбаев COVID-19 жұқтырды: Елбасының денсаулығына қатысты ақпарат шықты

4497
(Жаңартылды 16:29 24.06.2020)
Елбасының баспасөз хатшысы әлеуметтік желіде Нұрсұлтан Назарбаевтың денсаулығы туралы ақпарат жариялады

НҰР-СҰЛТАН, 24 маусым - Sputnik. Елбасының баспасөз хатшысы Айдос Үкібай әлеуметтік желіде Нұрсұлтан Назарбаевтың денсаулығы туралы жазба қалдырды.

Оның айтуынша, соңғы күндері бұқаралық ақпарат құралдары тарапынан Елбасы денсаулығына қатысты сауал көп болған.

"Нұрсұлтан Назарбаев өзін жақсы сезініп жүр. Дәрігірлердің барлық кеңесін орындайды. Оқшаулаудан әлі шыққан жоқ. Өкінішке қарай, Қазақстанның тұңғыш президенті Жеңістің 75 жылдығына арналған парадқа қатыса алмады. Елбасы парадты тікелей эфир арқылы көрді", - деп жазды Үкібай.

Айта кетейік, бүгін Мәскеудің Қызыл алаңында Жеңістің 75 жылдығына арналған парад ұйымдастырылған болатын. Оған Қазақстан президенті Қасым-Жомарт Тоқаев қатысты. 

Ал еліміздің қарулы күштерінің 36-шы десанттық-шабуылдаушы бригадасының мерекелік тобы Қызыл алаңмен жүріп өтті. Оларды бригада командирі, подполковник Ұлан Нұрғазиев бастап шықты.

4497
Кілт сөздер:
денсаулық, Елбасы, коронавирус, Назарбаев
Тақырып:
Коронавирус эпидемиясы (1095)
Тақырып бойынша
Тоқаев Путиннің Екінші дүниежүзілік соғыс туралы мақаласын жоғары бағалады
Назарбаевтың қорынан тағы кімдерге 50 мың теңгеден берілетіні белгілі болды
Жеңіс парады: Тоқаев қазақстандық әскерилерге құрмет көрсетті - видео
Қырғызстан президенті Мәскеуге ұшып барғанымен Жеңіс парадына қатысқан жоқ
Қостанай облысының әкімі коронавирус жұқтырды
Отшашу, архивтегі фото

Карантин кезінде отшашу жасау заңды ма ішкі істер министрлігі жауап берді

202
Бас санитар дәрігердің қаулысында жазылған талаптар бұзылса ғана жеке және заңды тұлғалар жауапқа тартылады, деп түсіндірді вице-министр Калайчиди

НҰР-СҰЛТАН, 7 шілде – Sputnik. Ішкі істер министрінің орынбасары Алексей Калайчиди карантин кезінде отшашу ұйымдастыруға қатысты пікір білдірді, деп хабарлайды Sputnik Қазақстан тілшісі.  

Оның айтуынша, бас санитар дәрігердің қаулысын бұзғаны үшін жауапкершілік қарастырылған.

"Ол жаза Әкімшілік құқық бұзушылық туралы кодекстің 425-бабында көрсетілген. Демек, қаулыда жазылған талаптар бұзылса ғана жеке және заңды тұлғалар жауапқа тартылады. Ал осы құжатта отшашуға тыйым салу жайында жазылмаған", - деді Калайчиди бүгінгі онлайн брифингте.

Ол Нұр-Сұлтан қаласында кешегі фейерверкті тамашалаған адамдар да жауапқа тартылмағанын атап өтті.

"Отшашуды тамашалағаны үшін бірде-бір адам жауапқа тартылған жоқ. Фейерверкті көргені үшін жауапкершілік қарастырылмаған. Санитар дәрігердің қаулысында көрсетілген талаптар бұзылса ғана жаза қолданылады. Егер ондай жағдайлар анықталса, онда заңды түрде адамды жауапқа тарту мәселесін көтеруге болады. Ал ондай себеп болмаса, жазаға тарта алмаймыз", - деп түсіндірді Калайчиди.

Айта кетейік, бұған дейін 6 шілде күні елорда күнін тойлау отшашумен аяқталған болатын. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желі қолданушылары пандемия кезінде отшашу жасау орынсыз екенін айтып, наразылық білдірді.

Оқи отырыңыз: Нұр-Сұлтан әкімдігі пандемия кезіндегі отшашуды түсіндірді 

Нұр-Сұлтан әкімдігі пандемия кезіндегі отшашуға қатысты сынға жауап берді. Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады. Сондай-ақ, қала тұрғындарының көңіл-күйін көтеруге тырысқан.

Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ. Ал Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

202
Кілт сөздер:
отшашу, карантин
Тақырып:
Коронавирус эпидемиясы (1095)
Тақырып бойынша
Пневмония эпидемиясы: коронавирус қайда кетті?
"Бұған жол беруге болмайды": Тоқаев жұртты алаңдатқан мәселе туралы айтты
Нұр-Сұлтанда дәрі-дәрмекке қатысты жедел желі іске қосылды
"Кеш қалдыңыздар": дәрігер қазақстандықтардың ең басты қателігін атады
"Ненің құрметіне?!": Димаш шенеуніктерге неге шүйлікті
Парацетамол

Тоқаев ел азаматтарын дүрбелеңге салынбауға шақырды

143
Мемлекет басшысы әлеуметтік желіде халықты дәрі-дәрмекпен қамтамасыз ету жұмысы жалғасып жатқанын мәлімдеді

НҰР-СҰЛТАН, 7 шілде – Sputnik. Құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Бұл туралы Қазақстан президенті Қасым-Жомарт Тоқаев айтты.

"Менің тапсырмам бойынша құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Халықты дәрі-дәрмекпен қамтамасыз ету жұмысы жалғасуда", - деп жазды Тоқаев Twitter-де.

"Ел азаматтарын дәрі тапшылығын туғызып, дүрбелеңге салынбауға шақырамын", - деп толықтырды мемлекет басшысы.

Оқи отырыңыз: Дәрі-дәрмекті заңсыз сатқандарға қандай жаза қарастырылған?

Өткен жексенбіде президент азаматтар аса қажетті дәрі-дәрмектердің негізсіз қымбаттауына байланысты шағымданып жатқанын хабарлаған болатын. "Пандемия кезінде бұған жол беруге болмайды", - деп атап өтті ол. Мемлекет басшысы үкімет пен құқық қорғау органдарына аталған мәселені реттеуді тапсырып, кінәлілерді жауапқа тартуға уәде берді.  

143
Кілт сөздер:
дәрі-дәрмек, Қасым-Жомарт Тоқаев
Тақырып:
Коронавирус эпидемиясы (1095)
Тақырып бойынша
Министр коронавирустан емделетіндердің басты қателігін атады
Алматыда парацетамол мен термометр тапшылығы мәселесі қалай шешілді?
Денсаулық министрі алыпсатарлар қанша табыс тауып жатқанын айтты
Шымкентте тегін таратылуы тиіс дәрілерді ұрлаған сатушы ұсталды
Нұр-Сұлтанда дәрі-дәрмекке қатысты жедел желі іске қосылды
Үш айға жететін дәрі-дәрмекті бір аптада сатып алды – облыс әкімі