Еңбек және халықты әлеуметтік қорғау министрі Біржан Нұрымбетов

"167 мың теңге алатындар бар": министр жәрдемақы туралы айтты

9801
(Жаңартылды 12:26 25.06.2020)
Осы күндері елімізде 1 миллион 600 мың баланың бәріне бірдей 10 500 теңгеден жәрдемақы тағайындалды

НҰР-СҰЛТАН, 25 маусым – Sputnik. Еңбек және халықты әлеуметтік қорғау министрі Біржан Нұрымбетов көпбалалы отбасыларға табысына қарамай төленетін жәрдемақы туралы айтты, деп хабарлайды Sputnik Қазақстан тілшісі.

"Былтыр атаулы әлеуметтік көмек мәселесі өте маңызды болды. Халық табысты есептемесе болар еді, алты айдың жәрдемақысын төлеп алып, есебін сұрамаса екен деді. Біз өз тарапымыздан еңбекке жарамды азаматтар жұмыс істеген абзал дедік. Осының бәрін ескеріп, былтыр өзгерістер енгіздік", - деді Нұрымбетов бүгін онлайн форматта өткен халық алдындағы есеп беру кездесуінде.

Осы орайда министр төрт және одан көп кәмелеттік жасқа толмаған балалары бар отбасыларға табысына қарамастан, арнайы жәрдемақы енгізілгенін еске салды.

"Бұндай жәрдемақы 2018 жылға дейін болған еді. Бірақ ол жерде төрт бала бола ма, он бала бола ма, барлығына бірдей 10,5 мың теңге төленетін. Қазір әр балаға 11 мың теңгеден астам шығып отыр", - деп атап көрсетті Нұрымбетов.

Ресми мәліметке сәйкес, республика бойынша 396 мың көпбалалы отбасылар жаңа жәрдемақы алып отыр. Төлем 1 миллион 600 мың балаға тағайындалды.

"Мысалы, төрт бала болса, 44 500 теңге, бес балаға - 56 000 теңгедей, он бала болса, 111 000 теңге шығады. Солтүстік Қазақстанда он бес бүлдіршінді тәрбиелеп отырған жанұямыз бар. Олар ай сайын 167 000 теңге алып тұрады", - дейді Нұрымбетов.

Оқи отырыңыз: Сегіз және одан көп баласы бар аналарға төленетін жәрдемақы бекітілді

9801
Кілт сөздер:
жәрдемақы 2018, жәрдемақы
Тақырып:
Жәрдемақы қалай төленеді (59)
Тақырып бойынша
Жәрдемақы көбейеді – сенат ардагерлер туралы заңды қабылдады
Көпбалалы отбасыларға арналған жәрдемақы: Тоқаев заңға қол қойды
Төтенше жағдай кезінде жәрдемақы кімге және қалай төленеді
Қазақстанның көпбалалы аналарына 93,9 млрд теңге жәрдемақы төленді
Ресейде шілде айында балаларға тағы да жәрдемақы төленетін болды
Отшашу, архивтегі фото

Карантин кезінде отшашу жасау заңды ма ішкі істер министрлігі жауап берді

248
Бас санитар дәрігердің қаулысында жазылған талаптар бұзылса ғана жеке және заңды тұлғалар жауапқа тартылады, деп түсіндірді вице-министр Калайчиди

НҰР-СҰЛТАН, 7 шілде – Sputnik. Ішкі істер министрінің орынбасары Алексей Калайчиди карантин кезінде отшашу ұйымдастыруға қатысты пікір білдірді, деп хабарлайды Sputnik Қазақстан тілшісі.  

Оның айтуынша, бас санитар дәрігердің қаулысын бұзғаны үшін жауапкершілік қарастырылған.

"Ол жаза Әкімшілік құқық бұзушылық туралы кодекстің 425-бабында көрсетілген. Демек, қаулыда жазылған талаптар бұзылса ғана жеке және заңды тұлғалар жауапқа тартылады. Ал осы құжатта отшашуға тыйым салу жайында жазылмаған", - деді Калайчиди бүгінгі онлайн брифингте.

Ол Нұр-Сұлтан қаласында кешегі фейерверкті тамашалаған адамдар да жауапқа тартылмағанын атап өтті.

"Отшашуды тамашалағаны үшін бірде-бір адам жауапқа тартылған жоқ. Фейерверкті көргені үшін жауапкершілік қарастырылмаған. Санитар дәрігердің қаулысында көрсетілген талаптар бұзылса ғана жаза қолданылады. Егер ондай жағдайлар анықталса, онда заңды түрде адамды жауапқа тарту мәселесін көтеруге болады. Ал ондай себеп болмаса, жазаға тарта алмаймыз", - деп түсіндірді Калайчиди.

Айта кетейік, бұған дейін 6 шілде күні елорда күнін тойлау отшашумен аяқталған болатын. Отшашу орталық саябақ, ботаника бағы және Пушкин мен Абылайхан көшелерінің қиылысынан атылды. Әлеуметтік желі қолданушылары пандемия кезінде отшашу жасау орынсыз екенін айтып, наразылық білдірді.

Оқи отырыңыз: Нұр-Сұлтан әкімдігі пандемия кезіндегі отшашуды түсіндірді 

Нұр-Сұлтан әкімдігі пандемия кезіндегі отшашуға қатысты сынға жауап берді. Мәдениет басқармасы отшашу арқылы коронавирус пандемиясымен күресіп жатқан медицина қызметкерлерін қолдағысы келгенін хабарлады. Сондай-ақ, қала тұрғындарының көңіл-күйін көтеруге тырысқан.

Нұр-Сұлтан қаласында Жеңіс күніне арналған отшашу COVID-19 инфекциясына байланысты ұйымдастырылған жоқ. Ал Ұлыбританияның патшайымы екінші Елизавета 2020 жылдың сәуірінде 94 жасқа толды. Ол коронавирусқа байланысты дәстүрлі отшашуды ұйымдастыруды орынсыз деп тапты.

248
Кілт сөздер:
отшашу, карантин
Тақырып:
Коронавирус эпидемиясы
Тақырып бойынша
Пневмония эпидемиясы: коронавирус қайда кетті?
"Бұған жол беруге болмайды": Тоқаев жұртты алаңдатқан мәселе туралы айтты
Нұр-Сұлтанда дәрі-дәрмекке қатысты жедел желі іске қосылды
"Кеш қалдыңыздар": дәрігер қазақстандықтардың ең басты қателігін атады
"Ненің құрметіне?!": Димаш шенеуніктерге неге шүйлікті
Парацетамол

Тоқаев ел азаматтарын дүрбелеңге салынбауға шақырды

166
Мемлекет басшысы әлеуметтік желіде халықты дәрі-дәрмекпен қамтамасыз ету жұмысы жалғасып жатқанын мәлімдеді

НҰР-СҰЛТАН, 7 шілде – Sputnik. Құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Бұл туралы Қазақстан президенті Қасым-Жомарт Тоқаев айтты.

"Менің тапсырмам бойынша құқық қорғау органдары дәрі-дәрмектің бағасын заңсыз қымбаттатқан адамдарды ұстап жатыр. Халықты дәрі-дәрмекпен қамтамасыз ету жұмысы жалғасуда", - деп жазды Тоқаев Twitter-де.

"Ел азаматтарын дәрі тапшылығын туғызып, дүрбелеңге салынбауға шақырамын", - деп толықтырды мемлекет басшысы.

Оқи отырыңыз: Дәрі-дәрмекті заңсыз сатқандарға қандай жаза қарастырылған?

Өткен жексенбіде президент азаматтар аса қажетті дәрі-дәрмектердің негізсіз қымбаттауына байланысты шағымданып жатқанын хабарлаған болатын. "Пандемия кезінде бұған жол беруге болмайды", - деп атап өтті ол. Мемлекет басшысы үкімет пен құқық қорғау органдарына аталған мәселені реттеуді тапсырып, кінәлілерді жауапқа тартуға уәде берді.  

166
Кілт сөздер:
дәрі-дәрмек, Қасым-Жомарт Тоқаев
Тақырып:
Коронавирус эпидемиясы
Тақырып бойынша
Министр коронавирустан емделетіндердің басты қателігін атады
Алматыда парацетамол мен термометр тапшылығы мәселесі қалай шешілді?
Денсаулық министрі алыпсатарлар қанша табыс тауып жатқанын айтты
Шымкентте тегін таратылуы тиіс дәрілерді ұрлаған сатушы ұсталды
Нұр-Сұлтанда дәрі-дәрмекке қатысты жедел желі іске қосылды
Үш айға жететін дәрі-дәрмекті бір аптада сатып алды – облыс әкімі